2 Kɔrɩntɩ Nɩaa 7:9 - WƖA TENIŊ

⁹ Lɛɛlɛ mɩ tʋɔŋ tɔrɔ nɛ, ʋ saa bɩ naga mɩ sɩ leŋe ma tʋɔŋ chei wɩaa nɛ tɩɩ, ama tʋɔ-chei-la sɩ leŋe ma bɩrɩma lɩɩ ma wʋbɔŋŋɔɔ lɛ nɛ tɩɩ. Ma tʋɔ-chei-la ŋaa wɩɩ Wɩa sɩ cho nɛ, ŋɩɩ wɩaa la bɩ wʋbɔŋ kala ŋaa ma kʋŋkala lɛ.

2 Kɔrɩntɩ Nɩaa 7:9 ပူးပေါင်းရင်းမြစ်များ

WƖA YƖƖLAA 38:18

Mɩ dagɛ mɩ wʋbɔŋŋɔɔ pɩŋ nɛ, ba wɩaa ka walɩmɛmɛ nɛ woruŋ.

TƖƖCHA 7:3

Tʋɔ-cheeŋ nɛ kpɩa mɔmʋŋ, bɛɛ wɩaa tʋɔ-cheeŋ jaŋ wuo leŋ nɩaa gʋnnɛ wʋjɩmɩŋ.

ZƐKARƖYA 12:10

Mɩ jaŋ joŋ mɩ Dɩma hɛ Devit doho nɩaa arɩ Jerusalɛm nɩaa lɛ, dɩ ba fɩfá nɩaa nenige aŋ chʋchʋɔlɛmɛ. Ba jaŋ bibeŋ mɩ-na nɩɩ-la ba sɩ tɔbɔ, a yel mɩ lɛ a nagɛ nɩa sɩɩ yel ʋ bii-bala lɛ. Ba tʋɔŋ jaŋ faasa chei a nagɛ nɩa tʋɔŋ sɩ cheye ʋ bii-bumbuŋ sʋʋŋ lɛ.

Matiu 3:8

Máa ŋaa wɩalɩŋ sɩ jaŋ dagɛ arɩ ma bɩrɩma lɩɩ ma wʋbɔŋŋɔɔ lɛ nɛ,

Luuk 15:10

Ŋɩɩ nɛ Yesu bʋl, “Mɩ jaŋ bʋla pɩma arɩ ŋɩɩ tɩtɩa nɛ, dɩ wʋbɔŋ ŋaaraa kʋbala nɛ bɩrɩma lɩɩ ʋ wʋbɔŋŋɔɔ lɛ, Wɩa tɩndaaraa yie jʋjʋɔsɛ nɛ.”

Luuk 15:32

Ama ʋ maga dɩ la gbieli gbiele a leŋ dɩ la tʋɔŋ tɔrɛ nɛ, bɛɛ wɩaa ʋ nagɛ ŋ ŋaana deeŋ fa sʋba nɛ aŋ sii. Ʋ fa lɛlɛ nɛ, ka la lɛɛlɛ naʋ.’ ”

Luuk 15:7

Yesu dagɛ namaga-la bʋbʋɔŋ a bʋl, “Dɩ wʋbɔŋ ŋaaraa kʋbala ma nɛ bɩrɩma lɩɩ ʋ wʋbɔŋŋɔɔ lɛ, nɩalɩŋ sɩ hɛ Wɩa-jaŋ lɛ, ba tʋɔŋ jaŋ tɔrɛ. Ba tʋɔŋ jaŋ tɔrɛ nɩa deeŋ nyuŋ a kɩɩ nɩaa mahɩŋ banɛsɛ arɩ fii arɩ nibi-la sɩ kɛŋ tʋɔpʋla a bɩra bɩ maga dɩ ba bɩrɩma lɩɩ ba wʋbɔŋŋɔɔ lɛ.

Tɩntɩŋŋaa 20:21

Mɩ bʋla pɩ Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa kala arɩ sɩɩfɩɛsɩŋ dɩ ba bɩrɩma lɩɩ ba wʋbɔŋŋɔɔ lɛ aŋ kʋ to Wɩa, a laa La Tɩɩna Yesu wɩaa dii.

2 Kɔrɩntɩ Nɩaa 1:12

Lɛɛlɛ la jaŋ wuo bigisi la tɩtɩa lɛ, bɛɛ wɩaa la tʋɔbɩɩnaa daga arɩ la wʋŋaalaa kala zɔmɔ nʋʋkala teeŋ nɛ dʋnɩa deeŋ lɛ. Wɩɩkala la sɩ ŋaa ma teeŋ, la ŋaa wɩalɩŋ sɩɩ to Wɩa wombiiŋ nɛ aŋ pɛ ŋaa wʋtɩtɩɩ-la Wɩa sɩɩ chɛ. Nuhuobiine wʋjɩmɩŋ lɛ dee la to a ŋɩŋaa wɩalɩŋ, ama Wɩa doluŋ lɛ nɛ la ŋaaba.

2 Kɔrɩntɩ Nɩaa 2:16

Nɩalɩŋ sɩ lɛlɛ teeŋ, tʋlaalɩɩ-la sʋɔraa kpʋba nɛ. Ama nɩalɩŋ Wɩa sɩɩ laa ta teeŋ, tʋlaalɩɩ-la sʋɔra ka pɩba mɩɩsɩŋ nɛ. Kʋbɛɛ nɛ saa maga dɩ ʋ tɩŋ tɩntɩmɩŋ deeŋ?

2 Kɔrɩntɩ Nɩaa 7:8

Teŋ-la mɩ sɩ ŋmʋnsa pɩma leŋe ma tʋɔŋ chei nɛ. Dɩ ma tʋɔŋ nɛ cheye ma, mɩ-na tʋɔŋ bɩ cheye. Mɩ tʋɔŋ fa chei mʋa nɛ teŋ-la wɩaa, ama mɩ jɩma arɩ ma tʋɔŋ bɩ jaŋ chei a dieni.