2 Kɔrɩntɩ Nɩaa 7:8 - WƖA TENIŊ

⁸ Teŋ-la mɩ sɩ ŋmʋnsa pɩma leŋe ma tʋɔŋ chei nɛ. Dɩ ma tʋɔŋ nɛ cheye ma, mɩ-na tʋɔŋ bɩ cheye. Mɩ tʋɔŋ fa chei mʋa nɛ teŋ-la wɩaa, ama mɩ jɩma arɩ ma tʋɔŋ bɩ jaŋ chei a dieni.

2 Kɔrɩntɩ Nɩaa 7:8 ပူးပေါင်းရင်းမြစ်များ

JEMBIEE 3:32

Ʋ yie wuo leŋ nɩa na hɛɛŋ, ka ʋ bɩra fá ʋ nisusuŋ. Ʋ chono-la sɩ bɩ dɛrɛ yʋga kɩŋkɛŋ.

Jɔɔŋ 16:6

Mɩ sɩ bʋl wɩaa deemba pɩma lɛɛlɛ ŋ-la, ma tʋɔŋ chaasa chei nɛ.

Jɔɔŋ 21:17

Ŋɩɩ nɛ Yesu bɩra pɩɛsʋ torimuŋ, “Jɔɔŋ nanʋala Saamɔŋ, ŋ chomi nɛɛ?” Yesu sɩ pɩɛsʋ torimuŋ lɛ ŋɩɩ, ʋ tʋɔŋ chei. Ŋɩɩ nɛ Pɩɩta bʋla pʋ, “Mɩ Tɩɩna, ŋ jɩŋ wɩɩkala nɛ, ŋ jɩma arɩ mɩ choŋ nɛ.” Ŋɩɩ nɛ Yesu bɩra bʋla pʋ, “Beŋ mɩ nɩaa nyuŋ, arɩ pie-daara sɩ yie beŋ ʋ piesee nyuŋ ŋɩɩ.

2 Kɔrɩntɩ Nɩaa 7:11

Má bee na wɩalɩŋ sɩ ŋaa ma lɛ a tɩŋ Wɩa sɩ leŋe ma tʋɔŋ chei. Lɛɛlɛ ma fɩɛsɛ sɩɩŋ nɛ a kɛŋ ma tɩtɩa hɛ dɔŋɔ dɩdagɛ arɩ ma bɩ wɩɩ cheye. Ma na baanɩŋ nɛ a tɩŋ wʋbɔmɔ-la ma sɩ ŋaa wɩaa. Fawʋllʋŋ kɛmma. Ma chomi nɛ a fɩɛsɛ sɩɩŋ dɩ ma namɛ. Ma kɛŋ ma tɩtɩa hɛ dɔŋɔ dɩ ma dɔgɩsɛ nɩɩ-la sɩ ŋaa wʋbɔmʋŋ nɛ ma tʋɔŋ. Ma daga arɩ ma bɩ wɩɩkala cheye wɩɩ-la lɛ.

2 Kɔrɩntɩ Nɩaa 7:12

Ŋɩɩ wɩaa teŋ-la mɩ sɩ ŋmʋnsa, ʋ bɩ naga arɩ nɩɩ-la sɩ ŋaa wɩaa chei nɛ tɩɩ mɩ ŋmʋnsɛ. Mɩ bɩra bɩ ŋmʋnsa pɩ nɩɩ-la sɩ na hɛɛŋ a tɩŋ ba sɩ ŋaa wɩɩ-la cheyu lɛ. Ama mɩ ŋmʋnsa nɛ dɩ ma dagɛ Wɩa sɩpaaŋ arɩ ma chola nɛ.

2 Kɔrɩntɩ Nɩaa 7:6

Ŋɩɩ nɛ la naambie kʋbala baa yɩrɛ Taatɩs kɔ la teeŋ. Ʋ sɩ kɔ ŋɩɩ, la tʋɔŋ tɔrɛ nɛ woruŋ. Wɩa nɛ pɩla tʋɔtɔrʋŋ deeŋ. Ʋ nɛ yie ŋaa nɩalɩŋ tʋɔŋ sɩ cheye na tʋɔtɔrʋŋ.

2 Kɔrɩntɩ Nɩaa 7:7

Ʋ sɩ kɔ ŋɩɩ dʋndʋŋa dee bɩ leŋe la tʋɔŋ tɔrɛ. Ʋ bʋla pɩla arɩ ma kɛnʋ woruŋ nɛ ʋ ma tʋɔŋ tɔrɛ. Ʋ bɩra bʋla pɩla arɩ ma cho dɩ ma namɛ nɛ, a bɩra bʋla pɩla arɩ wɩɩ-la mɩ sɩ bʋla pɩma ŋaa ma tʋɔŋ faasa chei nɛ, a bɩra bʋla pɩla arɩ ma cho mɩ wɩaa nɛ. Wɩaa deemba leŋe mɩ tʋɔtɔrʋŋ wasa yʋgɛ nɛ.

2 Kɔrɩntɩ Nɩaa 7:9

Lɛɛlɛ mɩ tʋɔŋ tɔrɔ nɛ, ʋ saa bɩ naga mɩ sɩ leŋe ma tʋɔŋ chei wɩaa nɛ tɩɩ, ama tʋɔ-chei-la sɩ leŋe ma bɩrɩma lɩɩ ma wʋbɔŋŋɔɔ lɛ nɛ tɩɩ. Ma tʋɔ-chei-la ŋaa wɩɩ Wɩa sɩ cho nɛ, ŋɩɩ wɩaa la bɩ wʋbɔŋ kala ŋaa ma kʋŋkala lɛ.

Jɔɔŋ Wʋnaalaa 3:19

Dɩ nɩalɩŋ mɩ sɩ cho nɛ ŋaa wɩɩ chei, mɩ yie dagɛba nɛ a kɛmba bil wombiiŋ lɛ. Ŋɩɩ wɩaa, má fɩɛsɛ sɩɩŋ a bɩrɩma lɩɩ ma wʋbɔŋŋɔɔ lɛ.