2 Kɔrɩntɩ Nɩaa 7:7 - WƖA TENIŊ

⁷ Ʋ sɩ kɔ ŋɩɩ dʋndʋŋa dee bɩ leŋe la tʋɔŋ tɔrɛ. Ʋ bʋla pɩla arɩ ma kɛnʋ woruŋ nɛ ʋ ma tʋɔŋ tɔrɛ. Ʋ bɩra bʋla pɩla arɩ ma cho dɩ ma namɛ nɛ, a bɩra bʋla pɩla arɩ wɩɩ-la mɩ sɩ bʋla pɩma ŋaa ma tʋɔŋ faasa chei nɛ, a bɩra bʋla pɩla arɩ ma cho mɩ wɩaa nɛ. Wɩaa deemba leŋe mɩ tʋɔtɔrʋŋ wasa yʋgɛ nɛ.

2 Kɔrɩntɩ Nɩaa 7:7 ပူးပေါင်းရင်းမြစ်များ

WƖA YƖƖLAA 141:5

Leŋ dɩ tʋɔpʋl tɩɩna nɛ ŋmoomi, aŋ kɛmmɛ tʋra kɩɩ, ŋɩɩ nɛ zɔmɔ pɩmɛ. Ama mɩ bɩ chɛ dɩ nɩbɔŋŋɔɔ-na dagɛmɛ wɩɩkala. Mɩ sʋl Wɩa hɩhɛ ba wʋbɔmɔ-la lɛ nɛ bʋa na-kala.

WƖA YƖƖLAA 30:5

Dɩ ʋ baanɩŋ nɛ sie, ʋ bɩ dieni. Ama ʋ chonuŋ-na bɩ dɛrɛ. Ŋ jaŋ wuo yel tɩtaŋɩŋ, ama taŋ jaŋ pʋpʋl dɩ tʋɔtɔrʋŋ bɩra kɔ.

WƖA YƖƖLAA 38:18

Mɩ dagɛ mɩ wʋbɔŋŋɔɔ pɩŋ nɛ, ba wɩaa ka walɩmɛmɛ nɛ woruŋ.

WƖA YƖƖLAA 51:1

Wɩa, ŋ chonuŋ sɩ bɩ dɛrɛ wɩaa, mɩɩ sʋlʋŋ, fá mɩ nenige. Ŋŋ fá nɩaa nenige kɩŋkɛŋ nɛ. Mɩɩ sʋlʋŋ, joŋ mɩ wʋbɔmɔ-la chɛmɛ.

Matiu 26:75

Pɩɩta liisi wɩɩ-la Yesu sɩ bʋla pʋ arɩ ʋ jaŋ nyɩɛ wɩaa a pʋ naansɩɩŋ butori, ŋɩɩ nɛ ʋ lɩɩ a faasa yel.

Matiu 5:4

Wɩa jaŋ pɛ nɩalɩŋ sɩɩ yel lɛ. Ʋ jaŋ leŋ dɩ ba tʋɔŋ pɩŋ dɩ-bala.

Luuk 22:44

Ʋ tʋɔŋ fa faasa chei nɛ woruŋ. Ŋɩɩ nɛ ʋ chʋɔlɛ Wɩa arɩ sɩɩfɩɛsɩŋ, ʋ suoluŋ paala nagɛ chalɩŋ a tutuu tinteeŋ.]

Tɩntɩŋŋaa 11:23

Ʋ sɩ mʋa, ʋ na ŋɩɩ Wɩa sɩ pɛ nɩalɩŋ lɛ. Ʋ tʋɔŋ tɔrɛ. Ʋ bʋl wɩaa nyaasɛ ba nyuŋ woruŋ dɩ ba kɛŋ wʋtɩtɩɩ a to La Tɩɩna Yesu arɩ ba tʋɔŋ kala.

Rom Tɩŋŋaa 1:12

Wɩɩ-la mɩ sɩɩ bʋl nɛ ŋ-la: La jaŋ pɩpɛ dɔŋɔ lɛ. Mɩ sɩ laa Wɩa dii ŋɩɩ jaŋ leŋ dɩ ma nyuŋ nyaasɛ. Ma ma sɩ laa Wɩa dii ŋɩɩ jaŋ leŋ dɩ mɩ ma nyuŋ nyaasɛ.

1 Kɔrɩntɩ Nɩaa 5:2

Ɛɛ nɛ saa ma jaŋ wuo ŋaa a bigisi ma tɩtɩa lɛ? Ʋ maga dɩ ma tʋɔŋ chei nɛ, ka dɩ ma lɩɩsɛ nɩɩ-la sɩ ŋaa ŋɩɩ a ta ma tʋɔŋ.

2 Kɔrɩntɩ Nɩaa 1:14

arɩ ma sɩ jɩmba mʋa ŋɩɩ, ma jaŋ kʋ jɩmba a mʋ dɛrɛ, dɩ ma wuo bigisi la lɛ arɩ la sɩ jaŋ bigisi ma lɛ ŋɩɩ tapʋlɩɩ-la La Tɩɩna Yesu sɩ jaŋ mɩɩra kɔ.

2 Kɔrɩntɩ Nɩaa 1:4

Dɩ wɩaa nɩɩ walɩmɛla, ʋ yie pɛ la lɛ nɛ a leŋ la tʋɔŋ tɔrɛ. Ʋ sɩ yie ŋaa la tʋɔŋ tɔrɛ ŋɩɩ, la ma yie ŋaa la naambiiriŋ ma wɩaa sɩɩ walɩmʋ tʋɔŋ tɔrɛ ŋɩɩ nɛ. Wɩa joŋ tʋɔtɔrʋŋ nɛ pɩla, ŋɩɩ nɛ tɩɩ la ma pɛ la naambiiriŋ lɛ dɩ ba ma na tʋɔtɔrʋ-la doho.

2 Kɔrɩntɩ Nɩaa 2:9

Ŋ-la wɩaa nɛ tɩɩ mɩ ŋmʋnsɛ teniŋ pɩma, dɩ mɩ na dɩ ma jaŋ wuo to wɩɩkala mɩ sɩ bʋla pɩma.

2 Kɔrɩntɩ Nɩaa 5:2

La sɩ hɛ la mɩɩsɩŋ deeŋ lɛ, la faasa yel nɛ. La fa cho dɩ la kɛŋ yara-la Wɩa sɩ jaŋ joŋo pɩla nɛ.

2 Kɔrɩntɩ Nɩaa 7:6

Ŋɩɩ nɛ la naambie kʋbala baa yɩrɛ Taatɩs kɔ la teeŋ. Ʋ sɩ kɔ ŋɩɩ, la tʋɔŋ tɔrɛ nɛ woruŋ. Wɩa nɛ pɩla tʋɔtɔrʋŋ deeŋ. Ʋ nɛ yie ŋaa nɩalɩŋ tʋɔŋ sɩ cheye na tʋɔtɔrʋŋ.

2 Kɔrɩntɩ Nɩaa 7:8

Teŋ-la mɩ sɩ ŋmʋnsa pɩma leŋe ma tʋɔŋ chei nɛ. Dɩ ma tʋɔŋ nɛ cheye ma, mɩ-na tʋɔŋ bɩ cheye. Mɩ tʋɔŋ fa chei mʋa nɛ teŋ-la wɩaa, ama mɩ jɩma arɩ ma tʋɔŋ bɩ jaŋ chei a dieni.

2 Kɔrɩntɩ Nɩaa 8:16

Mɩɩ lɔllɛ Wɩa nɛ kɩŋkɛŋ, ʋ sɩ leŋe Taatɩs choma arɩ mɩ ma sɩ choma ŋɩɩ.

Fɩlɩpa Nɩaa 1:20

Wɩɩ-la mɩ sɩɩ chɛ kɩŋkɛŋ arɩ wɩɩ-la mɩ sɩɩ yɩɛlɛ nɛ ŋ-la: Mɩ bɩ jaŋ kɔ dɩ mɩ ŋaa wɩɩ a mʋ tɩgɛ tɩntɩmɩɩ-la mɩ sɩɩ tɩŋ lɛ dɩ hɩɩsɩŋ diimi, ama a suomi jɩnɩŋ a kaa mʋ, bʋa na-kala lɛ, mɩ jaŋ kɛŋ nyuduoŋ a bʋl Wɩa wɩaa. Dɩ sʋʋŋ nɛ koo waaŋ nɛ, mɩ jaŋ tɩŋ Kirisito tɩntɩmɩɩ-la, dɩ ʋ yɩrɩŋ yɩrɛ.

Koloosi Nɩaa 2:5

Mɩ tuo ma teeŋ, ama mɩɩ bɩɩnɛ ma wɩaa nɛ, a nagɛ mɩ hɛ ma teeŋ. Mɩ tʋɔŋ tɔrɔ nɛ ma sɩ laa Yesu dii a fɩɛlɛ ma yaraa a chɩŋ kpaŋ kpaŋ.

1 Tɛsalonaaka Nɩaa 3:6

Ama lɛɛlɛ Timoti sɩ lɩɩ ma teeŋ kɔ, ʋ kɛŋ wʋzɔŋ nɛ kʋ bʋla pɩla. Ʋ bʋla pɩla arɩ ma chɩŋ wɩalɩŋ ma sɩ laa dii lɛ nɛ a cho nɩaa ma. Ʋ bɩra bʋla pɩla arɩ ma yie liliisi la wɩaa nɛ woruŋ bʋa na-kala lɛ, a fa cho dɩ ma nala, arɩ la ma sɩ cho dɩ la nama ŋɩɩ.

1 Tɛsalonaaka Nɩaa 3:8

Lɛɛlɛ-na la wiese nɛ a tɩŋ ma sɩ chɩŋ La Tɩɩna wɩalɩŋ lɛ.

Hiburu TƖŊŊAA 2:1

A tɩŋ wɩɩŋ deeŋ wɩaa, ʋ maga dɩ la kɛŋ wɩalɩŋ la sɩ nɩa woruŋ, dɩ wɩɩkala sɩ́ leŋe dɩ la mɩɩrɛ harɩŋ.

Jeems 5:17

Má na baal kʋbala baa yɩrɛ Ɩlaaja. Ʋ ma fa nagɛla nɛ. Ʋ faasa sʋl Wɩa arɩ sɩɩfɩɛsɩŋ dɩ duonuŋ sɩ́ nɩɩ. Duonuŋ sɛnɛ bɩ nɩa jɩsɩŋ batori arɩ chɛnsɩŋ balɩdʋ.

2 Jɔɔŋ 1:4

Mɩ tʋɔŋ tɔrɔ kɩŋkɛŋ mɩ sɩ na arɩ ŋ biiriŋ dɔnsʋŋ to wʋtɩtɩɩ-la lɛ, arɩ la Nyɩmma Wɩa sɩ dagɛla ŋɩɩ.

Juud 1:3

Mɩ nandɔŋ-chooloo, mɩ fa cho dɩ mɩ ŋmʋnsɛ teniŋ pɩma nɛ, a bʋl wɩaa a tɩgɛ ŋɩɩ Wɩa sɩ laa la dɩ ma kala ta lɛ. Ama mɩ na dɩ ʋ maga dɩ mɩ ŋmʋnsɛ teniŋ deeŋ a sʋlma dɩ ma kala luloo woruŋ a tɩŋ wɩalɩŋ la sɩ laa dii wɩaa. Wɩa joŋ wɩalɩŋ hɛ ʋ nɩaa nɩsɩŋ lɛ bala nɛ.