2 Kɔrɩntɩ Nɩaa 7:6 - WƖA TENIŊ

⁶ Ŋɩɩ nɛ la naambie kʋbala baa yɩrɛ Taatɩs kɔ la teeŋ. Ʋ sɩ kɔ ŋɩɩ, la tʋɔŋ tɔrɛ nɛ woruŋ. Wɩa nɛ pɩla tʋɔtɔrʋŋ deeŋ. Ʋ nɛ yie ŋaa nɩalɩŋ tʋɔŋ sɩ cheye na tʋɔtɔrʋŋ.

2 Kɔrɩntɩ Nɩaa 7:6 ပူးပေါင်းရင်းမြစ်များ

AZAAYA 12:1

Dɩ tapʋlɩɩ-la nɛ yie, ma jaŋ bʋl, “Mɩ jaŋ dɛnnɩŋ La TƖƖNA, ŋ fa paala na baanɩŋ nɛ mɩ nyuŋ, ama ŋ leŋe ŋ baaŋ-la fɩɛlɛ nɛ, aŋ ŋaa mɩ tʋɔŋ pɩŋ dɩ-bala.

AZAAYA 51:12

La TƖƖNA sɩ, “Mɩ-na nɛ Nɩɩ-la sɩ nyagɛ ma bɔyɛ. Ka ma mɩɩra fɩfá nuhuobiine sɩɩ sʋʋ a nagɛ yaŋ a bɩ dɩ-pɛsɩɩ kala kɛnɛ.

AZAAYA 57:15

Mɩ nɛ kɩɩ kʋŋkala a ŋaa Wɩa sɩ bɩ disiniŋ kɛnɛ. Mɩ hɛ nɩmɛ nɛ a kaa mʋ wuu. Mɩ hɛ wɩa-nyuŋ dɩ-bolii sɩ bɩ disiniŋ kɛnɛ nɛ. Ama mɩ ha yie guoli nɩalɩŋ sɩ kɛŋ ba tɩtɩa muuri a bɩrɩma lɩɩ ba wʋbɔŋŋɔɔ lɛ tʋɔŋ nɛ, a leŋ ba kɛŋ yɩɛlaa.

AZAAYA 57:18

Mɩ na wɩalɩŋ kala ma sɩ ŋaa nɛ, ama mɩ ha jaŋ vaarɛma. Mɩ jaŋ laa ma sɩpaaŋ a beŋ ma nyuŋ woruŋ, a nyagɛ nɩalɩŋ kala sɩɩ yel bɔyɛ.

JƐRƖMAAYA 31:13

Hatoloo jaŋ gʋa dɩ ba tʋɔŋ tɔrɛ, a pɛ bapʋɔsaa arɩ banɩhɩasɩŋ lɛ. Mɩ jaŋ leŋ dɩ ba yele bɩrɩmɛ tʋɔtɔrʋŋ. Mɩ jaŋ nyagɛ ba bɔyɛ, a leŋ dɩ ba tʋɔ-chei-la bɩrɩmɛ tʋɔtɔrʋŋ.

Matiu 5:4

Wɩa jaŋ pɛ nɩalɩŋ sɩɩ yel lɛ. Ʋ jaŋ leŋ dɩ ba tʋɔŋ pɩŋ dɩ-bala.

Jɔɔŋ 14:16

Dɩ ma nɩɩ ŋaa ŋɩɩ, mɩ jaŋ sʋl mɩ Nyɩmma dɩ ʋ joŋ ʋ Dɩŋ-zɔmʋŋ pɩma, dɩ ʋ pɩpɛ ma lɛ. Ʋ jaŋ hɛ ma teeŋ a kaa mʋ wuu.

Rom Tɩŋŋaa 15:5

Wɩa nɩɩ pɩ nɩaa kenyiri a leŋ ba nyuŋ nyɩnyaasɛ. Mɩɩ sʋlʋ dɩ ʋ pɛ ma lɛ dɩ ma kɛŋ nii-bala a wuo tuto Yesu Kirisito naabʋɔsʋŋ,

2 Kɔrɩntɩ Nɩaa 7:13

Wɩaa deemba kala leŋe la tʋɔŋ pɩŋ dɩ-bala nɛ. Taatɩs sɩ kɔ ma teeŋ, ma kala nɛ leŋe ʋ tʋɔŋ tɔrɛ woruŋ. Ʋ tʋɔbɩɩnaa ma pɩŋ dɩ-bala. Ŋɩɩ nɛ leŋe la ma tʋɔŋ tɔrɛ.

2 Kɔrɩntɩ Nɩaa 7:14

Mɩ bigisi ma lɛ nɛ ʋ sɩpaaŋ, ma ma bɩ leŋe hɩɩsɩŋ diimi, wɩalɩŋ kala la sɩ bʋla pɩ Taatɩs a tɩgɛ ma lɛ sɩ ŋaa wʋtɩtɩɩba ŋɩɩ. Ŋɩɩ tɩtɩa nɛ wɩalɩŋ kala la sɩ bʋla pɩma sɛnɛ ŋaa wʋtɩtɩɩ.

2 Kɔrɩntɩ Nɩaa 7:7

Ʋ sɩ kɔ ŋɩɩ dʋndʋŋa dee bɩ leŋe la tʋɔŋ tɔrɛ. Ʋ bʋla pɩla arɩ ma kɛnʋ woruŋ nɛ ʋ ma tʋɔŋ tɔrɛ. Ʋ bɩra bʋla pɩla arɩ ma cho dɩ ma namɛ nɛ, a bɩra bʋla pɩla arɩ wɩɩ-la mɩ sɩ bʋla pɩma ŋaa ma tʋɔŋ faasa chei nɛ, a bɩra bʋla pɩla arɩ ma cho mɩ wɩaa nɛ. Wɩaa deemba leŋe mɩ tʋɔtɔrʋŋ wasa yʋgɛ nɛ.

Fɩlɩpa Nɩaa 2:1

Ma sɩɩ to Kirisito, ŋɩɩ leŋe ma nyuŋ nyaasɛ nɛ, ʋ chonuŋ leŋe ma tʋɔŋ pɩŋ dɩ-bala nɛ, Wɩa Dɩŋ-zɔmʋŋ ma leŋ ma ŋaa kʋbala, a kɛŋ zile dɔŋɔ lɛ a fɩfá dɔŋɔba nenige.

1 Tɛsalonaaka Nɩaa 3:2

La tɩŋ la naambie Timoti dɩ ʋ kʋ nama. Ʋ ŋaa la naambii nɛ, a ŋaa la tɩntɩnnɩ dɔŋ ma, a bʋl Wɩa wʋzɔmɔ-la sɩ tɩgɛ Kirisito lɛ a pɩpɩ nɩaa. La tɩmʋ dɩ ʋ kʋ bʋl wɩaa a nyaasɛ ma nyuŋ dɩ ma chɩŋ wɩalɩŋ ma sɩ laa dii lɛ woruŋ,