2 Kɔrɩntɩ Nɩaa 7:4 - WƖA TENIŊ

⁴ Mɩ laama dii nɛ woruŋ. A tɩŋ ma wɩaa nɛ tɩɩ mɩ bibigisi mɩ tɩtɩa lɛ, mɩ nyuŋ kala nyaasɛ. Wɩaa jʋʋla nɛ, ama mɩ tʋɔŋ ha faasa tɔrɛ nɛ.

2 Kɔrɩntɩ Nɩaa 7:4 ပူးပေါင်းရင်းမြစ်များ

Tɩntɩŋŋaa 5:41

Ŋɩɩ nɛ ba lɩɩ nɩalɩŋ fa sɩ hilime teeŋ. Ba tʋɔŋ tɔrɛ arɩ ba sɩ dɔgɩsɛba a tɩŋ Yesu wɩaa.

Rom Tɩŋŋaa 5:3

Ŋɩɩ ma dʋndʋŋa dee, la haa jʋɔsɛ nɛ arɩ hɛɛ-la kala la ha sɩɩ na a tɩŋ Kirisito wɩaa, bɛɛ wɩaa hɛɛ-la jaŋ leŋ dɩ la wuo kɛŋ kenyiri.

1 Kɔrɩntɩ Nɩaa 1:4

Mɩ yie lɔllɛ Wɩa woruŋ a tɩŋ ma wɩaa, bɛɛ wɩaa ʋ to Kirisito Yesu lɛ nɛ a leŋ ma jʋʋ ʋ lahɔrɩmɔ.

2 Kɔrɩntɩ Nɩaa 1:14

arɩ ma sɩ jɩmba mʋa ŋɩɩ, ma jaŋ kʋ jɩmba a mʋ dɛrɛ, dɩ ma wuo bigisi la lɛ arɩ la sɩ jaŋ bigisi ma lɛ ŋɩɩ tapʋlɩɩ-la La Tɩɩna Yesu sɩ jaŋ mɩɩra kɔ.

2 Kɔrɩntɩ Nɩaa 1:4

Dɩ wɩaa nɩɩ walɩmɛla, ʋ yie pɛ la lɛ nɛ a leŋ la tʋɔŋ tɔrɛ. Ʋ sɩ yie ŋaa la tʋɔŋ tɔrɛ ŋɩɩ, la ma yie ŋaa la naambiiriŋ ma wɩaa sɩɩ walɩmʋ tʋɔŋ tɔrɛ ŋɩɩ nɛ. Wɩa joŋ tʋɔtɔrʋŋ nɛ pɩla, ŋɩɩ nɛ tɩɩ la ma pɛ la naambiiriŋ lɛ dɩ ba ma na tʋɔtɔrʋ-la doho.

2 Kɔrɩntɩ Nɩaa 10:8

Dɩ mɩ nɛ faasa bigisi mɩ tɩtɩa lɛ mʋa a mʋ tɩgɛ dol-la Wɩa sɩ joŋo pɩla lɛ, hɩɩsɩŋ bɩ jaŋ kɛmmɛ ŋɩɩ wɩaa, Wɩa joŋo pɩla dɩ la kaa wasɛma nɛ, ʋ bɩ sɩ dɩ la kaa cheima.

2 Kɔrɩntɩ Nɩaa 11:21

Hɩɩsɩŋ kɛmmɛ nɛ mɩ sɩɩ chɛ dɩ mɩ bʋl wɩɩŋ deeŋ. La-na fa bɩ doluŋ kɛnɛ dɩ la ŋaa wɩaa deemba ma lɛ. Ama mɩ haa bʋl wɩaa arɩ nɩyaarɩ nɛ. Dɩ nʋʋ nɩɩ bigisi ʋ tɩtɩa lɛ a tɩŋ wɩɩ wɩaa, mɩ ma jaŋ wuo bigisi mɩ tɩtɩa lɛ a tɩŋ wɩɩ-la wɩaa.

2 Kɔrɩntɩ Nɩaa 2:14

Ama, mɩ haa lɔllɛ Wɩa nɛ. Bʋa na-kala, ʋ yie to Kirisito lɛ nɛ a pɛ la lɛ la wuo yuo dii Sɩtaanɩ. Ʋ yie pɛ la lɛ la wuo bʋl Kirisito wɩaa lee-na kala. Kirisito wʋzɔmɔ-la nagɛ tʋlaalɩɩ sɩɩ sʋɔrʋ nɛ, a sʋɔra laa leriŋ kala.

2 Kɔrɩntɩ Nɩaa 3:12

Laa yɩɛlɛ Wɩa wʋzɔmɔ-la lɛ nɛ. Ŋɩɩ nɛ tɩɩ la chaasa kɛŋ nyuduoŋ aa tɩŋ.

2 Kɔrɩntɩ Nɩaa 7:14

Mɩ bigisi ma lɛ nɛ ʋ sɩpaaŋ, ma ma bɩ leŋe hɩɩsɩŋ diimi, wɩalɩŋ kala la sɩ bʋla pɩ Taatɩs a tɩgɛ ma lɛ sɩ ŋaa wʋtɩtɩɩba ŋɩɩ. Ŋɩɩ tɩtɩa nɛ wɩalɩŋ kala la sɩ bʋla pɩma sɛnɛ ŋaa wʋtɩtɩɩ.

2 Kɔrɩntɩ Nɩaa 8:24

Ŋɩɩ wɩaa, má dagɛ nɩaa deemba arɩ ma sɛnɛ choba nɛ, arɩ ŋɩɩ la sɩ bigisi ma lɛ pɩba, dɩ nɩalɩŋ sɩ laa Yesu wɩaa dii aa hilimi tasɩ-la lɛ na dɩ wʋtɩtɩɩ nɛ.

Fɩlɩpa Nɩaa 1:14

Mɩ sɩ hɛ dɩa-la lɛ pɛ la naambiiriŋ dɔnsʋŋ lɛ nɛ ba wasa chɩŋ La Tɩɩna Yesu wɩalɩŋ ba sɩ laa dii lɛ woruŋ, a kɛŋ nyuduoŋ a bʋbʋl Wɩa wɩaa, a bɩ fawʋllʋŋ ka fá.

Fɩlɩpa Nɩaa 1:20

Wɩɩ-la mɩ sɩɩ chɛ kɩŋkɛŋ arɩ wɩɩ-la mɩ sɩɩ yɩɛlɛ nɛ ŋ-la: Mɩ bɩ jaŋ kɔ dɩ mɩ ŋaa wɩɩ a mʋ tɩgɛ tɩntɩmɩɩ-la mɩ sɩɩ tɩŋ lɛ dɩ hɩɩsɩŋ diimi, ama a suomi jɩnɩŋ a kaa mʋ, bʋa na-kala lɛ, mɩ jaŋ kɛŋ nyuduoŋ a bʋl Wɩa wɩaa. Dɩ sʋʋŋ nɛ koo waaŋ nɛ, mɩ jaŋ tɩŋ Kirisito tɩntɩmɩɩ-la, dɩ ʋ yɩrɩŋ yɩrɛ.

Fɩlɩpa Nɩaa 1:26

Ŋɩɩ wɩaa, dɩ mɩ nɛ mɩɩra kɔ ma teeŋ, ma tʋɔŋ jaŋ tɔrɛ Yesu Kirisito lɛ a tɩŋ mɩ wɩaa.

Fɩlɩpa Nɩaa 2:17

Ama dɩ ba paala kpʋmɛ dɩ mɩ chalɩŋ jaasɛ a nagɛ kʋnyʋalaa Wɩɩsʋlʋŋ a tɩŋ ma sɩ laa Wɩa dii a ŋaa wʋzɔŋŋɔɔ ʋ sɩpaaŋ, mɩ tʋɔŋ jaŋ tɔrɛ dɩ mɩ dɩ ma kala jʋjʋɔsɛ.

Koloosi Nɩaa 1:24

Lɛɛlɛ mɩ tʋɔŋ tɔrɔ hɛɛ-la mɩ sɩ na a pɩma lɛ. Hɛɛ-la mɩ sɩ na ma wɩaa nɛ leŋe Kirisito sɩ na hɛɛ-la nɩalɩŋ sɩ laa ʋ wɩaa dii aa hilimi dɛrɛ. Nɩalɩŋ nɛ ŋaa ʋ yaraa.

1 Tɛsalonaaka Nɩaa 2:19

La yɩɛlaa hɛ ma lɛ nɛ. La tʋɔŋ tɔrɛ ma nyuŋ. Dɩ La Tɩɩna Yesu nɛ mɩɩra kɔ, a tɩŋ ma wɩaa la jaŋ bigisi la tɩtɩa lɛ.

1 Tɛsalonaaka Nɩaa 2:2

Aŋ ka dɩ la-na kɔ ma teeŋ Tɛsalonaaka lɛ, la fa laa sɩpaaŋ na hɛɛŋ nɛ. Ba dɔgɩsɛla woruŋ Fɩlɩpa taŋ-la lɛ. La sɩɩ chɛ la bʋl Wɩa wʋzɔmɔ-la a pɩ ma ma, nɩaa yʋga a lɩɩ la harɩŋ. Ama Wɩa-la la sɩ tɩma pɩpa pɩla nyuduoŋ la wuo bʋl ʋ wʋzɔmɔ-la a pɩma ma.

2 Tɛsalonaaka Nɩaa 1:4

Ŋɩɩ wɩaa dɩ la nɛ bʋl ma wɩaa nɩalɩŋ sɩ laa Yesu wɩaa dii aa hilimi leree dɔnsʋŋ, la yie bigisi ma lɛ nɛ, bɛɛ wɩaa ba to naasɩŋ dɔgɩsɛma nɛ, ma na hɛɛŋ, aŋ ka ma ha nyalɩmɛ a chɩŋ wɩalɩŋ ma sɩ laa dii lɛ.

Fɩlɩmɔŋ 1:7

Mɩ naambii-choolii, ŋ sɩ́ cho Wɩa nɩaa ŋɩɩ, ŋɩɩ ŋaa mɩ ma tʋɔŋ tɔrɛ nɛ kɩŋkɛŋ, mɩ nyuŋ nyaasɛ, bɛɛ wɩaa ŋ leŋe Wɩa nɩaa tʋɔŋ pɩŋ dɩ-bala nɛ.

Jeems 1:2

Mɩ naambiiriŋ, dɩ wʋdoho-na kala nɛ jʋʋma, má leŋ dɩ ʋ ŋaa ma tʋɔtɔrʋ,