2 Kɔrɩntɩ Nɩaa 7:13 - WƖA TENIŊ

¹³ Wɩaa deemba kala leŋe la tʋɔŋ pɩŋ dɩ-bala nɛ. Taatɩs sɩ kɔ ma teeŋ, ma kala nɛ leŋe ʋ tʋɔŋ tɔrɛ woruŋ. Ʋ tʋɔbɩɩnaa ma pɩŋ dɩ-bala. Ŋɩɩ nɛ leŋe la ma tʋɔŋ tɔrɛ.

2 Kɔrɩntɩ Nɩaa 7:13 ပူးပေါင်းရင်းမြစ်များ

Rom Tɩŋŋaa 12:15

Dɩ nɩaa tʋɔŋ nɛ tɔrɔ, ŋ ma leŋ dɩ ŋ tʋɔŋ tɔrɛ, dɩ nɩaa tʋɔŋ nɛ cheye, ŋ ma chɩl ba tʋɔ-cheeŋ wɩaa.

Rom Tɩŋŋaa 15:32

Ka dɩ Wɩa nɛ sɛyɛ, mɩ jaŋ kɔ ma teeŋ arɩ tʋɔtɔrʋŋ, a kʋ wiesi mʋa ma teeŋ.

1 Kɔrɩntɩ Nɩaa 12:26

Dɩ nuhuobiine sɛmɛ dɔŋɔ nɩɩ wɩɩ, ʋ yaraa kala nɩɩ wɩɩ ŋɩɩ, dɩ ba nɛ bɩra bɛsɛ nuhuobiine sɛmɛ dɔŋɔ lɛ, ʋ nandaasɩ-la kala lɛ nɛ ba bɛsɛ ŋɩɩ.

1 Kɔrɩntɩ Nɩaa 16:13

Má pɔ, a chɩŋ wɩalɩŋ ma sɩ laa dii lɛ kpaŋ kpaŋ. Má kɛŋ bɔɩ-duoŋ a kɛŋ doluŋ Wɩa teeŋ.

1 Kɔrɩntɩ Nɩaa 16:18

Ba leŋe mɩ tʋɔŋ pɩŋ dɩ-bala nɛ. Ba jaŋ leŋ dɩ ma ma tʋɔŋ pɩŋ dɩ-bala. Ʋ maga dɩ ma zizil nɩdosunuŋ deemba nɛ.

2 Kɔrɩntɩ Nɩaa 2:13

ama mɩ tʋɔŋ bɩ dɩ-bala pɩna, bɛɛ wɩaa mɩ naambie Taatɩs fa tuo nɩmɛ. Ŋɩɩ nɛ mɩ sii lee-la a mʋ Masidoonia tinteeŋ.

2 Kɔrɩntɩ Nɩaa 2:3

Ŋɩɩ wɩaa nɛ tɩɩ mɩ ŋmʋnsɛ teŋ-la pɩma. Mɩ bɩ chɛ dɩ mɩ kɔ ma teeŋ dɩ ma leŋ dɩ mɩ tʋɔŋ chei, ma nɛ sɩ ŋaa nɩalɩŋ sɩ jaŋ ŋaa dɩ mɩ tʋɔŋ tɔrɛ. Mɩ laa dii arɩ mɩ tʋɔŋ nɛ tɔrɔ, ma ma kala tʋɔŋ jaŋ tɔrɛ.

2 Kɔrɩntɩ Nɩaa 7:14

Mɩ bigisi ma lɛ nɛ ʋ sɩpaaŋ, ma ma bɩ leŋe hɩɩsɩŋ diimi, wɩalɩŋ kala la sɩ bʋla pɩ Taatɩs a tɩgɛ ma lɛ sɩ ŋaa wʋtɩtɩɩba ŋɩɩ. Ŋɩɩ tɩtɩa nɛ wɩalɩŋ kala la sɩ bʋla pɩma sɛnɛ ŋaa wʋtɩtɩɩ.

2 Kɔrɩntɩ Nɩaa 7:15

Dɩ Taatɩs nɛ liisi ŋɩɩ ma sɩɩ to Wɩa niiŋ wɩalɩŋ a chagɛ laaʋ a zilu woruŋ, ŋɩɩ ʋ sɩ choma yie pʋŋaa pɛ nɛ.

2 Kɔrɩntɩ Nɩaa 7:6

Ŋɩɩ nɛ la naambie kʋbala baa yɩrɛ Taatɩs kɔ la teeŋ. Ʋ sɩ kɔ ŋɩɩ, la tʋɔŋ tɔrɛ nɛ woruŋ. Wɩa nɛ pɩla tʋɔtɔrʋŋ deeŋ. Ʋ nɛ yie ŋaa nɩalɩŋ tʋɔŋ sɩ cheye na tʋɔtɔrʋŋ.

Fɩlɩpa Nɩaa 2:28

Ŋɩɩ wɩaa mɩ sɩɩŋ faasa fɩɛsɛ nɛ kɩŋkɛŋ dɩ ʋ kɔ ma teeŋ, dɩ ma naʋ dɩ ma tʋɔŋ bɩra tɔrɛ, dɩ mɩ ma tʋɔbɩɩnaa pɩŋ dɩbala.

2 Timoti 1:16

Ama baal-la ba sɩɩ yɩrɛ Ɔnɩɩsɩfɔrɔs, ʋ nɛ pɛ mɩ lɛ woruŋ a ŋaa mɩ nyuŋ faasa nyaasɛ. Ba sɩ kɛmmɛ kaa tɔ dɩa ŋɩɩ, hɩɩsɩŋ fa bɩ ʋ kɛnɛ a tɩŋ mɩ wɩaa. La Tɩɩna Wɩa jaŋ fá ʋ dɩ ʋ dɩa nɩaa nenige.

Fɩlɩmɔŋ 1:20

Ŋɩɩ wɩaa mɩ naambii, mɩɩ sʋlʋŋ, a tɩŋ La Tɩɩna Yesu wɩaa, ŋaa wɩɩŋ deeŋ pɩmɛ. La sɩ ŋaa naambiiri Kirisito lɛ, leŋ dɩ mɩ tʋɔŋ tɔrɛ.

Fɩlɩmɔŋ 1:7

Mɩ naambii-choolii, ŋ sɩ́ cho Wɩa nɩaa ŋɩɩ, ŋɩɩ ŋaa mɩ ma tʋɔŋ tɔrɛ nɛ kɩŋkɛŋ, mɩ nyuŋ nyaasɛ, bɛɛ wɩaa ŋ leŋe Wɩa nɩaa tʋɔŋ pɩŋ dɩ-bala nɛ.

1 Pɩɩta 3:8

Wɩɩ-la mɩ sɩɩ chɛ dɩ mɩ bʋl wʋkaanɩŋ nɛ ŋ-la: Má kala kɛŋ tʋɔ-bala, má fɩfá dɔŋɔ nenige, má cho dɔŋɔ, bɛɛ wɩaa ma ŋaa naambiiri nɛ, a kɛŋ zile dɔŋɔ lɛ, a kɛŋ ma tɩtɩa muuri dɔŋɔ teeŋ.