2 Kɔrɩntɩ Nɩaa 7:11 - WƖA TENIŊ

¹¹ Má bee na wɩalɩŋ sɩ ŋaa ma lɛ a tɩŋ Wɩa sɩ leŋe ma tʋɔŋ chei. Lɛɛlɛ ma fɩɛsɛ sɩɩŋ nɛ a kɛŋ ma tɩtɩa hɛ dɔŋɔ dɩdagɛ arɩ ma bɩ wɩɩ cheye. Ma na baanɩŋ nɛ a tɩŋ wʋbɔmɔ-la ma sɩ ŋaa wɩaa. Fawʋllʋŋ kɛmma. Ma chomi nɛ a fɩɛsɛ sɩɩŋ dɩ ma namɛ. Ma kɛŋ ma tɩtɩa hɛ dɔŋɔ dɩ ma dɔgɩsɛ nɩɩ-la sɩ ŋaa wʋbɔmʋŋ nɛ ma tʋɔŋ. Ma daga arɩ ma bɩ wɩɩkala cheye wɩɩ-la lɛ.

2 Kɔrɩntɩ Nɩaa 7:11 ပူးပေါင်းရင်းမြစ်များ

NƐHƖMAAYA 13:25

Mɩ ŋaa goŋ ba nyuŋ a ŋmɩɛsa hɛ ba lɛ. Mɩ ŋmoo nɩalɩŋ dɔnsʋŋ a lɛrɛ ba nyu-pʋnaa churi. Mɩ leŋ ba ŋmɩɛsɛ Wɩa yɩrɩŋ lɛ a bʋl, “La bɩ jaŋ joŋ la toloo a pɩ ba hambolibiisiŋ dɩ ba jaa, koo a jaa ba toloo a pɩ la hambolibiisiŋ koo la tɩtɩa.

JOB 42:6

Ŋɩɩ wɩaa, hɩɩsɩŋ kɛmmɛ nɛ a tɩŋ wɩalɩŋ kala mɩ sɩ bʋla wɩaa. Mɩ ŋaa tʋɔrʋŋ bʋgɛ a hɔŋ hagɩla lɛ aa dagɛ arɩ mɩ bɩrɩmɛ mɩ niiŋ nɛ.”

WƖA YƖƖLAA 119:139

Mɩ baanɩŋ chaasa sii nɛ, mɩ dʋndɔŋŋɔɔ sɩ vɩa dɩ ba to ŋ niiŋ wɩaa.

WƖA YƖƖLAA 130:6

Mɩ gbɛrɛ La Tɩɩna nɛ woruŋ a kɩɩ nʋʋ sɩ pɔ leriŋ a gbɛrɛ dɩ taŋ pʋl. Mɩ gbɛrʋ a kɩɩ nʋʋ sɩ pɔ leriŋ a gbɛrɛ dɩ taŋ pʋl.

WƖA YƖƖLAA 145:19

Ʋ yie leŋ nɩalɩŋ kala sɩɩ fáʋ na ba kʋchɛɛlɛɛ nɛ, ʋ yie nɩɩ ba nii-ŋmobo a laaba ta.

WƖA YƖƖLAA 2:11

Má fá La Tɩɩna a tɩma pʋpʋ, dɩ ma nɩɩ jʋɔsʋ ma, ma ha chɩl.

WƖA YƖƖLAA 35:13

Ama bʋa-la lɛ ba fa sɩɩ wɩɩlʋ, mɩ laalɛ tʋɔ-chei gɛnnɩŋ nɛ a kɛŋ mɩ tɩtɩa muuri a vɔɔ niiŋ aŋ sʋl Wɩa pɩba,

WƖA YƖƖLAA 38:9

La Tɩɩna, ŋ jɩŋ wɩɩ-la mɩ sɩɩ chɛ nɛ. Mɩ huuno-la bɩ faa ŋ teeŋ.

WƖA YƖƖLAA 42:1

Arɩ ŋɩɩ lɩɩnyʋasʋŋ sɩ yie kɛŋ aamɩŋ ʋ gɔllɔ chɩchɛ lɩɩŋ, ŋɩɩ tɩtɩa nɛ mɩ ma chɩchɛ ŋ-na Wɩa.

WƖA YƖƖLAA 69:9

Wɩa dɩa wɩaa ka dii mɩ nɛ woruŋ a nagɛ nyiniŋ, jomo-la ba sɩ joŋo tʋʋsɛ ŋ-na Wɩa, ba nɛ ba joŋoo tʋʋsɛ mɩ ma.

NAMAGABA 14:16

Wʋjɩnnaa yie fɩɛlɛ ba sɩaa nɛ dɩ ba sɩ́ wʋbɔmʋŋ ŋaa, ama nɩyaaraa-na bɩ chɛ dɩ ba kɛŋ ba tɩtɩa, ba yie ta jɩa nɛ.

NAMAGABA 28:14

Nɩɩ-la kala sɩɩ fá La Tɩɩna bʋa-kala, ʋ tʋɔŋ jaŋ tɔrɛ, ama nɩɩ-la kala sɩ kɛŋ tʋɔ-doluŋ jaŋ jʋʋ wɩaa.

SOLOMOŊ YƖƖL-SƖMƖŊ 8:6

Kɛmmɛ mɛrɛ ŋ tɩtɩa lɛ a nagɛ magɩlɩŋ dɩ mɩ nagɛ nenii-pɩrɩŋ ŋ nɩsɩŋ lɛ. Chonuŋ kɛŋ doluŋ a nagɛ sʋʋŋ nɛ, ʋ yarɩ-bieriŋ ma pɛsɛ a nagɛ lɛlɛɛ sɩ bɩ sʋʋnʋŋ joŋo tɩta ŋɩɩ. Ʋʋ dii a nagɛ nyiŋgeliŋ nɛ, a nagɛ nyiŋ-gel balɩŋ.

AZAAYA 26:8

La TƖƖNA, laa to ŋ wombiee ŋ sɩ bile dɩ la tuto nɛ, la yɩɛlaa kala hɛ ŋ lɛ nɛ. La cho dɩ ŋ yɩrɩŋ ka yɩrɛ nɛ bʋa na-kala a mʋ tɩgɛ wɩalɩŋ ŋ sɩ ŋaa lɛ.

AZAAYA 66:2

Kɩaa deemba kala sɩ hɛ nɩmɛ, mɩ dee bɩ ŋaa?” La TƖƖNA sɩ, “Nɩɩ-la nyuŋ mɩ tʋɔŋ sɩ tɔrɔ nɛ ŋ-la: Nɩɩ-la sɩ kɛŋ ʋ tɩtɩa muuri, a leŋ ʋ tʋɔŋ faasa chei ʋ wʋbɔŋŋɔɔ lɛ, a kɛŋ mɩ niiŋ wɩaa tɩtɩŋ.

DANƖƐL 6:14

Kuoro sɩ nɩɩ wɩɩŋ deeŋ, ʋ tʋɔŋ faasa chei, ʋ kɛŋ ʋ tʋɔŋ dɩ ʋ laa Danɩɛl ta. Ʋ chɛ wombiiŋ ʋ sɩ jaŋ to laa Danɩɛl ta halɩɩ, wɩa tuu jʋʋ.

Maak 3:5

Ŋɩɩ nɛ Yesu na baanɩŋ ba nyuŋ a gɩɛnɛba. Ʋ tʋɔŋ chei a tɩŋ ba dɩgɩlɩŋ-bɩnɩɩ wɩaa. Ŋɩɩ nɛ ʋ bʋla pɩ na-sʋʋ-la tɩɩna, “Kɛŋ ŋ nɩsɩŋ tɩɛnɛ.” Ʋ kaa tɩɛnɛ. Ʋ nɩsɩ-la fɩɛlɛ a nagɛ ʋ nagɩŋ.

Jɔɔŋ 2:17

Ʋ harɩ-tooroo liisi wɩɩ-la ba sɩ ŋmʋnsa Wɩa teniŋ tʋɔŋ a bʋl, “Wɩa dɩa wɩaa ka diimi nɛ woruŋ a nagɛ nyiniŋ.”

Tɩntɩŋŋaa 17:16

Pɔɔl sɩ hɔŋ Atɛŋ lɛ a gbɩgbɛrɛ Saalas arɩ Timoti, ʋ na dɩ tɔŋŋɔɔ su taŋ-la kala. Ʋ tʋɔŋ faasa chei.

Rom Tɩŋŋaa 11:20

Wʋtɩtɩɩ nɛ, Wɩa keri Juu tɩŋŋaa ta a tɩŋ ba sɩ bɩ Wɩa wɩaa laa dii wɩaa nɛ. Ama ma-na nɩalɩŋ sɩ bɩ Juu tɩŋŋaa ŋaa, ma sɩ laa Wɩa wɩaa dii dʋndʋŋa wɩaa nɛ tɩɩ ma chɩŋ kpaŋ kpaŋ. Ŋɩɩ wɩaa má sɩ́ ma tɩtɩa lɛ bigisu, aŋ kɛŋ ma tɩtɩa woruŋ.

Rom Tɩŋŋaa 14:18

Nʋʋkala sɩ to wombiiŋ deeŋ lɛ a tɩma pɩ Kirisito, Wɩa tʋɔŋ jaŋ tɔrɛ ʋ nyuŋ, dɩ nɩaa ma zizilu.

Rom Tɩŋŋaa 3:5

Ka la wʋbɔmɔ-la la sɩɩ ŋaa nɛ chaasa dagɛ arɩ Wɩa kɛŋ wʋtɩtɩɩ, bɛɛ nɛ laa chɛ dɩ la bʋl? Mɩɩ chɛ dɩ mɩ bʋl nuhuobiine tʋɔbɩɩnaa wɩaa nɛ a pɩɛsɛ: Dɩ Wɩa nɛ dɔgɩsɛla a tɩŋ la wʋbɔŋŋɔɔ wɩaa, ʋ kɩaa bɩ sɩŋ ʋ sɩ ŋaa ŋɩɩ, koo?

1 Kɔrɩntɩ Nɩaa 12:25

Wɩa ŋaa ŋɩɩ dɩ nuhuobiine yaraa ŋaa kʋbala nɛ a kala tɩma pɩpɛ dɔŋɔ lɛ.

1 Kɔrɩntɩ Nɩaa 5:13

Nɩalɩŋ sɩ bɩ Yesu jɩŋ-na, Wɩa nɛ jaŋ dii ba sarɩya. Wɩa teniŋ tʋɔŋ ba bʋla, “Má lɩɩsɛ nɩbɔmʋŋ ta ma tʋɔŋ.”

1 Kɔrɩntɩ Nɩaa 5:2

Ɛɛ nɛ saa ma jaŋ wuo ŋaa a bigisi ma tɩtɩa lɛ? Ʋ maga dɩ ma tʋɔŋ chei nɛ, ka dɩ ma lɩɩsɛ nɩɩ-la sɩ ŋaa ŋɩɩ a ta ma tʋɔŋ.

2 Kɔrɩntɩ Nɩaa 13:7

La sʋl Wɩa pɩpɩma dɩ ma sɩ́ wɩɩkala ŋaa chei. Ʋ bɩ naga laa chɛ dɩ la dagɛ arɩ la-na ŋaa woruŋ nɛ, ama laa chɛ dɩ ma wuo ŋɩŋaa wɩalɩŋ sɩɩ to wombiiŋ nɛ, dɩ ma nɛ paala bɩɩnɛ la-na tele ma,

2 Kɔrɩntɩ Nɩaa 2:6

Nɩɩ-la sɩ ŋaa ŋɩɩ, ma jesiŋ kala dɔgɩsʋ nɛ, ŋɩɩ wɩaa má leŋ wɩɩ-la ta.

2 Kɔrɩntɩ Nɩaa 6:4

Ŋɩɩ wɩaa wɩɩ-na kala la sɩɩ ŋaa lɛ, la yie dagɛ arɩ la ŋaa Wɩa tɩntɩnnaa nɛ. Wʋwalɩmaa yie jʋʋla, la nɩna hɛɛŋ, la tʋɔŋ faasa chei, ama la yie faasa nyalɩmɛ nɛ.

2 Kɔrɩntɩ Nɩaa 7:1

Mɩ naambii-kpɩanaba, Wɩa sɩ folo bʋl dɩ ʋ jaŋ ŋaa wɩaa deemba kala pɩla, má leŋ dɩ la lɩɩsɛ la tɩtɩa disiŋ-na kala lɛ. Dɩ la nɛ bɩ disiŋ kala ŋaa, ŋɩɩ jaŋ dagɛ arɩ wʋtɩtɩɩ, la sɛnɛ ka fá Wɩa nɛ.

2 Kɔrɩntɩ Nɩaa 7:7

Ʋ sɩ kɔ ŋɩɩ dʋndʋŋa dee bɩ leŋe la tʋɔŋ tɔrɛ. Ʋ bʋla pɩla arɩ ma kɛnʋ woruŋ nɛ ʋ ma tʋɔŋ tɔrɛ. Ʋ bɩra bʋla pɩla arɩ ma cho dɩ ma namɛ nɛ, a bɩra bʋla pɩla arɩ wɩɩ-la mɩ sɩ bʋla pɩma ŋaa ma tʋɔŋ faasa chei nɛ, a bɩra bʋla pɩla arɩ ma cho mɩ wɩaa nɛ. Wɩaa deemba leŋe mɩ tʋɔtɔrʋŋ wasa yʋgɛ nɛ.

2 Kɔrɩntɩ Nɩaa 7:9

Lɛɛlɛ mɩ tʋɔŋ tɔrɔ nɛ, ʋ saa bɩ naga mɩ sɩ leŋe ma tʋɔŋ chei wɩaa nɛ tɩɩ, ama tʋɔ-chei-la sɩ leŋe ma bɩrɩma lɩɩ ma wʋbɔŋŋɔɔ lɛ nɛ tɩɩ. Ma tʋɔ-chei-la ŋaa wɩɩ Wɩa sɩ cho nɛ, ŋɩɩ wɩaa la bɩ wʋbɔŋ kala ŋaa ma kʋŋkala lɛ.

2 Kɔrɩntɩ Nɩaa 9:2

bɛɛ wɩaa mɩ paala jɩŋ arɩ ma kɛŋ ma tɩtɩa nɛ dɩ ma pɛ ba lɛ. Ŋɩɩ wɩaa nɛ tɩɩ mɩ bigisi ma lɛ a pɩ Wɩa nɩalɩŋ sɩ hɛ Masidoonia tinteeŋ lɛ. Mɩ bʋla pɩba arɩ nɩalɩŋ sɩ hɛ Akaaya tinteeŋ lɛ kɛŋ ba tɩtɩa hɛ dɔŋɔ harɩŋ jɩna-la lɛ nɛ dɩ ba pɛ Wɩa nɩaa lɛ. Ma sɩ fɩɛsɛ sɩɩŋ ŋɩɩ, ma leŋe ba nɩaa jesiŋ kala nɛ cho dɩ ba pɛ a kɩɛsɛ kɩaa pɩpɩ nɩalɩŋ.

Ɛfɛsɩs Nɩaa 4:26

Dɩ ma nɛ na baanɩŋ, má sɩ́ leŋe dɩ ma baaŋ-la leŋ dɩ ma ŋaa wʋbɔŋ. Má sɩ́ baanɩŋ na ŋɩɩ dɩ wɩa tuu jʋʋ.

Ɛfɛsɩs Nɩaa 5:11

Má lɩɩsɛ ma tɩtɩa birimiŋ tʋɔŋ wɩalɩŋ nɩaa sɩɩ ŋaa lɛ. Má joŋ ba bʋbʋɔŋ ta, a leŋ dɩ nɩaa jɩŋ wɩalɩŋ ba sɩɩ ŋaa bɩ zɔŋ.

Fɩlɩpa Nɩaa 2:12

Ŋɩɩ wɩaa mɩ naambii-chooloo, má tuto mɩ niiŋ arɩ ma fa sɩɩ to ŋɩɩ bʋa-la lɛ mɩ fa sɩ hɛ ma teeŋ. Lɛɛlɛ mɩ tuo ma teeŋ, arɩ ŋɩɩ kala ma ha to mɩ niiŋ. Wɩa laama ta nɛ, ŋɩɩ wɩaa má fáʋ, aŋ kɛŋ ma tɩtɩa muuri a tɩtɩŋ, a na kʋ-la ʋ sɩ sɩ ʋ jaŋ joŋo pɩma.

1 Tɛsalonaaka Nɩaa 4:6

Bɩra, nʋʋkala sɩ́ wɩɩ ŋaa chei ʋ dɔŋɔ tɩɩna a tɩgɛ ʋ haala lɛ. La chaasa bʋla pɩma nɛ faafaa kala a kpʋrɩsɛ ma dɩgɩlaa arɩ Wɩa jaŋ dɔgɩsɛ nɩalɩŋ sɩ ŋaa disiŋ wɩaa.

1 Timoti 5:20

Dɩ Wɩa nɩaa nɩhɩaŋ kala nɛ vɛnɛɛ ŋaa wʋbɔŋŋɔɔ ʋ bɩ leŋ, bʋl ʋ teeŋ nɩalɩŋ sɩ laa Yesu wɩaa dii aa hilimi sɩpaaŋ. Dɩ ŋ nɛ ŋaa ŋɩɩ, fawʋllʋŋ jaŋ kɛŋ nɩkaanaa.

2 Timoti 2:15

Hɛ ŋ doluŋ kala dɩ Wɩa wuo na arɩ ŋ ŋaa tɩntɩnnɩ-tɩtɩɩ nɛ, sɩ bɩ hɩɩsɩŋ ka fá, a bɩra leŋ dɩ ʋ wuo na arɩ ŋ dagɛ wɩalɩŋ sɩ ŋaa wʋtɩtɩɩba nɛ woruŋ.

Taatɩs 3:8

Wɩɩŋ deeŋ ŋaa wʋtɩtɩɩ nɛ. Mɩɩ chɛ dɩ ŋ paala chaasa bʋl wɩaa deemba, dɩ nɩalɩŋ sɩ laa Wɩa wɩaa dii, dɩ ba ŋaa siri a ŋɩŋaa wʋzɔŋŋɔɔ bʋa na-kala lɛ. Wɩaa deemba ŋaa wʋzɔmɔ nɛ. Ba jaŋ wuo pɛ nɩaa lɛ.

Hiburu TƖŊŊAA 4:1

Wɩa fa sɩ bʋla arɩ la jaŋ wuo kɔ ʋ teeŋ a na wiese, ŋɩɩ ha chɩna nɛ. Ŋɩɩ wɩaa má kɛŋ ma tɩtɩa woruŋ dɩ wiese deeŋ sɩ́ ma kʋŋkala lɛ bal.

Jeems 3:17

Ama wʋjɩmɩɩ-la sɩ lɩɩ Wɩa teeŋ zɔmɔ kɩŋkɛŋ. Wʋbɔŋ kala tuo ʋ lɛ. Nɩɩ-la kala sɩ kɛŋ wʋjɩmɩŋ deeŋ, yie hɔŋ nɛ sɔm a kɩkɛrɛ yuosuŋ, a kɛŋ zile. Ʋ yie jegilee nɩɩ nɩaa niiŋ wɩaa. Ʋ yie fɩfá nɩaa nenige ma nɛ woruŋ, a ŋɩŋaa wʋzɔŋŋɔɔ. Ʋ bɩ tʋɔbɩɩnaa balɩa ma kɛnɛ a bɩ nii-sɩma ma kɛnɛ.

1 Pɩɩta 1:17

Ma sɩ yie chʋchʋɔlɛ Wɩa a kɛnʋ yɩyɩrɛ ma Nyɩmma ŋɩɩ dɩ ʋ pɛ ma lɛ, ma jɩŋ arɩ ʋ nɩɩ dii nɩaa sarɩya, ʋ bɩ ba kaa pɔrɛ. Ʋ yie dii nʋʋkala sarɩya a magɛ ŋɩɩ ŋ wɩɩŋ sɩ maga nɛ. Má saa fáʋ a leŋ dɩ ma wʋŋaalaa zɔŋ dʋnɩa deeŋ lɛ.

1 Pɩɩta 2:2

Ʋ maga dɩ ma chɩchɛ Wɩa niiŋ wɩalɩŋ nɛ a nagɛ bii-mulluŋ sɩɩ chɛ yɩlɩŋ ŋɩɩ. Dɩ ma nɩɩ chɛ Wɩa wɩaa ŋɩɩ, ma jaŋ waa woruŋ ba lɛ, a mʋ yi tapʋlɩɩ-la Wɩa sɩ jaŋ laama ta.

Juud 1:23

Nɩalɩŋ sɩɩ jʋʋ Wɩa nyiniŋ, má lorigo laaba ta. Nɩaa dɔnsʋŋ ma hɛ nɩmɛ sɩ maga dɩ ma fá Wɩa aŋ fá ba nenige, ama má kɛŋ ma tɩtɩa dɩ ba wʋbɔmɔ-la sɩ́ ma chol.

Jɔɔŋ Wʋnaalaa 3:19

Dɩ nɩalɩŋ mɩ sɩ cho nɛ ŋaa wɩɩ chei, mɩ yie dagɛba nɛ a kɛmba bil wombiiŋ lɛ. Ŋɩɩ wɩaa, má fɩɛsɛ sɩɩŋ a bɩrɩma lɩɩ ma wʋbɔŋŋɔɔ lɛ.