2 Kɔrɩntɩ Nɩaa 7:1 - WƖA TENIŊ

¹ Mɩ naambii-kpɩanaba, Wɩa sɩ folo bʋl dɩ ʋ jaŋ ŋaa wɩaa deemba kala pɩla, má leŋ dɩ la lɩɩsɛ la tɩtɩa disiŋ-na kala lɛ. Dɩ la nɛ bɩ disiŋ kala ŋaa, ŋɩɩ jaŋ dagɛ arɩ wʋtɩtɩɩ, la sɛnɛ ka fá Wɩa nɛ.

2 Kɔrɩntɩ Nɩaa 7:1 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 19:9

Wɩaa deemba nɛ ʋ bʋla pɩba, “Ʋ maga dɩ ma fá La TƖƖNA a kɛŋ wʋtɩtɩɩ arɩ tʋɔ-bala a tɩŋ ma tɩntɩŋŋaa.

WƖA YƖƖLAA 119:9

Ɛɛ nɛ bapʋɔsɩ-bie jaŋ ŋaa a sɩ́ disiniŋ kɛŋ? See dɩ ʋ kɛŋ wɩalɩŋ ŋ sɩ daga tɩtɩŋ.

WƖA YƖƖLAA 19:9

Dɩ ŋ nɩɩ fá La Tɩɩna, ŋɩɩ ŋaa wʋzɔŋ nɛ, ŋɩɩ jaŋ hɛ nɩmɛ a kaa mʋ wuu. Wɩalɩŋ La Tɩɩna sɩ sɩ la tuto kala ŋaa wʋtɩtɩɩba nɛ, gɩrɩma tuo ba lɛ.

WƖA YƖƖLAA 51:10

Mɩ Wɩa, leŋ dɩ mɩ kɛŋ tʋɔpʋla, a wasa chɩŋ mɩ wʋtɩtɩɩ naaŋ lɛ.

NAMAGABA 16:6

Dɩ ŋ nɛ cho La Tɩɩna a kɛŋ wʋtɩtɩɩ, ʋ jaŋ joŋ ŋ wʋbɔŋŋɔɔ kala chɛŋ. Dɩ ŋ nɩɩ fá La Tɩɩna, ŋ yie vɩa wʋbɔŋŋɔɔ ŋaanɩŋ nɛ.

NAMAGABA 20:9

Kʋbɛɛ nɛ jaŋ wuo bʋl, “Mɩ-na tʋɔŋ pʋlla nɛ, mɩ bɩ wʋbɔŋ kala kɛnɛ?”

NAMAGABA 30:12

Dɔnsʋŋ ma hɛ nɩmɛ a bɩɩnɛ dɩ ba tʋɔŋ pʋlla nɛ, aŋ ka ba bɩ ba disiniŋ fo ta.

NAMAGABA 8:13

Dɩ ŋ nɩɩ fá La Tɩɩna, ŋɩɩ-na ŋ jaŋ bɛrɛ wʋbɔŋŋɔɔ ŋaanɩŋ. Mɩ bɛrɛ nʋʋ sɩɩ dagɛ ʋ tɩtɩa nɛ, sɩɩ-duoŋ tɩɩna, wʋbɔŋŋɔɔ ŋaara arɩ wʋnyɩɛra.

TƖƖCHA 11:10

Sɩ́ leŋe dɩ wɩɩkala walɩmɩŋ, wɩɩ-la kala sɩɩ wɩɩŋ, joŋo ta, bɛɛ wɩaa hambiriŋ arɩ bapʋɔsɛ doluŋ bɩ dieni.

AZAAYA 1:16

Má chɛsɛ ma tɩtɩa, a sɩ́ disiniŋ kɛŋ. Má kɛŋ ma wʋbɔmɔ-la ŋaanɩŋ sʋʋsa lɩɩ mɩ sɩpaaŋ. Má leŋ wʋbɔŋŋɔɔ ŋaanɩŋ.

AZAAYA 55:7

Nɩbɔŋŋɔɔ, má leŋ wʋbɔmɔ-la ma sɩɩ ŋaa, aŋ bɩrɩmɛ ma tʋɔbɩɩnaa. Má mɩɩra kɔ ma TƖƖNA Wɩa teeŋ, ʋ jaŋ fá ma nenige aŋ joŋ ma wʋbɔŋŋɔɔ chɛma lɩma.

JƐRƖMAAYA 13:27

a tɩŋ ma wʋchɔrʋmɔɔ arɩ ma sɩaa wʋchoolie-la ma sɩ hiine chɛ, arɩ hɩɩsɩ wɩalɩŋ ma sɩ ŋaa lɛ. Mɩ na wʋkɩsɩa-la ma sɩɩ ŋaa nɛ dundolluŋ arɩ bagɩsɩŋ lɛ. Jerusalɛm tɩmma, wɩɩŋ puuma. Ɛɛ nɛ maa chɛ dɩ ma kɛŋ disiniŋ a diene magɛ?”

JƐRƖMAAYA 4:14

Jerusalɛm nɩaa, má chɛsɛ wʋbɔmɔ-la sɩ hɛ ma tʋɔŋ lɛ ta, ka dɩ La TƖƖNA laama ta. Ɛɛ nɛ maa chɛ dɩ ma laa wʋbɔŋŋɔɔ hɛ ma tʋɔŋ lɛ a diene magɛ?

LEVI DOHO NƖAA 13:58

Dɩ ʋ nɛ chɛsɛ gɛrɩ-la koo teŋ-la koo gɛrɩ-sʋalɩɩ-la, dɩ kʋl-na-la lɛl, ʋ maga dɩ ʋ bɩra chɛsɛ nɛ, dɩ ʋ nɛ ŋaa ŋɩɩ kʋla bɩra bɩ disiniŋ kɛnɛ.”

Matiu 12:33

Ŋɩɩ nɛ Yesu bɩra bʋl, “Dɩ ŋ nɩɩ chɛ tɩa nɛŋ nɛŋ-zɔŋŋɔɔ, see dɩ ŋ kɛŋ tɩa-la sɩ kɛŋ yarɩfɩɛlaa. Dɩ ŋ nɛ kɛŋ tɩa-la sɩ bɩ yarɩfɩɛlaa kɛnɛ, see dɩ ʋ nɩnɛŋ nɛŋ-lɔrʋnʋŋ. Tɩa nɛnɛɛ nɛ yie dagɛ tɩa-la doho ʋ sɩ ŋaa.

Matiu 5:48

Ʋ maga dɩ ma ŋaa tʋɔpʋl tɩmma nɛ a sɩ́ wʋcheeli kala kɛŋ, arɩ ma Nyɩmma sɩ hɛ Wɩa-jaŋ sɩ ŋaa tʋɔpʋl Tɩɩna ŋɩɩ.”

Matiu 5:8

Wɩa jaŋ pɛ nɩalɩŋ sɩ kɛŋ tʋɔpʋla lɛ, ba jaŋ na Wɩa.

Tɩntɩŋŋaa 9:31

Ŋɩɩ harɩŋ lɛ nɩalɩŋ sɩ laa Yesu wɩaa dii aa hilimi Judiya arɩ Galilii arɩ Samarɩa tinteeŋ lɛ kala na wiese, a wasa laa Wɩa dii, a to La Tɩɩna Yesu a fɩfáʋ. Wɩa Dɩŋ-zɔmʋŋ ma pɛ ba lɛ. Ba pʋŋa pɛ.

Rom Tɩŋŋaa 5:20

Wɩalɩŋ Mosis fa sɩ bile dɩ nɩaa tuto nɛ kʋ wasa leŋ wʋbɔŋŋɔɔ pʋrɩgɛ dʋnɩa lɛ. Ama wʋbɔmɔ-la sɩ kʋ wasa pʋrɩgɛ, ŋɩɩ nɛ Wɩa lahɔrɩmɔ ma faasa yʋgɛ woruŋ la lɛ.

1 Kɔrɩntɩ Nɩaa 6:20

Wɩa joŋ ʋ chalɩŋ nɛ yɔɔma. Ŋɩɩ wɩaa, má kɛŋ ma yaraa tɩŋ tɩntɩmɩɩ-la sɩɩ tɔrɛ Wɩa tʋɔŋ.

2 Kɔrɩntɩ Nɩaa 1:20

Wɩa bʋla arɩ ʋ jaŋ ŋaa wɩaa yʋgɛ a pɩla. Ʋ jaŋ to Yesu lɛ nɛ a leŋ dɩ wɩalɩŋ kʋ ŋaa wʋtɩtɩɩ. Ŋɩɩ wɩaa nɛ tɩɩ, dɩ la nɛ chʋɔlɛ Wɩa dɛrɛ-na kala, la yie bʋl, “Yesu yɩrɩŋ lɛ, Amɩɩ.” La yie bʋl ŋɩɩ dɩ Wɩa yɩrɩŋ wuo yɩrɛ nɛ.

Ɛfɛsɩs Nɩaa 2:3

La ma kala fa nagɛ ba nɛ a tuto la tʋɔtɔrɛ wʋŋaalaa harɩŋ a ŋɩŋaa wʋlɔrʋnʋŋ, a bɩbɩɩnɛ wʋbɔŋŋɔɔ. La fa sɩɩ ŋaa wɩaa deemba, Wɩa fa na baanɩŋ nɛ la nyuŋ, arɩ ʋ fa sɩ na baanɩŋ nɩalɩŋ nyuŋ ŋɩɩ.

1 Tɛsalonaaka Nɩaa 3:13

aŋ bɩra sʋlʋ dɩ ʋ leŋ dɩ ma kɛŋ doluŋ ma tʋɔŋ lɛ, a kɛŋ tʋɔpʋla la Nyɩmma Wɩa sɩpaaŋ, a sɩ́ wʋcheeli kala kɛŋ tapʋlɩɩ-la La Tɩɩna Yesu arɩ ʋ nɩaa sɩ jaŋ mɩɩra kɔ.

1 Tɛsalonaaka Nɩaa 4:7

Wɩa bɩ la lɩɩsa dɩ la ŋɩŋaa wʋlɩɩlɩŋ, ama ʋ lɩɩsɛla dɩ la ŋaa nɩa sɩ bɩ disiniŋ kɛnɛ nɛ.

1 Tɛsalonaaka Nɩaa 5:23

Mɩɩ sʋl Wɩa sɩɩ pɩ nɩaa fɩɛlɩŋ dɩ ʋ pɩɩsɛ ma disiniŋ kala. Ʋ jaŋ beŋ ma tʋɔbɩɩnaa arɩ ma yaraa kala a lɩɩsɛma wʋbɔŋ-na kala lɛ, dɩ ma wuo ŋaa nɩzɔmɔ a sɩ́ wʋcheeli kala kɛŋ, a mʋ yi tapʋlɩɩ-la La Tɩɩna Yesu Kirisito sɩ jaŋ mɩɩra kɔ.

Hiburu TƖŊŊAA 12:23

lee-la nɛ nɩalɩŋ Wɩa sɩ laa sɩpaaŋ laa ta hɛ, nɩalɩŋ yɩraa ʋ sɩ ŋmʋnsa bil ʋ jaŋ lɛ. Ma kɔ Wɩa teeŋ nɛ, nɩɩ-la sɩ jaŋ dii nʋʋkala sarɩya. Ma kɔ Wɩa nɩalɩŋ sɩ sʋba teeŋ nɛ, nɩalɩŋ ʋ sɩ leŋe ba ŋaa tʋɔpʋl tɩŋŋaa ʋ sɩpaaŋ.

Hiburu TƖŊŊAA 12:28

Wɩa joŋ ʋ kuorii-la sɩ bɩ wuo jigisi nɛ a pɩpɩla. Ŋɩɩ wɩaa, má leŋ dɩ la fáʋ a lɔllʋ, aŋ pɛ chʋchʋɔlʋ arɩ sɩɩfɩɛsɩŋ,

Hiburu TƖŊŊAA 4:1

Wɩa fa sɩ bʋla arɩ la jaŋ wuo kɔ ʋ teeŋ a na wiese, ŋɩɩ ha chɩna nɛ. Ŋɩɩ wɩaa má kɛŋ ma tɩtɩa woruŋ dɩ wiese deeŋ sɩ́ ma kʋŋkala lɛ bal.

Hiburu TƖŊŊAA 6:9

Laa bʋl wɩaa deemba kala, ama ma-na, la nandɔŋ-chooloo, la kɛŋ yɩɛlaa ma lɛ. La jɩma ma jaŋ na kʋzɔmɔ-la kala sɩ hɛ laatanɩŋ wombiiŋ lɛ.

Jeems 4:8

Má sʋrɩsa mʋ kpagɛ Wɩa, ʋ ma jaŋ kʋ kpagɛma. Má sɔŋ ma nɩsaa lɩɩsɛ wʋbɔŋŋɔɔ ŋaanɩŋ lɛ, a pʋllɛ ma tʋɔŋ, a bɩra sɩ́ tʋɔbɩɩŋ lɔrʋnʋŋ bɩɩnʋ, bɛɛ wɩaa ma kɛŋ tʋɔbɩɩnaa balɩa balɩa nɛ.

1 Pɩɩta 1:15

Wɩa bɩ disiniŋ kɛnɛ aŋ yɩrɛma. Ŋɩɩ wɩaa, má ma sɩ́ disiniŋ kɛŋ wɩɩ-na kala ma sɩɩ ŋaa lɛ,

1 Pɩɩta 1:17

Ma sɩ yie chʋchʋɔlɛ Wɩa a kɛnʋ yɩyɩrɛ ma Nyɩmma ŋɩɩ dɩ ʋ pɛ ma lɛ, ma jɩŋ arɩ ʋ nɩɩ dii nɩaa sarɩya, ʋ bɩ ba kaa pɔrɛ. Ʋ yie dii nʋʋkala sarɩya a magɛ ŋɩɩ ŋ wɩɩŋ sɩ maga nɛ. Má saa fáʋ a leŋ dɩ ma wʋŋaalaa zɔŋ dʋnɩa deeŋ lɛ.

1 Pɩɩta 1:22

A tɩŋ ma sɩɩ to wʋtɩtɩɩ wombiiŋ lɛ ŋɩɩ, ma pɩɩsɛ ma disiniŋ kala ta nɛ. Ma sɛnɛ cho ma naambiiri-la sɩ laa Wɩa wɩaa dii nɛ. Ŋɩɩ wɩaa, má kɛŋ ma tʋɔŋ arɩ ma doluŋ kala a wasa cho dɔŋɔ.

1 Pɩɩta 2:11

Mɩ naambii-kpɩanaba, ma jɩma ma ŋaa nʋhʋɔraa nɛ dʋnɩa deeŋ lɛ. Ŋɩɩ wɩaa, mɩɩ sʋlma, má lɩɩsɛ ma tɩtɩa ma tʋɔtɔrɛ wʋŋaala-la sɩ bɩ zɔŋ lɛ, bɛɛ wɩaa ma tʋɔtɔrɛ wʋŋaalaa bɩ jaŋ sɛɩ dɩ ma ŋaa wɩalɩŋ sɩɩ tɔrɛ Wɩa tʋɔŋ.

1 Pɩɩta 5:10

Hɛɛŋ deeŋ ma sɩɩ na bɩ jaŋ dieni. Ʋ ŋɩɩ harɩŋ lɛ, Wɩa sɩ kɛŋ zile kɩŋkɛŋ kɩŋkɛŋ a yɩrɛma dɩ ma ma na tʋla-la Kirisito sɩ kɛnɛ a kaa mʋ wuu. Ʋ nɛ jaŋ kɛmma wasa kɩɩ, a leŋ dɩ ma chaasa chɩŋ arɩ doluŋ.

1 Jɔɔŋ 1:7

Ama dɩ la nɛ hɛ pʋlʋmʋŋ tʋɔŋ, arɩ Wɩa sɩ hɛ pʋlʋmʋŋ tʋɔŋ ŋɩɩ, ŋɩɩ-na la dɩ la dɔnsʋŋ tɩŋŋaa kala kɛŋ nii-bala nɛ. Dɩ la nɛ ŋaa ŋɩɩ, Wɩa Bie Yesu chalɩŋ ma jaŋ chɛsɛ la wʋbɔŋŋɔɔ kala ta.

1 Jɔɔŋ 1:9

Ama dɩ la nɛ sɛyɛ arɩ la ŋaa wʋbɔŋŋɔɔ nɛ a dagɛ la wʋbɔmɔ-la a pʋ, Wɩa kɛŋ wʋtɩtɩɩ, ʋ jaŋ wuo joŋ la wʋbɔŋŋɔɔ a chɛla a chɛsɛ la wʋbɔŋŋɔɔ kala ta.

1 Jɔɔŋ 3:3

Nɩɩ-la kala sɩɩ yɩɛlɛ wɩɩŋ deeŋ, ʋ jaŋ lɩɩsɛ ʋ tɩtɩa wʋbɔŋŋɔɔ lɛ aŋ kɛŋ tʋɔpʋla, arɩ Kirisito sɩ kɛŋ tʋɔpʋla ŋɩɩ.