2 Kɔrɩntɩ Nɩaa 6:9 - WƖA TENIŊ

⁹ Nuhuobiinee bɩ la jɩŋ, ama Wɩa-na jɩŋ-la nɛ. Nɩaa bɩɩna arɩ la sʋba nɛ, ama Wɩa teeŋ la weye nɛ. Baa dɔgɩsɛla nɛ, ama ba bɩ la kpʋa.

2 Kɔrɩntɩ Nɩaa 6:9 ပူးပေါင်းရင်းမြစ်များ

Tɩntɩŋŋaa 17:18

Kerichiba-la dɔnsʋŋ sɩɩ to Epikuuras wombiiŋ arɩ Sɩtɔɩk kerichiba dɔnsʋŋ ma kʋ naʋ a kɛŋ wɩaa lɩlɛrɛ ʋ teeŋ. Ba dɔnsʋŋ pɩɛsɛ, “Bɛɛ kɩaa wɩaa nɛ nɩyaarɩŋ deeŋ ma chɩnaa bʋl?” Dɔnsʋŋ ma sɩ, “Ʋ naga veŋ-falɩɩ wɩaa nɛ ʋ bʋbʋl.” Pɔɔl sɩ yie bʋl Yesu wɩaa arɩ ʋ sii sʋʋŋ lɛ nɛ tɩɩ ba bʋl ŋɩɩ.

Tɩntɩŋŋaa 19:26

Ma tɩtɩa nɩa nɛ a nɩna wɩalɩŋ ma Pɔɔl sɩɩ bʋl. Ʋ sɩ: Vʋɩya-la nuhuobiinee sɩɩ libu, ba bɩ wɩa ŋaa. Ʋ saa wuo kɛŋ nɩ-daŋ nyusuŋ bɩrɩmɛ ba sɛɩ wɩɩ-la. Ʋ ŋaa ŋɩɩ Ɛfɛsɩs deeŋ arɩ Esia tinteeŋ jesiŋ kala lɛ nɛ.

Tɩntɩŋŋaa 25:19

Wɩɩ-la ba sɩ bʋla ŋaa wʋkaalɛrɩɩ nɛ ba kaa lɛrɛ a mʋ tɩgɛ ba Wɩɩ-chʋɔlʋŋ lɛ. Baal kʋbala nɛ sʋba, baa yɩrɛ Yesu, Pɔɔl yie bʋbʋl arɩ ʋ sii sʋʋŋ lɛ nɛ a hɛ ʋ mɩɩsɩŋ lɛ.

Tɩntɩŋŋaa 25:26

Ama mɩ paala bɩ chaasa jɩŋ wɩɩ-la kala mɩ sɩ jaŋ ŋmʋnsa pɩ kuoru-balɩŋ a mʋ tɩgɛ ʋ lɛ. Ŋɩɩ nɛ tɩɩ mɩ kɛnʋ kaa kɔ ma teeŋ dɩ ma nɩɩ ʋ niiŋ. Ŋ-na kuoro Agɩrɩpa teeŋ nɛ mɩ saa paala kɛnʋ kaa kɔ. Mɩ bɩɩna arɩ ŋ ma nɛ jʋʋ wɩɩ-la tʋɔŋ, ŋ jaŋ wuo na wɩɩ dɩ mɩ wuo ŋmʋnsɛ teniŋ pɩ kuoru-balɩŋ.

Rom Tɩŋŋaa 15:19

wʋkpuŋkperisi-la arɩ wʋmagɩla-la mɩ sɩ ŋaa Wɩa Dɩŋ-zɔŋ-la doluŋ lɛ. Mɩ chaasa bʋl Kirisito wʋzɔmɔ-la, a suomi Jerusalɛm lɛ a gɔllɛ ŋɩɩ a mʋ yi Iliirikam.

Rom Tɩŋŋaa 8:36

Ba ŋmʋnsɛ Wɩa teniŋ tʋɔŋ a bʋl ŋ-la nɛ: “A tɩŋ ŋ wɩaa, laa gbɛrɛ sʋʋŋ nɛ tapʋlɩɩ-na kala. Ba yie benla arɩ la nagɛ piesee nɛ ba sɩ kaa lɩɩ dɩ ba kpʋ.”

1 Kɔrɩntɩ Nɩaa 11:32

Ama dɩ Wɩa nɛ na dɩ la cheye, ʋ yie dɔgɩsɛla nɛ a kɛnla tʋrɛ. Ʋ yie ŋaa ŋɩɩ dɩ ʋ sɩ́ la joŋo pɛ dʋnɩa nɩaa lɛ a cheila.

1 Kɔrɩntɩ Nɩaa 15:31

Mɩ naambiiri, bʋa na-kala lɛ mɩ dɩ sʋʋŋ ka loo nɛ. La kala sɩ kɛŋ mɩɩsɩŋ La Tɩɩna Yesu Kirisito lɛ ŋɩɩ, mɩ jaŋ wuo bigisi mɩ tɩtɩa lɛ a tɩŋ ma wɩaa.

1 Kɔrɩntɩ Nɩaa 4:9

Ʋ naga mɩ-na teeŋ arɩ Wɩa joŋ la nɩalɩŋ sɩ ŋaa ʋ nanzɔɔba la nagɛ dansarɩkaba ba sɩ lɩɩsa nɩaa tʋɔŋ ba pʋɔla tuto harɩŋ dɩ ba kaa mʋ kpʋ nɛ. Ba tʋɔsɛla a kaa kʋ lɩɩ, dɩ dʋnɩa nɩaa arɩ Wɩa tɩndaaraa nala a huurila nɛ.

2 Kɔrɩntɩ Nɩaa 11:6

Ama dɩ mɩ nɛ paala bɩ wɩaa bʋlʋŋ jɩŋ ma, mɩ jɩŋ wɩaa nɛ. La chaasa bʋl wɩɩŋ deeŋ pʋlla pɩma nɛ wombii kala lɛ.

2 Kɔrɩntɩ Nɩaa 4:2

Hɩɩsɩ wɩalɩŋ arɩ wʋkaa-faalɩɩ-la nɩaa sɩ lʋara ŋɩŋaa, la-na vɩaba ta nɛ faafaa kala. La bɩra bɩ nʋʋ nyɩsɛ. La bɩ wɩaa nyɩɛ pɩpɛ Wɩa niiŋ wɩalɩŋ lɛ. Ama Wɩa sɩpaaŋ la chaasa bʋl wɩaa, dɩ nʋʋkala tʋɔbɩɩnaa jɩŋ arɩ wʋtɩtɩɩ nɛ la bʋbʋl.

2 Kɔrɩntɩ Nɩaa 5:11

Laa fá Wɩa nɛ, ŋɩɩ nɛ tɩɩ la bʋl ʋ wɩaa pɩpɩ nɩaa, dɩ ba bɩrɩma lɩɩ ba wʋbɔŋŋɔɔ lɛ a kʋ to Wɩa. Wɩa nɛ jɩŋ ŋɩɩ la sɩ naga. Mɩ saa jɩma arɩ ma tʋɔbɩɩnaa lɛ ma jɩŋ ŋɩɩ la sɩ naga nɛ.