2 Kɔrɩntɩ Nɩaa 6:7 - WƖA TENIŊ

⁷ La yie bʋl wʋtɩtɩɩ nɛ a kɛŋ dol-la Wɩa sɩ pɩla a kaa tɩtɩŋ, a kɛŋ tʋɔpʋla ma Wɩa sɩpaaŋ. Tʋɔpʋla-la nagɛ huonuŋ nɛ la sɩ vɔɔ laalɛ la nadiiŋ arɩ la nagʋa nɩsaa lɛ a kɛŋ la tɩtɩa hɛ dɔŋɔ dɩ la pɔ la tɩtɩa lɛ.

2 Kɔrɩntɩ Nɩaa 6:7 ပူးပေါင်းရင်းမြစ်များ

WƖA YƖƖLAA 119:43

Leŋ dɩ mɩ bʋbʋl wʋtɩtɩɩ bʋa na-kala, bɛɛ wɩaa mɩ joŋ mɩ yɩɛlaa kala hɛ wombie-la ŋ sɩ bile dɩ la tuto lɛ nɛ.

MOSIS KƐŊ IZIRAL TƖŊŊAA LƖƖ 14:22

Ŋɩɩ nɛ Iziral tɩŋŋaa vɛŋ mʋga-la tʋɔŋ tintee-hɩlɩŋ, ka lɩɩ-la nagɛ jebiiŋ ba nadiiŋ arɩ ba nagʋa.

NAMAGABA 3:16

Wʋjɩmɩŋ nɛ jaŋ leŋ dɩ ŋ kɛŋ mɩɩ-duduoŋ. Ʋ jaŋ leŋ dɩ ŋ kɛŋ dʋa arɩ yɩrɩŋ ma.

AZAAYA 11:5

Tʋɔpʋla arɩ wʋtɩtɩɩ jaŋ nagɛ gɛrɩpɛlɩɛɛ-bie ʋ tɩŋa lɛ.

AZAAYA 59:17

Tʋɔpʋla nɛ ŋaa ʋ laalɩyuori bɔɩ-tɔrɛ kʋa, nɩaa laatanɩŋ ma nɛ ŋaa ʋ nyunchu-gbaŋkogo. Ʋ baanɩŋ ʋ sɩ jaŋ joŋo tiŋ nɩaa lɛ ma nagɛ gɛrɩŋ ʋ joŋo laalɛ. Tʋɔ-la ma ʋ sɩ kɛnɛ dɩ ʋ ŋaa ŋɩɩ nagɛ gɛrɛ-bɔsɔ nɛ ʋ baagɛ.

Maak 16:20

Ŋɩɩ nɛ ʋ harɩ-tooroo sii lɩɩ a mʋ lee na-kala a bʋbʋl Wɩa wɩaa. La Tɩɩna Wɩa pɛ ba lɛ ba ŋɩŋaa wʋmagɩlaa, dɩ nɩaa jɩŋ arɩ wɩalɩŋ ba sɩɩ bʋl ŋaa wʋtɩtɩɩ nɛ. Amɩɩ.

Tɩntɩŋŋaa 11:21

La Tɩɩna fa pɛ ba lɛ nɛ woruŋ, nɩaa yʋga a laa Yesu wɩaa dii a bɩrɩma tutou.

1 Kɔrɩntɩ Nɩaa 1:24

Ama nɩalɩŋ Wɩa sɩ yɩra kala teeŋ, Juu tɩŋŋaa arɩ Giriik tɩŋŋaa kala, Kirisito lɛ nɛ Wɩa doluŋ arɩ ʋ wʋjɩmɩŋ kala hɛ.

2 Kɔrɩntɩ Nɩaa 13:4

Ba kpaasʋ mɛrɛ daagɛsɛ nyuŋ a nagɛ arɩ ʋ fa bɩ doluŋ kɛnɛ. Ama Wɩa doluŋ lɛ ʋ sie nɛ a kɛŋ mɩɩsɩŋ. La hɛ Kirisito lɛ nɛ a bɩ doluŋ kɛnɛ la tɩtɩa lɛ. Kirisito sɩ weye ŋɩɩ a kɛŋ mɩɩsɩŋ Wɩa doluŋ lɛ, ŋɩɩ tɩtɩa nɛ la ma jaŋ kɛŋ mɩɩsɩŋ Wɩa doluŋ lɛ a tɩma pɩma.

2 Kɔrɩntɩ Nɩaa 2:17

Nɩaa yʋga nɛ a gɔllɔ bʋbʋl Wɩa niiŋ wɩaa a lɩlaa moribiee, ama la-na bɩ ŋɩɩ ŋaa. La-na ŋaa nɩtɩtɩɩba nɛ. Wɩa nɛ lɩɩsɛla dɩ la tɩŋ tɩntɩmɩŋ deeŋ. Kirisito doluŋ lɛ nɛ laa bʋl Wɩa wɩaa.

2 Kɔrɩntɩ Nɩaa 4:2

Hɩɩsɩ wɩalɩŋ arɩ wʋkaa-faalɩɩ-la nɩaa sɩ lʋara ŋɩŋaa, la-na vɩaba ta nɛ faafaa kala. La bɩra bɩ nʋʋ nyɩsɛ. La bɩ wɩaa nyɩɛ pɩpɛ Wɩa niiŋ wɩalɩŋ lɛ. Ama Wɩa sɩpaaŋ la chaasa bʋl wɩaa, dɩ nʋʋkala tʋɔbɩɩnaa jɩŋ arɩ wʋtɩtɩɩ nɛ la bʋbʋl.

2 Kɔrɩntɩ Nɩaa 7:14

Mɩ bigisi ma lɛ nɛ ʋ sɩpaaŋ, ma ma bɩ leŋe hɩɩsɩŋ diimi, wɩalɩŋ kala la sɩ bʋla pɩ Taatɩs a tɩgɛ ma lɛ sɩ ŋaa wʋtɩtɩɩba ŋɩɩ. Ŋɩɩ tɩtɩa nɛ wɩalɩŋ kala la sɩ bʋla pɩma sɛnɛ ŋaa wʋtɩtɩɩ.

Ɛfɛsɩs Nɩaa 1:13

Ma ma kʋ ŋaa Kirisito nɩaa nɛ bʋa-la lɛ ma sɩ nɩɩ Wɩa wɩalɩŋ sɩ ŋaa wʋtɩtɩɩba, Yesu wʋzɔmɔ-la sɩ laa nɩaa tɩta. Ma sɩ laa ʋ wɩaa dii ŋɩɩ, Wɩa joŋ ʋ Dɩŋ-zɔmʋŋ hɛ ma lɛ nɛ a magɩlɛma, kʋ-la ʋ fa sɩ sɩ ʋ jaŋ joŋo pɩ nɩalɩŋ sɩ laa ʋ wɩaa dii.

Ɛfɛsɩs Nɩaa 3:20

Ʋ dol-la ʋ sɩ kaa tɩtɩŋ la lɛ, mɩɩ sʋlʋ dɩ ʋ leŋ dɩ dol-la faasa tɩtɩŋ la tʋɔŋ lɛ. Ʋ nɛ jaŋ wuo ŋaa wɩaa yʋga kɩɩ wɩalɩŋ kala la sɩ sʋlʋ chɩchɛ arɩ wɩalɩŋ kala la sɩɩ bɩɩnʋ.

Ɛfɛsɩs Nɩaa 4:21

Ma nɩɩ Yesu wɩaa nɛ, ba dagɛma wʋtɩtɩɩ-la kala sɩ mʋ tɩgɛ Yesu lɛ.

Koloosi Nɩaa 1:5

Ma ŋaa ŋɩɩ a tɩŋ ma sɩɩ yɩɛlɛ kɩalɩŋ sɩ pɩna gbɛrɛma nɛ Wɩa-jaŋ lɛ. Ma nɩɩ wɩɩŋ deeŋ bʋa-la ma sɩ nɩɩ Wɩa wʋzɔmɔ-la sɩ ŋaa wʋtɩtɩɩ nɛ.

1 Tɛsalonaaka Nɩaa 5:8

Ama la-na hɛ pʋlʋmʋŋ tʋɔŋ nɛ, ŋɩɩ wɩaa ʋ maga dɩ la kɛŋ la tɩtɩa wɩɩ-na kala lɛ nɛ. Wɩalɩŋ la sɩ laa dii arɩ la sɩ cho nɩaa ŋɩɩ, má leŋ dɩ ba nagɛ hɔɔŋ bɔɩ-tɔɔrɩ gɛrɩŋ. La sɩɩ yɩɛlɛ dɩ Wɩa laala ta ŋɩɩ, má leŋ dɩ ʋ nagɛ hɔɔŋ nyuŋ-chu-gbaŋkogo dɩ la chu,

2 Timoti 2:15

Hɛ ŋ doluŋ kala dɩ Wɩa wuo na arɩ ŋ ŋaa tɩntɩnnɩ-tɩtɩɩ nɛ, sɩ bɩ hɩɩsɩŋ ka fá, a bɩra leŋ dɩ ʋ wuo na arɩ ŋ dagɛ wɩalɩŋ sɩ ŋaa wʋtɩtɩɩba nɛ woruŋ.

2 Timoti 4:7

Mɩ yuo laalɩ-zɔŋ-la nɛ woruŋ. Mɩ fá mɩ fanɩŋ dɛrɛ nɛ. Mɩ chɩŋ wɩalɩŋ mɩ sɩ laa dii lɛ nɛ.

Hiburu TƖŊŊAA 2:4

Wɩa ma tɩtɩa daga arɩ wɩɩ-la ba sɩ bʋla ŋaa wʋtɩtɩɩ nɛ. Ʋ dagɛ ʋ doluŋ a ŋaa wʋkpuŋkperisiŋ arɩ wʋmagɩlaa kala. Wɩa to ʋ tʋɔtɔrʋŋ lɛ nɛ a joŋ ʋ Dɩŋ-zɔmʋŋ a dii zile nɩaa lɛ.

Jeems 1:18

Ʋ tʋɔtɔrʋŋ lɛ nɛ ʋ laa sɩpaaŋ bʋl ʋ niiŋ wɩaa sɩ ŋaa wʋtɩtɩɩ a pɩla dɩ la wuo tutoba, a ŋaa ʋ bii-bumbumba kɩalɩŋ kala ʋ sɩ ŋaa tʋɔŋ.