2 Kɔrɩntɩ Nɩaa 6:6 - WƖA TENIŊ

⁶ La yie dagɛ arɩ la ŋaa Wɩa tɩntɩnnaa nɛ, bɛɛ wɩaa la bɩ disiniŋ kɛnɛ. La jɩŋ wɩaa nɛ, a kɛŋ kenyiri, a kɛŋ zile, a kɛŋ Wɩa Dɩŋ-zɔmʋŋ ma, a cho nɩaa arɩ wʋtɩtɩɩ.

2 Kɔrɩntɩ Nɩaa 6:6 ပူးပေါင်းရင်းမြစ်များ

ƐZƖKƖƐL 33:31

Mɩ nɩaa jaŋ yʋgɛ a kɔ ŋ teeŋ dɩ ba jegile nɩɩ ŋ niiŋ wɩaa, ama ba bɩ jaŋ kɛmba tɩŋ. Ba niiree yie bʋbʋl wʋzɔŋŋɔɔ nɛ, ama ba tʋɔŋ bɔmɔ a gɩrɩma lɩlaa nɩaa kɩaa.

Rom Tɩŋŋaa 12:9

Má cho dɔŋɔ arɩ wʋtɩtɩɩ. Má bɛrɛ wʋbɔŋŋɔɔ, aŋ joŋ ma tɩtɩa hɛ wʋzɔŋŋɔɔ ŋaanɩŋ lɛ.

Rom Tɩŋŋaa 15:19

wʋkpuŋkperisi-la arɩ wʋmagɩla-la mɩ sɩ ŋaa Wɩa Dɩŋ-zɔŋ-la doluŋ lɛ. Mɩ chaasa bʋl Kirisito wʋzɔmɔ-la, a suomi Jerusalɛm lɛ a gɔllɛ ŋɩɩ a mʋ yi Iliirikam.

1 Kɔrɩntɩ Nɩaa 12:8

Wɩa Dɩŋ-zɔmʋŋ yie joŋ wʋjɩmɩŋ a pɩ nʋʋ ʋ wuo bʋl Wɩa wɩaa pɩpɩ nɩaa. Ʋ yie joŋ wɩɩ pɩ nʋʋ dɔŋ ʋ wuo jɩŋ Wɩa wɩaa bʋbʋɔŋ a wuo dɩdagɛba woruŋ.

1 Kɔrɩntɩ Nɩaa 13:4

Dɩ ŋ nɛ cho nɩaa, ŋ jaŋ kɛŋ kenyiri ba teeŋ a kɛŋ zile ma, ŋ bɩ jaŋ kɛŋ yarɩ-bieriŋ nɩaa teeŋ, ŋ bɩ jaŋ bibigisi ŋ tɩtɩa lɛ ba teeŋ, ŋ bɩ jaŋ ŋɩŋaa sɩɩ-duoŋ ma ba lɛ.

1 Kɔrɩntɩ Nɩaa 2:16

Wɩa teniŋ tʋɔŋ ŋ-la nɛ ba ŋmʋnsɛ a pɩɛsɛ, “Kʋbɛɛ nɛ jɩŋ La Tɩɩna Wɩa tʋɔbɩɩnaa? Kʋbɛɛ nɛ jaŋ wuo bʋl wɩaa a chagɩlʋ?” Ama la-na jɩŋ Kirisito tʋɔbɩɩnaa nɛ.

1 Kɔrɩntɩ Nɩaa 2:4

Nuhuobiine wʋjɩmɩŋ dee mɩ kaa bʋbʋl Wɩa wʋzɔmɔ-la, aŋ pɛ dɩdagɛ ma ma. Ama ŋɩɩ mɩ sɩɩ bʋl wɩaa daga arɩ Wɩa Dɩŋ-zɔmʋŋ doluŋ hɛ mɩ lɛ nɛ.

2 Kɔrɩntɩ Nɩaa 1:23

Arɩ Wɩa, wɩalɩŋ kala mɩ sɩ bʋla ŋaa wʋtɩtɩɩ nɛ. Mɩ bɩ ma teeŋ kɔ Kɔrɩntɩ lɛ, bɛɛ wɩaa mɩ fa bɩ chɛ dɩ mɩ walɩmɛma.

2 Kɔrɩntɩ Nɩaa 11:11

Bɛɛ nɛ tɩɩ mɩ bɩ mɩ tɩtɩa joŋo ŋaa chʋga ma lɛ? Ma bɩɩna mɩ bɩ ma cho nɛɛ? Aɩ, Wɩa tɩtɩa jɩma arɩ mɩ choma nɛ.

2 Kɔrɩntɩ Nɩaa 11:4

Mɩɩ bʋl ŋ-la, bɛɛ wɩaa dɩ nʋʋ dɔŋ nɛ bɩra kɔ ma teeŋ a bʋl wʋtanɩɩ a mʋ tɩgɛ Yesu wɩalɩŋ la sɩ bʋla pɩma lɛ, ma yie laa dii nɛ. Dɩ ba nɛ bɩra bʋl dɩŋ-wogo ma wɩaa sɩ tuo Wɩa Dɩŋ-zɔmʋŋ ma sɩ laa, ma yie sɛɩ nɛ. Dɩ ba nɛ bɩra bʋl wʋwogo ma sɩ tuo Wɩa wʋzɔmɔ-la la sɩ bʋla pɩma, ma yie chagɛ laa nɛ lɩma lɩma.

2 Kɔrɩntɩ Nɩaa 11:6

Ama dɩ mɩ nɛ paala bɩ wɩaa bʋlʋŋ jɩŋ ma, mɩ jɩŋ wɩaa nɛ. La chaasa bʋl wɩɩŋ deeŋ pʋlla pɩma nɛ wombii kala lɛ.

2 Kɔrɩntɩ Nɩaa 12:15

A tɩŋ ma wɩaa mɩ paala faasa cho nɛ dɩ mɩ kɛŋ kʋŋkala mɩ sɩ kɛnɛ arɩ mɩ doluŋ a tɩma pɩma. Ŋɩɩ wɩaa, dɩ mɩ nɛ choma kɩŋkɛŋ, ʋ maga dɩ ma ma chomi nɛ.

2 Kɔrɩntɩ Nɩaa 13:10

Lɛɛlɛ mɩ tuo ma teeŋ, ŋɩɩ nɛ tɩɩ mɩ ŋmʋnsɛ teniŋ pɩpɩma. Dɩ mɩ nɛ kɔ ma teeŋ, mɩɩ chɛ dɩ mɩ dagɛ dol-la La Tɩɩna Wɩa sɩ joŋo pɩmɛ ma teeŋ. Ʋ joŋ dol-la pɩmɛ dɩ mɩ kaa pɛ ma lɛ nɛ dɩ ma wasa dol. Ʋ bɩ sɩ dɩ mɩ kaa cheima.

2 Kɔrɩntɩ Nɩaa 2:10

Dɩ ma nɛ joŋ wɩɩ chɛ nʋʋ, mɩ ma joŋo chɛʋ nɛ, dɩ mɩ nɛ fa maga dɩ mɩ joŋ wɩɩ chɛ nʋʋ, mɩ joŋo chɛʋ nɛ, a tɩŋ ma wɩaa. Kirisito sɩpaaŋ nɛ mɩ ŋaa ŋɩɩ, bɛɛ wɩaa

2 Kɔrɩntɩ Nɩaa 2:4

Bʋa-la lɛ mɩ sɩ ŋmʋnsɛ teŋ-la dɩ mɩ pɩma, mɩ tʋɔŋ faasa chei nɛ woruŋ, mɩ nɩna hɛɛŋ, mɩ yel kɩŋkɛŋ ma wɩaa. Mɩ bɩ teŋ-la ŋmʋnsa dɩ mɩ chei ma tʋɔŋ, ama dɩ mɩ leŋ dɩ ma jɩŋ arɩ mɩ faasa choma nɛ.

2 Kɔrɩntɩ Nɩaa 3:3

Ma nɛ saa chaasa dagɛ arɩ ma ŋaa teŋ-la Kirisito sɩ leŋe la ŋmʋnsɛ. Teniŋ deeŋ, ʋ bɩ naga kʋ-la nɩaa sɩ kaa ŋmʋnsɛ tenniŋ nɛ. Wɩa sɩ weye joŋ ʋ Dɩŋ-zɔmʋŋ nɛ a kaa ŋmʋnsɛ wɩalɩŋ hɛ ma tʋɔŋ. Ba saa bɩra bɩ ŋmʋnsa hɛ tabɩɩ-taala lɛ, ama ba ŋmʋnsa hɛ nuhuobiinee tʋɔŋ lɛ nɛ.

2 Kɔrɩntɩ Nɩaa 4:6

Bumbuŋ Wɩa sɩ ŋaa dʋnɩa, ʋ leŋe pʋlʋmʋŋ chaanɛ birimiŋ tʋɔŋ nɛ. Ŋɩɩ tɩtɩa nɛ lɛɛlɛ ʋ leŋ pʋlʋmʋŋ kʋ jʋʋ la tʋɔŋ. Pʋlʋŋ-la nɛ leŋe la kɛŋ wʋjɩmɩŋ a wuo jɩŋ ŋɩɩ Wɩa sɩɩ tʋl. Wɩa to Kirisito lɛ nɛ a dagɛ ʋ tʋla.

2 Kɔrɩntɩ Nɩaa 7:2

Má chaasa pʋllɛ ma tʋɔŋ pɩla. La bɩ wɩɩ ŋaa cheima, la bɩ ma nyuŋ ma cheye, la bɩra bɩ ma gʋra maa.

Galiisia Nɩaa 3:2

Má leŋ dɩ mɩ pɩɛsɛma wɩɩŋ deeŋ: Wɩa sɩ joŋ ʋ Dɩŋ-zɔmʋŋ dii zile ma lɛ, ʋ ŋaa ŋɩɩ a tɩŋ ma sɩɩ to wɩalɩŋ Mosis fa sɩ bile dɩ nɩaa tuto nɛ, koo a tɩŋ ma sɩ nɩɩ Wɩa wʋzɔmɔ-la a laaba dii nɛ tɩɩ?

Galiisia Nɩaa 3:5

Wɩa joŋ ʋ Dɩŋ-zɔŋ-la a dii zile ma lɛ, aŋ pɛ ŋɩŋaa wʋkpuŋkperisiŋ ma teeŋ. Ma bɩɩna ma sɩɩ to wɩalɩŋ Mosis sɩ bile nɛ tɩɩ ʋ wuo ŋɩŋaa ŋɩɩ, koo ma sɩ nɩɩ Wɩa wʋzɔmɔ-la a laaba dii nɛ tɩɩ?

Galiisia Nɩaa 5:22

Ama dɩ Wɩa Dɩŋ-zɔmʋŋ nɛ hɛ nʋʋ lɛ, ʋ yie ŋaa ʋ cho nɩaa nɛ, a kɛŋ tʋɔtɔrʋŋ, a fɩɛla hɔŋ sɔm, a kɛŋ kenyiri, a kɛŋ zile, a ŋɩŋaa wʋzɔŋŋɔɔ, a kɛŋ wʋtɩtɩɩ,

Ɛfɛsɩs Nɩaa 3:4

Dɩ ma nɛ karɩmɛ teŋ-la, ma jaŋ na ŋɩɩ Wɩa sɩ leŋe mɩ jɩŋ wɩalɩŋ fa sɩ faa a tɩgɛ Kirisito lɛ.

Ɛfɛsɩs Nɩaa 4:2

Má leŋ dɩ ma sɩaa tuu tinteeŋ, a pɛ kɛŋ ma tɩtɩa muuri, a kɛŋ kenyiri, a joŋ wɩaa chɩchɛ dɔŋɔ, a tɩŋ ma sɩ cho dɔŋɔ wɩaa.

Ɛfɛsɩs Nɩaa 4:32

Ama má kɛŋ zile dɔŋɔ lɛ, a fɩfá dɔŋɔ nenige. Má joŋ wɩaa chɩchɛ dɔŋɔ, arɩ Wɩa sɩ to Kirisito lɛ a joŋ ma wʋbɔŋŋɔɔ kala chɛma ŋɩɩ.

Koloosi Nɩaa 1:27

Ba nɛ Wɩa lɩɩsɛ dɩ ba jɩŋ wɩalɩŋ sɩ zɔmɔ ŋɩɩ kɩŋkɛŋ, ka ʋ fa joŋo faa. Lɛɛlɛ ʋ dagɛ ba sɩ magɛ ŋɩɩ nɛ a pɩ nɩalɩŋ sɩ bɩ Juu tɩŋŋaa ŋaa. Wɩalɩŋ nɛ daga arɩ Kirisito hɛ ma tʋɔŋ lɛ nɛ. Ŋɩɩ wɩaa, má yɩyɩɛlɛ dɩ ma kpaa ʋ yɩrɩ-bal-la nɛ.

Koloosi Nɩaa 2:3

Ʋ dʋndʋŋa lɛ nɛ Wɩa joŋ wʋjɩmɩŋ arɩ jɩma kala faa.

Koloosi Nɩaa 3:12

Ŋɩɩ wɩaa, Wɩa sɩ lɩɩsɛma a choma a leŋ ma ŋaa ʋ nɩaa sɩ bɩ disiniŋ kɛnɛ, ma fɩfá nɩaa nenige a kɛŋ zile, a kɛŋ ma tɩtɩa muuri, a leŋ dɩ ma sɩaa fɩɛlɛ, a kɛŋ kenyiri.

1 Tɛsalonaaka Nɩaa 2:10

Ma dɩ Wɩa kala ŋaa la sɩada tɩŋŋaa nɛ arɩ la fa sɩ hɛ ma nɩalɩŋ sɩ laa Yesu wɩaa dii teeŋ, la wʋŋaalaa kala fa to Wɩa wombiiŋ nɛ a ŋaa wʋtɩtɩɩba. La bɩ wɩɩkala ŋaa chei.

1 Timoti 4:12

Ŋ ŋaa hambie nɛ, ama sɩ́ leŋe dɩ nʋʋkala bee gʋʋnʋŋ. Leŋ dɩ nɩalɩŋ sɩ laa Yesu wɩaa dii na ŋ wʋbʋlaa, ŋ mɛlɛ, ŋɩɩ ŋ sɩ cho nɩaa, ŋɩɩ ŋ sɩ laa Wɩa dii arɩ ŋ tʋɔpʋla a to ŋ naabʋɔsʋŋ.

1 Timoti 5:2

Kɛŋ hanɩhɩasɩŋ ma woruŋ arɩ ba ŋaa ŋ naamba nɛ, a kɛŋ hantolibiisiŋ ma woruŋ arɩ ba ŋaa ŋ dɩhaalaa nɛ. Dɩ ŋ nɩɩ ŋaa ŋɩɩ, pɔ dɩ disiniŋ sɩ́ ma pɛgɛ hɛ.

2 Timoti 3:10

Ama ŋ-na jɩŋ wɩalɩŋ mɩ sɩɩ dagɛ nɛ, a jɩŋ mɩ mɛlɛ, a jɩŋ wɩɩ-la mɩ sɩɩ chɛ dʋnɩa lɛ, a bɩra jɩŋ ŋɩɩ mɩ sɩ chɩŋ wɩalɩŋ mɩ sɩ laa dii lɛ, a kɛŋ kenyiri, a cho nɩaa aŋ kɛŋ nyalɩma ma.

2 Timoti 4:2

bʋl Wɩa wɩaa pɩpɩ nɩaa bʋa na-kala lɛ, dɩ wɩaa zɔmɔ koo dɩ ba lɔrɔ. Kɛmba tʋra kɩɩ, bʋl ba teeŋ, aŋ ŋaa dɩ ba nyuŋ nyaasɛ. Kɛŋ kenyiri a jɩma dɩdagɛba woruŋ.

Taatɩs 2:7

Ŋ-na tɩtɩa Taatɩs, wɩɩ na-kala ŋ sɩɩ ŋaa lɛ, leŋ dɩ nɩaa na ŋ wʋŋaalaa sɩ zɔmɔ dɩ ba tuto. Wɩalɩŋ kala ŋ sɩɩ dagʋ, leŋ dɩ ba na arɩ ŋ kɛŋ wʋtɩtɩɩ arɩ sɩɩfɩɛsɩŋ.

Jeems 3:17

Ama wʋjɩmɩɩ-la sɩ lɩɩ Wɩa teeŋ zɔmɔ kɩŋkɛŋ. Wʋbɔŋ kala tuo ʋ lɛ. Nɩɩ-la kala sɩ kɛŋ wʋjɩmɩŋ deeŋ, yie hɔŋ nɛ sɔm a kɩkɛrɛ yuosuŋ, a kɛŋ zile. Ʋ yie jegilee nɩɩ nɩaa niiŋ wɩaa. Ʋ yie fɩfá nɩaa nenige ma nɛ woruŋ, a ŋɩŋaa wʋzɔŋŋɔɔ. Ʋ bɩ tʋɔbɩɩnaa balɩa ma kɛnɛ a bɩ nii-sɩma ma kɛnɛ.

1 Pɩɩta 1:12

Wɩa joŋo dagɛba arɩ ma wɩaa nɛ tɩɩ ba faa bʋl wɩaa deemba, ba tɩtɩa wɩaa dee. Lɛɛlɛ nɩalɩŋ sɩ bʋl Wɩa wʋzɔmɔ-la pɩpɩma, ba dagɛma bumbuŋ wɩaa deemba kala nɛ. Wɩa Dɩŋ-zɔmʋŋ sɩ lɩɩ Wɩa-jaŋ kʋ tuu hɛba lɛ nɛ pɩba doluŋ deeŋ. Wɩa tɩndaaraa ma fa cho dɩ ba na wɩaa deemba nɛ.

1 Pɩɩta 1:22

A tɩŋ ma sɩɩ to wʋtɩtɩɩ wombiiŋ lɛ ŋɩɩ, ma pɩɩsɛ ma disiniŋ kala ta nɛ. Ma sɛnɛ cho ma naambiiri-la sɩ laa Wɩa wɩaa dii nɛ. Ŋɩɩ wɩaa, má kɛŋ ma tʋɔŋ arɩ ma doluŋ kala a wasa cho dɔŋɔ.

1 Jɔɔŋ 3:18

Mɩ biiriŋ, má sɩ́ leŋe dɩ la kɛŋ niiŋ dʋndʋŋa cho dɔŋɔ. Má leŋ dɩ la to wʋtɩtɩɩ wombiiŋ a ŋɩŋaa wʋzɔŋŋɔɔ, dɩ la wʋŋaalɩa-la dagɛ arɩ la sɛnɛ cho dɔŋɔ nɛ.

SƖPAALAARAA 16:15

Ŋɩɩ nɛ tolo-la pɩɛsʋ, “Ɛɛ nɛ ŋ jaŋ bʋl ŋ chomi nɛ, aŋ kɛŋ wɩaa fɩfaamɛ? Naansɩɩŋ butori nɛ ŋ-la, ŋ sɩ jommi mɩ ŋaa nɩyaarɩ ŋ nyɩsɛmɛ, aŋ ha bɩ ŋ dol-la bʋbʋɔŋ daga pɩmɛ.”