Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Kɔrɩntɩ Nɩaa 6:5 - WƖA TENIŊ

5 Ba yie ŋmoola, a kɛnla tɔ dɩa, nɩaa hɛ yuosuŋ la nyuŋ, la yie faasa tɩtɩŋ nɛ, la bɩ doŋ pɩŋ, losuŋ ma kɛnla.

အခန်းကိုကြည့်ပါ။ ကော်ပီ




2 Kɔrɩntɩ Nɩaa 6:5
48 ပူးပေါင်းရင်းမြစ်များ  

Má bʋla pɩba arɩ ba laaʋ tɔ bɩnɩŋ dɩa a pʋpʋ boroboro mʋa mʋa arɩ lɩɩŋ dʋndʋŋ a mʋ yi bʋa-la lɛ mɩ sɩ jaŋ mɩɩra kɔ arɩ yarɩfɩɛlaa.”


Asa sɩ nɩɩ wɩɩŋ deeŋ, ʋ baanɩŋ chaasa sii woruŋ, ʋ kɛŋ Hanani Wɩa sɩɩ-naarʋ-la tɔ dɩa. Bʋa-la tɩtɩa lɛ Asa fa chaasa dɔgɩsɛ ʋ nɩalɩŋ dɔnsʋŋ ma nɛ woruŋ.


Ba pɩrʋ a tɩŋ la wʋbɔŋŋɔɔ wɩaa nɛ. Wʋbɔmɔ-la la sɩ ŋaa wɩaa nɛ ba tɩma vɩɩrʋ. Hɛɛ-la ʋ sɩ na nɛ leŋe la kɛŋ yarɩfɩɛlaa. Ba sɩ pɩrʋ, ŋɩɩ nɛ tɩɩ dɩ la nɛ wɩɩla ma, la yie duori.


Jɛrɩmaaya fa ha sɩ hɛ nɩalɩŋ sɩɩ pɔ leriŋ kaala-la lɛ ba sɩ kɛnʋ tɔ hɛ, ŋɩɩ nɛ La TƖƖNA bʋl wɩaa pʋ lɩamɩŋ lɛ:


Ŋɩɩ nɛ ba kɛŋ Jɛrɩmaaya, a joŋu hɛ kuoro nanʋala Malɩkɩja viliŋ lɛ. Vil-la fa hɛ nɩalɩŋ sɩɩ pɔ leriŋ kaala lɛ nɛ. Ba kɛŋ ŋmɛsɩŋ nɛ vɔɔ Jɛrɩmaaya a joŋu hɛ vil-la tʋɔŋ. Lɩɩŋ fa tuo vil-la lɛ, vʋchɔɔŋ dʋndʋŋa nɛ, ŋɩɩ nɛ Jɛrɩmaaya tuu mʋʋrɛ vʋchɔɔ-la lɛ.


“Nuhuobiiŋ, mɩ leŋe ŋ nɛ ŋaa nɩɩ-la sɩ pɔ leriŋ a bibeŋ Iziral tɩŋŋaa, ŋɩɩ wɩaa jegile nɩɩ wɩɩ-la mɩ sɩɩ bʋl aŋ mʋ kpʋrɩsɛ ba dɩgɩlaa.


Ʋ ŋaa ba mʋ keri Jɔɔŋ nyuŋ bɩnɩŋ dɩa lɛ


Hɛrɔd-la fa sie a mʋ jaa haal kʋbala nɛ. Ʋ yɩrɩŋ nɛ Hɛrɔdɩas. Ʋ fa ŋaa ʋ ŋaana Fɩlɩp haala nɛ, ʋ laa jaa.


Ŋɩɩ nɛ Yesu pɩɛsɛba, “Dɩ nʋʋ nɛ mʋ jaa haal kaa kɔ, dɩ ʋ dɩ ʋ nandɔnsʋŋ hɔŋ, ʋ nandɔsʋ-la tʋɔŋ jaŋ chei? Aɩ. Ama chɛɛ dɔŋ nɛ hɛ nɩmɛ, ba jaŋ kɛŋ baal-la kaa mʋ lee, aŋ ka dɩ ʋ nandɔsʋ-la vɔɔ niiŋ.”


Ba sɩ chʋɔlɛ Wɩa a vɔɔ niiŋ ŋɩɩ, ba joŋ ba nɩsaa daŋ ba lɛ, aŋ taba.


Dɩ Juu tɩŋŋaa dɔnsʋŋ lɩɩ Antɩɔk, Pisiidia tinteeŋ lɛ, a ma kɔ. Dɔnsʋŋ ma lɩɩ Ikooniam a kɔ. Ba kʋ kɛsɛ nɩalɩŋ pɛ ba tɩtɩa lɛ a yagɛ Pɔɔl arɩ tabɩaa, a kɛnʋ lɛrɛ lɩɩ ba tabal-la tʋɔŋ, a bɩɩnɛ arɩ ʋ sʋba nɛ.


Lee-na kala nɩalɩŋ sɩ laa Yesu wɩalɩŋ dii aa hilimi, Pɔɔl arɩ Banabas yie lɩɩsɛ nɩaa ba tʋɔŋ dɩ ba ŋaa ba kʋhɩasɩŋ. Ba nɛ ŋaa ŋɩɩ, ba yie chʋɔlɛ Wɩa pɩba a vɔɔ niiŋ, aŋ jomba hɛ La Tɩɩna Yesu nɩsɩŋ lɛ, nɩɩ-la wɩaa ba sɩ laa dii.


Ŋɩɩ nɛ Juu tɩŋŋaa yaraa bibieri. Ba chɛ kɛsɛ nyu-duo tɩŋŋaa sɩ yie bɩbaarɛ wombiee arɩ yɔɔsʋŋ tʋɔŋ a pɛ ba tɩtɩa lɛ dɩ ba kɛŋ jaŋ-la hosi. Ba mʋ jʋʋ Jaasɩŋ dɩa dɩ ba chɛ kɛŋ Pɔɔl arɩ Saalas a kaa kʋ lɩɩ nɩ-daŋ-la tʋɔŋ.


Ŋɩɩ wɩaa, má beŋ ma tɩtɩa nyuŋ woruŋ. Má liliisi arɩ mɩ dagɛma nʋʋkala jɩsɩŋ batori nɛ wɩɩhɛyɛ arɩ tɩtaŋɩŋ kala, a yel sɩlɩɩrɩŋ ma woruŋ ma wɩaa.


Ŋɩɩ nɛ ba kɛŋ wɩɩ-la faasa lɛrɛ, leriŋ kala hosi. Fawʋllʋŋ kɛŋ laalɩyuoroo kʋhɩaŋ-la arɩ ba jaŋ kɛŋ Pɔɔl lɛrɛ pʋɔsɛ. Ŋɩɩ nɛ ʋ ŋaa ʋ laalɩyuoroo jʋʋ nɩalɩŋ tʋɔŋ a lorigo laaʋ nɩalɩŋ teeŋ, a kɛnʋ kaa mʋ laalɩyuoroo dɩɩ-duo-la.


ʋ bʋla pʋ, “Dɩ nɩalɩŋ sɩɩ bʋl ŋ teeŋ nɛ kɔ, mɩ jaŋ nɩɩ wɩɩ-la ŋ sɩ kɛnɛ dɩ ŋ bʋl, aŋ ka dɩ mɩ-na dii ŋ sarɩya.” Ŋɩɩ nɛ ʋ ŋaa ba kɛŋ Pɔɔl mʋ hɛ dɩɩ-bal-la Hɛrɔd sɩ saa, a ŋaa laalɩyuoroo pʋpɔʋ nɩmɛ.


Jɩsɩŋ balɩa sɩ kiele, baal kʋbala baa yɩrɛ Pɔkɔs Fɛsɩtɔs laa Fɛlɩs leriŋ a ŋaa nɩɩ-la sɩ chɩŋ kuoru-balɩŋ nyuŋ. Fɛlɩs faa chɛ dɩ Juu tɩŋŋaa chou, ŋɩɩ nɛ tɩɩ ʋ leŋ Pɔɔl ha hɛ bɩnɩŋ-dɩa lɛ.


Ŋɩɩ nɛ mɩ ŋaa Jerusalɛm lɛ. Mɩ laa doluŋ Wɩɩsʋllɩ sɩpaalaaraa nɩhɩasɩŋ teeŋ, aŋ kɛŋ Wɩa nɩaa yʋgɛ a tɔ dɩa. Dɩ ba nɛ sɩ dɩ ba kpʋba ma, mɩ yie sɛɩ nɛ.


Ŋɩɩ nɛ Pɔɔl bʋl, “Ʋ ŋaa lɛɛlɛ koo ʋ dieni mʋa, mɩ Wɩɩsʋlʋŋ nɛ dɩ ŋ dɩ nɩkaana-la kala sɩɩ jegile mɩ teeŋ jɩnɩŋ deeŋ, dɩ ma kʋ laa Yesu wɩaa dii a nagɛmɛ. Ama mɩ bɩ chɛ dɩ ma nagɛmɛ arɩ ba sɩ vɔɔmɛ arɩ chɔrʋmɔɔ ŋ-la.”


Pɔɔl hɔŋ Rom lɛ jɩsɩŋ balɩa, a laa dɩa a jʋjʋʋ. Nʋʋ na-kala sɩ kɔ dɩ ʋ naʋ, ʋ yie kɛnʋ woruŋ nɛ.


Ba kɛsɛ Yesu nanzɔɔba-la kaa mʋ tɔ dɩa, lee-la ba sɩɩ tɔ ba nɩaa.


Ama Wɩa dii zile mɩ lɛ woruŋ. Ʋ nɛ leŋe mɩ ŋaa nʋʋ lɛɛlɛ, ʋ zile ma bɩ pɛɩ ŋaa, ama mɩ nɛ faasa tɩŋ kɩŋkɛŋ, a kɩɩ ba kala. Mɩ tɩtɩa doluŋ lɛ dee mɩ wuo tɩtɩŋ, ama Wɩa dol-la ʋ sɩ joŋo pɩmɛ nɛ tɩɩ.


Naabʋɔsʋŋ deemba lɛ losuŋ arɩ lɩɩnyʋasʋŋ kɛnla nɛ, la laalɛ gɛrɩ-kɔsʋmɔɔ, ba ŋmuŋmoola, la gɔllɔ bɩbaarɛ.


Dɩ baala nɩɩ chɛ ʋ haala, ʋ bɩ maga dɩ haala vɩa, dɩ haala ma nɩɩ chɛ ʋ bala, ʋ bɩ maga dɩ ʋ bala ma vɩa, see dɩ ba kala sɛyɛ arɩ ba bɩ jaŋ jɩŋ dɔŋɔ a magɛ tapʋlaa baŋmɛnɛ, aŋ joŋ ba tɩtɩa kala hɛ Wɩɩ-chʋɔlʋŋ lɛ. Ama dɩ ma nɛ chʋɔlɛ Wɩa dɛrɛ, má bɩra suomo jɩŋ dɔŋɔ. Dɩ ma nɩɩ ŋaa ŋɩɩ, Sɩtaanɩ bɩ jaŋ wuo na wombiiŋ a jomma hɛ wʋbɔmʋŋ lɛ a tɩŋ ma sɩ bɩ ma tɩtɩa kɛnɩŋ jɩŋ wɩaa.


Mɩ faasa tɩŋ nɛ woruŋ a kala lɔl. Tapʋlaa yʋga mɩ sɩ bɩ doŋ pɩna, losuŋ arɩ lɩɩnyʋasʋŋ ma kɛmmɛ, mɩ paala bɩ kʋdiilee kɛnɛ dɩ mɩ dii, a bɩ gɛrɩ-yuŋii kɛnɛ dɩ mɩ kaa tɔ waarɩŋ, ka waarɩŋ kpʋmɛ.


Ba kɛŋ mɩ-na Pɔɔl tɔ dɩa a tɩŋ Kirisito Yesu wɩaa nɛ. Mɩ bɩra hɛ sarɩka lɛ a tɩŋ ma ma nɩalɩŋ sɩ bɩ Juu tɩŋŋaa ŋaa wɩaa nɛ. Ŋɩɩ wɩaa nɛ tɩɩ mɩ yie sʋl Wɩa pɩpɩma.


Kpaasa naansɩɩŋ mahɩŋ balɩa nɛ maga dɩ ʋ laa. Ʋ bɩ maga dɩ ʋ kieli ŋɩɩ lɛ. Dɩ ʋ nɛ vɩɩrʋ kɩɩ ŋɩɩ, ʋ yaraa jaŋ faasa fol dɩ ʋ nagɛ ʋ ŋaa nɩtɔɔ nɛ.


Laalɩyuoro-la kala sɩɩ pɔ kuoru dɩa arɩ nʋʋkala jɩma arɩ Kirisito wɩaa nɛ tɩɩ ba kɛmmɛ kaa tɔ dɩa.


La naambiiriŋ, ma jɩŋ ŋɩɩ la fa sɩ faasa tɩŋ a na hɛɛŋ bʋa-la lɛ la fa sɩ bʋl Wɩa wʋzɔmɔ-la aa pɩma. La tɩŋ wɩɩhɛyɛ arɩ tɩtaŋɩŋ kala nɛ, dɩ la sɩ́ ma nyuŋ hɔŋ a gbɛrɛma.


Laa yɩɛlɛ Wɩa sɩ weye lɛ nɛ. Ŋɩɩ nɛ tɩɩ laa loo a faasaa tɩŋ woruŋ. Wɩa nɛ ŋaa nʋʋkala Laataara, a saa wasanyaŋ nɩalɩŋ sɩ laa ʋ wɩaa dii.


Ŋɩɩ wɩaa dɩ ŋ nɛ bʋl La Tɩɩna Yesu wɩaa pɩpɩ nɩaa, sɩ́ leŋe dɩ hɩɩsɩŋ kɛnɩŋ a tɩŋ Yesu wɩaa. Bɩra sɩ́ leŋe dɩ hɩɩsɩŋ kɛnɩŋ mɩ ma wɩaa, a tɩŋ ba sɩ kɛmmɛ tɔ dɩa Kirisito wɩaa. Ama Wɩa doluŋ lɛ, sɛɩ dɩ la kala na hɛɛŋ a tɩŋ Yesu wʋzɔmɔ-la wɩaa.


A tɩŋ Yesu wʋzɔmɔ-la wɩaa, mɩ na hɛɛŋ nɛ. Ba vɔɔmɛ arɩ chɔrʋmɔɔ nɛ, a nagɛ mɩ ŋaa nɩbɔŋ nɛ. Ama ba bɩ Wɩa niiŋ wɩaa-na vɔbɔ.


Ama ŋ-na hɛ doluŋ a kɛŋ ŋ tɩtɩa woruŋ wɩɩ na-kala lɛ. Dɩ hɛɛŋ nɛ jʋʋŋ ma, nyalɩmɛ. Ŋ sɩ ŋaa Wɩa tɩntɩnnʋ ŋɩɩ, bʋl Yesu wʋzɔmɔ-la a pɩ nɩaa a tɩŋ ŋ tɩntɩmɩɩ-la kala woruŋ.


Dʋnɩa nɩaa mɔŋ dɔnsʋŋ nɛ. Ba vɩɩrɛ dɔnsʋŋ ma ba yaraa bɩɛlɛ. Ba vɔɔ dɔnsʋŋ ma arɩ chɔrʋmɔɔ aŋ kɛmba tɔ dɩa.


Má tuto ma sɩpaalaaraa niiŋ a joŋ ma tɩtɩa a pɩba. Má ŋaa ŋɩɩ, bɛɛ wɩaa ba nɩɩ bemma. Maachie ba nɛ jaŋ dagɛ ŋɩɩ ma sɩ tɩŋ ma tɩntɩŋŋaa a pɩ Wɩa. Dɩ ma nɛ to ba niiŋ lɛ, ba jaŋ tɩŋ ba tɩntɩŋŋaa woruŋ arɩ tʋɔtɔrʋŋ. Ama dɩ ma nɛ bɩ ba niiŋ to, ba tʋɔŋ jaŋ chei ma nyuŋ. Ʋ ŋɩɩ saa bɩ jaŋ pɛ ma lɛ.


Mɩɩ chɛ dɩ ma jɩŋ arɩ la naambie Timoti ba fa sɩ kaa tɔ dɩa, ba lɩɩsʋ nɛ. Dɩ ʋ nɛ kɔ mɩ teeŋ lɩma, mɩ dɩ ʋ kala jaŋ kɔ ma teeŋ.


Má sɩ́ leŋe dɩ fawʋllʋŋ kɛmma a mʋ tɩgɛ hɛɛ kala ma sɩ jaŋ na lɛ. Mɩ bʋlaa pɩma, Sɩtaanɩ jaŋ magɩsɛ ma dɔnsʋŋ a leŋ dɩ ba kɛmma tɔ bɩnɩŋ dɩa. Ma jaŋ na hɛɛŋ a yi tapʋlaa fii. Dɩ ba nɩɩ chɛ dɩ ba kpʋma ma, ma-na ha chɩŋ wɩalɩŋ ma sɩ laa dii lɛ. Dɩ ma nɛ ŋaa ŋɩɩ, mɩ jaŋ joŋ mɩɩ-zɔmʋŋ pɩma Wɩa-jaŋ lɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ