2 Kɔrɩntɩ Nɩaa 6:3 - WƖA TENIŊ

³ La bɩ chɛ dɩ la joŋ kʋŋkala gɛrɛ nʋʋkala wombiiŋ lɛ dɩ ba sɩ́ wʋbɔŋ kala bɩɩnʋ a mʋ tɩgɛ tɩntɩmɩɩ-la la sɩɩ tɩŋ lɛ. La ŋaa Wɩa tɩntɩnnaa nɛ.

2 Kɔrɩntɩ Nɩaa 6:3 ပူးပေါင်းရင်းမြစ်များ

Matiu 17:27

Ama la-na bɩ chɛ dɩ la ŋaa wɩɩ a chei nɩaa deemba tʋɔŋ, ŋɩɩ wɩaa kɛŋ gbɩaŋ tuu hɛ fuoŋ lɛ a kɛsɛ chenfilee. Gbɩaŋ-la sɩ jaŋ kɛŋ chenfil-bumbuŋ-la, kɛŋ ʋ niiŋ suri, ŋ jaŋ na moribiiŋ ʋ niiŋ lɛ. Lɩɩsɛ moribii-la a tiŋ mɩ dɩ ŋ nyʋŋ lampoo.”

Matiu 18:6

Nɩɩ-la kala sɩ na hambiisi-la sɩɩ tomi dɔŋɔ a nyɩsʋ dɩ ʋ ŋaa wʋbɔmʋŋ, dɩ ba nɛ joŋ nɔmʋŋ a vɔɔ laalɛ ʋ baŋŋaa lɛ a joŋu yuo hɛ mʋgʋ-balɩŋ tʋɔŋ dɩ ʋ nyʋa lɩɩŋ a sʋʋ, ŋɩɩ nɛ kpɩa ʋ sɩ weye.

Tɩntɩŋŋaa 19:27

Wɩɩ-la mɩ-na sɩɩ fá nɛ ŋ-la: Nɩaa jaŋ chei la tɩntɩmɩŋ deeŋ yɩrɩŋ. La bɩraa fá arɩ la veŋ-balɩŋ Atɛmɩs dɩa jaŋ kʋ ŋaa ku-tɔɔ. Nɩaa bɩra bɩ jaŋ joŋu dɩ ʋ ŋaa kʋŋ. Lɛɛlɛ Esia nɩaa arɩ dʋnɩa nʋʋkala nɩɩ kpaarʋ.”

Rom Tɩŋŋaa 14:13

Ŋɩɩ wɩaa, ma bɩra sɩ́ leŋe dɩ la bʋbʋl la dɔnsʋŋ tɩŋŋaa teeŋ a bʋl dɩ ba bɩ woruŋ ŋaa, ama ʋ maga dɩ ma bɩɩna joŋ wɩɩŋ deeŋ nɛ: Má pʋpɔ ma sɩ́ wɩɩ-la sɩ jaŋ yigi ma naambie hɛ wʋbɔmʋŋ lɛ ŋaa.

1 Kɔrɩntɩ Nɩaa 9:12

Dɩ ma nɩɩ pɩ nɩaa dɔnsʋŋ kɩaa deemba, ʋ bɩ maga dɩ ma faasa pɩla a kɩɩbaa? Ama la-na bɩ ŋɩɩ joŋo ʋ ŋaa fʋgʋna, dɩ la sɩ́ wɩɩkala ŋaa kɛrɛ Wɩa wʋzɔmɔ-la sɩ tɩgɛ Kirisito wombiiŋ lɛ.

1 Kɔrɩntɩ Nɩaa 9:22

Dɩ mɩ nɛ mʋ nɩalɩŋ sɩ bɩ waa Wɩa wɩaa lɛ teeŋ, mɩ yie kɛŋ mɩ tɩtɩa a nagɛ ba dɔŋɔ nɛ, dɩ mɩ wuo leŋ dɩ ba kʋ to Wɩa. Mɩ yie kɛŋ mɩ tɩtɩa bɩrɩmɛ a nagɛ nʋʋkala nɛ dɩ mɩ wuo laa dɔnsʋŋ ta, dɩ mɩ nɛ wuolo.

2 Kɔrɩntɩ Nɩaa 1:12

Lɛɛlɛ la jaŋ wuo bigisi la tɩtɩa lɛ, bɛɛ wɩaa la tʋɔbɩɩnaa daga arɩ la wʋŋaalaa kala zɔmɔ nʋʋkala teeŋ nɛ dʋnɩa deeŋ lɛ. Wɩɩkala la sɩ ŋaa ma teeŋ, la ŋaa wɩalɩŋ sɩɩ to Wɩa wombiiŋ nɛ aŋ pɛ ŋaa wʋtɩtɩɩ-la Wɩa sɩɩ chɛ. Nuhuobiine wʋjɩmɩŋ lɛ dee la to a ŋɩŋaa wɩalɩŋ, ama Wɩa doluŋ lɛ nɛ la ŋaaba.

2 Kɔrɩntɩ Nɩaa 8:20

Ŋɩɩ wɩaa laa chɛ dɩ la kɛŋ kʋ-daŋ-la ma sɩ kɩɛsa pɩla a tɩŋ woruŋ nɛ, la bɩ chɛ dɩ nʋʋkala wuo na wʋbɔŋ a bʋla tɩgɛ kɩalɩŋ la sɩɩ chɛ dɩ la kaa kpaa Wɩa nɩaa lɛ.