2 Kɔrɩntɩ Nɩaa 6:16 - WƖA TENIŊ

¹⁶ La ŋaa Wɩa-la sɩ weye dɩa nɛ, ʋ hɛ la lɛ. Ŋ bɩ jaŋ wuo jʋʋ Wɩa dɩa a kpaarɛ vʋɩyaa nɩmɛ. Ŋ-la nɛ Wɩa tɩtɩa bʋl ʋ teniŋ tʋɔŋ. Ʋ sɩ, “Mɩ jaŋ hɛ mɩ nɩaa tʋɔŋ a gʋgɔllɛ. Mɩ nɛ jaŋ ŋaa ba Wɩa, dɩ ba ma ŋaa mɩ nɩaa.

2 Kɔrɩntɩ Nɩaa 6:16 ပူးပေါင်းရင်းမြစ်များ

1 KUOROO 18:21

Ɩlaaja mʋ chɩŋ nɩalɩŋ sɩpaaŋ aŋ bʋl, “Ɛɛ nɛ maa chɛ dɩ ma diene magɛ aŋ joŋ wɩaa deemba balɩa kʋ-la sɩ maga dɩ ma to? Dɩ La TƖƖNA nɛ ŋaa Wɩa, má tou, ama dɩ Baal ma nɛ ŋaa Wɩa, má tou.” Ama nɩalɩŋ bɩ wɩɩkala bʋla.

WƖA YƖƖLAA 90:1

La Tɩɩna, ŋ nɛ la dɩjʋʋlʋŋ bʋa na-kala a kaa mʋ wuu.

MOSIS KƐŊ IZIRAL TƖŊŊAA LƖƖ 20:3

Ma bɩ maga dɩ ma kɛŋ wɩa kala a pɛ mɩ-na Wɩa lɛ.

MOSIS KƐŊ IZIRAL TƖŊŊAA LƖƖ 23:13

Má jegile nɩɩ wɩalɩŋ kala mɩ-na ma TƖƖNA sɩ bʋla pɩma. Má pɔ dɩ ma sɩ́ vʋɩyaa kpaarʋ, a sɩ́ ba yɩrɩŋ yɩrʋ.

MOSIS KƐŊ IZIRAL TƖŊŊAA LƖƖ 25:8

Leŋ dɩ nɩalɩŋ ŋaa lee sɩ zɔmɔ pɩmɛ, dɩ mɩ hɛ ba tʋɔŋ.

MOSIS KƐŊ IZIRAL TƖŊŊAA LƖƖ 29:45

Mɩ jaŋ hɛ Iziral tɩŋŋaa teeŋ a ŋaa ba Wɩa.

MOSIS KƐŊ IZIRAL TƖŊŊAA LƖƖ 34:14

Má pʋpɔ dɩ ma sɩ́ vene kala zil. Mɩ-na ma TƖƖNA yɩrɩŋ nɛ yarɩ-bieri Tɩɩna, mɩ bɩ hadɔrʋŋ ka chɛ.

JƐRƖMAAYA 24:7

Mɩ jaŋ pɩba tʋɔ-la sɩ jaŋ leŋ dɩ ba jɩŋ arɩ mɩ nɛ ba TƖƖNA. Ba jaŋ ŋaa mɩ nɩaa, dɩ mɩ ma ŋaa ba Wɩa, bɛɛ wɩaa ba jaŋ mɩɩra kɔ mɩ teeŋ arɩ ba tʋɔŋ kala.

JƐRƖMAAYA 31:1

La TƖƖNA sɩ, “Bʋa-la lɛ, mɩ jaŋ ŋaa Iziral doho nɩaa kala Wɩa, dɩ ba ma ŋaa mɩ nɩaa.”

JƐRƖMAAYA 31:33

La TƖƖNA bɩra sɩ, “Bʋa-la lɛ nii-la mɩ sɩ jaŋ bil mɩ dɩ Iziral tɩŋŋaa pɛgɛ nɛ ŋ-la: Mɩ jaŋ joŋ wombii-la mɩ sɩ bile dɩ ba tuto wɩaa hɛ ba nyuŋ lɛ, aŋ ŋmʋnsʋ a hɛ ba tʋɔŋ ma lɛ. Mɩ jaŋ ŋaa ba Wɩa, dɩ ba ma ŋaa mɩ nɩaa.

JƐRƖMAAYA 32:38

Ba jaŋ ŋaa mɩ nɩaa, dɩ mɩ ma ŋaa ba Wɩa.

ƐZƖKƖƐL 11:20

Ŋɩɩ nɛ ba jaŋ to mɩ wʋdagaa a fɩɛlɛ ba sɩaa a to mɩ wombie-la mɩ sɩ bile dɩ ba tuto. Ba jaŋ ŋaa mɩ nɩaa, dɩ mɩ ma ŋaa ba Wɩa.

ƐZƖKƖƐL 36:25

Mɩ jaŋ joŋ lɩɩzɔmʋŋ a mɩsɛma, dɩ ʋ ŋaa dɩ ma zɔŋ. Mɩ jaŋ pɩɩsɛ tɔmɔ-la ma sɩ kpaara a kɛŋ disiniŋ arɩ disiŋ dɔŋ kala ma sɩ ŋaa a ta.

ƐZƖKƖƐL 36:28

Ma jaŋ hɛ tintee-la mɩ sɩ joŋo pɩ ma naabalɩmaba lɛ. Ma jaŋ ŋaa mɩ nɩaa, dɩ mɩ ma ŋaa ma Wɩa.

ƐZƖKƖƐL 43:7

Ʋ sɩ, “Nuhuobiiŋ, mɩ kuoru kpasa arɩ mɩ naasɩŋ dɩ-wiesi nɛ ŋ-la. Leriŋ deeŋ nɛ mɩ jaŋ hɛ a guoli Iziral tɩŋŋaa tʋɔŋ a kaa mʋ wuu. Iziral tɩŋŋaa bɩra bɩ jaŋ chei mɩ yɩrɩ-zɔŋ-la. Ba tɩtɩa koo ba kuoroo bɩra bɩ jaŋ kpʋkpaarɛ vesiŋ dundolluŋ nyuŋ, koo a saa ba kuoroo vaamaa a kpʋkpaarɛ.

ƐZƖKƖƐL 43:9

Lɛɛlɛ ba maga ba leŋ vʋɩyaa kpaarɩŋ arɩ ba kuoroo vaamaa ba sɩ saa bil a kpʋkpaarɛ. Dɩ ba nɛ ŋaa ŋɩɩ, mɩ jaŋ hɛ ba tʋɔŋ a kaa mʋ wuu.”

HOSIA 14:8

Efirem, ŋ dɩ ŋ tɔŋŋɔɔ bɩra bɩ wɩɩ pɛ. Mɩ jaŋ laa ŋ sʋla aŋ beŋ ŋ nyuŋ woruŋ. Mɩ nagɛ bʋtʋma pɩpaarɩŋ sɩ bire woruŋ nɛ, ŋ wʋzɔŋ kala lɩɩ mɩ teeŋ nɛ.”

HOSIA 2:23

Mɩ tɩtɩa nɛ jaŋ holluŋ tintee-la lɛ, mɩ jaŋ dagɛ mɩ chonuŋ Lo-Ruhama lɛ, nɩɩ-la mɩ fa sɩ sɩ mɩ bɩ ʋ cho. Mɩ jaŋ bʋla pɩ Lo-Ammi, nɩalɩŋ ma mɩ fa sɩ sɩ ma bɩ mɩ nɩaa ŋaa: Ma ŋaa mɩ nɩaa nɛ lɛɛlɛ. Ba ma jaŋ bʋl, ‘Ŋ nɛ La Wɩa.’ ”

LEVI DOHO NƖAA 26:12

Mɩ jaŋ hɛ ma tʋɔŋ a ŋaa ma Wɩa dɩ ma ma ŋaa mɩ nɩaa.

ZEFANAAYA 1:5

Mɩ jaŋ chei nɩalɩŋ sɩ yie jɩl lusuŋ a kpirime chʋɔlɛ wɩɩpɔsʋŋ, chɛnɛ arɩ chɛnwʋlaa, arɩ nɩalɩŋ sɩ yie kpirime chʋɔlɛ mɩ-na ba TƖƖNA a ŋmɩɛsɛ mɩ yɩrɩŋ lɛ, aŋ ha bɩra ŋmɩŋmɩɛsɛ vene-la ba sɩɩ yɩrɛ Mɔlɛk ma yɩrɩŋ lɛ.

ZƐKARƖYA 13:9

Kʋbala deeŋ ma, mɩ jaŋ joŋu hɛ nyiniŋ lɛ. Mɩ jaŋ wasɛba ta a nagɛ ba sɩ yie joŋ hɔpʋla hɛ nyiniŋ lɛ a lɩɩsɛ ʋ hɔɔ-bɩnɩŋ ta ŋɩɩ. Mɩ jaŋ magɩsɛba na a nagɛ ba sɩ yie joŋ sɛlɩmɛ hɛ nyiniŋ lɛ a magɩsa na ʋ zɔmʋŋ ŋɩɩ. Ba jaŋ yɩrɛmɛ dɩ mɩ sɛɩ. Mɩ jaŋ bʋl, ‘Ba ŋaa mɩ nɩaa nɛ,’ dɩ ba ma bʋl, ‘La TƖƖNA nɛ la Wɩa.’ ”

ZƐKARƖYA 8:8

Mɩ jaŋ kɛmba mɩɩra kɔ dɩ ba hɔŋ Jerusalɛm lɛ. Ba jaŋ ŋaa mɩ nɩaa, dɩ mɩ kɛŋ wʋtɩtɩɩ arɩ tʋɔpʋla ba teeŋ a ŋaa ba Wɩa.”

Matiu 16:16

Ŋɩɩ nɛ Saamɔŋ Pɩɩta bʋl, “Ŋ nɛ ŋaa Kirisito, Wɩa-la sɩ weye Bie.”

Matiu 6:24

Nʋʋkala bɩ jaŋ wuo tɩŋ tɩntɩŋŋaa a pɩ nɩhɩasɩŋ balɩa. Ʋ jaŋ cho dɔŋɔ aŋ bɛrɛ dɔŋɔ. Ʋ jaŋ tuto dɔŋɔ niiŋ wɩaa woruŋ aŋ vɩa dɔŋɔ niiŋ wɩaa. Ŋɩɩ tɩtɩa nɛ ŋ bɩ jaŋ wuo ŋaa Wɩa yoŋ aŋ bɩra ŋaa moribiee ma yoŋ.

Luuk 5:36

Ŋɩɩ nɛ ʋ bɩra magɛ namaga a pɩba, “Nʋʋkala bɩ jaŋ keri gɛrɩpɛ-falɩŋ a kaa tɔ gɛrɩ-bɩnɩŋ. Ŋ nɛ ŋaa ŋɩɩ, ŋ jaŋ chei gɛrɩ-falɩɩ-la. Gɛrɩpɛ-falɩɩ-la ma ŋ sɩ kere tɔ gɛrɩ-kɔsʋ-la ma bɩ jaŋ challɛ.

Jɔɔŋ 14:23

Ŋɩɩ nɛ Yesu bʋla pʋ, “Nɩɩ-la kala sɩ chomi, ʋ jaŋ tuto mɩ niiŋ wɩaa. Ʋ sɩ ŋaa ŋɩɩ, mɩ Nyɩmma ma jaŋ chou. Mɩ dɩ mɩ Nyɩmma kala jaŋ kʋ hɛ ʋ lɛ.

Jɔɔŋ 6:56

Nɩɩ-la kala sɩ chaŋ mɩ yaraa nammɩa-la a nyʋa mɩ chal-la, ʋ jaŋ hɛ mɩ lɛ, dɩ mɩ ma hɛ ʋ lɛ.

Rom Tɩŋŋaa 8:11

Wɩa nɛ chɩsɛ Yesu sʋʋŋ lɛ. Dɩ ʋ Dɩŋ-zɔŋ-la nɛ hɛ ma lɛ, ʋ jaŋ chɩsɛ ma yara-la sɩ jaŋ pʋa sʋʋŋ lɛ dɩ ma kɛŋ mɩɩsɩŋ, arɩ ʋ sɩ chɩsɛ Yesu sʋʋŋ lɛ ŋɩɩ. Ʋ jaŋ to ʋ Dɩŋ-zɔŋ-la sɩ hɛ ma lɛ nɛ a ŋaa ŋɩɩ.

Rom Tɩŋŋaa 8:9

Ama Wɩa Dɩŋ-zɔŋ-la sɩ hɛ ma lɛ ŋɩɩ, ma-na bɩ ma yaraa wʋŋaalaa lɛ ka to, maa to wɩalɩŋ Wɩa Dɩŋ-zɔŋ-la sɩ daga nɛ. Dɩ Wɩa Dɩŋ-zɔŋ-la nɛ tuo nʋʋkala lɛ, tɩɩna bɩ Kirisito nʋʋ ŋaa.

Rom Tɩŋŋaa 9:26

Lee-la tɩtɩa ba fa sɩ bʋla pɩ nɩaa arɩ ba bɩ Wɩa nɩaa ŋaa, lee-la nɛ ba jaŋ yɩrɛba Wɩa sɩ weye biiriŋ.”

1 Kɔrɩntɩ Nɩaa 10:21

Ma dɩ Wɩa bɩ jaŋ wuo pɛ nyʋnyʋala, aŋ ka ma dɩ jɩnsɩŋ ma pɛ nyʋnyʋala. Ma bɩra bɩ jaŋ wuo didii kɩaa Wɩa teeŋ aŋ bɩra mʋ didii jɩnsɩŋ ma teeŋ.

1 Kɔrɩntɩ Nɩaa 6:19

Ma bɩ jɩŋ arɩ ma yaraa ŋaa Wɩa Dɩŋ-zɔŋ-la ʋ sɩ joŋo pɩma dɩa nɛɛ? Ma dee bɩ ma tɩtɩa tɩɩ. Wɩa nɛ tɩɩma.

Ɛfɛsɩs Nɩaa 2:20

Ma nagɛ tie-biee Wɩa sɩ kaa sɩsaa ʋ dɩa nɛ. Wɩa nanzɔɔba arɩ Wɩa wʋlaabʋllaa nɛ ŋaa dɩa-la gentine. Kirisito Yesu tɩtɩa nɛ ŋaa tie-bii-duo-la ba sɩ kaa bil dɩa-la gentine.

Ɛfɛsɩs Nɩaa 2:22

Ma dɩ Kirisito sɩ ŋaa kʋbala ŋɩɩ, ma dɩ Wɩa nɩaa dɔnsʋŋ kala nɛ ʋ kaa saa Wɩa dɩa deeŋ, ʋ Dɩŋ-zɔmʋŋ jʋjʋʋ.

Ɛfɛsɩs Nɩaa 3:17

Mɩ bɩra sʋlʋ dɩ ma wuo laa Kirisito wɩaa dii woruŋ, dɩ ʋ hɛ ma tʋɔŋ lɛ a leŋ dɩ ma chɩŋ kpaŋ kpaŋ a cho nɩaa.

MOSIS BƖRA WULLI WƖA WOMBIIŊ 5:7

Ma bɩ maga dɩ má kɛŋ wɩa kala a pɛ mɩ-na Wɩa lɛ.

1 Timoti 3:15

dɩ mɩ nɛ ka diene ma, dɩ ma ha wuo jɩŋ ŋɩɩ Wɩa nɩaa mɛlɛ sɩ maga dɩ ʋ nagɛ. Ba nɛ ŋaa nɩalɩŋ sɩ laa Wɩa-la sɩ weye wɩaa dii aa hilimi. Ba nɛ chagɛ wʋtɩtɩɩ-la Wɩa sɩ daga kɩɩ a nagɛ dɩa gentine arɩ jebiiŋ sɩ yie chagɛ dɩa kɩɩ ŋɩɩ.

2 Timoti 1:14

Wɩa Dɩŋ-zɔmʋŋ doluŋ lɛ, kɛŋ wʋzɔmɔ-la Wɩa sɩ joŋo hɛ ŋ nɩsɩŋ lɛ woruŋ.

Hiburu TƖŊŊAA 3:6

Ama Kirisito-na fa ŋaa Wɩa Bii nɛ, a kɛŋ wʋtɩtɩɩ a bibeŋ Wɩa nɩaa. Dɩ la ma nɛ kɛŋ bɔɩ-duoŋ a tɩŋ kɩalɩŋ la sɩɩ yɩɛlʋ wɩaa, la jaŋ wuo ŋaa ʋ nɩaa.

Hiburu TƖŊŊAA 8:10

La Tɩɩna bɩra sɩ, “Bʋa-la lɛ nii-la mɩ sɩ jaŋ bil mɩ dɩ Iziral tɩŋŋaa pɛgɛ nɛ ŋ-la: Mɩ jaŋ joŋ wombie-la mɩ sɩ bile dɩ ba tuto hɛ ba nyuŋ lɛ, aŋ ŋmʋnsɛba hɛ ba tʋɔŋ ma lɛ. Mɩ jaŋ ŋaa ba Wɩa, dɩ ba ma ŋaa mɩ nɩaa.

Jeems 4:5

Ma bɩɩna wɩalɩŋ ba sɩ daga Wɩa teniŋ tʋɔŋ bɩ bʋbʋɔŋ kɛnɛɛ? Ba ŋmʋnsa arɩ ʋ Dɩŋ-zɔmʋŋ ʋ sɩ joŋo hɛ la lɛ chaasa kɛŋ hadɔrʋŋ nɛ woruŋ.

1 Pɩɩta 2:5

Ma ma nagɛ tabɩɩ-la sɩ kɛŋ mɩɩsɩŋ nɛ. Ŋɩɩ wɩaa, má leŋ dɩ Wɩa kɛmma saa ʋ dɩa, a leŋ dɩ ma ŋaa nɩa sɩ́ bɩ disiniŋ kɛnɛ a laa nɩaa nyuŋ a tɩma pʋpʋ, a nagɛ Wɩɩsʋllɩ sɩpaalaaraa. Wɩa chɛ dɩ ma to Yesu Kirisito lɛ nɛ a ŋaa Wɩɩsʋlɩɩ-la sɩ maga a pʋ.

1 Jɔɔŋ 4:12

Nʋʋkala ha bɩ Wɩa na. Dɩ la nɛ cho dɔŋɔ, Wɩa hɛ la teeŋ nɛ a kaa mʋ. Dɩ ʋ nɛ hɛ la teeŋ ŋɩɩ, la jaŋ cho Wɩa arɩ la dɔnsʋŋ tɩŋŋaa kɩŋkɛŋ.

1 Jɔɔŋ 4:15

Nʋʋkala sɩ wuo bʋl arɩ Yesu nɛ ŋaa Wɩa Bie, Wɩa hɛ tɩɩna teeŋ nɛ a kaa mʋ. Ʋ tɩɩna ma hɛ Wɩa teeŋ nɛ a kaa mʋ.

Jɔɔŋ Wʋnaalaa 2:1

Ŋmʋŋsɛ wɩaa deemba a pɩpɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi Ɛfɛsʋs lɛ. Mɩ-na nɩɩ-la sɩ kori chɛnwʋla-la balɩpɛ mɩ nadiiŋ nɩsɩŋ lɛ a vɩvɛŋ chaaŋ daasɩ-la balɩpɛ tʋɔŋ, mɩ nɛ tɩŋ tɩndaarɩŋ deeŋ.

Jɔɔŋ Wʋnaalaa 21:3

Ŋɩɩ nɛ aŋ ka mɩ nɩɩ nʋʋ yikori-balɩŋ dɩ ʋ lɩɩ kuoru kpasa-la sɛmɛ a bʋl, “Má bee na, lɛɛlɛ Wɩa kɔ nuhuobiine teeŋ nɛ. Ʋ jaŋ hɔŋ ba tʋɔŋ. Ba nɛ jaŋ ŋaa ʋ nɩaa. Wɩa tɩtɩa jaŋ hɔŋ ba teeŋ a ŋaa ba Wɩa.

Jɔɔŋ Wʋnaalaa 21:7

Nɩɩ-la kala sɩ wuo yuo dii Sɩtaanɩ jaŋ na kɩaa deemba kala. Mɩ jaŋ ŋaa ʋ Wɩa, ʋ ma jaŋ ŋaa mɩ bii.