2 Kɔrɩntɩ Nɩaa 6:14 - WƖA TENIŊ

¹⁴ Má sɩ́ ma tɩtɩa kaa mɛrɛ nɩalɩŋ sɩ bɩ Yesu wɩaa laa dii lɛ. Tʋɔpʋl tɩŋŋaa arɩ nɩbɔŋŋɔɔ bɩ dɔŋɔ lɛ wuo mɛrɛ. Pʋlʋmʋŋ arɩ birimiŋ bɩ jaŋ wuo guoli dɔŋɔ lɛ.

2 Kɔrɩntɩ Nɩaa 6:14 ပူးပေါင်းရင်းမြစ်များ

WƖAA DƖ-SUOMUŊ 24:3

Mɩɩ chɛ dɩ ŋ ŋmɩɛsɛ La TƖƖNA Wɩa sɩ ŋaa wɩa-nyuŋ arɩ tinteeŋ kala arɩ ŋ bɩ jaŋ jaa tolo sɩ lɩɩ Kɛnaŋ tinteeŋ pɩ mɩ bie Aɩzɩk, nɩalɩŋ tʋɔŋ mɩ sɩ hɛ.

1 KUOROO 18:21

Ɩlaaja mʋ chɩŋ nɩalɩŋ sɩpaaŋ aŋ bʋl, “Ɛɛ nɛ maa chɛ dɩ ma diene magɛ aŋ joŋ wɩaa deemba balɩa kʋ-la sɩ maga dɩ ma to? Dɩ La TƖƖNA nɛ ŋaa Wɩa, má tou, ama dɩ Baal ma nɛ ŋaa Wɩa, má tou.” Ama nɩalɩŋ bɩ wɩɩkala bʋla.

2 IZIRAL TƖŊŊAA NAABARƖŊ 19:2

Ŋɩɩ nɛ Wɩa sɩɩ-naara Jehu, Hanani nanʋala mʋ naʋ a pɩɛsʋ, “Ŋ bɩɩna ʋ maga dɩ ŋ pɛ nɩbɔmʋŋ lɛ, a kɛŋ nɩalɩŋ sɩ bɛrɛ La TƖƖNA bɩrɩmɛ ŋ sɩma nɛ koo? Wɩɩŋ deeŋ ŋ sɩ ŋaa leŋe La TƖƖNA na baanɩŋ nɛ ŋ nyuŋ.

ƐZƖRA 10:19

(Ba kala hɛ niiŋ nɛ arɩ ba jaŋ vɩa ba haala-la, aŋ ka ba kʋŋkala lɩɩsɛ pie-bele dɩ ba kaa ŋaa ba cheeriŋ Wɩɩsʋlʋŋ.)

WƖA YƖƖLAA 106:35

aŋ kɛŋ ba tɩtɩa mʋ mɛrɛ tinteye-la nɩaa lɛ, a tuto ba naabarɩŋ.

WƖA YƖƖLAA 119:63

Mɩ ŋaa nɩalɩŋ kala sɩɩ fáŋ, arɩ nɩalɩŋ sɩɩ to wɩalɩŋ ŋ sɩ daga nandɔŋ nɛ.

WƖA YƖƖLAA 16:3

Ŋ nɩaa wɩaa chaasa zɔŋ nɛ woruŋ, mɩ tʋɔŋ tɔrɛ ba nyuŋ nɛ.

MOSIS KƐŊ IZIRAL TƖŊŊAA LƖƖ 34:16

Dɩ ma nɛ jaa ba toloo dɔnsʋŋ ma, a pɩ ma biiriŋ, tolie-la jaŋ ŋaa ba wʋchɔrʋmɔ-la a lɛrɛ ma biiriŋ dɩ ba ma mʋ a tuto ba tɔmɔ-la.

NAMAGABA 22:24

Sɩ́ baaŋ tɩɩna kaa dii nandɔnsʋŋ. Sɩ́ ŋ tɩtɩa kaa mɛrɛ nɩɩ-la baanɩŋ sɩ bɩ diene aŋ sisii lɛ.

NAMAGABA 29:27

Tʋɔpʋl tɩɩna bɛrɛ nɩɩ-la sɩ bɩ wʋtɩtɩɩ kɛnɛ nɛ. Nɩbɔmʋŋ ma bɛrɛ nɩɩ-la sɩɩ ŋaa wɩaa ba bʋa lɛ.

LEVI DOHO NƖAA 19:19

Má kɛŋ wɩalɩŋ mɩ sɩ daga tɩtɩŋ. Má sɩ́ leŋe dɩ pʋŋ-wogusuŋ jɩjɩl dɔŋɔ. Má sɩ́ kʋdo wogusuŋ balɩa joŋo duu bagɩ-bala lɛ. Má sɩ́ gɛrɩpɛ wogusuŋ balɩa ba sɩ kaa yɛrɛ gɛrɩŋ laalʋ.

MALAKAƖ 2:11

Juda nɩaa bɩ wʋtɩtɩɩ joŋo to La TƖƖNA. Ba ŋaa wʋbɔŋŋɔɔ Jerusalɛm arɩ Iziral tinteeŋ lɛ nɛ. Juda tinteeŋ nɩaa ŋaa disiniŋ hɛ Wɩa dɩa-la ʋ sɩ cho lɛ nɛ. Ba baalaa jaa haalaa sɩ lɩɩ tintee-wogusuŋ nɛ a kpʋkpaarɛ vesiŋ.

MALAKAƖ 2:15

La TƖƖNA ŋaa haala arɩ ʋ bala ba kala ŋaa kʋbala nɛ ba wɩɩwɩɩ kala lɛ. Bɛɛ nɛ tɩɩ ʋ ŋaa wɩɩŋ deeŋ? Ʋ ŋaa ŋɩɩ dɩ ma wuo lʋl hambiisiŋ sɩ jaŋ tuto Wɩa nɛ. Má kɛŋ ma tɩtɩa woruŋ a pʋpɔ ma sɩ́ nii-la ma kʋŋkala sɩ hɛ pɩ ŋ bapʋɔsɛ haala chei.

Jɔɔŋ 7:7

Dʋnɩa nɩaa bɩ ma bɛrɛ, ama ba bɛrɛ mɩ-na nɛ, bɛɛ wɩaa mɩ vɛnɛ bʋla pɩpɩba arɩ baa ŋaa wʋbɔŋŋɔɔ nɛ.

Tɩntɩŋŋaa 4:23

Ba sɩ jomba ta, Pɩɩta arɩ Jɔɔŋ mɩɩra mʋ ba naambiiri-la ba dɩ ba fa sɩ yie hilimi teeŋ, a bʋl wɩalɩŋ kala Wɩɩsʋllɩ sɩpaalaaraa kʋhɩasɩŋ arɩ Juu tɩŋŋaa kʋhɩasɩŋ fa sɩ bʋla pɩba.

1 Kɔrɩntɩ Nɩaa 10:21

Ma dɩ Wɩa bɩ jaŋ wuo pɛ nyʋnyʋala, aŋ ka ma dɩ jɩnsɩŋ ma pɛ nyʋnyʋala. Ma bɩra bɩ jaŋ wuo didii kɩaa Wɩa teeŋ aŋ bɩra mʋ didii jɩnsɩŋ ma teeŋ.

1 Kɔrɩntɩ Nɩaa 15:33

Ama ma sɩ́ ma tɩtɩa nyɩsʋ. Dɩ ŋ nɛ ŋaa nɩzɔŋ aŋ tuto nɩbɔŋŋɔɔ harɩŋ, ŋ ma jaŋ kʋ ŋaa nɩbɔŋ.

1 Kɔrɩntɩ Nɩaa 5:9

Teŋ-la mɩ sɩ ŋmʋnsa pɩma tʋɔŋ, mɩ bʋla pɩma dɩ ma lɩɩsɛ ma tɩtɩa nɩalɩŋ sɩɩ ŋaa wʋlɩɩlɩŋ tʋɔŋ.

1 Kɔrɩntɩ Nɩaa 6:6

Ama dɩ Wɩa nɩaa balɩa nɛ kɛŋ wɩɩ, dɔŋɔ yie kɛŋ ʋ dɔŋɔ tɩɩna mʋ nɩalɩŋ sɩ bɩ Wɩa ka chʋɔlɛ teeŋ nɛ ba bʋl wɩɩ-la wasɛ pɩba.

1 Kɔrɩntɩ Nɩaa 7:39

Haala sɩ kɛŋ bala, dɩ ʋ bala nɛ hɛ ʋ mɩɩsɩŋ lɛ, ʋ bala-la nɛ tɩɩʋ. Ama dɩ ʋ bala nɛ sʋba, ʋ kɛŋ wombiiŋ dɩ ʋ bɩra jaa baal dɔŋ ʋ sɩ cho. Ama ʋ maga dɩ ʋ jaa nɩɩ-la sɩ cho La Tɩɩna nɛ.

Fɩlɩpa Nɩaa 2:15

Dɩ ma nɛ ŋaa ŋɩɩ, ma jaŋ ŋaa tʋɔpʋl tɩmma a sɩ́ wʋcheeli kala kɛŋ. Ma jaŋ ŋaa Wɩa biiriŋ a hɛ wʋbɔŋ ŋaaraa arɩ nɩbɔŋŋɔɔ tʋɔŋ dʋnɩa deeŋ lɛ. Ma chaanɛ nɩaa deemba tʋɔŋ a nagɛ chɛnwʋlaa sɩ chaanɛ ŋɩɩ wɩa-nyuŋ.

Jeems 4:4

Ma nagɛ haala bɩra sɩ bɩ ʋ bala niiŋ ka to nɛ. Ma bɩ jɩŋ arɩ nɩɩ-la kala sɩ joŋ ʋ nyuŋ kala hɛ dʋnɩa kɩaa lɛ ŋaa Wɩa dʋndɔŋ nɛɛ? Wʋtɩtɩɩ, nɩɩ-la kala sɩ joŋ ʋ nyuŋ hɛ dʋnɩa kɩaa lɛ bɩrɩmɛ Wɩa dʋndɔŋ nɛ.