2 Kɔrɩntɩ Nɩaa 5:9 - WƖA TENIŊ

⁹ Ŋɩɩ wɩaa, dɩ la nɛ hɛ dʋnɩa deeŋ lɛ, la cho dɩ la ŋaa wɩaa dɩ ʋ tʋɔŋ tʋtɔrɛ nɛ. Dɩ la nɛ mʋ ʋ teeŋ maa, ŋɩɩ tɩtɩa nɛ la jaŋ ŋɩŋaa,

2 Kɔrɩntɩ Nɩaa 5:9 ပူးပေါင်းရင်းမြစ်များ

WƖAA DƖ-SUOMUŊ 4:7

Dɩ ŋ nɛ fa ŋaa woruŋ, mɩ fa bɩŋ ka laa? Aŋ ka ŋ sɩ bɩ woruŋ ŋaa, wʋbɔmʋŋ chɩna gbɛrɩŋ nɛ a chɩchɛ dɩ ʋ kɛnɩŋ. Ʋ maga dɩ ŋ yuo diiu nɛ.”

AZAAYA 56:7

Mɩ jaŋ kɛmba mʋ mɩ peel-zɔŋ-la sɩ bɩ disiniŋ kɛnɛ nyuŋ, a leŋ ba kɛŋ tʋɔtɔrʋŋ mɩ dɩɩ-bal-la lɛ ba sɩɩ chʋɔlɛmɛ. Dɩ ba nɛ kɛŋ Wɩɩsʋlʋŋ kɩaa kɔ mɩ Wɩɩsʋllɩ koruŋ, mɩ jaŋ laa ba sʋla. Mɩ dɩa nɛ jaŋ ŋaa tinteyee kala Wɩa dɩ-chʋɔlʋŋ.”

Jɔɔŋ 6:27

Má sɩ́ ma doluŋ kala hɛ a chɛ kʋdiile-la sɩ jaŋ chei, ama má tɩma chɩchɛ kʋdiile-la sɩ jaŋ pɩma mɩɩsɩ-la sɩ bɩ dɛrɛ. Kʋdiilee deemba mɩ-na Nuhuobiine Bie nɛ jaŋ pɩma, bɛɛ wɩaa mɩ Nyɩmma Wɩa joŋ doluŋ hɛ mɩ lɛ nɛ dɩ mɩɩ ŋaa ŋɩɩ.”

Tɩntɩŋŋaa 10:35

Nʋʋkala sɩɩ faʋ a ŋɩŋaa wɩaa ba bʋa lɛ, Wɩa laaʋ nɛ. Ʋ sɩpaaŋ tuo doho-la kala ʋ sɩ ŋaa lɛ.

Rom Tɩŋŋaa 14:18

Nʋʋkala sɩ to wombiiŋ deeŋ lɛ a tɩma pɩ Kirisito, Wɩa tʋɔŋ jaŋ tɔrɛ ʋ nyuŋ, dɩ nɩaa ma zizilu.

Rom Tɩŋŋaa 14:8

La sɩ hɛ mɩɩsɩŋ deeŋ lɛ, la mɩɩsɩŋ hɛ La Tɩɩna Yesu nɩsɩŋ lɛ nɛ. Dɩ la nɛ sʋba ma, la ha hɛ La Tɩɩna Yesu nɩsɩŋ lɛ nɛ. Dɩ la nɛ weye koo dɩ la nɛ sʋba, la hɛ La Tɩɩna Yesu nɩsɩŋ lɛ nɛ,

Rom Tɩŋŋaa 15:20

Mɩ kɛŋ mɩ tʋɔŋ lɛ bʋa na-kala dɩ mɩ mʋ bʋl Wɩa wʋzɔmɔ-la lee-na kala nɩaa ha sɩ bɩ Kirisito wɩaa nɩa. Mɩ bɩ chɛ dɩ mɩ mʋ lee-la nɩaa sɩ laa sɩpaaŋ mʋ a bʋl Wɩa wɩaa.

1 Kɔrɩntɩ Nɩaa 15:58

Ŋɩɩ wɩaa mɩ naambiiriŋ, má chɩŋ wɩalɩŋ ma sɩ laa dii lɛ kpaŋ kpaŋ. Má sɩ́ leŋe dɩ kʋŋkala kɛmma begili. Má fɩɛsɛ sɩɩŋ a tɩŋ La Tɩɩna tɩntɩŋŋaa woruŋ. Ma jɩma arɩ Wɩa tɩntɩmɩɩ-la ma sɩɩ tɩŋ bɩ jaŋ kɔ dɩ ʋ ŋaa pɛɩ.

2 Kɔrɩntɩ Nɩaa 5:6

Ŋɩɩ wɩaa bʋa na-kala lɛ la nyuŋ yie nyaasɛ nɛ. La sɩ kɛŋ yaraa deemba la mɩɩsɩŋ lɛ, la bɩ La Tɩɩna Yesu kpaga.

2 Kɔrɩntɩ Nɩaa 5:8

La nyuŋ nyaasa nɛ, la saa cho dɩ la lɩɩ dʋnɩa deeŋ lɛ a mʋ La Tɩɩna Yesu teeŋ.

Ɛfɛsɩs Nɩaa 1:6

Ʋ ŋaa ŋɩɩ dɩ la wuo dɛnnʋ, a leŋ dɩ ʋ yɩrɩŋ yɩrɛ, a tɩŋ ʋ sɩ fá la nenige. Ʋ Bii-choolii-la ʋ sɩ joŋo pɩla lɛ nɛ ʋ to a pɛ la lɛ.

Koloosi Nɩaa 1:10

Ʋ jaŋ leŋ dɩ ma wʋŋaalaa kala chɩŋ Wɩa wombiiŋ lɛ, dɩ ʋ tʋɔŋ tɔrɛ ma nyuŋ a leŋ dɩ ma tɩŋ tɩntɩŋ-zɔŋŋɔɔ, tɩntɩŋ-dosunuŋ kala lɛ, dɩ ʋ kɛŋ doho, dɩ ma kʋ jɩŋ Wɩa woruŋ a waa pɛ.

Koloosi Nɩaa 1:29

Ŋɩɩ wɩaa mɩ faasa hɛ mɩ doluŋ kala nɛ a tɩtɩŋ, arɩ Wɩa sɩ joŋ ʋ dol-bal-la pɩmɛ dɩ mɩ kaa tɩtɩŋ ŋɩɩ.

1 Tɛsalonaaka Nɩaa 4:1

La naambiiri, wɩalɩŋ mɩ sɩɩ chɛ dɩ mɩ bʋl wʋkaanɩŋ nɛ ŋ-la: La dagɛma wɩalɩŋ ma sɩ jaŋ ŋaa dɩ Wɩa tʋɔŋ tɔrɛ ma nyuŋ nɛ, ŋɩɩ tɩtɩa nɛ ma sɛnɛ ŋɩŋaa. Ama la haa sʋlma La Tɩɩna Yesu yɩrɩŋ lɛ dɩ ma wasa ŋɩŋaa wɩalɩŋ.

1 Tɛsalonaaka Nɩaa 4:11

La laa sɩpaaŋ bʋla pɩma dɩ ma hɛ ma doluŋ kala a fɩɛla hɔŋ, a bibeŋ ma tɩtɩa tɩntɩŋŋaa nyuŋ a wuo nɩna ma kʋchɛɛlɛɛ.

1 Timoti 4:10

Laa yɩɛlɛ Wɩa sɩ weye lɛ nɛ. Ŋɩɩ nɛ tɩɩ laa loo a faasaa tɩŋ woruŋ. Wɩa nɛ ŋaa nʋʋkala Laataara, a saa wasanyaŋ nɩalɩŋ sɩ laa ʋ wɩaa dii.

Hiburu TƖŊŊAA 12:28

Wɩa joŋ ʋ kuorii-la sɩ bɩ wuo jigisi nɛ a pɩpɩla. Ŋɩɩ wɩaa, má leŋ dɩ la fáʋ a lɔllʋ, aŋ pɛ chʋchʋɔlʋ arɩ sɩɩfɩɛsɩŋ,

Hiburu TƖŊŊAA 4:11

Má saa leŋ dɩ la hɛ doluŋ a na wiese-la Wɩa sɩɩ chɛ dɩ ʋ joŋo pɩla. Nɩalɩŋ fa sɩ bɩ ʋ niiŋ wɩalɩŋ to, ba bɩ wiese-la na. Dɩ la ma nɛ bɩ ʋ niiŋ wɩalɩŋ ka to, la ma bɩ jaŋ na wiese-la.

2 Pɩɩta 3:14

Ŋɩɩ wɩaa mɩ nandɔŋ-kpɩanaba, ma sɩɩ gbɛrɛ dɩ ma na wɩaa deemba ŋɩɩ, má fɩɛsɛ sɩɩŋ a leŋ dɩ ma mɛlɛ zɔŋ, dɩ tapʋlɩɩ-la nɛ yie, dɩ Wɩa sɩ́ cheeriŋ joŋo pɩma, ka dɩ ma dɩ Wɩa sɩŋ.