2 Kɔrɩntɩ Nɩaa 5:4 - WƖA TENIŊ

⁴ Yara-la la sɩ kɛnɛ la mɩɩsɩŋ deeŋ lɛ bɩ leŋe la tʋɔŋ tɔrɛ. Ʋ bɩ naga arɩ la cho dɩ la sʋba nɛ, ama la cho dɩ la kɛŋ mɩɩsɩŋ Wɩa teeŋ nɛ. Ʋ ŋɩɩ wɩaa, Wɩa jaŋ joŋ yara-la sɩ bɩ jaŋ sʋʋ, a lenni la yaraa deemba sɩ jaŋ sʋʋ.

2 Kɔrɩntɩ Nɩaa 5:4 ပူးပေါင်းရင်းမြစ်များ

AZAAYA 25:8

La TƖƖNA Wɩɩjarɩbakɔ jaŋ giri sʋʋŋ ta a kaa mʋ wuu, aŋ fɩɩsɛ nʋʋkala sɩlɩɩrɩŋ ta. Hɩɩsɩ-la kala ʋ nɩaa fa sɩ die dʋnɩa lɛ, ʋ jaŋ lɩɩsʋ ta. La TƖƖNA nɛ bʋla.

AZAAYA 38:12

Mɩ mɩɩsɩŋ fa naga ʋ dɛrɛ nɛ a nagɛ kʋ-daara sɩ kɛŋ ʋ lɛbɩŋ churo ta, a bɩra nagɛ gɛrɩpɛ-yuoro sɩ chuoli gɛrɩpɛɛŋ gɛrɩpɛ-yuori sɔŋɔ lɛ. Wɩɩhɛyɛ arɩ tɩtaŋɩŋ mɩ fa bɩɩna Wɩa leŋe mɩ mɩɩsɩŋ dɛrɛ nɛ.

Rom Tɩŋŋaa 8:23

Dʋnɩa kɩaa dʋndʋŋa dee, ama la ma nɩalɩŋ Wɩa sɩ laa sɩpaaŋ joŋ ʋ Dɩŋ-zɔmʋŋ hɛ la lɛ, la maa huuni nɛ la tʋɔŋ lɛ dɩ ʋ kɛŋ la yaraa bɩrɩmɛ dɩ la chaasa ŋaa ʋ biiriŋ a laa yɩrɩŋ.

1 Kɔrɩntɩ Nɩaa 15:51

Má jegile nɩɩ, mɩ jaŋ bʋl wʋkpuŋkpere pɩma. La kala bɩ jaŋ sʋʋ. Ama bʋa kʋbala jaŋ kɔ dɩ Wɩa kɛŋ la yaraa kala bɩrɩmɛ.

2 Kɔrɩntɩ Nɩaa 5:2

La sɩ hɛ la mɩɩsɩŋ deeŋ lɛ, la faasa yel nɛ. La fa cho dɩ la kɛŋ yara-la Wɩa sɩ jaŋ joŋo pɩla nɛ.

2 Kɔrɩntɩ Nɩaa 5:3

Dɩ Wɩa nɛ fa joŋ yara-la pɩla, la fa bɩ jaŋ kɛŋ yarɩ-biree.

2 Pɩɩta 1:13

Mɩ ha sɩ hɛ mɩ mɩɩsɩŋ deeŋ lɛ, ʋ ŋaa wʋzɔŋ nɛ dɩ mɩ liliisima wɩaa deemba dɩ ma sɩ́ ba yʋ,