2 Kɔrɩntɩ Nɩaa 5:20 - WƖA TENIŊ

²⁰ A tɩŋ ŋɩɩ wɩaa Kirisito naasɩŋ lɛ nɛ la chɩŋ a bʋbʋl wɩaa deemba a pɩpɩ nɩaa. Wɩa to la lɛ nɛ a bʋla pɩma dɩ ma kɔ ʋ teeŋ. A tɩŋ Kirisito wɩaa laa sʋlma dɩ ma kɔ, dɩ ma dɩ Wɩa ŋaa sɩma.

2 Kɔrɩntɩ Nɩaa 5:20 ပူးပေါင်းရင်းမြစ်များ

2 KUOROO 17:13

La TƖƖNA fa to ʋ wʋlaabʋllaa arɩ ʋ sɩɩnaaraa lɛ nɛ a bʋl ŋ-la a chagɩlɛ Iziral tɩŋŋaa arɩ Juda nɩaa kala, “Má bɩrɩma lɩɩ wʋbɔŋŋɔɔ ŋaanɩŋ lɛ. Má to mɩ wombiee arɩ wɩalɩŋ mɩ sɩ dagɛ ma naabalɩmaba dɩ ba to, arɩ mɩ niiŋ wɩalɩŋ kala mɩ sɩ to mɩ tɩntɩnna-la sɩ ŋaa mɩ wʋlaabʋllaa lɛ a bʋla pɩma.”

2 IZIRAL TƖŊŊAA NAABARƖŊ 36:15

Ŋɩɩ nɛ La TƖƖNA ba naabalɩmaba Wɩa fá ba nenige a to ʋ wʋlaabʋllaa lɛ a bʋl wɩaa pɩba bʋlɩa bʋlɩa, bɛɛ wɩaa ʋ fa bɩ chɛ ʋ chei nɩalɩŋ arɩ ʋ dɩɩ-bal-la.

NƐHƖMAAYA 9:29

Ŋ chagɩlɛ ba nɛ arɩ ba mɩɩra kʋ to ŋ wombiiŋ ŋ sɩ bile dɩ ba tuto, ama ba bigisi ba tɩtɩa lɛ nɛ a bɩ ŋ niiŋ to. Ba vɩa ŋ wombie-la nɩa sɩ jaŋ to a kɛŋ mɩɩsɩŋ nɛ, aŋ ha ŋɩŋaa wʋbɔŋŋɔɔ. Ba kɛŋ nyuduoŋ arɩ dɩgɩlɩŋ-bɩnɩɩ nɛ a joŋ harɩŋ yɩaŋ a bɩ chɛ dɩ ba jegile nɩɩ.

JOB 22:21

Joŋ ŋ tɩtɩa pɩ Wɩa, a leŋ ŋ dɩ ʋ pɛgɛ zɔŋ, ŋɩɩ nɛ jaŋ leŋ dɩ ŋ kɛŋ dʋa.

JOB 33:23

Ama dɩ Wɩa tɩndaarʋ nɛ hɛ nɩmɛ a chɩŋ ʋ harɩŋ, a ŋaa Wɩa tɩndaaraa bʋɩ fii tʋɔŋ kʋbala a jʋʋ wɩɩ-la tʋɔŋ, a dagʋ wɩɩ-la sɩ maga dɩ ʋ ŋaa,

JOB 33:6

Mɩ dɩŋ kala nagɛ dɔŋɔ nɛ Wɩa sɩpaaŋ. Chʋrʋŋ nɛ ʋ kaa mɛmɩ ma.

NAMAGABA 13:17

Tɩndaarʋ-la sɩ bɩ wʋtɩtɩɩ kɛnɛ nɩɩ jʋʋ wɩaa, ama tɩndaarʋ-la sɩ kɛŋ wʋtɩtɩɩ yie kɛŋ yarɩfɩɛlaa nɛ kʋ pɩ nɩaa.

AZAAYA 27:5

Ama dɩ mɩ nɩaa dʋndɔŋŋɔɔ nɩɩ chɛ dɩ ba kʋ yuorimi, ba jaŋ wuo kɔ dɩ la bʋla hɛ dɔŋɔ. Wʋtɩtɩɩ, má leŋ dɩ la bʋla hɛ dɔŋɔ.”

JƐRƖMAAYA 38:20

Ŋɩɩ nɛ Jɛrɩmaaya bʋl, “Ba bɩ jaŋ joŋuŋ hɛ ba nɩsɩŋ lɛ, sɛɩ La TƖƖNA niiŋ a ŋaa wɩɩ-la mɩ sɩ bʋla pɩŋ. Dɩ ŋ nɛ ŋaa ŋɩɩ, wɩaa jaŋ vɛŋ woruŋ a pɩŋ, dɩ ŋ laa ŋ mɩɩsɩŋ.

JƐRƖMAAYA 44:4

Mɩ tɩŋ mɩ wʋlaabʋllaa nɛ ba teeŋ bʋlɩa bʋlɩa, ba bʋla pɩba, ‘Má sɩ́ wʋkɩsɩa-la mɩ sɩ bɛrɛ ŋaa.’

MALAKAƖ 2:7

Ma Wɩɩsʋllɩ sɩpaalaaraa nɛ maga dɩ ma dagɛ nɩaa dɩ ba jɩŋ mɩ wɩaa. Nɩaa maga dɩ ba kɔ ma teeŋ nɛ a gʋnnɛ wɩalɩŋ mɩ sɩɩ chɛ dɩ ba jɩŋ, bɛɛ wɩaa ma nɛ ŋaa mɩ-na ma TƖƖNA doluŋ kala Tɩɩna tɩndaaraa.

Luuk 10:16

Ŋɩɩ nɛ aŋ ka ʋ bɩra bʋla pɩ ʋ harɩ-tooro-la, “Nɩɩ-la kala sɩ jegile nɩɩ ma teeŋ, ʋ jegile nɩɩ mɩ ma teeŋ nɛ. Nʋʋkala sɩ vɩama, ʋ vɩa mɩ ma nɛ. Nɩɩ-la kala ma sɩ vɩamɛ, ʋ ma vɩa Nɩɩ-la sɩ tɩmmɛ nɛ.”

Luuk 14:23

Ŋɩɩ nɛ baal-la bɩra bʋla pɩ ʋ tɩntɩnnʋ-la, ‘Bɩra lɩɩ bagɩsɩŋ wombiee arɩ wombii-biisiŋ kala a yɩrɛ nɩaa dɩ ba kʋ jʋʋ, dɩ mɩ dɩa su.’

Jɔɔŋ 20:21

Ŋɩɩ nɛ Yesu bɩra bʋla pɩba, “Ma jaŋ hɔŋ arɩ fɩɛlɩŋ. Mɩ Nyɩmma sɩ tɩmmɛ ŋɩɩ, ŋɩɩ tɩtɩa nɛ mɩ maa timma.”

Rom Tɩŋŋaa 5:10

La dɩ Wɩa faa yuo dɔŋɔ nɛ. Ama ʋ leŋe la ŋaa sɩma nɛ a tɩŋ ʋ Bie sɩ sʋba wɩaa. La dɩ ʋ sɩ ŋaa sɩma ŋɩɩ, ʋ jaŋ to Kirisito mɩɩsɩŋ lɛ a laala ta.

2 Kɔrɩntɩ Nɩaa 12:10

Ŋɩɩ wɩaa a tɩŋ Kirisito wɩaa dɩ mɩ nɛ bɩ doluŋ kɛnɛ, dɩ ba nɩɩ tʋʋsɛmɛ, dɩ mɩ nɩɩ na hɛɛŋ, dɩ ba nɛ to naasɩŋ dʋdɔgɩsɛmɛ, koo dɩ wɩaa nɛ jʋʋmɛ ma, mɩ tʋɔŋ ha yie tɔrɛ nɛ. Dɩ mɩ nɛ bɩ doluŋ kɛnɛ, Wɩa yie pɩmɛ ʋ doluŋ nɛ.

2 Kɔrɩntɩ Nɩaa 3:6

Wɩa tɩtɩa nɛ pɩla doluŋ la ŋaa nii-faalɩɩ-la ʋ sɩ hɛ pɩ nuhuobiinee tɩntɩnnaa. Nii-la bɩ naga ʋ ŋaa wɩɩ ba sɩ ŋmʋnsa bil a tuto, ama nii-falɩɩ-la doluŋ lɩɩ Wɩa Dɩŋ-zɔmʋŋ wɩalɩŋ nɛ. Wɩalɩŋ Mosis sɩ ŋmʋnsa bil dɩ nɩaa tuto bɩ nɩaa mɩɩsɩŋ wuo pa, ama Wɩa wʋzɔmɔ-la sɩ lɩɩ ʋ Dɩŋ-zɔŋ-la teeŋ nɩɩ pa mɩɩsɩŋ.

2 Kɔrɩntɩ Nɩaa 5:11

Laa fá Wɩa nɛ, ŋɩɩ nɛ tɩɩ la bʋl ʋ wɩaa pɩpɩ nɩaa, dɩ ba bɩrɩma lɩɩ ba wʋbɔŋŋɔɔ lɛ a kʋ to Wɩa. Wɩa nɛ jɩŋ ŋɩɩ la sɩ naga. Mɩ saa jɩma arɩ ma tʋɔbɩɩnaa lɛ ma jɩŋ ŋɩɩ la sɩ naga nɛ.

2 Kɔrɩntɩ Nɩaa 6:1

Tɩntɩmɩɩ-la la sɩɩ tɩŋ, la dɩ Wɩa kala nɩɩ tɩŋ. Ŋɩɩ wɩaa laa sʋlma, má sɩ́ leŋe dɩ Wɩa lahɔrɩmɔ-la ʋ sɩ kɛnɛ ma teeŋ ŋaa wʋpɛɩba.

Ɛfɛsɩs Nɩaa 6:20

Mɩ sɩɩ bʋl Kirisito wʋzɔmɔ-la aa pɩ nɩaa ŋɩɩ, ŋɩɩ nɛ tɩɩ ba kɛmmɛ kaa hɛ chɔrʋmɔɔ. Má sʋl Wɩa pɩmɛ dɩ mɩ wuo bʋl Wɩa wɩaa arɩ nyuduoŋ, arɩ ŋɩɩ sɩ maga dɩ mɩ bʋl ŋɩɩ.

Koloosi Nɩaa 1:20

Ʋ lɛ nɛ Wɩa to ʋ dɩ kʋŋkala sɩŋ, kɩalɩŋ sɩ hɛ wɩa-nyuŋ arɩ kɩalɩŋ sɩ hɛ tinteeŋ lɛ kala. Bʋa-la lɛ ʋ sɩ sʋʋ daagɛsɛ nyuŋ, ʋ chalɩŋ jaasɛ, ʋ ŋɩɩ nɛ leŋe Wɩa arɩ kɩalɩŋ kala sɩ hɛ nɩmɛ tʋɔŋ tɔrɛ dɔŋɔ nyuŋ.

1 Tɛsalonaaka Nɩaa 4:8

Ŋɩɩ wɩaa nɩɩ-la kala sɩ vɩa wɩalɩŋ mɩ sɩ bʋla, nuhuobiine dee tɩɩna vɩa, Wɩa nɛ ʋ vɩa ŋɩɩ, Nɩɩ-la sɩ joŋ ʋ Dɩŋ-zɔŋ-la pɩma.