2 Kɔrɩntɩ Nɩaa 5:18 - WƖA TENIŊ

¹⁸ Wʋfalaa deemba kala lɩɩ Wɩa teeŋ nɛ. Wɩa to Kirisito lɛ nɛ a leŋ ʋ dɩ nɩaa sɩŋ. Tɩntɩmɩɩ-la Wɩa sɩ joŋo pɩla nɛ ŋ-la: dɩ la mʋ bʋla pɩ nɩaa dɩ ba kɔ, dɩ ba dɩ Wɩa ŋaa sɩma.

2 Kɔrɩntɩ Nɩaa 5:18 ပူးပေါင်းရင်းမြစ်များ

AZAAYA 52:7

Ʋ ŋaa wʋzɔŋ nɛ dɩ nʋʋ nɛ chɩŋ peeliŋ nyuŋ a bʋla pɩ ʋ nɩaa arɩ ba yuo dii ba dʋndɔŋŋɔɔ nɛ, a bʋla pɩ Jerusalɛm nɩaa dɩ Wɩa laaba ta nɛ, dɩ ba jaŋ na fɩɛlɩŋ, a bʋla pɩ Jerusalɛm nɩaa, “Ma Wɩa nɛ kuoro.”

AZAAYA 57:19

Mɩ jaŋ ŋaa dɩ nɩalɩŋ kala sɩɩ yel Iziral lɛ yaraa fɩɛlɛ, dɩ ba suri ba niiŋ a dɛnnɛmɛ. Nɩalɩŋ sɩ hɛ dɩ-boloo arɩ dɩ kpagɩsɩŋ kala jaŋ kɛŋ fɩɛlɩŋ. Mɩ jaŋ vaarɛba.

ƐZƖKƖƐL 45:15

Ma piesee ma ma sɩ dɩɛsa Iziral tinteeŋ lɛ zɔɔ-balɩa kala tʋɔŋ, ʋ maga ma lɩɩsɛ pie-bala nɛ. Kɩaa deemba nɛ ma jaŋ kaa ŋaa mɩaa Wɩɩsʋlʋŋ, kʋnyɩgaa Wɩɩsʋlʋŋ arɩ nii-magɛ dɔŋɔ Wɩɩsʋlʋŋ a pɩɩsɛ ma wʋbɔŋŋɔɔ ta. Mɩ-na ma TƖƖNA Wɩɩjarɩbakɔ nɛ bʋla.

DANƖƐL 9:24

Jɩsɩŋ zɔɔ-banɛsɛ arɩ mahɩŋ banɛsɛ arɩ fii nɛ Wɩa lɩɩsɛ dɩ ʋ kaa ŋaa dɩ ŋ nɩaa arɩ tabal-la sɩ bɩ disiniŋ kɛnɛ wʋbɔŋŋɔɔ dɛrɛ, a giri nɩbɔŋ wɩaa ta, aŋ leŋ dɩ ba kɛŋ tʋɔpʋla deeŋ deeŋ a kaa kɔ tapʋlɩɩ-la Wɩa sɩ jaŋ lɩɩsɛ ʋ dɩɩ-bal-la sɩ chaasa zɔŋ a bɩ disiniŋ kɛnɛ, a leŋ dɩ wɩalɩŋ ŋ sɩ na duosoo tʋɔŋ arɩ wɩalɩŋ ba sɩ bʋla Wɩa doluŋ lɛ kʋ ŋaa wʋtɩtɩɩ.

LEVI DOHO NƖAA 6:30

Ama wʋbɔŋŋɔɔ joŋo chɛnɩŋ Wɩɩsʋlʋŋ pʋna na-kala chalɩŋ ba sɩ jaŋ kaa kʋ jʋʋ lɛbɩ-la lɛ mɩ sɩ yie kɔ Iziral tɩŋŋaa teeŋ dɩ ba pɩɩsɛ nʋʋ wʋbɔmʋŋ ta, nammɩa bɩ maga dɩ ba chaŋ. Ʋ maga dɩ ba nyɩgɛ ʋ kala.

Luuk 10:5

Dɩ ma nɛ mʋ jʋʋ dɩa kala, má laa sɩpaaŋ bʋl, ‘Dɩa deeŋ nɩaa jaŋ hɔŋ arɩ yarɩfɩɛlaa.’

Luuk 24:47

Ba jaŋ bʋl Wɩa wɩaa ʋ yɩrɩŋ lɛ, tintee kala lɛ, dɩ nɩaa bɩrɩma lɩɩ ba wʋbɔŋŋɔɔ lɛ dɩ Wɩa joŋ ba wʋbɔŋŋɔɔ chɛba. Ba jaŋ suomo ŋaa ŋɩɩ Jerusalɛm lɛ.

Jɔɔŋ 3:16

Wɩa cho dʋnɩa nɩaa a mʋ kieli, ŋɩɩ nɛ tɩɩ ʋ joŋ ʋ Bii-bala a pɩla, dɩ nɩɩ-la kala sɩ laa ʋ wɩaa dii, ŋ bɩ jaŋ lɛl, ama ŋ jaŋ kɛŋ mɩɩsɩ-la sɩ bɩ dɛrɛ.

Jɔɔŋ 3:27

Ŋɩɩ nɛ Jɔɔŋ bʋl, “Nʋʋkala bɩ jaŋ wuo kɛŋ kʋŋkala, see dɩ Wɩa joŋo pʋ.

Tɩntɩŋŋaa 10:36

Ma ma nɩɩ Wɩa wʋzɔmɔ-la ʋ sɩ joŋo pɩ Iziral tɩŋŋaa nɛ. Ʋ fa bʋla pɩba dɩ ba to Yesu Kirisito lɛ a na wiese. Ʋ nɛ ŋaa kʋŋkala Tɩɩna.

Rom Tɩŋŋaa 11:36

Bɛɛ wɩaa Wɩa nɛ ŋaa kʋŋkala. Ʋ doluŋ lɛ nɛ kʋŋkala ma hɛ nɩmɛ. Ʋ nɛ tɩɩ kʋŋkala. Má leŋ dɩ Wɩa yɩrɩŋ yɩrɛ a kaa mʋ wuu. Amɩɩ.

Rom Tɩŋŋaa 5:1

Ŋɩɩ wɩaa, la sɩ laa Wɩa dii ŋɩɩ, Wɩa leŋe la ŋaa tʋɔpʋl tɩmma nɛ ʋ sɩpaaŋ. Wɩa to La Tɩɩna Yesu Kirisito lɛ nɛ a leŋ la ŋaa sɩma.

1 Kɔrɩntɩ Nɩaa 1:30

Ama Wɩa leŋe ma to Kirisito Yesu lɛ nɛ a kɛŋ mɩɩsɩŋ. Wɩa saa leŋe Kirisito nɛ ŋaa la wʋjɩmɩŋ. A tɩŋ ʋ wɩaa Wɩa laala ta nɛ, la kʋ ŋaa tʋɔpʋl tɩmma ʋ teeŋ, a ŋaa nɩalɩŋ sɩ bɩ disiniŋ kɛnɛ.

1 Kɔrɩntɩ Nɩaa 11:12

Wɩa sɩ to baala lɛ a ŋaa haala ŋɩɩ, ŋɩɩ tɩtɩa nɛ haala ma lʋlʋl baala. Wɩa nɛ ŋaa ba kala.

1 Kɔrɩntɩ Nɩaa 12:6

Kɩalɩŋ Wɩa Dɩŋ-zɔmʋŋ sɩ joŋo dii zile la lɛ yie tɩŋ tɩntɩŋ-dosunuŋ nɛ ʋ nɩaa lɛ, ama Wɩa nɛ to ba lɛ a tɩtɩŋ tɩntɩmɩa-la kala.

1 Kɔrɩntɩ Nɩaa 3:5

Kʋbɛɛ nɛ Apɔlɔs? Kʋbɛɛ nɛ Pɔɔl? La ŋaa Wɩa tɩntɩnnaa nɛ. La nɛ bʋl Wɩa wɩaa pɩma ma laa dii. La kʋŋkala tɩŋ tɩntɩmɩɩ-la La Tɩɩna Wɩa sɩ joŋo pɩla dɩ la tɩŋ nɛ.

1 Kɔrɩntɩ Nɩaa 8:6

la-na jɩŋ Wɩɩ-bala lɛ nɛ. Ʋ nɛ ŋaa la Nyɩmma. Ʋ nɛ ta kʋŋkala sɩ hɛ nɩmɛ. Ʋ lɛ nɛ la to a kɛŋ mɩɩsɩŋ. La Tɩɩna ŋaa kʋbala nɛ. Ʋ nɛ Yesu Kirisito. Ʋ lɛ nɛ Wɩa to a ta kʋŋkala. Ʋ lɛ nɛ la to a kɛŋ mɩɩsɩŋ ma.

Koloosi Nɩaa 1:22

Ama lɛɛlɛ Wɩa ŋaa ma dɩ ʋ sɩŋ nɛ a tɩŋ Kirisito sʋʋŋ wɩaa, dɩ ʋ kɛmma kaa kɔ Wɩa sɩpaaŋ arɩ tʋɔpʋla, dɩ ma sɩ́ disiniŋ kɛŋ a sɩ́ wʋcheeli ma kɛŋ.

Hiburu TƖŊŊAA 2:17

Ŋɩɩ nɛ tɩɩ ʋ bɩrɩmɛ nuhuobiine a ma nagɛ ʋ naambiiri-la, ba wɩɩ-wɩɩkala lɛ. Ʋ ŋaa ŋɩɩ dɩ ʋ wuo kʋ ŋaa nɩalɩŋ sɩ tɩma pɩpɩ Wɩa nɩaa nyuŋ kʋhɩaŋ ʋ naambiiriŋ tʋɔŋ a ŋaa nʋʋ sɩɩ fa nɩaa nenige, a kɛŋ wʋtɩtɩɩ Wɩa tɩntɩŋŋaa lɛ, dɩ ŋɩɩ leŋ dɩ Wɩa joŋ nɩaa wʋbɔŋŋɔɔ chɛba.

Jeems 1:17

Kʋzɔŋ-na kala lɩɩ Wɩa teeŋ nɛ. Ʋ nɛ ta kɩalɩŋ kala sɩ hɛ wɩa-nyuŋ lɛ a chaanɛ. Ama dɩ ba nɛ jʋa, birimiŋ yie hɛ nɩmɛ. Wɩa tɩtɩa bɩ ŋɩɩ naga. Ʋ bɩ bɩrɩmɛ.

1 Jɔɔŋ 2:2

Ʋ nɛ joŋ ʋ mɩɩsɩŋ a yɔɔ sʋʋŋ la wʋbɔŋŋɔɔ wɩaa, dɩ Wɩa joŋ la wʋbɔŋŋɔɔ a chɛla. La dʋndʋŋa wʋbɔŋŋɔɔ wɩaa dee, ama dʋnɩa nɩaa kala wʋbɔŋŋɔɔ wɩaa nɛ.

1 Jɔɔŋ 4:10

Ŋ-la nɛ chonuŋ nagɛ: Ʋ bɩ naga la nɛ laa sɩpaaŋ cho Wɩa, ama Wɩa nɛ laa sɩpaaŋ chola. Ʋ tɩŋ ʋ Bie ʋ kʋ tuu sʋʋ la wɩaa, dɩ Wɩa joŋ ʋ baanɩŋ ta ʋ fa sɩ kɛnɛ a tɩŋ la wʋbɔŋŋɔɔ wɩaa, a joŋ la wʋbɔŋŋɔɔ chɛla.