2 Kɔrɩntɩ Nɩaa 5:17 - WƖA TENIŊ

¹⁷ Ŋɩɩ wɩaa dɩ nʋʋkala nɛ laa Kirisito wɩaa dii, Wɩa kɛnʋ bɩrɩmɛ nɩ-falɩɩ nɛ. Wʋbɩnɩa-la kala bálá nɛ. Wʋfalaa nɛ suomi ʋ mɩɩsɩŋ lɛ.

2 Kɔrɩntɩ Nɩaa 5:17 ပူးပေါင်းရင်းမြစ်များ

WƖA YƖƖLAA 51:10

Mɩ Wɩa, leŋ dɩ mɩ kɛŋ tʋɔpʋla, a wasa chɩŋ mɩ wʋtɩtɩɩ naaŋ lɛ.

AZAAYA 45:17

Ama La TƖƖNA jaŋ laa Iziral tɩŋŋaa ta, a laa ba ta a kaa mʋ wuu. Ba bɩ jaŋ dii hɩɩsɩŋ, a kaa mʋ deeŋ deeŋ, hɩɩsɩŋ bɩ jaŋ diiba.

ƐZƖKƖƐL 11:19

Mɩ jaŋ leŋ dɩ ba kɛŋ tʋɔ-bala a tutomi, a pɩba dɩŋ-falɩŋ. Mɩ jaŋ lɩɩsɛ tʋɔ-dol-la sɩ nagɛ tabɩɩŋ a hɛ ba lɛ ta, aŋ pɩba tʋɔ-la sɩ pʋnyɛ.

ƐZƖKƖƐL 18:31

Má lɩɩsɛ ma tɩtɩa wʋbɔmɔ-la ma sɩɩ ŋaa lɛ, aŋ ka dɩ mɩ pɩma tʋɔ-falɩŋ arɩ dɩŋ-falɩŋ. Bɛɛ nɛ tɩɩ ma Iziral tɩŋŋaa cho dɩ ma sʋba?

ƐZƖKƖƐL 36:26

Mɩ jaŋ pɩma tʋɔ-falɩŋ, a joŋ dɩŋ-falɩŋ ma hɛ ma lɛ. Mɩ jaŋ lɩɩsɛ tʋɔ-dol-la ma sɩ kɛnɛ sɩ nagɛ tabɩɩŋ ta, aŋ pɩma tʋɔ-la sɩ pʋnyɛ.

Matiu 12:33

Ŋɩɩ nɛ Yesu bɩra bʋl, “Dɩ ŋ nɩɩ chɛ tɩa nɛŋ nɛŋ-zɔŋŋɔɔ, see dɩ ŋ kɛŋ tɩa-la sɩ kɛŋ yarɩfɩɛlaa. Dɩ ŋ nɛ kɛŋ tɩa-la sɩ bɩ yarɩfɩɛlaa kɛnɛ, see dɩ ʋ nɩnɛŋ nɛŋ-lɔrʋnʋŋ. Tɩa nɛnɛɛ nɛ yie dagɛ tɩa-la doho ʋ sɩ ŋaa.

Matiu 24:35

Wɩa nyuŋ arɩ tinteeŋ kala jaŋ lɛl, ama wɩalɩŋ mɩ sɩ bʋla bɩ jaŋ lɛl.

Luuk 5:38

Sɩ-huoŋ maga dɩ ŋ joŋu hɛ pupoi-zɔmʋŋ lɛ nɛ.

Jɔɔŋ 14:20

Tapʋlɩɩ-la Wɩa sɩ jaŋ joŋ ʋ Dɩŋ-zɔmʋŋ hɛ ma lɛ nɛ, ma jaŋ jɩŋ arɩ mɩ hɛ mɩ Nyɩmma lɛ nɛ, ma ma hɛ mɩ lɛ, mɩ ma hɛ ma lɛ.

Jɔɔŋ 15:2

Naakel-la kala sɩ mɛrɛ tɩa-la lɛ aŋ bɩ nɛŋ, ʋ yie kere ta nɛ, naakel-la kala sɩɩ nɛŋ, ʋ yie buoro ta nɛ, ka dɩ ʋ wuo faasa nɛŋ woruŋ.

Jɔɔŋ 15:5

Ŋɩɩ nɛ Yesu bɩra bʋl, “Mɩ nagɛ tɩa nɛ, ma ma nagɛ tɩa-la naakelee. Nɩɩ-la kala sɩ mɛrɛ mɩ lɛ, mɩ ma mɛrɛ tɩɩna lɛ, ʋ nɛ jaŋ wuo ŋaa wʋzɔŋŋɔɔ yʋgɛ, bɛɛ wɩaa dɩ ma nɛ bɩ mɩ lɛ mɛrɛ, ma bɩ jaŋ wuo ŋaa wɩɩkala.

Jɔɔŋ 17:23

Mɩ hɛ ba lɛ nɛ, ŋ ma hɛ mɩ lɛ. Leŋ dɩ ba ma ŋaa kʋbala, ŋɩɩ nɛ dʋnɩa nɩaa jaŋ jɩŋ arɩ ŋ nɛ tɩmmɛ, a choba arɩ ŋ sɩ chomi ŋɩɩ.

Jɔɔŋ 3:3

Ŋɩɩ nɛ Yesu bʋla pʋ, “Wʋtɩtɩɩ nɛ mɩ bʋlaa pɩŋ, nʋʋkala bɩ jaŋ wuo jʋʋ Wɩa kuorii-la tʋɔŋ, see dɩ ba wasa lʋl tɩɩna.”

Jɔɔŋ 3:5

Yesu bʋl, “Wʋtɩtɩɩ nɛ mɩ bʋlaa pɩŋ, nʋʋkala bɩ jaŋ wuo jʋʋ Wɩa kuorii-la tʋɔŋ, see dɩ Wɩa joŋ ʋ Dɩŋ-zɔmʋŋ hɛ tɩɩna lɛ, dɩ tɩɩna ma pɛ fo Wɩɩchʋɔlɛ lɩɩŋ.

Rom Tɩŋŋaa 16:10

Má chʋɔlɛ Apɛlɛs ma, ʋ faasa chɩŋ Kirisito wɩaa lɛ nɛ woruŋ. Má chʋɔlɛ Arisitobulus dɩa nɩaa ma.

Rom Tɩŋŋaa 16:11

Má chʋɔlɛ Herodioŋ ma. Ʋ ma ŋaa Juu tɩɩna nɛ. Má chʋɔlɛ Nasɩsas dɩa nɩalɩŋ ma sɩ laa La Tɩɩna Yesu wɩaa dii.

Rom Tɩŋŋaa 16:3

Má chʋɔlɛ Pɩrɩsɩla arɩ Akuila. Mɩ dɩ ba kala nɩɩ tɩŋ tɩntɩŋŋaa aa pɩ Yesu Kirisito.

Rom Tɩŋŋaa 16:7

Má chʋɔlɛ Andɩrɔnɩkas arɩ Junias ma. Ba ma ŋaa Juu tɩmma nɛ. Mɩ dɩ ba kala nɛ fa hɛ sarɩka lɛ. Yesu nanzɔɔba-la tʋɔŋ nɩaa fa jɩmba nɛ woruŋ. Ba nɛ laa sɩpaaŋ laa Kirisito wɩaa dii mɩ lɛ.

Rom Tɩŋŋaa 16:9

Má chʋɔlɛ Abaanɩs ma, ʋ ŋaa la tɩntɩnnɩ dɔŋ nɛ Kirisito tɩntɩŋŋaa lɛ. Má chʋɔlɛ mɩ nandɔŋ-chooluŋ Sɩtakɩs ma.

Rom Tɩŋŋaa 7:6

Ama lɛɛlɛ Wɩa lɩɩsɛla wɩalɩŋ Mosis fa sɩ bile lɛ dɩ nɩaa tuto lɛ nɛ. La tʋɔtɔrɛ wʋŋaalɩa-la fa kɛnla kaa ŋaa yosu nɛ. Ba lɛ nɛ la sʋʋ. Lɛɛlɛ la wuo tuto wombii dɔŋ nɛ, a tɩŋ tɩntɩŋŋaa aa pɩ Wɩa. Wɩa Dɩŋ-zɔŋ-la nɛ dagɛla ŋɩɩ, wɩalɩŋ Mosis fa sɩ ŋmʋnsa bil dɩ nɩaa tuto dee.

Rom Tɩŋŋaa 8:1

Dɩ la dɩ Kirisito kala nɛ ŋaa kʋbala, Wɩa bɩra bɩ jaŋ dii la sarɩya a joŋ cheeriŋ pɩla.

1 Kɔrɩntɩ Nɩaa 1:30

Ama Wɩa leŋe ma to Kirisito Yesu lɛ nɛ a kɛŋ mɩɩsɩŋ. Wɩa saa leŋe Kirisito nɛ ŋaa la wʋjɩmɩŋ. A tɩŋ ʋ wɩaa Wɩa laala ta nɛ, la kʋ ŋaa tʋɔpʋl tɩmma ʋ teeŋ, a ŋaa nɩalɩŋ sɩ bɩ disiniŋ kɛnɛ.

1 Kɔrɩntɩ Nɩaa 13:11

Mɩ fa sɩ ŋaa hambie, mɩ bʋl hambii wɩaa nɛ, a bɩɩnɛ wɩaa ma a nagɛ hambie, a fa ŋɩŋaa wɩaa a nagɛ hambie. Ama mɩ sɩ kʋ waa dɛrɛ, mɩ joŋ hambii wɩalɩŋ ta nɛ.

2 Kɔrɩntɩ Nɩaa 12:2

Mɩ jɩŋ baal kʋbala fa sɩ laa Kirisito wɩaa dii. Ʋ jɩsɩŋ fii arɩ banɛsɛ nɛ ŋ-la Wɩa sɩ guu joŋu kaa jɩl ʋ jaŋ dɩ-bolii-la, a dagʋ wɩaa yʋgɛ, aŋ mɩɩra kɛnʋ kaa kʋ tuu ta. Dɩ Wɩa joŋ ʋ dɩma nɛ koo ʋ yaraa kala nɛ, mɩ bɩ jɩŋ. Wɩa nɛ jɩma.

2 Kɔrɩntɩ Nɩaa 5:16

Ŋɩɩ wɩaa, a lɩɩ jɩnɩŋ kaa mʋmʋ la bɩ chɛ la beŋ nɩaa arɩ dʋnɩa nɩaa sɩɩ beŋ nɩaa ŋɩɩ. Bʋa kʋbala lɛ, la faa beŋ Kirisito ŋɩɩ nɛ, ama lɛɛlɛ la bɩra bɩ ʋ beŋ arɩ la fa sɩɩ benu ŋɩɩ.

2 Kɔrɩntɩ Nɩaa 5:19

Wɩa to Kirisito lɛ nɛ a wuo ŋaa ʋ dɩ dʋnɩa nɩaa kala sɩŋ. Wɩa na dʋnɩa nɩaa arɩ ba ŋaa wʋbɔŋŋɔɔ nɛ, ama ʋ fá ba nenige a joŋ ba wʋbɔmɔ-la a chɛba. Wɩa nɛ sɩ la bʋla pɩ nɩaa arɩ la dɩ Wɩa sɩma nɛ lɛɛlɛ.

2 Kɔrɩntɩ Nɩaa 5:21

Kirisito fa bɩ wʋbɔŋ kɛnɛ, ama a tɩŋ la wɩaa, Wɩa leŋe ʋ sʋʋ a nagɛ wʋbɔŋ ŋaarʋ. Wɩa ŋaa ŋɩɩ dɩ la wuo to Kirisito lɛ nɛ a kɛŋ tʋɔpʋla ʋ teeŋ.

Galiisia Nɩaa 3:28

Lɛɛlɛ, la bɩra bɩ nɩaa kaa pʋpɔrɛ. Dɩ ŋ ŋaa Juu tɩɩna koo dɩ ŋ bɩ ŋaa, dɩ ŋ ŋaa yoŋ koo dɩ ŋ tɩɩ ŋ tɩtɩa, dɩ ŋ ŋaa haal koo baal, ma kala ŋaa kʋbala nɛ Kirisito Yesu teeŋ.

Galiisia Nɩaa 5:6

Dɩ la dɩ Kirisito nɛ ŋaa kʋbala, dɩ la keri la penee koo dɩ la bɩ kere, ʋ bɩ wɩɩ kɛnɛ. Wɩɩ-la sɩ ŋaa sɩɩfɩaŋ wɩɩ nɛ, dɩ la laa Wɩa wɩaa dii a cho dɔŋɔ.

Galiisia Nɩaa 6:15

Ʋ bɩ wɩɩ kɛnɛ dɩ la keri la penee koo dɩ la bɩ kere. Wɩɩ-la sɩ ŋaa sɩɩfɩaŋ wɩɩ nɛ, dɩ la bɩrɩmɛ a kɛŋ mɩɩ-falɩɩ-la.

Ɛfɛsɩs Nɩaa 2:10

Wɩa nɛ ŋaala. Ʋ ŋaala dɩ la dɩ Kirisito Yesu ŋaa kʋbala nɛ a ŋɩŋaa wʋzɔŋŋɔɔ. Ʋ ŋaa wʋzɔŋŋɔɔ deemba bil la lɛ faa faa kala nɛ dɩ la ŋɩŋaaba.

Ɛfɛsɩs Nɩaa 2:15

Ʋ sɩ sʋba ŋɩɩ, ʋ leŋe wɩalɩŋ Mosis fa sɩ bile dɩ nɩaa tuto arɩ wɩalɩŋ ʋ sɩ daga bɩra bɩ doluŋ kɛnɛ. Ʋ ŋaa ŋɩɩ dɩ nɩalɩŋ sɩ ŋaa Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa kala to ʋ lɛ nɛ a bɩrɩmɛ nɩfalɩa a sɩŋ.

Fɩlɩpa Nɩaa 4:21

Mɩɩ chʋɔlɛ Wɩa nɩalɩŋ kala sɩɩ to Yesu Kirisito. La naambiiri-la kala ma sɩ laa Yesu wɩaa dii a hɛ mɩ teeŋ, ba maa chʋɔlɛma.