2 Kɔrɩntɩ Nɩaa 5:15 - WƖA TENIŊ

¹⁵ Nʋʋkala wɩaa nɛ tɩɩ Kirisito sʋʋ. Ʋ sɩ sʋba ŋɩɩ, nɩalɩŋ sɩ to ʋ lɛ a kɛŋ mɩɩsɩŋ, ʋ maga dɩ ba ŋɩŋaa wɩalɩŋ sɩɩ tɔrɛ ʋ tʋɔŋ, aŋ sɩ́ ba tɩtɩa tʋɔtɔrɛ wɩaa ŋaa, a tɩŋ ʋ sɩ sʋʋ ba wɩaa aŋ sii sʋʋŋ lɛ.

2 Kɔrɩntɩ Nɩaa 5:15 ပူးပေါင်းရင်းမြစ်များ

2 KUOROO 5:17

Naamaŋ bɩra bʋl, “Mɩɩ sʋlʋŋ, dɩ ŋ nɛ bɩ kʋŋkala jaŋ laa, leŋ dɩ mɩ-na ŋ tɩntɩnna ŋaa ma tinteeŋ hagɩla kakumo toruko sɩɩŋ bʋlɩa a kaa viiri. A chɩŋ lɛɛlɛ a kaa mʋ mɩ-na ŋ tɩntɩnna bɩra bɩ jaŋ kɔ dɩ mɩ nyɩgɛ kɩaa pɩ vene koo a kpaarɛ vene kala, see La TƖƖNA dʋndʋŋa.

ƐZƖKƖƐL 16:6

Ŋɩɩ nɛ mɩ kʋʋ bal a naŋ dɩ ŋ pɩŋ ŋ tɩtɩa chalɩŋ lɛ a yuyuo naasɩŋ, ŋ fa sɩ pɩŋ chal-la lɛ ŋɩɩ mɩ bʋla pɩŋ: Kɛŋ mɩɩsɩŋ.

ƐZƖKƖƐL 37:14

Mɩ jaŋ joŋ mɩ wiese hɛ ma lɛ, a leŋ dɩ ma bɩra kɛŋ mɩɩsɩŋ, aŋ ka dɩ mɩ leŋ dɩ ma hɔŋ ma tɩtɩa tinteeŋ lɛ. Ŋɩɩ nɛ ma jaŋ jɩŋ arɩ mɩ-na ma TƖƖNA nɛ bʋla, aŋ ŋaa ma.”

ƐZƖKƖƐL 37:9

Ŋɩɩ nɛ ʋ bʋla pɩmɛ, “Bʋl wɩaa mɩ doluŋ lɛ a pɩ wiese. Bʋla pɩ wiese arɩ mɩ-na ma TƖƖNA Wɩɩjarɩbakɔ sɩ ʋ lɩɩ dʋnɩa loŋgorunuŋ banɛsɛ a kʋ jʋʋ nɩsʋʋnʋŋ deemba a leŋ dɩ ba bɩra kɛŋ mɩɩsɩŋ.”

HABAKU 2:4

Bee na, nɩalɩŋ sɩɩ dagɛ ba tɩtɩa, ba wʋchɛɛlɛɛ bɩ tʋʋla. Ama tʋɔpʋl tɩŋŋaa-na jaŋ hɛ nɩmɛ a tɩŋ ba sɩ laa mɩ-na Wɩa wɩaa dii.

ZƐKARƖYA 10:9

Mɩ kɛmba pɩsa hɛ nɩaa dɔnsʋŋ tʋɔŋ ma nɛ, ama ba ha jaŋ liisi mɩ wɩaa tintee-bolie-la lɛ. Ba dɩ ba biiriŋ kala jaŋ kɛŋ mɩɩsɩŋ, a mɩɩra kɔ.

Jɔɔŋ 5:24

Wʋtɩtɩɩ nɛ mɩ bʋla pɩpɩma, nɩɩ-la kala sɩ jegile nɩɩ mɩ niiŋ wɩaa a laa nɩɩ-la ma sɩ tɩmmɛ wɩaa dii, ʋ jaŋ kɛŋ mɩɩsɩ-la sɩ bɩ dɛrɛ. Sarɩya bɩ jaŋ dii tɩɩna, ʋ lɩɩ sʋʋŋ bʋa lɛ nɛ a kɛŋ mɩɩsɩŋ.

Jɔɔŋ 6:57

Mɩ Nyɩmma-la sɩ kɛŋ mɩɩsɩŋ a tɩmmɛ ŋɩɩ, ʋ nɛ leŋe mɩ kɛŋ mɩɩsɩŋ. Ŋɩɩ tɩtɩa nɛ nɩɩ-la ma sɩ chaŋ mɩ yaraa nammɩa ma jaŋ kɛŋ mɩɩsɩŋ a tɩŋ mɩ wɩaa.

Rom Tɩŋŋaa 12:1

Ŋɩɩ wɩaa, mɩ naambiiriŋ, a tɩŋ Wɩa sɩ faasa fá la nenige wɩaa, mɩɩ sʋlma dɩ ma joŋ ma mɩɩsɩŋ kala a pɩ Wɩa, arɩ ba fa sɩ yie kpʋ pʋsʋŋ a ŋaa Wɩɩsʋlʋŋ pɩ Wɩa ŋɩɩ. Ma sɩ joŋ ma tɩtɩa a pɩ Wɩa ŋɩɩ, ma bɩra sɩ́ disiniŋ kɛŋ, dɩ Wɩa wuo laama. Wɩɩ-chʋɔlʋŋ wombiiŋ tɩtɩa nɛ ŋɩɩ.

Rom Tɩŋŋaa 4:25

bɛɛ wɩaa ʋ leŋe Yesu sʋʋ a tɩŋ la wʋbɔŋŋɔɔ wɩaa nɛ, a bɩra leŋ ʋ sii sʋʋŋ lɛ dɩ la kɛŋ tʋɔpʋla ʋ sɩpaaŋ.

Rom Tɩŋŋaa 6:2

Aɩ, wombii tuo. Dɩ wʋbɔŋŋɔɔ-na lɛ nɛ, la sʋba nɛ. Ɛɛ nɛ saa la ha jaŋ hɛ wʋbɔŋŋɔɔ lɛ a ŋɩŋaa?

Rom Tɩŋŋaa 6:6

La jɩma arɩ ba sɩ kɛŋ Kirisito kpaasɛ daagɛsɛ nyuŋ ŋɩɩ ʋ sʋʋ, ba kpaasʋ arɩ la wʋbɔŋŋɔɔ kala nɛ. Ʋ ŋaa ŋɩɩ a wuo yuo dii dol-la la fa sɩ kɛnɛ a ŋɩŋaa wʋbɔŋŋɔɔ nɛ, dɩ la bɩra sɩ́ wʋbɔŋŋɔɔ yosu ŋaa.

Rom Tɩŋŋaa 8:10

Dɩ Kirisito nɛ hɛ ma lɛ, ma yaraa nammɩa ha jaŋ sʋʋ a tɩŋ ma wʋbɔŋŋɔɔ wɩaa. Ama Wɩa Dɩŋ-zɔŋ-la sɩ hɛ ma lɛ, ʋ nɛ pɩma mɩɩsɩŋ, bɛɛ wɩaa ma kɛŋ tʋɔpʋla nɛ Wɩa sɩpaaŋ.

Rom Tɩŋŋaa 8:2

La dɩ Yesu Kirisito sɩ ŋaa kʋbala ŋɩɩ, ʋ Dɩŋ-zɔmʋŋ joŋ mɩɩsɩŋ pɩla nɛ. Ʋ laala ta nɛ wʋbɔŋŋɔɔ arɩ sʋʋŋ nɩsɩŋ lɛ.

Rom Tɩŋŋaa 8:6

Dɩ la nɛ joŋ la nyuŋ a hɛ la yaraa wʋŋaalaa lɛ, la jaŋ sʋʋ, ama dɩ la nɛ joŋ la nyuŋ a hɛ Wɩa Dɩŋ-zɔŋ-la wʋŋaalaa lɛ, la jaŋ kɛŋ mɩɩsɩŋ a hɔŋ arɩ yarɩfɩɛlaa,

1 Kɔrɩntɩ Nɩaa 10:33

Má ŋɩŋaa ŋɩɩ mɩ sɩɩ ŋaa. Wɩɩ-na kala mɩ sɩɩ ŋaa, mɩ yie chɩchɛ dɩ mɩ pɛ nʋʋ lɛ nɛ. Mɩ bɩ chɛ dɩ mɩ ŋaa wɩaa a tɔrɛ mɩ tɩtɩa tʋɔŋ. Ama mɩɩ chɛ dɩ mɩ pɛ nɩ-daŋ lɛ nɛ, dɩ Wɩa wuo laaba ta.

2 Kɔrɩntɩ Nɩaa 12:10

Ŋɩɩ wɩaa a tɩŋ Kirisito wɩaa dɩ mɩ nɛ bɩ doluŋ kɛnɛ, dɩ ba nɩɩ tʋʋsɛmɛ, dɩ mɩ nɩɩ na hɛɛŋ, dɩ ba nɛ to naasɩŋ dʋdɔgɩsɛmɛ, koo dɩ wɩaa nɛ jʋʋmɛ ma, mɩ tʋɔŋ ha yie tɔrɛ nɛ. Dɩ mɩ nɛ bɩ doluŋ kɛnɛ, Wɩa yie pɩmɛ ʋ doluŋ nɛ.

2 Kɔrɩntɩ Nɩaa 3:6

Wɩa tɩtɩa nɛ pɩla doluŋ la ŋaa nii-faalɩɩ-la ʋ sɩ hɛ pɩ nuhuobiinee tɩntɩnnaa. Nii-la bɩ naga ʋ ŋaa wɩɩ ba sɩ ŋmʋnsa bil a tuto, ama nii-falɩɩ-la doluŋ lɩɩ Wɩa Dɩŋ-zɔmʋŋ wɩalɩŋ nɛ. Wɩalɩŋ Mosis sɩ ŋmʋnsa bil dɩ nɩaa tuto bɩ nɩaa mɩɩsɩŋ wuo pa, ama Wɩa wʋzɔmɔ-la sɩ lɩɩ ʋ Dɩŋ-zɔŋ-la teeŋ nɩɩ pa mɩɩsɩŋ.

2 Kɔrɩntɩ Nɩaa 5:16

Ŋɩɩ wɩaa, a lɩɩ jɩnɩŋ kaa mʋmʋ la bɩ chɛ la beŋ nɩaa arɩ dʋnɩa nɩaa sɩɩ beŋ nɩaa ŋɩɩ. Bʋa kʋbala lɛ, la faa beŋ Kirisito ŋɩɩ nɛ, ama lɛɛlɛ la bɩra bɩ ʋ beŋ arɩ la fa sɩɩ benu ŋɩɩ.

Galiisia Nɩaa 5:25

Wɩa Dɩŋ-zɔŋ-la sɩ hɛ la lɛ, ʋ maga dɩ la tuto ʋ niiŋ lɛ nɛ.

Ɛfɛsɩs Nɩaa 4:17

La Tɩɩna yɩrɩŋ lɛ mɩɩ chɛ dɩ mɩ bʋl wɩɩ nɛ pɩma arɩ sɩɩfɩɛsɩŋ. Má sɩ́ leŋe dɩ ma wʋŋaalaa nagɛ nɩalɩŋ sɩ bɩ Wɩa jɩŋ. Wɩalɩŋ kala ba sɩɩ bɩɩnʋ ŋaa wʋpɛɩba nɛ.

Ɛfɛsɩs Nɩaa 5:14

Ŋɩɩ wɩaa nɛ tɩɩ ba bʋl, “Ma nɩalɩŋ sɩ pɩŋ doŋ a nagɛ ma sʋba, má sii doŋ lɛ. Kirisito jaŋ chaana hɛ ma lɛ.”

Koloosi Nɩaa 2:12

Ba sɩ foma Wɩɩchʋɔlɛ lɩɩŋ, ʋ naga ma dɩ Kirisito kala nɛ sʋba ba joŋo hugi, Wɩa chɩsɛ ma dɩ Yesu kala sʋʋ-la lɛ, a tɩŋ ma sɩ laa dii arɩ Wɩa kɛŋ doluŋ.

Koloosi Nɩaa 3:1

Ma dɩ Kirisito kala sɩ sii sʋʋŋ lɛ ŋɩɩ, máa chɛ wɩalɩŋ sɩ hɛ Wɩa-jaŋ, lee-la Kirisito sɩ hɔŋ Wɩa nadiiŋ sɛmɛ.

Koloosi Nɩaa 3:17

Wɩɩ na-kala ma sɩɩ ŋaa koo ma sɩɩ bʋl, má ŋaa ba kala La Tɩɩna Yesu yɩrɩŋ lɛ a lɔllɛ la Nyɩmma Wɩa ʋ yɩrɩŋ lɛ.

Koloosi Nɩaa 3:23

Tɩntɩmɩɩ na-kala ma sɩɩ tɩŋ, má tɩŋ arɩ tʋɔ-bala a nagɛ ma tɩma pɩpɩ Wɩa nɛ, nuhuobiinee dee.

1 Tɛsalonaaka Nɩaa 5:10

La wɩaa nɛ tɩɩ ʋ sʋʋ, ŋɩɩ wɩaa, dɩ la nɛ sʋba koo dɩ la nɛ weye, la kɛŋ mɩɩsɩŋ nɛ ʋ teeŋ.

Taatɩs 2:14

La wɩaa nɛ tɩɩ ʋ sʋʋ, dɩ ʋ laala ta la wʋbɔŋŋɔɔ lɛ a pɩɩsɛ la disiniŋ ta, dɩ la ŋaa ʋ nɩaa. Ʋʋ chɛ dɩ la ŋaa nɩa sɩ joŋ la nyuŋ hɛ wʋzɔŋŋɔɔ ŋaanɩŋ lɛ.

1 Pɩɩta 4:6

Ŋ-la wɩaa nɛ tɩɩ Kirisito bʋl Wɩa wʋzɔmɔ-la a pɩ nɩalɩŋ sɩ sʋba ma, arɩ ba sɩ sʋba ba yaraa lɛ ma kala a nagɛ nʋʋkala sɩ jaŋ sʋʋ ŋɩɩ, dɩ ba dɩnsɩŋ wuo kɛŋ mɩɩsɩŋ arɩ Wɩa sɩ kɛŋ mɩɩsɩŋ ŋɩɩ.

1 Jɔɔŋ 4:9

Ŋ-la nɛ Wɩa dagɛla arɩ ʋ chola nɛ: Ʋ joŋ ʋ Bii-bala dɩ ʋ kʋ tuu dʋnɩa, dɩ la to ʋ lɛ a kɛŋ mɩɩsɩ-la sɩ bɩ dɛrɛ.

Jɔɔŋ Wʋnaalaa 1:18

Mɩ nɛ ŋaa Nɩɩ-la sɩ weye. Mɩ fa sʋba nɛ, ama lɛɛlɛ mɩ weye nɛ a kaa mʋ wuu. Mɩ kɛŋ sʋʋŋ arɩ lɛlɛɛ-jaŋ kala doluŋ nɛ.