2 Kɔrɩntɩ Nɩaa 5:14 - WƖA TENIŊ

¹⁴ Kirisito chola nɛ, ʋ chono-la nɛ kɛnla kaa tɩtɩŋ. La saa sɛyɛ arɩ nʋʋkala wɩaa nɛ nɩbala sʋʋ, a tɩŋ ŋɩɩ wɩaa ʋ nagɛ nʋʋkala sʋba nɛ.

2 Kɔrɩntɩ Nɩaa 5:14 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 11:18

Ŋɩɩ nɛ laalɩyuori-babiibala-la batori wuo nyɩgɩsa to Fɩlɩsɩtɩa laalɩyuoro-la tʋɔŋ, a mʋ ŋaa lɩɩŋ vil-la sɩ kpagɛ Bɛtɩlɛhɛm boi-baalɩŋ lɛ a kaa kʋ pɩ Devit. Ama ʋ vɩa lɩɩ-la aŋ joŋo bɩsa ta La TƖƖNA sɩpaaŋ,

JOB 32:18

Mɩ tʋɔŋ kala nɛ suo arɩ wɩaa. Dɩma-la sɩ hɛ mɩ lɛ ka fʋgɛmɛ nɛ dɩ mɩ bʋl wɩaa.

SOLOMOŊ YƖƖL-SƖMƖŊ 1:4

Pɛ kɛmmɛ mʋ, leŋ la ŋaa lɩma. Leŋ dɩ kuoro kɛmmɛ jʋʋ ʋ dɩpɩnɩŋ. Laa jʋɔsɛ ŋ lɛ nɛ, la tʋɔŋ ma tɔrɛ ŋ nyuŋ. La jaŋ bɛsɛ ŋ chonuŋ lɛ a kɩɩ girep nɛnɛɛ sɩnɩŋ. Ba kɩaa sɩma nɛ a magɛ dɩ ba bɛsɛ ŋ lɛ.

AZAAYA 53:6

La kala nagɛ piesee sɩ yeŋŋe nɛ, la kʋŋkala joŋ ʋ tɩtɩa wombiiŋ. Hɛɛ-la la kala fa sɩ jaŋ na a tɩŋ la wʋbɔŋŋɔɔ wɩaa, La TƖƖNA mɩɩra joŋo daŋ ʋ lɛ nɛ.

Matiu 20:28

Mɩ-na Nuhuobiine Bie, mɩ bɩ kɔ dɩ mɩ chɛ nɩaa dɩ ba tɩma pɩmɛ, mɩ kɔ dɩ mɩ tɩma pɩba nɛ a sʋʋ a laa nɩ-daŋ mɩɩsɩŋ pɩba.”

Luuk 15:24

Ʋ naga mɩ bie deeŋ fa sʋba nɛ aŋ lɛɛlɛ sii. Ʋ fa lɛlɛ nɛ, ka la lɛɛlɛ naʋ.’ Ŋɩɩ nɛ ba dii kɩaa arɩ tʋɔtɔrʋŋ.

Luuk 15:32

Ama ʋ maga dɩ la gbieli gbiele a leŋ dɩ la tʋɔŋ tɔrɛ nɛ, bɛɛ wɩaa ʋ nagɛ ŋ ŋaana deeŋ fa sʋba nɛ aŋ sii. Ʋ fa lɛlɛ nɛ, ka la lɛɛlɛ naʋ.’ ”

Luuk 24:29

Ŋɩɩ nɛ ba kɛnʋ bil aŋ bʋl, “Chʋa la teeŋ, taŋ bire nɛ.” Ŋɩɩ nɛ ʋ jʋʋ dɩ ʋ chʋa ba teeŋ.

Jɔɔŋ 1:29

Ʋ taŋ sɩ pʋla, Jɔɔŋ na Yesu dɩ ʋ tʋʋlʋ kʋkɔ. Ʋ bʋl, “Má bee na, Wɩa Pie-bie-la nɛ ŋɩɩ. Ʋ nɛ laa dʋnɩa wʋbɔŋŋɔɔ ta.

Jɔɔŋ 11:25

Ŋɩɩ nɛ Yesu bʋla pʋ, “Mɩ nɛ ŋaa Nɩɩ-la sɩ jaŋ sii sʋʋŋ lɛ, a chɩsɛ nɩaa sʋʋŋ lɛ dɩ ba kɛŋ mɩɩsɩŋ. Nʋʋkala sɩ laa mɩ wɩaa dii, dɩ ŋ sʋba ma, ŋ jaŋ sii a kɛŋ mɩɩsɩŋ.

Jɔɔŋ 5:25

Wʋtɩtɩɩ nɛ mɩ bʋla pɩpɩma, bʋa-la jaŋ yi, ʋ saa yie ma nɛ, nɩalɩŋ sɩ sʋba jaŋ nɩɩ mɩ-na Wɩa Bie yikoro. Nɩalɩŋ saa sɩ nɩɩ mɩ yikoro, ba jaŋ kɛŋ mɩɩsɩŋ.

Tɩntɩŋŋaa 18:5

Ŋɩɩ nɛ Saalas arɩ Timoti lɩɩ Masidoonia kɔ. Bʋa-la lɛ ba sɩ kɔ, Pɔɔl joŋ ʋ nyuŋ kala hɛ aa bʋl Wɩa wɩaa, a dagɛ woruŋ a pɩ Juu tɩŋŋaa arɩ Yesu nɛ ŋaa Kirisito.

Rom Tɩŋŋaa 2:2

Wɩa sɩ joŋ cheeriŋ pɩ ma nɩalɩŋ sɩɩ ŋaa wʋbɔŋŋɔɔ deemba, la jɩma arɩ ʋ kɛŋ wʋtɩtɩɩ nɛ.

Rom Tɩŋŋaa 5:15

Ama Wɩa zile kʋ-la kɩɩ Adam wʋbɔŋ-la. Nɩaa yʋga nɛ a sʋʋ a tɩŋ nɩbala wʋbɔmʋŋ wɩaa. Ama Wɩa fá la nenige a joŋ ʋ zile kʋ-la pɩla, ʋ nɛ paala yʋga kɩɩ wʋbɔŋ-la. Yesu Kirisito nɛ ŋaa zile kʋ-la. Ʋ lahɔrɩmɔ lɛ ʋ pɛ nɩaa lɛ yʋgɛ kɩŋkɛŋ kɩŋkɛŋ.

Rom Tɩŋŋaa 6:13

Ʋ bɩ maga dɩ ma joŋ ma yaraa lee-kala pɩ Sɩtaanɩ a ŋɩŋaa wʋbɔŋŋɔɔ. Ama má joŋ ma tɩtɩa pɩ Wɩa. Ma-na nagɛ nɩalɩŋ ʋ sɩ chɩsa sʋʋŋ lɛ nɛ ma kɛŋ mɩɩsɩŋ. Má saa joŋ ma yaraa kala pʋ dɩ ʋ leŋ dɩ maa ŋaa tʋɔpʋl wɩaa.

Rom Tɩŋŋaa 6:6

La jɩma arɩ ba sɩ kɛŋ Kirisito kpaasɛ daagɛsɛ nyuŋ ŋɩɩ ʋ sʋʋ, ba kpaasʋ arɩ la wʋbɔŋŋɔɔ kala nɛ. Ʋ ŋaa ŋɩɩ a wuo yuo dii dol-la la fa sɩ kɛnɛ a ŋɩŋaa wʋbɔŋŋɔɔ nɛ, dɩ la bɩra sɩ́ wʋbɔŋŋɔɔ yosu ŋaa.

1 Kɔrɩntɩ Nɩaa 16:22

Dɩ nʋʋkala nɛ bɩ La Tɩɩna Kirisito cho, Wɩa jaŋ kalɩba hɛ ʋ lɛ. Maranaata! Ʋ bʋbʋɔŋ nɛ, La Tɩɩna Kirisito kɔ!

1 Kɔrɩntɩ Nɩaa 2:14

Nɩɩ-la kala sɩ bɩ Wɩa Dɩŋ-zɔmʋŋ kɛnɛ bɩ jaŋ laa kɩalɩŋ Wɩa sɩ joŋo pɩ nɩalɩŋ sɩ kɛŋ ʋ Dɩŋ-zɔŋ-la. Ʋ tɩɩna bɩ jaŋ wuo jɩmba. Ba yie ŋaa kʋpɛɩba nɛ ʋ teeŋ, bɛɛ wɩaa nʋʋ bɩ jaŋ wuo jɩmba, see dɩ ʋ kɛŋ Wɩa Dɩŋ-zɔŋ-la.

2 Kɔrɩntɩ Nɩaa 3:7

Wɩalɩŋ Mosis sɩ ŋmʋnsa bil dɩ nɩaa tuto, ba ŋmʋnsa hɛ tabɩɩ-taala lɛ nɛ. Wɩalɩŋ fa bɩ nɩaa mɩɩsɩŋ wuo pa. Bʋa-la lɛ Wɩa sɩ jomba pɩpɩ Mosis, ʋ tʋla fa chaana hɛ ʋ lɛ nɛ. Ŋɩɩ nɛ Mosis sɩaa kala tʋtʋl, Iziral tɩŋŋaa bɩ ʋ sɩaa lɛ wuo beŋ. Ama tʋla-la fa jaŋ lɛl,

2 Kɔrɩntɩ Nɩaa 3:9

Dɩ wɩalɩŋ Mosis sɩ ŋmʋnsa bil dɩ nɩaa tuto nɛ joŋ cheeriŋ pɩpɩ nɩaa aŋ ha kɛŋ tʋla, ŋɩɩ-na wɩalɩŋ sɩ leŋe nɩaa kɛŋ tʋɔpʋla Wɩa teeŋ jaŋ paala kɛŋ tʋla a kɩɩ ŋɩɩ.

Galiisia Nɩaa 2:20

Mɩ dɩ Kirisito kala nɛ ba kpaasa mɛrɛ daagɛsɛ nyuŋ. Mɩɩsɩ-la mɩ sɩ kɛnɛ, ʋ bɩ mɩ teeŋ lɩa, ʋ lɩɩ Kirisito teeŋ nɛ. Mɩ sɩ laa Wɩa Bie wɩaa dii nɛ tɩɩ mɩ wuo kɛŋ mɩɩsɩŋ deeŋ mɩ sɩ kɛnɛ dʋnɩa deeŋ lɛ. Wɩa Bie Yesu nɛ chomi, a joŋ ʋ mɩɩsɩŋ a yɔɔ sʋʋŋ mɩ wɩaa.

Ɛfɛsɩs Nɩaa 6:24

Nɩalɩŋ sɩ cho La Tɩɩna Yesu Kirisito a kaa mʋ deeŋ deeŋ, Wɩa jaŋ fá nɩaa deemba kala nenige.

Koloosi Nɩaa 2:13

Faafaa-la ma fa naga ma sʋba nɛ Wɩa teeŋ a tɩŋ ma sɩɩ ŋaa wʋbɔŋŋɔɔ wɩaa a bɩ ma penee ma kere. Ama Wɩa sɩ chɩsɛ Yesu sʋʋŋ lɛ, ŋɩɩ leŋe ma ma kɛŋ mɩɩsɩŋ nɛ. Ʋ joŋ la wʋbɔŋŋɔɔ kala a chɛla nɛ.

Koloosi Nɩaa 3:3

bɛɛ wɩaa ʋ naga ma sʋba nɛ, ka ma mɩɩsɩŋ faa Kirisito lɛ. Ʋ nɛ hɛ Wɩa teeŋ.

1 Timoti 2:6

Ʋ joŋ ʋ mɩɩsɩŋ yɔɔ sʋʋŋ nɛ dɩ ʋ laa nʋʋkala ta. Ʋ nɛ dagɛla ŋɩɩ arɩ bʋa-la yie nɛ, dɩ Wɩa laa nʋʋkala ta.

1 Timoti 5:6

Ama yo-haal-la sɩɩ to ʋ tɩtɩa tʋɔtɔrɛ wʋŋaalaa lɛ, ʋ-na paala nagɛ ʋ sʋba nɛ Wɩa teeŋ aŋ ta wei.

Taatɩs 3:3

La ma tɩtɩa fa ŋaa nɩyaara nɛ, a fa bɩ Wɩa niiŋ to, wʋbɔŋŋɔɔ fa leŋ la yeŋŋi. La fa to la tʋɔtɔrɛ wʋŋaalaa harɩŋ nɛ a bɩrɩmɛ ba yosi. La fa cho dɩ nɩaa jʋʋ wʋbɔŋŋɔɔ a fa kɛŋ yarɩ-bieriŋ dɔŋɔ lɛ. Nɩaa fa bɛrɛla, la ma fa bɛrɛba.

Hiburu TƖŊŊAA 2:9

La na arɩ Wɩa fa leŋe Wɩa tɩndaaraa nɛ kɩɩ Yesu mʋa. Ama lɛɛlɛ Wɩa zilu nɛ a leŋ ʋ kɛŋ doluŋ arɩ yɩrɩŋ, bɛɛ wɩaa ʋ na hɛɛŋ nɛ a sʋʋ. Wɩa lahɔrɩmɔ lɛ nɛ ʋ fa ŋaa ŋɩɩ, dɩ ʋ wuo laa nuhuobiinee kala nyuŋ a sʋʋ.

Hiburu TƖŊŊAA 6:10

Wɩa kɛŋ wʋtɩtɩɩ, ʋ bɩ jaŋ yʋ tɩntɩmɩɩ-la ma sɩ tɩma pʋ arɩ chono-la ma sɩ daga pʋ a pɛ ʋ nɩaa lɛ aŋ ha pɩpɛ ba lɛ.

1 Pɩɩta 1:8

Arɩ ma ha sɩ bɩ Yesu Kirisito na ma kala, ma ha chou nɛ. Ma ha sɩ bɩ ʋ na lɛɛlɛ ma, ma laa ʋ wɩaa dii nɛ. Ma tʋɔŋ tɔrɛ nɛ woruŋ, ma paala bɩ jaŋ wuo dagɛ ŋɩɩ ma tʋɔŋ sɩ tɔrɛ magɛ.

1 Jɔɔŋ 5:19

La jɩma la ŋaa Wɩa biiriŋ nɛ. Nɩkaana-la-na kala sɩ hɛ dʋnɩa lɛ hɛ Sɩtaanɩ nɩsɩŋ lɛ nɛ.