2 Kɔrɩntɩ Nɩaa 5:13 - WƖA TENIŊ

¹³ Ma bɩɩna arɩ laa nyaasɛ nɛ la sɩɩ bʋl wɩalɩŋ? Dɩ la nɩɩ nyaasʋ, Wɩa wɩaa nɛ tɩɩ, ama dɩ la nyuŋ nɩɩ tɩŋ ma, ma wɩaa nɛ tɩɩ.

2 Kɔrɩntɩ Nɩaa 5:13 ပူးပေါင်းရင်းမြစ်များ

JƐRƖMAAYA 29:26

‘La TƖƖNA lɩɩsɩŋ nɛ a hɛ Jehoyada nyuŋ dɩ ŋ ŋaa Wɩɩsʋllɩ sɩpaalaarʋ a bibeŋ ʋ dɩɩ-bal-la. Ʋ maga dɩ ŋ kɛŋ nʋʋ na-kala sɩɩ nyaasʋ aŋ ŋɩŋaa wɩaa a nagɛ ʋ ŋaa Wɩa wʋlaabʋllʋ nɛ a hɛ kuruŋ arɩ chɔrʋmɔɔ.

Maak 3:21

Ŋɩɩ nɛ ʋ dɩa nɩaa nɩɩ a sii lɩɩ dɩ ba kɛnʋ aŋ bʋl, “Ʋʋ nyaasɛ nɛ.”

Rom Tɩŋŋaa 12:3

Wɩa sɩ kɛŋ zile ŋɩɩ mɩ teeŋ, mɩɩ sʋl ma kʋŋkala dɩ ma sɩ́ ma tɩtɩa kaa yʋgɛ a kɩɩ ŋɩɩ ma sɩ maga. Má leŋ dɩ ma sɩaa fɩɛlɛ. Wɩa pɩ nʋʋkala laa diiniŋ nɛ. Ama ba kɩɩ dɔŋɔ nɛ. Nʋʋkala maga dɩ ʋ bɩɩnɛ ʋ nyuŋ lɛ a magɛ ŋɩɩ Wɩa sɩ leŋe ʋ kɛŋ laa diiniŋ.

2 Kɔrɩntɩ Nɩaa 11:1

Mɩɩ sʋlma dɩ ma dii kenyiri mɩ teeŋ. Dɩ mɩɩ bʋl nɩyaarɩ wɩɩ ma, má jegile nɩɩ.

2 Kɔrɩntɩ Nɩaa 12:11

Mɩɩ ŋaa wɩaa a nagɛ mɩ ŋaa nɩyaarɩ nɛ. Ma nɛ saa yigimi hɛ ŋɩɩ lɛ. Ma nɛ fa maga dɩ ma bɩbɛsɛ mɩ lɛ. Mɩ jɩma arɩ mɩ bɩ nʋʋ ŋaa, ama nanzɔɔba-la sɩ joŋ ba tɩtɩa arɩ ba nɛ kɩɩ nʋʋkala, ba bɩ mɩ kpɩa.

2 Kɔrɩntɩ Nɩaa 12:6

Dɩ mɩ nɩɩ chɛ dɩ mɩ bigisi mɩ tɩtɩa lɛ ma, mɩ bɩ jaŋ bʋl nɩyaarɛ wɩaa. Mɩ jaŋ bʋl wʋtɩtɩɩba. Ama mɩ bɩ jaŋ bigisi mɩ tɩtɩa lɛ, dɩ nʋʋkala sɩ́ wuo na wombiiŋ a bɩɩnɛ arɩ mɩ kɩɩ ŋɩɩ mɩ sɩ maga nɛ, a tɩŋ wɩalɩŋ ba sɩ na mɩ teeŋ, koo a tɩŋ wɩalɩŋ ba sɩ nɩa dɩ mɩɩ bʋl lɛ.

2 Kɔrɩntɩ Nɩaa 7:12

Ŋɩɩ wɩaa teŋ-la mɩ sɩ ŋmʋnsa, ʋ bɩ naga arɩ nɩɩ-la sɩ ŋaa wɩaa chei nɛ tɩɩ mɩ ŋmʋnsɛ. Mɩ bɩra bɩ ŋmʋnsa pɩ nɩɩ-la sɩ na hɛɛŋ a tɩŋ ba sɩ ŋaa wɩɩ-la cheyu lɛ. Ama mɩ ŋmʋnsa nɛ dɩ ma dagɛ Wɩa sɩpaaŋ arɩ ma chola nɛ.

Koloosi Nɩaa 1:24

Lɛɛlɛ mɩ tʋɔŋ tɔrɔ hɛɛ-la mɩ sɩ na a pɩma lɛ. Hɛɛ-la mɩ sɩ na ma wɩaa nɛ leŋe Kirisito sɩ na hɛɛ-la nɩalɩŋ sɩ laa ʋ wɩaa dii aa hilimi dɛrɛ. Nɩalɩŋ nɛ ŋaa ʋ yaraa.

1 Tɛsalonaaka Nɩaa 1:5

Bʋa-la lɛ la sɩ bʋl Wɩa wʋzɔmɔ-la a pɩma, ʋ bɩ naga arɩ wʋbʋlʋŋ dʋndʋŋa nɛ la kʋ bʋla pɩma. La sɩ hɛ ma teeŋ, Wɩa wʋzɔmɔ-la fa kɛŋ doluŋ, Wɩa Dɩŋ-zɔmʋŋ ma fa hɛ la teeŋ, ka wɩalɩŋ ma sɩ nɩa ma jʋʋ ma dɩgɩlaa woruŋ. La sɩ hɛ ma teeŋ, ma na la mɛlɛ fa sɩ nagɛ ŋɩɩ nɛ. Ma wɩaa nɛ tɩɩ la kɛŋ la tɩtɩa woruŋ ŋɩɩ.

2 Timoti 2:10

Mɩ nyalɩma nɛ wɩɩkala lɛ a tɩŋ nɩalɩŋ Wɩa sɩ lɩɩsa wɩaa, dɩ Yesu Kirisito wuo laaba ta dɩ ba na ʋ tʋla a kaa mʋ deeŋ deeŋ.