2 Kɔrɩntɩ Nɩaa 5:11 - WƖA TENIŊ

¹¹ Laa fá Wɩa nɛ, ŋɩɩ nɛ tɩɩ la bʋl ʋ wɩaa pɩpɩ nɩaa, dɩ ba bɩrɩma lɩɩ ba wʋbɔŋŋɔɔ lɛ a kʋ to Wɩa. Wɩa nɛ jɩŋ ŋɩɩ la sɩ naga. Mɩ saa jɩma arɩ ma tʋɔbɩɩnaa lɛ ma jɩŋ ŋɩɩ la sɩ naga nɛ.

2 Kɔrɩntɩ Nɩaa 5:11 ပူးပေါင်းရင်းမြစ်များ

WƖAA DƖ-SUOMUŊ 35:5

Ba sɩ sie a mʋmʋ, Wɩa leŋ fawʋllʋŋ jʋʋ tasɩ-la kala fa sɩ golli lee-la chu nɩaa, ba kʋŋkala bɩ ba harɩŋ kire.

JOB 18:11

Fawʋllʋŋ jʋʋ nɛ sɛmɛ na-kala, a daa tuto ʋ harɩŋ.

JOB 31:23

Mɩ bɩ sɛɩ dɩ mɩ ŋaa wʋdosunuŋ deemba. Mɩɩ fá Wɩa sɩ kɛŋ doluŋ nɛ dɩ ʋ sɩ́ mɩ chei.

JOB 6:4

Wɩa doluŋ kala Tɩɩna joŋ ʋ to-hɛŋŋɛɛ yagɛmɛ nɛ, ba huoŋ laara kɛŋ mɩ yaraa kala. Wɩa yuomi, fawʋllʋŋ chaasa kɛmmɛ nɛ.

WƖA YƖƖLAA 73:19

Ba guu cheiba nɛ, ba dɩdɛrɩŋ chaasa lɔrɛ nɛ.

WƖA YƖƖLAA 76:7

Ŋ dʋndʋŋa nɛ maga dɩ nʋʋkala fá. Nʋʋkala bɩ ŋ sɩpaaŋ wuo chɩŋ, dɩ ŋ nɛ na baanɩŋ.

WƖA YƖƖLAA 90:11

Kʋbɛɛ nɛ jaŋ wuo jɩŋ ŋ baanɩŋ doluŋ maŋŋaa? Ŋ baanɩŋ yʋga a magɛ ŋɩɩ sɩ maga dɩ la fɩfáŋ nɛ.

AZAAYA 19:16

Tapʋlɩɩ-la La TƖƖNA sɩ jaŋ dɔgɩsɛ Ijipiti tɩŋŋaa, ba kala jaŋ nagɛ haalaa. Fawʋllʋŋ jaŋ jʋʋba dɩ ba chichel, dɩ ba nɛ na La TƖƖNA doluŋ kala Tɩɩna dɩ ʋ je ʋ nɩsɩŋ ba lɛ.

AZAAYA 33:14

Wʋbɔŋ ŋaara-la sɩ hɛ Zaayɔŋ lɛ, fawʋllʋŋ jʋʋba nɛ. Nɩalɩŋ sɩ bɩ Wɩa ka to ka chel nɛ aŋ pɩpɩɛsɛ, “La kʋbɛɛ nɛ jaŋ wuo hɛ nyiniŋ sɩɩ dii tʋɔŋ? La kʋbɛɛ nɛ jaŋ wuo hɛ nyiŋ-la sɩɩ dii a bɩ dɩsɛ tʋɔŋ aŋ kɛŋ mɩɩsɩŋ?”

NAHUM 1:6

Kʋbɛɛ nɛ jaŋ wuo chɩŋ ʋ sɩpaaŋ dɩ ʋ baanɩŋ nɛ sie? Kʋbɛɛ nɛ jaŋ wuo waa, dɩ ʋ baanɩŋ nɛ hoso? Ʋ baanɩŋ yie pusi a nagɛ nyiniŋ nɛ, bʋsʋŋ yɩyɛrɛ ʋ sɩpaaŋ.

Matiu 10:28

Ŋɩɩ nɛ Yesu bɩra bʋl, “Má sɩ́ nɩalɩŋ sɩ jaŋ wuo kpʋ ma yaraa fá, nɩaa deemba bɩ ma dɩma wuo kpʋ. Ama má fá Wɩa. Ʋ nɛ kɛŋ doluŋ dɩ ʋ wuo joŋ ma yaraa arɩ ma dɩnsɩŋ kala a hɛ Wɩa nyiniŋ tʋɔŋ. Mɩ bʋlaa pɩma, má fɩfáʋ.

Matiu 25:46

Ŋɩɩ nɛ ba jaŋ jʋʋ lee-la hɛɛŋ sɩ bɩ dɛrɛ, aŋ ka dɩ tʋɔpʋl tɩŋŋaa ma jʋʋ lee-la mɩɩsɩŋ sɩ bɩ dɛrɛ.”

Luuk 12:5

Mɩ jaŋ dagɛma nɩɩ-la sɩ maga dɩ ma fá. Má fá Wɩa. Ʋ nɛ jaŋ wuo kpʋma aŋ bɩra kɛŋ doluŋ dɩ ʋ wuo jomma hɛ Wɩa nyiniŋ tʋɔŋ. Mɩ bʋlaa pɩma, má fɩfáʋ.

Luuk 16:31

Ŋɩɩ nɛ Abɩraham bɩra bʋla pʋ, ‘Dɩ ba nɛ bɩ jaŋ jegile nɩɩ wɩalɩŋ Mosis arɩ Wɩa wʋlaabʋllaa sɩ ŋmʋnsa, ba bɩ jaŋ sɛɩ wɩalɩŋ dɩ nʋʋ nɛ paala sii sʋʋŋ lɛ a mʋ ba teeŋ a dagɛba ma.’ ”

Tɩntɩŋŋaa 13:43

Ŋɩɩ nɛ nɩalɩŋ kala lɩɩ Wɩɩchʋɔlɛ dɩa lɛ. Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa aŋ tuto Juu tɩŋŋaa Wɩɩchʋɔlɛ wombiiŋ, ba yʋga a to Pɔɔl arɩ Banabas harɩŋ. Pɔɔl arɩ Banabas bʋl wɩaa pɩba a sʋsʋlba dɩ ba chɩŋ Wɩa wʋzɔmɔ-la lɛ a sɩ́ joŋo ta.

Tɩntɩŋŋaa 18:13

Ba sɩ, “Baala deeŋ walɩmɛ dɩ nɩaa sɛɩ a chʋchʋɔlɛ Wɩa wombii-la sɩ jaŋ chei wombii-la la sɩɩ to nɛ.”

Tɩntɩŋŋaa 18:4

Chɛ-wiesii-la chɛɛŋ kala ʋ yie mʋ ba Wɩɩchʋɔlɛ dɩa. Ʋ dɩ Juu tɩŋŋaa arɩ Giriik tɩŋŋaa magɩsɛ wɩaa pɩpɩ dɔŋɔ. Ʋ wʋwalɩmɛ dɩ ba sɛɩ ʋ wɩɩŋ.

Tɩntɩŋŋaa 19:26

Ma tɩtɩa nɩa nɛ a nɩna wɩalɩŋ ma Pɔɔl sɩɩ bʋl. Ʋ sɩ: Vʋɩya-la nuhuobiinee sɩɩ libu, ba bɩ wɩa ŋaa. Ʋ saa wuo kɛŋ nɩ-daŋ nyusuŋ bɩrɩmɛ ba sɛɩ wɩɩ-la. Ʋ ŋaa ŋɩɩ Ɛfɛsɩs deeŋ arɩ Esia tinteeŋ jesiŋ kala lɛ nɛ.

Tɩntɩŋŋaa 26:26

Kuoro Agɩrɩpa, ŋ jɩŋ wɩaa deemba kala nɛ. Ŋɩɩ nɛ tɩɩ mɩ wuo bʋbʋlba arɩ nyuduoŋ. Mɩ jɩma arɩ wɩaa deemba kʋŋkala tuo ŋ sɩ bɩ jɩŋ. Wɩaa deemba kala sɩ ŋaa, ba bɩ wʋfaalɩa ŋaa.

Tɩntɩŋŋaa 28:23

Ŋɩɩ nɛ ba hɛ tapʋlʋŋ pɩ Pɔɔl. Tapʋlɩɩ-la sɩ yie, nɩaa yʋga a kɔ lee-la Pɔɔl sɩɩ jʋʋ. Pɔɔl bʋl Wɩa kuorii-la wɩaa a pɩpɩba sɩɩfɩɛsɩŋ a lɩɩ chʋchʋɔŋ kala a kaa mʋmʋ dɩdaanɩŋ. Ʋ karɩmɛ wɩalɩŋ Mosis fa sɩ ŋmʋnsa bil dɩ nɩaa tuto, arɩ wɩalɩŋ Wɩa wʋlaabʋllaa fa sɩ ŋmʋnsa bil Wɩa teniŋ tʋɔŋ. Ʋ dagɛba ŋɩɩ a bʋl Yesu wɩaa pɩba, a wʋwalɩmɛ dɩ ba laa Yesu wɩaa dii.

2 Kɔrɩntɩ Nɩaa 2:17

Nɩaa yʋga nɛ a gɔllɔ bʋbʋl Wɩa niiŋ wɩaa a lɩlaa moribiee, ama la-na bɩ ŋɩɩ ŋaa. La-na ŋaa nɩtɩtɩɩba nɛ. Wɩa nɛ lɩɩsɛla dɩ la tɩŋ tɩntɩmɩŋ deeŋ. Kirisito doluŋ lɛ nɛ laa bʋl Wɩa wɩaa.

2 Kɔrɩntɩ Nɩaa 5:20

A tɩŋ ŋɩɩ wɩaa Kirisito naasɩŋ lɛ nɛ la chɩŋ a bʋbʋl wɩaa deemba a pɩpɩ nɩaa. Wɩa to la lɛ nɛ a bʋla pɩma dɩ ma kɔ ʋ teeŋ. A tɩŋ Kirisito wɩaa laa sʋlma dɩ ma kɔ, dɩ ma dɩ Wɩa ŋaa sɩma.

2 Kɔrɩntɩ Nɩaa 6:1

Tɩntɩmɩɩ-la la sɩɩ tɩŋ, la dɩ Wɩa kala nɩɩ tɩŋ. Ŋɩɩ wɩaa laa sʋlma, má sɩ́ leŋe dɩ Wɩa lahɔrɩmɔ-la ʋ sɩ kɛnɛ ma teeŋ ŋaa wʋpɛɩba.

Galiisia Nɩaa 1:10

Ma bɩɩna arɩ mɩ bʋl wɩɩŋ deeŋ a chɩchɛ dɩ mɩ laa yɩrɩŋ nɩaa teeŋ nɛɛ? Wɩa teeŋ nɛ mɩ chɩchɛ mɩ laa yɩrɩŋ. Ma bɩɩna mɩɩ chɛ dɩ nɩaa nɛ zizilmii? Dɩ mɩ nɛ faa chɛ dɩ nɩaa zizilmi, mɩ fa bɩ jaŋ ŋaa Kirisito tɩntɩnnʋ.

Ɛfɛsɩs Nɩaa 5:21

La sɩɩ zil La Tɩɩna Kirisito ŋɩɩ, ʋ maga dɩ la tuto dɔŋɔba niiŋ wɩaa nɛ.

Hiburu TƖŊŊAA 10:31

Dɩ ŋ nɛ jʋʋ Wɩa-la sɩ weye nɩsɩŋ, ʋ jaŋ lɔrɔ pɩŋ.

Hiburu TƖŊŊAA 12:29

bɛɛ wɩaa Wɩa nagɛ nyiŋgeliŋ nɛ a didii kɩaa.

Juud 1:23

Nɩalɩŋ sɩɩ jʋʋ Wɩa nyiniŋ, má lorigo laaba ta. Nɩaa dɔnsʋŋ ma hɛ nɩmɛ sɩ maga dɩ ma fá Wɩa aŋ fá ba nenige, ama má kɛŋ ma tɩtɩa dɩ ba wʋbɔmɔ-la sɩ́ ma chol.

Jɔɔŋ Wʋnaalaa 20:15

Dɩ nʋʋkala yɩrɩŋ nɛ tuo mɩɩsɩŋ teŋ-la tʋɔŋ, ba yie joŋu yuo hɛ nyiŋ-bal-la tʋɔŋ nɛ.