2 Kɔrɩntɩ Nɩaa 5:10 - WƖA TENIŊ

¹⁰ bɛɛ wɩaa la kala jaŋ mʋ chɩŋ Kirisito sɩpaaŋ dɩ ʋ dii la sarɩya. Kirisito jaŋ tiŋ nʋʋkala magɛ ŋɩɩ ʋ sɩ tɩma magɛ dʋnɩa deeŋ lɛ. Dɩ ŋ nɛ faa ŋaa wʋzɔŋŋɔɔ, ʋ jaŋ joŋ wʋzɔŋŋɔɔ timiŋ. Dɩ ŋ nɛ faa ŋaa wʋbɔŋŋɔɔ ma, ʋ jaŋ joŋ wʋbɔŋŋɔɔ timiŋ.

2 Kɔrɩntɩ Nɩaa 5:10 ပူးပေါင်းရင်းမြစ်များ

WƖAA DƖ-SUOMUŊ 18:25

Ʋ bɩ kɩsɛ dɩ ŋ kpʋ tʋɔpʋl tɩŋŋaa arɩ nɩbɔŋŋɔɔ kala hɛ dɔŋɔ lɛɛ? Ŋɩɩ bɩ kɩsɛɛ, Nɩɩ-la sɩ jaŋ dii dʋnɩa kala sarɩya sɩ jaŋ ŋaa ŋɩɩ?”

1 KUOROO 8:32

ŋ hɛ ŋ jaŋ lɛ nɛ, jegile nɩɩ a laa wɩɩ-la jɩŋ. Dɔgɩsɛ nɩɩ-la sɩ laa cheeriŋ, aŋ joŋ nɩɩ-la sɩ bɩ wɩɩ cheye ta.

1 KUOROO 8:39

ŋ hɛ ŋ jaŋ lɛ nɛ, jegile nɩɩ a joŋ ʋ wʋbɔŋŋɔɔ chɛʋ aŋ pɛ ʋ lɛ. Ŋ jɩŋ nʋʋkala tʋɔbɩɩnaa arɩ ʋ mɛlɛ sɩ nagɛ ŋɩɩ nɛ. Ŋaa ŋɩɩ sɩ maga dɩ ŋ ŋaa nʋʋkala lɛ.

JOB 34:11

Ʋ yie joŋ nuhuobiine wʋŋaalaa chɩmɩŋ timu nɛ, a timu a magɛ ŋɩɩ ʋ mɛlɛ sɩ naga.

WƖA YƖƖLAA 62:12

chonuŋ ma ŋaa ʋ-na La Tɩɩna kʋŋ. Wʋtɩtɩɩ, ŋ jaŋ tiŋ nʋʋkala a magɛ ŋɩɩ ʋ sɩ tɩma magɛ.

WƖA YƖƖLAA 98:9

Leŋ dɩ ba yɩɩ yɩɩlaa La Tɩɩna sɩpaaŋ, bɛɛ wɩaa ʋ kɔ dɩ ʋ dii dʋnɩa nɩaa sarɩya nɛ. Ʋ jaŋ dii dʋnɩa nɩaa sarɩya arɩ tʋɔpʋla arɩ wʋtɩtɩɩ.

TƖƖCHA 11:9

Bapʋɔsɛ bie, leŋ dɩ ŋ tʋɔŋ tɔrɛ ŋ bapʋɔsʋŋ lɛ, nɩɩ sɩma ŋ hambiriŋ lɛ. Ŋaa wɩalɩŋ kala ŋ sɩɩ chɛ arɩ wɩɩ na-kala ŋ sɩ na, ama jɩŋ dɩ wɩaa deemba kala ŋ sɩɩ ŋaa lɛ Wɩa jaŋ diiŋ sarɩya.

TƖƖCHA 12:14

Wɩa jaŋ dii la sarɩya wɩɩ na-kala la sɩ ŋaa lɛ, dɩ ba ŋaa wʋzɔmɔ koo wʋbɔmɔ, a pɛ wɩalɩŋ kala la sɩ lʋara ŋaa lɛ.

ƐZƖKƖƐL 18:30

Ŋɩɩ wɩaa ma Iziral tɩmma, mɩ jaŋ dii ma kʋŋkala sarɩya a magɛ ŋɩɩ ma sɩ ŋaa wɩaa. Mɩ-na ma TƖƖNA Wɩɩjarɩbakɔ nɛ bʋla. Má bɩrɩma lɩɩ wʋbɔmɔ-la kala ma sɩɩ ŋaa lɛ, a sɩ́ leŋe dɩ wʋbɔŋŋɔɔ cheima.

Matiu 16:27

Mɩ-na Nuhuobiine Bie jaŋ kɔ arɩ mɩ Nyɩmma tʋla, a pɛ mɩ tɩndaaraa lɛ. Dɩ la nɛ kɔ, Wɩa jaŋ tiŋ nʋʋkala a magɛ ŋɩɩ ʋ sɩ tɩma.

Tɩntɩŋŋaa 10:42

Ʋ sɩ dɩ la bʋl Wɩa wɩaa a pɩ nɩaa, a dagɛba arɩ Wɩa lɩɩsʋ nɛ dɩ ʋ ŋaa nɩweyee arɩ nɩsʋʋnʋŋ kala sarɩya diire.

Tɩntɩŋŋaa 17:31

bɛɛ wɩaa ʋ hɛ tapʋlɩɩ nɛ ʋ sɩ jaŋ dii dʋnɩa nɩaa kala sarɩya arɩ wʋtɩtɩɩ. Ʋ jaŋ to nuhuobiiŋ-la ʋ sɩ lɩɩsa lɛ nɛ a dii sarɩya-la. Nɩɩ-la sɩ sʋba, ʋ chɩsʋ sʋʋŋ lɛ a leŋ nʋʋkala jɩŋ arɩ wʋtɩtɩɩ nɛ.”

Rom Tɩŋŋaa 2:16

Ŋɩɩ wɩaa Wɩa wʋzɔmɔ-la mɩ sɩ bʋla pɩma daga arɩ ŋ-la nɛ ʋ jaŋ nagɛ tapʋlɩɩ-la Wɩa sɩ jaŋ kɛŋ nɩaa wʋfalaa kaa kʋ lɩɩ pʋlʋmʋŋ, a to Yesu Kirisito lɛ a dii ba sarɩya.

Rom Tɩŋŋaa 6:19

Mɩ sɩ bʋl yosuŋ wɩaa ŋɩɩ, ʋ ŋaa wʋkaa-magɩsɩɩ nɛ mɩ magɩsɛ, dɩ ŋɩɩ dee ma bɩ ʋ bʋbʋɔŋ wuo jɩŋ. Ma fa sɩ joŋ ma tɩtɩa a hɛ disiniŋ arɩ wʋbɔŋŋɔɔ ŋaanɩŋ lɛ ŋɩɩ a ŋaa ba yosi, ŋɩɩ tɩtɩa nɛ ma maga dɩ ma lɛɛlɛ joŋ ma yaraa kala a hɛ tʋɔpʋl wʋŋaalaa lɛ, dɩ ma bɩra sɩ́ disiniŋ kɛŋ aŋ kɛŋ tʋɔpʋla.

1 Kɔrɩntɩ Nɩaa 4:5

Ŋɩɩ wɩaa, má sɩ́ cheeriŋ joŋo pɩ nʋʋkala, dɩ tapʋlɩɩ-la La Tɩɩna sɩ jaŋ kɔ a dii la sarɩya ha bɩ yie. Dɩ ʋ nɛ mɩɩra kɔ, wʋbɔmɔ-la kala nɩaa sɩ ŋaa birimiŋ tʋɔŋ, ba kala jaŋ kʋ lɩɩ pʋlʋmʋŋ. Nɩaa tʋɔbɩɩnaa kala ba sɩ kɛnɛ jaŋ kʋ lɩɩ pʋlʋmʋŋ. Bʋa-la lɛ Wɩa jaŋ bɛsɛ nʋʋkala lɛ a mʋ tɩgɛ wɩalɩŋ ʋ sɩ ŋaa.

2 Kɔrɩntɩ Nɩaa 7:3

Mɩ sɩ bʋl wɩɩŋ deeŋ, ʋ bɩ naga arɩ mɩ sɩ dɩ ma cheye nɛ, bɛɛ wɩaa mɩ laa sɩpaaŋ bʋla pɩma arɩ la choma nɛ. Ŋɩɩ wɩaa, dɩ mɩɩsɩŋ nɛ, la kala jaŋ kɛnʋ, dɩ sʋʋŋ ma nɛ, la kala jaŋ sʋʋ.

Ɛfɛsɩs Nɩaa 6:8

Ma jɩŋ dɩ nʋʋ nɛ tɩŋ tɩntɩŋ zɔŋ, La Tɩɩna Wɩa jaŋ joŋ kʋzɔŋ a timu, dɩ tɩɩna ŋaa yomo koo ʋ tɩɩ ʋ tɩtɩa nɛ.

Hiburu TƖŊŊAA 9:27

Bala nɛ nʋʋkala jaŋ sʋʋ. Ŋɩɩ harɩŋ lɛ, Wɩa jaŋ dii ʋ tɩɩna sarɩya.

1 Pɩɩta 4:5

Ama tapʋlɩɩ kʋbala, ba jaŋ dagɛ wɩalɩŋ kala ba sɩ ŋaa a pɩ nɩɩ-la sɩ kɛŋ ʋ tɩtɩa dɩ ʋ dii nɩweyee arɩ nɩsʋʋnʋŋ kala sarɩya.

Jɔɔŋ Wʋnaalaa 2:23

Mɩ jaŋ ŋmoo ʋ harɩ-tooroo kala kpʋ. Dɩ mɩ nɛ ŋaa ŋɩɩ, nɩalɩŋ kala sɩ laa Yesu wɩaa dii aa hilimi jaŋ jɩŋ arɩ mɩ jɩŋ nʋʋkala tʋɔbɩɩnaa nɛ. Nʋʋkala sɩ tɩma magɛ ŋɩɩ, ŋɩɩ nɛ mɩ jaŋ timu magɛ.

Jɔɔŋ Wʋnaalaa 22:12

Yesu sɩ, “Má bee na, mɩ jaŋ kɔ lɛɛlɛ, mɩ jaŋ kʋ tiŋ nʋʋkala. Nʋʋkala sɩ tɩma magɛ ŋɩɩ, ŋɩɩ tɩtɩa nɛ ʋ jaŋ laa ʋ time.

1 SAMƲƐL 2:10

La TƖƖNA jaŋ chei nɩalɩŋ kala sɩ vɩaʋ. Ʋ jaŋ na baanɩŋ, a kpɩa ba lɛ a nagɛ duonuŋ. La TƖƖNA jaŋ dii dʋnɩa nɩaa kala sarɩya. Ʋ jaŋ joŋ doluŋ a pɩ kuoru-la ʋ sɩ lɩɩsa, dɩ ʋ kɛŋ doluŋ kʋŋkala nyuŋ.”

1 SAMƲƐL 2:3

Má sɩ́ babiibal wɩaa bʋbʋl koo a bibigisi ma tɩtɩa lɛ, bɛɛ wɩaa La TƖƖNA Wɩa nɛ jɩŋ wɩɩkala, a jaŋ dii nʋʋkala sarɩya.