2 Kɔrɩntɩ Nɩaa 5:1 - WƖA TENIŊ

¹ La jɩma la yaraa deemba la sɩ kɛnɛ la mɩɩsɩŋ deeŋ lɛ, dɩ la nɛ sʋba a mʋ Wɩa teeŋ, ʋ jaŋ pɩla yarɩ-falaa. Yarɩ-falɩa-la bɩ dʋnɩa deeŋ lɩa. Ba lɩɩ Wɩa teeŋ nɛ. La jaŋ kɛmba a hɛ Wɩa jaŋ lɛ deeŋ deeŋ.

2 Kɔrɩntɩ Nɩaa 5:1 ပူးပေါင်းရင်းမြစ်များ

WƖAA DƖ-SUOMUŊ 3:19

Ŋ jaŋ kpɩɩnɛ suoluŋ aŋ na kʋdiilee halɩɩ a mʋ sʋʋ. Tɩɛrɩŋ nɛ mɩ kaa mɛŋ, ŋ jaŋ bɩra bɩrɩmɛ tɩɛrɩŋ.”

JOB 30:22

Ŋ kɛmmɛ chʋʋlɛ nɛ, a leŋ peliŋ jommi, a leŋ duoŋ-peliŋ kɛmmɛ vivilli.

JOB 4:19

ɛɛ nɛ saa ʋ jaŋ nagɛ a pɩ nuhuobiine ʋ sɩ kɛŋ chʋrʋŋ mɛ? Nuhuobiinee kala ŋaa hagɩla nɛ, ba jaŋ wuo yɛrɛ mɔlɩɩ arɩ ba sɩ yie chagɛ pʋgʋmʋŋ yɛrɛ ŋɩɩ.

WƖA YƖƖLAA 56:9

Dɩ mɩ nɛ yɩrɩŋ dɩ ŋ pɛ mɩ lɛ, mɩ dʋndɔŋŋɔɔ jaŋ mɩɩrɛ harɩŋ. Dɩ ŋɩɩ nɛ ŋaa, mɩ jaŋ jɩŋ arɩ ŋ-na Wɩa chɩŋ mɩ harɩŋ nɛ.

AZAAYA 38:12

Mɩ mɩɩsɩŋ fa naga ʋ dɛrɛ nɛ a nagɛ kʋ-daara sɩ kɛŋ ʋ lɛbɩŋ churo ta, a bɩra nagɛ gɛrɩpɛ-yuoro sɩ chuoli gɛrɩpɛɛŋ gɛrɩpɛ-yuori sɔŋɔ lɛ. Wɩɩhɛyɛ arɩ tɩtaŋɩŋ mɩ fa bɩɩna Wɩa leŋe mɩ mɩɩsɩŋ dɛrɛ nɛ.

Maak 14:58

“La nɩa arɩ Yesu sɩ ʋ jaŋ ŋmoo Wɩa dɩɩ-bal-la nɩaa sɩ saa a lo aŋ bɩra wuo saa ʋ dɔŋɔ tapʋlaa batori chɛɛŋ, dɩ nɩaa dee bɩ jaŋ saa dɩa-la-na.”

Tɩntɩŋŋaa 7:48

Ka Wɩa sɩ kɩɩ kʋŋkala, bɩ dɩɩsɩ-la nuhuobiinee sɩ saa ka jʋʋ. Wɩa wʋlaabʋllaa dɔŋɔ nɛ fa sɩ,

1 Kɔrɩntɩ Nɩaa 3:9

La kala ŋaa tɩntɩnnɩ-dɔsɛ nɛ a pɛ Wɩa lɛ laa tɩŋ. Ma saa nagɛ Wɩa baga nɛ, a bɩra nagɛ Wɩa dɩa.

2 Kɔrɩntɩ Nɩaa 4:7

La nagɛ pupoyee nɛ, Wɩa joŋ kʋzɔmʋŋ deeŋ a tʋɔlɛ la tʋɔŋ lɛ. Ŋ-la saa daga arɩ dol-bal-la ŋaa Wɩa kʋŋ nɛ. La dee bɩ ʋ tɩɩ.

2 Kɔrɩntɩ Nɩaa 5:4

Yara-la la sɩ kɛnɛ la mɩɩsɩŋ deeŋ lɛ bɩ leŋe la tʋɔŋ tɔrɛ. Ʋ bɩ naga arɩ la cho dɩ la sʋba nɛ, ama la cho dɩ la kɛŋ mɩɩsɩŋ Wɩa teeŋ nɛ. Ʋ ŋɩɩ wɩaa, Wɩa jaŋ joŋ yara-la sɩ bɩ jaŋ sʋʋ, a lenni la yaraa deemba sɩ jaŋ sʋʋ.

Koloosi Nɩaa 2:11

Ma dɩ Kirisito sɩ ŋaa kʋbala ŋɩɩ, ʋ naga arɩ ʋ keri ma penee nɛ, ʋ bɩ naga nuhuobiinee nɛ kere. Ʋ sɩ ŋaa ŋɩɩ nɛ leŋe ma wuo joŋ ma faafaa wʋbɔmɔ-la ta.

2 Timoti 1:12

Mɩ sɩɩ bʋl wɩalɩŋ nɛ tɩɩ mɩ nɩna hɛɛŋ. Ama hɩɩsɩŋ bɩ mɩ kɛnɛ a tɩŋ hɛɛ-la mɩ sɩ na wɩaa. Mɩ jɩŋ nɩɩ-la mɩ sɩɩ to nɛ. Mɩ sɩ joŋ mɩ tɩtɩa hɛ ʋ nɩsɩŋ lɛ ŋɩɩ, mɩ laa dii arɩ ʋ jaŋ wuo bemmi woruŋ halɩɩ a kaa mʋ yi tapʋlɩɩ-la Kirisito Yesu sɩ jaŋ mɩɩra kɔ.

Hiburu TƖŊŊAA 11:10

Abɩraham faa chɛ dɩ ʋ jʋʋ taŋ-la Wɩa tɩtɩa sɩ bil ʋ gentine a saa nɛ. Taŋ deeŋ nɛ jaŋ hɛ nɩmɛ deeŋ deeŋ a mʋmʋ.

Hiburu TƖŊŊAA 9:11

Ama Kirisito kɔ nɛ lɛɛlɛ a ŋaa Wɩɩsʋllɩ sɩpaalaaraa kʋhɩaŋ. Wɩɩ-la ʋ sɩ kaa kɔ nɛ zɔmɔ a kɩɩ bumbuŋ wɩalɩŋ. Ʋ sɩ kɔ ŋɩɩ, ʋ jʋʋ lɛbɩ-la sɩpaaŋ zɔmʋŋ sɩ bɩ magɩa kɛnɛ nɛ, ʋ nɛ zɔmɔ kɩɩ bumbuŋ kʋ-la. Nuhuobiine dee bɩ saa. Ʋ bɩ dʋnɩa deeŋ kʋŋ ŋaa.

Hiburu TƖŊŊAA 9:24

Ʋ bɩ naga Kirisito jʋʋ lɛbɩ-la nuhuobiinee sɩ ŋaa nɛ. Nɩalɩŋ fa sɩ ŋaa lɛbɩ-la, ka chesi Wɩa dɩ-zɔŋ-la nɛ. Ama Kirisito jʋʋ Wɩa-jaŋ tɩtɩa nɛ, dɩ ʋ chɩŋ la nyuŋ Wɩa sɩpaaŋ.

1 Pɩɩta 1:4

a dii kʋzɔmɔ-la Wɩa sɩ ŋaa bil ʋ nɩaa lɛ ʋ jaŋ lɛ. Kɩalɩŋ bɩ jaŋ pʋa, ba bɩ jaŋ chei ma, ba zɔmʋŋ ma bɩ jaŋ lɩɩ.

2 Pɩɩta 3:11

Ma sɩ jɩma arɩ dʋnɩa kala jaŋ lɛl ŋɩɩ, ɛɛ nɛ ma bɩɩna arɩ ʋ maga dɩ ma mɛlɛ nagɛ? Ʋ maga dɩ ma joŋ ma tɩtɩa kala a pɩ Wɩa nɛ, a sɩ́ disiŋ kala kɛŋ, a tuto ʋ wombii-la.

1 Jɔɔŋ 3:14

La-na cho la dɔnsʋŋ tɩŋŋaa nɛ. Ŋɩɩ nɛ tɩɩ la jɩŋ arɩ la lɩɩ sʋʋŋ bʋa lɛ nɛ a kɛŋ mɩɩsɩ-la sɩ bɩ dɛrɛ. Nɩɩ-la kala sɩ bɩ nɩaa cho ha hɛ sʋʋŋ bʋa lɛ nɛ.

1 Jɔɔŋ 3:19

Dɩ la nɩɩ ŋaa ŋɩɩ, la jaŋ wuo to ŋɩɩ lɛ a jɩŋ arɩ laa to wʋtɩtɩɩ wombiiŋ nɛ a wuo na wiese Wɩa teeŋ.

1 Jɔɔŋ 3:2

Mɩ nandɔŋ-kpɩanaba, lɛɛlɛ la ŋaa Wɩa biiriŋ nɛ. Ama Wɩa ha bɩ chaasa daga pʋllɛ ŋɩɩ la sɩ jaŋ nagɛ. Ama wɩɩ-la la sɩ jɩma nɛ ŋ-la: Bʋa-la lɛ Kirisito sɩ jaŋ kɔ, la ma jaŋ nagɛ ŋɩɩ ʋ sɩ naga, bɛɛ wɩaa la jaŋ na ʋ sɩ nagɛ ŋɩɩ kala.