2 Kɔrɩntɩ Nɩaa 4:9 - WƖA TENIŊ

⁹ Ba yie to naasɩŋ a dʋdɔgɩsɛla, ama Wɩa bɩ la vɩa ta. Nɩaa yie ŋmoola lo, ama la bɩ sʋʋ.

2 Kɔrɩntɩ Nɩaa 4:9 ပူးပေါင်းရင်းမြစ်များ

JOB 22:29

Dɩ Wɩa nɛ kɛŋ nɩaa muuri dɩ ŋ sʋlʋ a bʋl, ‘Kɛmba kaa je,’ ʋ jaŋ laa ŋ sʋla a laaba ta.

WƖA YƖƖLAA 129:2

“Ba dɔgɩsɛmɛ nɛ woruŋ mɩ bapʋɔsʋŋ kala lɛ, ama ba bɩ wuo yuo diimi.

WƖA YƖƖLAA 22:1

Mɩ Wɩa, mɩ Wɩa, bɛɛ nɛ tɩɩ ŋ vɩamɛ ta? Bɛɛ nɛ tɩɩ ŋ hɛ dɩ-bolii aŋ vɩa dɩ ŋ laamɛ ta? Bɛɛ nɛ tɩɩ ŋ bɩ mɩ huunoo jegile nɩɩ?

WƖA YƖƖLAA 37:28

La Tɩɩna cho nɩalɩŋ sɩ kɛŋ wʋtɩtɩɩ, ʋ bɩ jaŋ vɩa nɩalɩŋ sɩ laaʋ dii ta. Ʋ yie chu tɔ ba lɛ nɛ bʋa na-kala, ama ʋ jaŋ keri nɩbɔŋŋɔɔ doho nɩaa ta.

WƖA YƖƖLAA 42:11

Bɛɛ nɛ tɩɩ mɩ nandaasɩŋ yʋɔrɛ? Bɛɛ nɛ tɩɩ wɩaa wʋwalɩmɛmɛ? Mɩ jaŋ joŋ mɩ yɩɛlaa hɛ Wɩa lɛ, a bɩra dɛnnʋ ʋ sɩ ŋaa mɩ Laataara arɩ mɩ Wɩa.

WƖA YƖƖLAA 42:5

Bɛɛ nɛ tɩɩ mɩ nandaasɩŋ yʋɔrɛ? Bɛɛ nɛ tɩɩ wɩaa wʋwalɩmɛmɛ? Mɩ jaŋ joŋ mɩ yɩɛlaa hɛ Wɩa lɛ, a bɩra dɛnnʋ ʋ sɩ ŋaa mɩ Laataara

WƖA YƖƖLAA 9:10

Nɩalɩŋ sɩ jɩmɩŋ joŋ ba yɩɛlaa hɛ ŋ lɛ nɛ. Ŋ bɩ nɩalɩŋ sɩ kɔ ŋ teeŋ kire tɩta.

NAMAGABA 24:16

Wɩaa yie wuo jʋʋ tʋɔpʋl tɩɩna a yi naansɩɩŋ bʋlɩpɛ nɛ, ka ʋ lɩlɩɩ ba lɛ bʋa na-kala. Ama wʋjʋʋlaa jaŋ yigi nɩbɔmʋŋ-na lo.

AZAAYA 43:2

Dɩ ma nɛ hɛ lɩɩŋ tʋɔŋ ma, mɩ jaŋ hɛ ma teeŋ, lɩɩ-la bɩ jaŋ wuo pɛllɛ paama. Dɩ ma nɛ hɛ nyiniŋ tʋɔŋ ma, ʋ bɩ jaŋ nyɩgɛma, ʋ bɩ jaŋ wuo diima.

AZAAYA 62:4

Ba bɩra bɩ jaŋ yɩrɩŋ kʋvɩataalɩɩ. Ba bɩra bɩ jaŋ yɩrɛ ŋ tinteeŋ jikpeeŋ. Ama ba jaŋ yɩyɩrɩŋ: ‘Hefiziba’. (Ʋ bʋbʋɔŋ nɛ: Wɩa choŋ nɛ.) Ŋ tinteeŋ ma yɩrɩŋ jaŋ ŋaa: ‘Bewula’. (Ʋ bʋbʋɔŋ nɛ: bala tɩɩna). La TƖƖNA tʋɔŋ jaŋ tɔrɛ ŋ nyuŋ, a kɛŋ ŋ tinteeŋ ma woruŋ a nagɛ baala sɩ kɛŋ ʋ haala woruŋ.

MƖKA 7:8

Mɩ dʋndɔmɔ, sɩ́ mɩ nyuŋ jʋɔsʋ, mɩ tele ma nɛ, ama mɩ jaŋ sii. Mɩ hɔŋ birimiŋ tʋɔŋ nɛ, ama La TƖƖNA nɛ jaŋ ŋaa mɩ pʋlʋmʋŋ.

HABAKU 3:17

Arɩ tutogusuŋ sɩ bɩ fɩɩla ma kala, girep tɩɩsɩŋ ma bɩ nɛnɛ, olif tɩɩsɩŋ ma bɩ nɛnɛ, bagɩsɩŋ bɩ kʋdiilii kala kɛnɛ, piesee ma tuo pie-dɩa lɛ, nɛsɩŋ ma tuo nɛ-dɩa lɛ,

Jɔɔŋ 15:20

Mɩ laa sɩpaaŋ bʋla pɩma arɩ tɩntɩnnʋ bɩ ʋ kʋhɩaŋ kɩɩ. Má liisi wɩɩŋ deeŋ. Ba sɩ dɔgɩsɛmɛ ŋɩɩ, ba jaŋ dɔgɩsɛ ma ma ŋɩɩ. Dɩ ba nɛ fa sɛɩ mɩ niiŋ wɩaa, ba fa jaŋ sɛɩ ma ma niiŋ wɩaa.

Rom Tɩŋŋaa 8:35

Kirisito sɩ chola ŋɩɩ, bɛɛ kʋŋ nɛ jaŋ bɩra ŋaa dɩ Kirisito sɩ́ la cho? Wahala koo wʋjʋʋlaa, koo dɩ ba to naasɩŋ dʋdɔgɩsɛla, koo dɩ losuŋ kpʋla, koo dɩ la bɩ gɛnnɩŋ kɛnɛ dɩ la laalɛ, koo dɩ wʋbɔŋ nɛ gbɛrɛla, koo dɩ la nɛ jaŋ sʋʋ? Wɩaa deemba kʋŋkala bɩ jaŋ wuo ŋaa dɩ Kirisito bɩra sɩ́ la cho.

2 Kɔrɩntɩ Nɩaa 7:6

Ŋɩɩ nɛ la naambie kʋbala baa yɩrɛ Taatɩs kɔ la teeŋ. Ʋ sɩ kɔ ŋɩɩ, la tʋɔŋ tɔrɛ nɛ woruŋ. Wɩa nɛ pɩla tʋɔtɔrʋŋ deeŋ. Ʋ nɛ yie ŋaa nɩalɩŋ tʋɔŋ sɩ cheye na tʋɔtɔrʋŋ.

2 Timoti 3:12

Nʋʋkala sɩɩ chɛ dɩ ʋ to Wɩa wombiiŋ dɩ ʋ dɩ Kirisito Yesu ŋaa kʋbala, nɩaa jaŋ to naasɩŋ dɔgɩsʋ.

Hiburu TƖŊŊAA 13:5

Má sɩ́ faasa cho moribiee kɩŋkɛŋ. Kɩalɩŋ ma sɩ kɛnɛ, má leŋ dɩ ma sɩɩŋ suba. Ŋ-la nɛ Wɩa bʋl ʋ teniŋ tʋɔŋ. Ʋ sɩ, “Mɩ bɩ jaŋ vɩama ta. Mɩ bɩ jaŋ kɔ dɩ mɩ lɩɩ ma harɩŋ.”