2 Kɔrɩntɩ Nɩaa 4:8 - WƖA TENIŊ

⁸ La na hɛɛŋ nɛ woruŋ lee-na kala, ama hɛɛ-la bɩ la wuo. Bʋa dɔŋɔ lɛ la yie bɩ jɩŋ wɩɩ-la kala lɛ la sɩ hɛ, ama la ha kɛŋ yɩɛlaa.

2 Kɔrɩntɩ Nɩaa 4:8 ပူးပေါင်းရင်းမြစ်များ

WƖA YƖƖLAA 129:2

“Ba dɔgɩsɛmɛ nɛ woruŋ mɩ bapʋɔsʋŋ kala lɛ, ama ba bɩ wuo yuo diimi.

WƖA YƖƖLAA 37:33

Ama La Tɩɩna bɩ jaŋ leŋ dɩ ba jʋʋ nɩbɔmɔ-la nɩsɩŋ. Ʋ bɩ jaŋ leŋ dɩ ba joŋ cheeriŋ pɩba sarɩya dɩ-diiliŋ.

NAMAGABA 14:26

Nɩɩ-la sɩɩ fá La Tɩɩna, ʋ nagɛ jebii-duo nɛ a gollu, ʋ biiriŋ ma jaŋ na leriŋ a yuori.

NAMAGABA 18:10

La Tɩɩna yɩrɩŋ kɛŋ doluŋ a nagɛ dɩɩ-leŋiŋ nɛ, tʋɔpʋl tɩŋŋaa yie fá jʋʋ faa nɩmɛ, wɩɩkala bɩ ba lɛ ŋaa.

AZAAYA 40:31

ama nɩalɩŋ sɩ kɛŋ yɩɛlaa La TƖƖNA lɛ, jaŋ wasa kɛŋ doluŋ. Ba jaŋ nagɛ kachuuŋ sɩɩ fil. Ba jaŋ fá aŋ bɩ jaŋ lɔl, a vɛŋ woruŋ aŋ bɩ jaŋ yiegi.

HABAKU 3:17

Arɩ tutogusuŋ sɩ bɩ fɩɩla ma kala, girep tɩɩsɩŋ ma bɩ nɛnɛ, olif tɩɩsɩŋ ma bɩ nɛnɛ, bagɩsɩŋ bɩ kʋdiilii kala kɛnɛ, piesee ma tuo pie-dɩa lɛ, nɛsɩŋ ma tuo nɛ-dɩa lɛ,

Jɔɔŋ 14:18

Mɩ bɩ jaŋ leŋ ma dʋndʋŋa ta, mɩ jaŋ mɩɩra kɔ ma teeŋ.

1 Kɔrɩntɩ Nɩaa 10:13

Dɩ Sɩtaanɩ nɛ kʋ magɩsɛ nʋʋ, ʋ maga dɩ ʋ jɩŋ arɩ ŋɩɩ tɩtɩa nɛ Sɩtaanɩ yie mɩmagɩsɛ nʋʋkala. Ama Wɩa kɛŋ wʋtɩtɩɩ nɛ, ʋ bɩ jaŋ sɛɩ dɩ Sɩtaanɩ magɩsɛma a kieli ŋɩɩ ma sɩ jaŋ wuo ŋaa a chɩŋ wɩalɩŋ ma sɩ laa dii lɛ. Bʋa-la Sɩtaanɩ sɩɩ magɩsɛma, Wɩa jaŋ pɩma doluŋ dɩ ma wuo nyalɩmɛ. Ʋ jaŋ dagɛma wombii-la ma sɩ jaŋ to a lɩɩ wɩɩ-la lɛ.

2 Kɔrɩntɩ Nɩaa 12:10

Ŋɩɩ wɩaa a tɩŋ Kirisito wɩaa dɩ mɩ nɛ bɩ doluŋ kɛnɛ, dɩ ba nɩɩ tʋʋsɛmɛ, dɩ mɩ nɩɩ na hɛɛŋ, dɩ ba nɛ to naasɩŋ dʋdɔgɩsɛmɛ, koo dɩ wɩaa nɛ jʋʋmɛ ma, mɩ tʋɔŋ ha yie tɔrɛ nɛ. Dɩ mɩ nɛ bɩ doluŋ kɛnɛ, Wɩa yie pɩmɛ ʋ doluŋ nɛ.

2 Kɔrɩntɩ Nɩaa 6:12

La choma nɛ, ma nɛ bɩ la cho, ŋɩɩ nɛ tɩɩ ma bɩ chɛ dɩ ma suri ma tʋɔŋ pɩla.

2 Kɔrɩntɩ Nɩaa 6:4

Ŋɩɩ wɩaa wɩɩ-na kala la sɩɩ ŋaa lɛ, la yie dagɛ arɩ la ŋaa Wɩa tɩntɩnnaa nɛ. Wʋwalɩmaa yie jʋʋla, la nɩna hɛɛŋ, la tʋɔŋ faasa chei, ama la yie faasa nyalɩmɛ nɛ.

2 Kɔrɩntɩ Nɩaa 7:5

La sɩ paala kʋ jʋʋ Masidoonia tinteeŋ, la bɩ wiesee na. Wɩaa jʋʋla nɛ. Nɩaa kɛnla yuo yuosuŋ, fawʋllʋŋ jʋʋla.

Galiisia Nɩaa 4:20

Mɩ fa cho dɩ mɩ hɛ ma teeŋ nɛ lɛɛlɛ, a wuo jɩŋ wɩɩ-la mɩ sɩ jaŋ bʋl nʋʋkala teeŋ. Ma wɩaa walɩmɛmɛ nɛ woruŋ.

1 SAMƲƐL 28:15

Ŋɩɩ nɛ Samʋɛl pɩɛsɛ Sɔɔl, “Bɛɛ nɛ tɩɩ ŋ walɩmɛmɛ, a kɛmmɛ kʋ lɩɩ?” Sɔɔl bʋl, “Wɩaa chaasa jʋʋmɛ nɛ, Fɩlɩsɩtɩa tɩŋŋaa nɩɩ yuomi, ka Wɩa lɩɩ mɩ harɩŋ. Ʋ bɩra bɩ Wɩa wʋlaabʋlla lɛ koo duoso lɛ to a bʋl wɩɩkala a pɩpɩmɛ. Ŋɩɩ nɛ tɩɩ mɩ yɩrɩŋ dɩ ŋ kʋ dagɛmɛ wɩɩ-la mɩ sɩ jaŋ ŋaa.”

1 SAMƲƐL 30:6

Devit tʋɔŋ fa faasa chei, bɛɛ wɩaa, baala-la bʋla arɩ ba jaŋ yagʋ kpʋ arɩ tabɩaa a tɩŋ ba sɩ kɛsɛ ba hambolibiisiŋ arɩ hantolibiisiŋ viiri wɩaa. Ka La TƖƖNA Wɩa leŋ Devit ha kɛŋ bɔɩ-duoŋ.

1 SAMƲƐL 31:4

Ŋɩɩ nɛ Sɔɔl bʋla pɩ nɩɩ-la sɩ kori ʋ laalɩyuori kɩaa, “Lɩɩsɛ ŋ tokobiiŋ a tɔɔmɛ kpʋ, ŋɩɩ dee disiŋ tɩŋŋaa deemba jaŋ kʋ kpʋmɛ a tʋʋsɛ mɩ joŋŋoo.” Ama fawʋllʋŋ fa kɛŋ nɩɩ-la sɩ kori ʋ laalɩyuori kɩaa nɛ, ʋ bɩ wuo ŋaa ŋɩɩ. Ŋɩɩ nɛ Sɔɔl lɩɩsɛ ʋ tɩtɩa tokobiiŋ a pɛ, a tel ʋ nyuŋ a kpʋ ʋ tɩtɩa.