2 Kɔrɩntɩ Nɩaa 4:7 - WƖA TENIŊ

⁷ La nagɛ pupoyee nɛ, Wɩa joŋ kʋzɔmʋŋ deeŋ a tʋɔlɛ la tʋɔŋ lɛ. Ŋ-la saa daga arɩ dol-bal-la ŋaa Wɩa kʋŋ nɛ. La dee bɩ ʋ tɩɩ.

2 Kɔrɩntɩ Nɩaa 4:7 ပူးပေါင်းရင်းမြစ်များ

JOB 10:9

Liise mʋ yi arɩ chʋrʋŋ nɛ ŋ kaa mɛmɩ. Ŋ chɛ ŋ bɩra nɔmmɛ dɩ mɩ nagɛ hagɩlɩ-munuŋ nɛɛ?

JOB 33:6

Mɩ dɩŋ kala nagɛ dɔŋɔ nɛ Wɩa sɩpaaŋ. Chʋrʋŋ nɛ ʋ kaa mɛmɩ ma.

JOB 4:19

ɛɛ nɛ saa ʋ jaŋ nagɛ a pɩ nuhuobiine ʋ sɩ kɛŋ chʋrʋŋ mɛ? Nuhuobiinee kala ŋaa hagɩla nɛ, ba jaŋ wuo yɛrɛ mɔlɩɩ arɩ ba sɩ yie chagɛ pʋgʋmʋŋ yɛrɛ ŋɩɩ.

JEMBIEE 4:2

Zaayɔŋ nɩaa fa ŋaa nɩfɩama nɛ, ba fa kɛŋ yuŋuŋ a nagɛ sɛlɩmɛ nɛ, aŋ ka nɩaa lɛɛlɛ jomba, ba nagɛ chʋrʋŋ pupoiŋ, pupo-mɛɛrɛ sɩ mɛ.

Matiu 13:44

Yesu bɩra bʋl, “Wɩa kuorii-la nagɛ ŋ-la nɛ: Baal kʋbala nɛ mʋ pɩpɛrɛ baga a na dɩ sɛlɩmɛ hɛ baga-la lɛ. Ʋ sɩ na sɛlɩmɛ-la, ʋ gbaa tɔ, ʋ tʋɔŋ kala faasa tɔrɛ kɩŋkɛŋ. Ŋɩɩ nɛ ʋ mʋ yallɛ ʋ kɩaa kala a kɛŋ moribie-la a kaa mʋ yɔɔ baga-la.”

Matiu 13:52

Ŋɩɩ nɛ Yesu bʋla pɩba, “Wɩɩŋ deeŋ daga arɩ nɩɩ-la kala sɩ gʋnnɛ Wɩa teniŋ woruŋ a kʋ ŋaa mɩ harɩ-tooru a ŋaa siri dɩ ʋ jʋʋ Wɩa kuorii-la tʋɔŋ, ʋ tɩɩna nagɛ dɩa tɩɩna sɩ yie chaarɛ mɩɩ-bɩnaa arɩ mɩɩ-falaa nɛ ʋ vire lɛ.”

Jɔɔŋ 16:33

Mɩ bʋl wɩaa deemba pɩma dɩ ma wuo hɔŋ arɩ fɩɛlɩŋ nɛ. Dʋnɩa deeŋ tʋɔŋ ma jaŋ na hɛɛŋ. Ama má leŋ dɩ ma nyuŋ nyaasɛ. Mɩ yuo dii dʋnɩa nɛ.”

1 Kɔrɩntɩ Nɩaa 1:28

Wɩa lɩɩsɛ nɩalɩŋ dʋnɩa nɩaa sɩ bee gʋgʋʋnɛ arɩ nɩalɩŋ sɩ bɩ lee kɛnɛ dʋnɩa lɛ, dɩ ʋ wuo chei nɩalɩŋ dʋnɩa nɩaa sɩ bɩɩna arɩ ba ŋaa nɩa.

2 Kɔrɩntɩ Nɩaa 10:10

Ma dɔnsʋŋ yie bʋl dɩ wɩalɩŋ mɩ sɩ yie ŋmʋnsɛ mɩ tenniŋ tʋɔŋ a pɩma, ba dolie nɛ aŋ pɛ hɛɩ, ka mɩ tɩtɩa bɩ sɩɩ ka su. Mɩ wʋbʋlaa ma bɩ sɩŋ.

2 Kɔrɩntɩ Nɩaa 13:4

Ba kpaasʋ mɛrɛ daagɛsɛ nyuŋ a nagɛ arɩ ʋ fa bɩ doluŋ kɛnɛ. Ama Wɩa doluŋ lɛ ʋ sie nɛ a kɛŋ mɩɩsɩŋ. La hɛ Kirisito lɛ nɛ a bɩ doluŋ kɛnɛ la tɩtɩa lɛ. Kirisito sɩ weye ŋɩɩ a kɛŋ mɩɩsɩŋ Wɩa doluŋ lɛ, ŋɩɩ tɩtɩa nɛ la ma jaŋ kɛŋ mɩɩsɩŋ Wɩa doluŋ lɛ a tɩma pɩma.

2 Kɔrɩntɩ Nɩaa 4:1

Wɩa nɛ fá la nenige a joŋ tɩntɩmɩŋ deeŋ pɩla dɩ la tɩtɩŋ, ŋɩɩ wɩaa la nandaasɩŋ bɩ yʋɔrɛ.

2 Kɔrɩntɩ Nɩaa 5:1

La jɩma la yaraa deemba la sɩ kɛnɛ la mɩɩsɩŋ deeŋ lɛ, dɩ la nɛ sʋba a mʋ Wɩa teeŋ, ʋ jaŋ pɩla yarɩ-falaa. Yarɩ-falɩa-la bɩ dʋnɩa deeŋ lɩa. Ba lɩɩ Wɩa teeŋ nɛ. La jaŋ kɛmba a hɛ Wɩa jaŋ lɛ deeŋ deeŋ.

2 Kɔrɩntɩ Nɩaa 6:10

La tʋɔŋ yie chei nɛ, aŋ ka la jʋjʋɔsɛ. La ŋaa summoo nɛ, ama la yie pɛ nɩaa lɛ dɩ ba kuori Wɩa teeŋ. La bɩ kʋŋkala kɛnɛ, ama la nɛ tɩɩ kʋŋkala.

Ɛfɛsɩs Nɩaa 2:5

a leŋ la dɩ Kirisito kala kɛŋ mɩɩsɩŋ. La wʋbɔŋŋɔɔ fa leŋe la sʋʋ nɛ. Wɩa lahɔrɩmɔ lɛ nɛ ʋ laama ta.

Ɛfɛsɩs Nɩaa 3:8

Wɩa nɩaa kala tʋɔŋ, mɩ nɛ ŋaa ba kʋbie, aŋ ka ʋ lɩɩsɛmɛ ʋ lahɔrɩmɔ lɛ dɩ mɩ bʋl ʋ wʋzɔmɔ-la wɩaa a pɩ nɩalɩŋ sɩ bɩ Juu tɩŋŋaa ŋaa, dɩ ba jɩŋ Kirisito dʋa-la sɩ bɩ dɩdɛrɩ kɛnɛ wɩaa,

Koloosi Nɩaa 1:27

Ba nɛ Wɩa lɩɩsɛ dɩ ba jɩŋ wɩalɩŋ sɩ zɔmɔ ŋɩɩ kɩŋkɛŋ, ka ʋ fa joŋo faa. Lɛɛlɛ ʋ dagɛ ba sɩ magɛ ŋɩɩ nɛ a pɩ nɩalɩŋ sɩ bɩ Juu tɩŋŋaa ŋaa. Wɩalɩŋ nɛ daga arɩ Kirisito hɛ ma tʋɔŋ lɛ nɛ. Ŋɩɩ wɩaa, má yɩyɩɛlɛ dɩ ma kpaa ʋ yɩrɩ-bal-la nɛ.

Koloosi Nɩaa 2:12

Ba sɩ foma Wɩɩchʋɔlɛ lɩɩŋ, ʋ naga ma dɩ Kirisito kala nɛ sʋba ba joŋo hugi, Wɩa chɩsɛ ma dɩ Yesu kala sʋʋ-la lɛ, a tɩŋ ma sɩ laa dii arɩ Wɩa kɛŋ doluŋ.

Koloosi Nɩaa 2:3

Ʋ dʋndʋŋa lɛ nɛ Wɩa joŋ wʋjɩmɩŋ arɩ jɩma kala faa.

1 Tɛsalonaaka Nɩaa 1:5

Bʋa-la lɛ la sɩ bʋl Wɩa wʋzɔmɔ-la a pɩma, ʋ bɩ naga arɩ wʋbʋlʋŋ dʋndʋŋa nɛ la kʋ bʋla pɩma. La sɩ hɛ ma teeŋ, Wɩa wʋzɔmɔ-la fa kɛŋ doluŋ, Wɩa Dɩŋ-zɔmʋŋ ma fa hɛ la teeŋ, ka wɩalɩŋ ma sɩ nɩa ma jʋʋ ma dɩgɩlaa woruŋ. La sɩ hɛ ma teeŋ, ma na la mɛlɛ fa sɩ nagɛ ŋɩɩ nɛ. Ma wɩaa nɛ tɩɩ la kɛŋ la tɩtɩa woruŋ ŋɩɩ.

1 Tɛsalonaaka Nɩaa 4:4

Baal kala maga ʋ dɩ ʋ haala hɛ nɩmɛ arɩ ŋɩɩ Wɩa sɩɩ chɛ a sɩ́ disiniŋ kɛŋ a zizil ba tɩtɩa.

2 Timoti 2:20

Nɩaa nagɛ gbansɩ-la sɩ hɛ nɩaa dɩɩsɩŋ lɛ nɛ. Dɔnsʋŋ ŋaa sɛlɩmɛ gbansɩŋ, dɔnsʋŋ ŋaa taasɩ-gbansɩŋ, dɔnsʋŋ ma ŋaa daaŋ gbansɩŋ, dɔnsʋŋ ma ŋaa hɛnsɩŋ. Dɔnsʋŋ ba yie joŋo bil nɛ a kaa didii kɩaa chɛ-zɔŋŋɔɔ, aŋ kɛŋ dɔnsʋŋ ma kaa didii kɩaa tapʋlɩɩ na-kala.

SƖPAALAARAA 7:2

La TƖƖNA bʋla pɩ Gɩdɩɔŋ, “Ŋ laalɩyuoro-la yʋga nɛ arɩ mɩ sɩ jaŋ leŋ dɩ ma yuo dii Midiaŋ tɩŋŋaa. Dɩ ŋ nɛ ŋaa ŋɩɩ, Iziral tɩŋŋaa jaŋ bɩɩnɛ arɩ ba tɩtɩa nɛ yuo dii laal-la. Ba bɩ jaŋ joŋ yɩrɩŋ pɩmɛ.