2 Kɔrɩntɩ Nɩaa 4:6 - WƖA TENIŊ

⁶ Bumbuŋ Wɩa sɩ ŋaa dʋnɩa, ʋ leŋe pʋlʋmʋŋ chaanɛ birimiŋ tʋɔŋ nɛ. Ŋɩɩ tɩtɩa nɛ lɛɛlɛ ʋ leŋ pʋlʋmʋŋ kʋ jʋʋ la tʋɔŋ. Pʋlʋŋ-la nɛ leŋe la kɛŋ wʋjɩmɩŋ a wuo jɩŋ ŋɩɩ Wɩa sɩɩ tʋl. Wɩa to Kirisito lɛ nɛ a dagɛ ʋ tʋla.

2 Kɔrɩntɩ Nɩaa 4:6 ပူးပေါင်းရင်းမြစ်များ

WƖAA DƖ-SUOMUŊ 1:3

Ŋɩɩ nɛ Wɩa bʋl, “Leŋ dɩ pʋlʋmʋŋ chaanɛ,” ŋɩɩ nɛ ʋ chaanɛ.

WƖA YƖƖLAA 63:2

Mɩ na ŋ doluŋ arɩ ŋ tʋla nɛ, ŋ dɩɩ-bal-la lɛ ba sɩɩ dɛnnɩŋ.

WƖA YƖƖLAA 74:16

Ŋ nɛ tɩɩ wɩɩhɛyɛ, ŋ nɛ tɩɩ tɩtaŋɩŋ ma. Ŋ nɛ ŋaa wɩɩpɔsʋŋ arɩ chɛnɛ, ba chɩŋ ba dɩchɩnaa kpaŋkpaŋ.

WƖA YƖƖLAA 90:16

Ŋaa wʋkpuŋkperisiŋ pɩ la-na ŋ tɩntɩnnaa, a dagɛ ŋ doluŋ, dɩ la biiriŋ ma na.

AZAAYA 35:2

Tɩɩfɩɩla-la jaŋ pɔsɛ dɩ ʋ ŋɩŋaa goŋ arɩ tʋɔtɔrʋŋ. Ba jaŋ joŋ Lɛbanɔŋ tʋla-la a pʋ. Ʋ zɔmʋŋ jaŋ nagɛ peel-la ba sɩɩ yɩrɛ Kamɛl a bɩra nagɛ Sarɔŋ fuonaaŋ. Ba jaŋ na La TƖƖNA Wɩa tʋla arɩ ʋ zɔmʋŋ kala.

AZAAYA 40:5

Ŋɩɩ lɛ nɛ La TƖƖNA jaŋ dagɛ ʋ tʋla dɩ nuhuobiinee kala naʋ. La TƖƖNA tɩtɩa nɛ bʋla.”

AZAAYA 45:7

Mɩ nɛ ŋaa birimiŋ arɩ pʋlʋmʋŋ. Mɩ nɛ leŋe nɩaa dʋdʋa, mɩ nɛ leŋe wʋlɔrʋnʋŋ ma jʋjʋʋba. Mɩ-na ma TƖƖNA nɛ ŋaa wɩaa deemba kala.

AZAAYA 60:2

Bee na, birimiŋ tɔ dʋnɩa nɛ, nɩaa hɛ biriŋ lim tʋɔŋ. Ama mɩ-na ma TƖƖNA tʋla chaana hɛ ŋ lɛ nɛ, ŋ kɛŋ pʋlʋmʋŋ.

Luuk 10:22

Ŋɩɩ nɛ ʋ bɩra bʋl, “Mɩ Nyɩmma joŋ kʋŋkala doluŋ nɛ pɩmɛ. Mɩ Nyɩmma dʋndʋŋa nɛ jɩŋ ŋɩɩ mɩ sɩ naga. Mɩ ma dʋndʋŋa nɛ jɩŋ ŋɩɩ mɩ Nyɩmma ma sɩ naga. Nʋʋkala bɩra bɩ ʋ jɩŋ, see nɩalɩŋ dʋndʋŋa mɩ sɩ cho dɩ mɩ daga.”

Jɔɔŋ 1:14

Ŋɩɩ nɛ wɩɩ-la bɩrɩmɛ nuhuobiine a kʋ hɛ la tʋɔŋ. Ʋ fa hɛ la teeŋ a fɩfá la nenige woruŋ, a kɛŋ wʋtɩtɩɩ. La na ʋ tʋla. Tʋla deeŋ ʋ Nyɩmma Wɩa nɛ joŋo pʋ, arɩ ʋ nɛ ŋaa ʋ Bie kala.

Jɔɔŋ 11:40

Ŋɩɩ nɛ Yesu bʋla pʋ, “Mɩ bɩ bʋla pɩŋ arɩ ŋ nɛ laa mɩ wɩaa dii, ŋ jaŋ na ŋɩɩ Wɩa sɩ kɛŋ doluŋ?”

Jɔɔŋ 12:41

Azaaya fa na ŋɩɩ Yesu fa sɩ jaŋ kɛŋ doluŋ nɛ, ŋɩɩ nɛ tɩɩ ʋ bʋl ŋɩɩ.

Tɩntɩŋŋaa 26:18

Mɩ jaŋ tɩmɩŋ dɩ ŋ mʋ bʋl wɩaa a suri ba sɩaa, dɩ ba bɩrɩma lɩɩ birimiŋ lɛ a kʋ jʋʋ pʋlʋmʋŋ tʋɔŋ, a ŋaa dɩ ba lɩɩ Sɩtaanɩ nɩsɩŋ lɛ a kɔ Wɩa teeŋ. Dɩ ba nɛ ŋaa ŋɩɩ a laa mɩ wɩaa dii, Wɩa jaŋ joŋ ba wʋbɔŋŋɔɔ chɛba. Ba jaŋ na leriŋ nɩalɩŋ Wɩa sɩ lɩɩsa tʋɔŋ.’

1 Kɔrɩntɩ Nɩaa 12:8

Wɩa Dɩŋ-zɔmʋŋ yie joŋ wʋjɩmɩŋ a pɩ nʋʋ ʋ wuo bʋl Wɩa wɩaa pɩpɩ nɩaa. Ʋ yie joŋ wɩɩ pɩ nʋʋ dɔŋ ʋ wuo jɩŋ Wɩa wɩaa bʋbʋɔŋ a wuo dɩdagɛba woruŋ.

2 Kɔrɩntɩ Nɩaa 2:10

Dɩ ma nɛ joŋ wɩɩ chɛ nʋʋ, mɩ ma joŋo chɛʋ nɛ, dɩ mɩ nɛ fa maga dɩ mɩ joŋ wɩɩ chɛ nʋʋ, mɩ joŋo chɛʋ nɛ, a tɩŋ ma wɩaa. Kirisito sɩpaaŋ nɛ mɩ ŋaa ŋɩɩ, bɛɛ wɩaa

2 Kɔrɩntɩ Nɩaa 3:18

La nɩalɩŋ kala sɩ laa Yesu wɩaa dii, kʋ-la fa sɩ tɔ la sɩaa, Wɩa kaa suri nɛ. Kirisito tʋla jʋʋ la sɩaa nɛ la tʋtʋl arɩ ʋ sɩɩ tʋl ŋɩɩ. Ʋ kɛnla kaa bɩbɩrɩmɛ nɛ dɩ la wasa tʋtʋl, a kʋ nagʋ. La Tɩɩna Dɩŋ-zɔmʋŋ nɛ ŋaa ŋɩɩ la lɛ.

2 Kɔrɩntɩ Nɩaa 4:4

Nɩaa deemba Sɩtaanɩ nɛ tɔ ba wʋjɩmɩŋ dɩ ba sɩ́ wuo na Wɩa wʋzɔmɔ-la pʋlʋmʋŋ. Wɩa wʋzɔmɔ-la nɩɩ dagɛ Kirisito tʋla, Nɩɩ-la sɩ nagɛ Wɩa.

Ɛfɛsɩs Nɩaa 1:17

Mɩ yie sʋl Wɩa, La Tɩɩna Yesu Kirisito Nyɩmma, Nɩɩ-la sɩ kɛŋ yɩrɩŋ, dɩ ʋ pɩma wʋjɩmɩŋ, a bɩra kɛŋ ʋ tɩtɩa ma kaa dagɛma ʋ Dɩŋ-zɔmʋŋ doluŋ lɛ dɩ ma wuo jɩmʋ.

Ɛfɛsɩs Nɩaa 1:18

Wɩa sɩ yɩrɛma dɩ ma wuo jʋʋ ʋ kuorii-la tʋɔŋ ŋɩɩ, mɩɩ sʋlʋ dɩ ʋ wuo suri ma tʋɔŋ dɩ ma wuo jɩŋ kʋ-la ma sɩɩ yɩɛlʋ nagɩsɩŋ, a bɩra jɩŋ kɩalɩŋ ma dɩ Wɩa nɩaa kala sɩ jaŋ dii zɔmʋŋ.

Ɛfɛsɩs Nɩaa 5:8

Bʋa kʋbala lɛ ma ma fa hɛ birimiŋ tʋɔŋ nɛ, ama La Tɩɩna Yesu leŋe ma lɛɛlɛ hɛ pʋlʋmʋŋ tʋɔŋ nɛ. Ŋɩɩ wɩaa, má leŋ dɩ ma wʋŋaalaa nagɛ nɩalɩŋ sɩ hɛ pʋlʋmʋŋ tʋɔŋ.

Fɩlɩpa Nɩaa 2:6

Ʋ fa kɛŋ Wɩa nagɩsɩŋ nɛ, ama ʋ fa bɩ ʋ tɩtɩa joŋo arɩ ʋ dɩ Wɩa magɛ dɔŋɔ nɛ.

Koloosi Nɩaa 1:15

Kirisito nɛ nagɛ Wɩa nagɩsɩŋ kala kala, Wɩa-la la sɩ bɩ na. Ʋ nɛ ŋaa Wɩa bii-bumbuŋ a kɩɩ kʋŋkala ʋ sɩ ŋaa.

1 Tɛsalonaaka Nɩaa 2:12

La bʋl wɩaa ma nyuŋ nyaasɛ nɛ, a leŋ ma tʋɔŋ pɩŋ dɩ-bala. La sʋlma nɛ dɩ ma leŋ dɩ ma mɛlɛ zɔŋ Wɩa sɩpaaŋ. Wɩa nɛ yɩrɛma dɩ ma kʋ jʋʋ ʋ kuorii-la tʋɔŋ a pɛ na ʋ tʋla.

Hiburu TƖŊŊAA 1:3

Wɩa sɩ kɛŋ tʋla-la, ʋ nɛ ʋ Bie ma kɛŋ. Ŋɩɩ Wɩa sɩ naga, ŋɩɩ tɩtɩa nɛ ʋ Bie ma nagɛ. Wɩalɩŋ ʋ sɩɩ bʋl kɛŋ doluŋ, dol-la nɛ ʋ kaa beŋ kʋŋkala sɩ hɛ dʋnɩa lɛ. Ʋ sɩ pɩɩsɛ nɩaa disiniŋ ta dɛrɛ, ʋ jɩla hɔŋ Wɩa nadiiŋ, nɩduoŋ dɩhɔnʋŋ.

Hiburu TƖŊŊAA 6:4

Dɩ Wɩa nɛ wuo suri nɩaa sɩaa dɩ ba wuo jɩŋ ʋ wɩaa, a wuo laa Wɩa zile kɩalɩŋ ma, a bɩra kɛŋ ʋ Dɩŋ-zɔmʋŋ ma,

1 Pɩɩta 1:12

Wɩa joŋo dagɛba arɩ ma wɩaa nɛ tɩɩ ba faa bʋl wɩaa deemba, ba tɩtɩa wɩaa dee. Lɛɛlɛ nɩalɩŋ sɩ bʋl Wɩa wʋzɔmɔ-la pɩpɩma, ba dagɛma bumbuŋ wɩaa deemba kala nɛ. Wɩa Dɩŋ-zɔmʋŋ sɩ lɩɩ Wɩa-jaŋ kʋ tuu hɛba lɛ nɛ pɩba doluŋ deeŋ. Wɩa tɩndaaraa ma fa cho dɩ ba na wɩaa deemba nɛ.

1 Pɩɩta 2:9

Ama Wɩa lɩɩsɛma nɛ dɩ ma ŋaa ʋ nɩaa, a laa nɩaa nyuŋ a tɩma pɩpɩ ma Kuoro. Ma ŋaa nɩa sɩ bɩ disiniŋ kɛnɛ nɛ. Wɩa tɩtɩa nɛ tɩɩma. Ʋ yɩrɛma dɩ ma wuo bʋl wʋkpuŋkperisi-la kala ʋ sɩ ŋaa a pɩ nɩaa arɩ ŋɩɩ ʋ sɩ lɩɩsɛma birimiŋ tʋɔŋ a kaa kʋ jʋʋ ʋ pʋlʋŋ-jalɩɩ-la tʋɔŋ.

2 Pɩɩta 1:19

Wɩaa deemba leŋe la wasa laa wɩalɩŋ Wɩa wʋlaabʋllaa ma fa sɩ bʋla dii nɛ. Má jegile nɩɩba, bɛɛ wɩaa wɩalɩŋ ba sɩ bʋla nagɛ chaanɩŋ nɛ a chaanɛ birimiŋ tʋɔŋ. Ʋ jaŋ chaanɛ ŋɩɩ halɩɩ a mʋ yi bʋa-la lɛ Yesu Kirisito pʋlʋmʋŋ sɩ jaŋ chaanɛ ma tʋɔŋ lɛ, a nagɛ nanyʋɔlʋŋ sɩ yie chaanɛ ŋɩɩ.