2 Kɔrɩntɩ Nɩaa 4:5 - WƖA TENIŊ

⁵ Wɩalɩŋ la sɩɩ bʋl, ʋ bɩ naga la tɩtɩa wɩaa nɛ la bʋbʋl, ama Yesu Kirisito wɩaa nɛ la bʋbʋl, Nɩɩ-la sɩ tɩɩ nʋʋkala. Ʋ wɩaa nɛ tɩɩ la tɩma pɩpɩma.

2 Kɔrɩntɩ Nɩaa 4:5 ပူးပေါင်းရင်းမြစ်များ

Matiu 23:8

Ama ma-na sɩ́ leŋe dɩ nɩaa kɛmma kaa yɩrɛ kerichiba. Ma kala ŋaa naambiiri nɛ. Ma kala kerichi ŋaa kʋbala nɛ.

Matiu 3:11

Mɩ-na foma Wɩɩchʋɔlɛ lɩɩŋ a dagɛ arɩ ma bɩrɩma lɩɩ ma wʋbɔŋŋɔɔ lɛ nɛ, ama nɩɩ-la sɩ jaŋ to mɩ harɩŋ kɔ, ʋ nɛ jaŋ joŋ Wɩa Dɩŋ-zɔmʋŋ hɛ ma dɔnsʋŋ lɛ aŋ joŋ nyiniŋ hɛ dɔnsʋŋ ma lɛ. Ʋ nɛ faasa kɛŋ doluŋ kɩɩmɛ. Ʋ paala bɩ maga dɩ mɩ kori ʋ nɛntɛŋŋɛɛ ma.

Jɔɔŋ 7:18

Nɩɩ-la sɩ yie bʋbʋl wɩaa ʋ tɩtɩa doluŋ lɛ yie bʋla chɩchɛ ʋ tɩtɩa yɩrɩŋ nɛ. Ama nɩɩ-la sɩɩ chɛ dɩ nɩɩ-la sɩ tɩmʋ laa yɩrɩŋ, ʋ ŋaa nɩtɩtɩɩ nɛ, ʋ bɩ wɩaa ka nyɩɛ.

Tɩntɩŋŋaa 10:36

Ma ma nɩɩ Wɩa wʋzɔmɔ-la ʋ sɩ joŋo pɩ Iziral tɩŋŋaa nɛ. Ʋ fa bʋla pɩba dɩ ba to Yesu Kirisito lɛ a na wiese. Ʋ nɛ ŋaa kʋŋkala Tɩɩna.

Tɩntɩŋŋaa 2:36

Ma Iziral tɩŋŋaa, ma jɩŋ ʋ sɛnɛ ŋaa wʋtɩtɩɩ arɩ Yesu deeŋ ma sɩ kaa kpaasɛ daagɛsɛ nyuŋ, ʋ nɛ Wɩa leŋ ʋ ŋaa La Tɩɩna. Ʋ nɛ bɩra Kirisito ma.”

Tɩntɩŋŋaa 5:31

Wɩa chɩsʋ ʋ sii jɩla hɔŋ Wɩa nadiiŋ, nɩduoŋ dɩhɔnʋŋ, dɩ ʋ ŋaa ba Sɩpaalaara arɩ ba Laataara, a leŋ dɩ Iziral tɩŋŋaa bɩrɩma lɩɩ ba wʋbɔŋŋɔɔ lɛ, ka dɩ ʋ joŋ ba wʋbɔŋŋɔɔ chɛba.

1 Kɔrɩntɩ Nɩaa 1:23

Ama Kirisito sɩ sʋʋ daagɛsɛ nyuŋ wɩaa nɛ la bʋbʋl. Kirisito sɩ sʋʋ daagɛsɛ nyuŋ leŋe Juu tɩŋŋaa baanɩŋ sisii, aŋ ka nɩalɩŋ sɩ bɩ Juu tɩŋŋaa ŋaa ma teeŋ ʋ ŋaa wʋpɛɩ nɛ.

1 Kɔrɩntɩ Nɩaa 10:33

Má ŋɩŋaa ŋɩɩ mɩ sɩɩ ŋaa. Wɩɩ-na kala mɩ sɩɩ ŋaa, mɩ yie chɩchɛ dɩ mɩ pɛ nʋʋ lɛ nɛ. Mɩ bɩ chɛ dɩ mɩ ŋaa wɩaa a tɔrɛ mɩ tɩtɩa tʋɔŋ. Ama mɩɩ chɛ dɩ mɩ pɛ nɩ-daŋ lɛ nɛ, dɩ Wɩa wuo laaba ta.

1 Kɔrɩntɩ Nɩaa 12:3

Mɩɩ chɛ dɩ ma jɩŋ arɩ dɩ nʋʋ nɛ kɛŋ Wɩa Dɩŋ-zɔmʋŋ, ʋ bɩ jaŋ wuo bʋl wʋbɔŋ a tɩgɛ Yesu lɛ. Nʋʋkala bɩ jaŋ wuo bʋl dɩ Yesu nɛ ŋaa La Tɩɩna, see dɩ Wɩa Dɩŋ-zɔmʋŋ hɛ ʋ lɛ.

1 Kɔrɩntɩ Nɩaa 15:47

Nuhuobiiŋ bumbuŋ-la, dʋnɩa tɩarɩŋ nɛ Wɩa lɔgɛ mɛʋ. Nɩɩ-la sɩ to harɩŋ kɔ-na lɩɩ Wɩa-jaŋ nɛ.

1 Kɔrɩntɩ Nɩaa 2:2

Mɩ sɩ kɔ ma teeŋ, mɩ joŋ mɩ tɩtɩa a nagɛ mɩ bɩ wɩɩkala jɩŋ nɛ, see Yesu Kirisito sɩ sʋʋ daagɛsɛ nyuŋ dʋndʋŋa wɩaa nɛ mɩ jɩŋ.

1 Kɔrɩntɩ Nɩaa 4:15

Dɩ ma nɛ kɛŋ sɩpaalaaraa sɩɩ dagɛma Kirisito wɩaa, dɩ ba nɛ ŋaa bʋɩ fii ma, ma nyɩmmaba dee ŋɩɩ. Mɩ nɛ ŋaa ma nyɩmma Yesu Kirisito lɛ, bɛɛ wɩaa mɩ nɛ bʋl Wɩa wʋzɔmɔ-la a pɩma.

1 Kɔrɩntɩ Nɩaa 8:6

la-na jɩŋ Wɩɩ-bala lɛ nɛ. Ʋ nɛ ŋaa la Nyɩmma. Ʋ nɛ ta kʋŋkala sɩ hɛ nɩmɛ. Ʋ lɛ nɛ la to a kɛŋ mɩɩsɩŋ. La Tɩɩna ŋaa kʋbala nɛ. Ʋ nɛ Yesu Kirisito. Ʋ lɛ nɛ Wɩa to a ta kʋŋkala. Ʋ lɛ nɛ la to a kɛŋ mɩɩsɩŋ ma.

2 Kɔrɩntɩ Nɩaa 1:19

Ma bɩra jɩma arɩ mɩ-na Pɔɔl, mɩ dɩ la naambiiriŋ Sɩlɩvaanʋs arɩ Timoti nɛ bʋl Wɩa Bie Yesu Kirisito wɩaa pɩma. Yesu wɩɩ-wɩɩkala ŋaa wʋtɩtɩɩ nɛ. Ʋ bɩ niiriŋ balɩa ka bʋl.

2 Kɔrɩntɩ Nɩaa 1:24

La bɩ chɛ dɩ la fʋgɛma dɩ ma laa wɩalɩŋ la sɩ bʋla dii, ama laa chɛ dɩ la dɩ ma tɩŋ nɛ dɩ ma kɛŋ tʋɔtɔrʋŋ, bɛɛ wɩaa ma laa Yesu wɩaa dii nɛ a chɩmba lɛ kpaŋ kpaŋ.

Galiisia Nɩaa 5:13

Ka ma-na mɩ naambiiriŋ, Wɩa yɩrɛma nɛ dɩ ma tɩɩ ma tɩtɩa. Ma saa sɩ tɩɩ ma tɩtɩa ŋɩɩ, má sɩ́ ŋɩɩ joŋ a to ma tɩtɩa tʋɔtɔrɛ wʋŋaalaa lɛ. Ama má cho dɔŋɔ a tɩma pɩpa dɔŋɔ.

Fɩlɩpa Nɩaa 1:15

Mɩ jɩma arɩ nɩaa dɔnsʋŋ kɛŋ yarɩ-bieriŋ arɩ hadɔrʋŋ nɛ aa bʋl Kirisito wɩaa. Ama dɔnsʋŋ ma kɛŋ tʋɔbɩɩŋ zɔŋŋɔɔ nɛ a bʋbʋl Kirisito wɩaa.

Fɩlɩpa Nɩaa 2:11

Nʋʋkala jaŋ suri ʋ niiŋ a bʋl arɩ Yesu Kirisito nɛ ŋaa ʋ Tɩɩna, dɩ la Nyɩmma Wɩa yɩrɩŋ yɩrɛ.

2 Timoti 2:10

Mɩ nyalɩma nɛ wɩɩkala lɛ a tɩŋ nɩalɩŋ Wɩa sɩ lɩɩsa wɩaa, dɩ Yesu Kirisito wuo laaba ta dɩ ba na ʋ tʋla a kaa mʋ deeŋ deeŋ.

Taatɩs 1:11

Ʋ maga dɩ ma bʋla pɩba dɩ ba leŋ wɩalɩŋ ba sɩɩ dagʋ, bɛɛ wɩaa ba sɩɩ dagɛ wɩalɩŋ sɩ bɩ maga dɩ baa dagɛ ŋɩɩ, ba ŋaa nɩaa joŋ wɩalɩŋ ba sɩ laa dii a tɩta nɛ. Moribiee wɩaa nɛ tɩɩ baa dagɛ wɩalɩŋ.

2 Pɩɩta 2:3

Wʋnyɩɛrɩ kerichi deemba jaŋ kɛŋ tʋɔ-luŋuŋ. Ba jaŋ kɛŋ nii-sɩma a nyɩnyɩsɛma a lɩlaa ma kɩaa ma. Faafaa kala nɛ Wɩa dagɛ arɩ ʋ jaŋ dii nɩaa deemba doho sarɩya. Nɩɩ-la sɩ jaŋ cheiba bɩ doŋ pɩna.