2 Kɔrɩntɩ Nɩaa 4:16 - WƖA TENIŊ

¹⁶ A tɩŋ wɩɩŋ deeŋ wɩaa la nandaasɩŋ bɩ yʋɔrɛ. Yara-la la sɩ kɛnɛ la mɩɩsɩŋ deeŋ lɛ, ʋʋ hɩɛsɛ nɛ, ama la dɩnsɩŋ-na wasa zʋzɔŋ nɛ tapʋlɩɩ kala.

2 Kɔrɩntɩ Nɩaa 4:16 ပူးပေါင်းရင်းမြစ်များ

WƖA YƖƖLAA 119:81

Mɩ kala nɛ bɛsɩmɛ, mɩ sɩ gbɛrɛ dɩ ŋ laamɛ ta. Ama mɩ joŋ mɩ yɩɛlaa kala hɛ ŋ niiŋ wɩaa lɛ nɛ.

WƖA YƖƖLAA 27:13

Ama mɩ laa dii arɩ mɩ jaŋ kɛŋ mɩɩsɩŋ a na La Tɩɩna wʋzɔŋŋɔɔ dʋnɩa deeŋ lɛ la sɩ hɛ.

WƖA YƖƖLAA 51:10

Mɩ Wɩa, leŋ dɩ mɩ kɛŋ tʋɔpʋla, a wasa chɩŋ mɩ wʋtɩtɩɩ naaŋ lɛ.

WƖA YƖƖLAA 73:26

Mɩ tʋɔbɩɩnaa arɩ mɩ yaraa kala jaŋ wuo pʋgʋmɛ, ama ŋ-na Wɩa nɛ mɩ doluŋ, Ŋ dʋndʋŋa nɛ mɩ chɩchɛ a kaa mʋ wuu.

AZAAYA 40:29

Ʋ yie pɩ nɩalɩŋ sɩ bɛsɩmɛ doluŋ nɛ, a leŋ nɩalɩŋ ma sɩ pʋgʋma doluŋ pʋŋa pɩpɛ.

AZAAYA 40:31

ama nɩalɩŋ sɩ kɛŋ yɩɛlaa La TƖƖNA lɛ, jaŋ wasa kɛŋ doluŋ. Ba jaŋ nagɛ kachuuŋ sɩɩ fil. Ba jaŋ fá aŋ bɩ jaŋ lɔl, a vɛŋ woruŋ aŋ bɩ jaŋ yiegi.

JƐRƖMAAYA 45:3

Ŋ sɩ, ‘Wɩɩŋ puumi. La TƖƖNA joŋ tʋɔ-cheeŋ a pɛ mɩ hɛɛŋ lɛ nɛ. Huuno leŋe mɩ kala bɛsɩmɛ nɛ, mɩ bɩ wiese ka na.’ ”

Luuk 11:3

Pɩla la niiŋ kʋdiiliŋ tapʋlɩɩ-na kala.

Rom Tɩŋŋaa 12:2

Má sɩ́ ma nyuŋ joŋo hɛ dʋnɩa wʋŋaalaa lɛ. Ama má leŋ dɩ Wɩa kɛŋ ma tʋɔbɩɩnaa bɩrɩmɛ dɩ ba zɔŋ. Ŋɩɩ lɛ nɛ ma jaŋ wuo jɩŋ wɩɩ-la Wɩa sɩɩ chɛ. Ma jaŋ wuo jɩŋ wɩɩ-la sɩ zɔmɔ aa tɔrɛ Wɩa tʋɔŋ aŋ pɛ zɔŋ ma woruŋ.

Rom Tɩŋŋaa 7:22

Mɩ cho wɩalɩŋ Wɩa sɩ daga nɛ mɩ tʋɔŋ lɛ, a cho dɩ mɩɩ ŋaaba.

1 Kɔrɩntɩ Nɩaa 15:58

Ŋɩɩ wɩaa mɩ naambiiriŋ, má chɩŋ wɩalɩŋ ma sɩ laa dii lɛ kpaŋ kpaŋ. Má sɩ́ leŋe dɩ kʋŋkala kɛmma begili. Má fɩɛsɛ sɩɩŋ a tɩŋ La Tɩɩna tɩntɩŋŋaa woruŋ. Ma jɩma arɩ Wɩa tɩntɩmɩɩ-la ma sɩɩ tɩŋ bɩ jaŋ kɔ dɩ ʋ ŋaa pɛɩ.

2 Kɔrɩntɩ Nɩaa 12:15

A tɩŋ ma wɩaa mɩ paala faasa cho nɛ dɩ mɩ kɛŋ kʋŋkala mɩ sɩ kɛnɛ arɩ mɩ doluŋ a tɩma pɩma. Ŋɩɩ wɩaa, dɩ mɩ nɛ choma kɩŋkɛŋ, ʋ maga dɩ ma ma chomi nɛ.

2 Kɔrɩntɩ Nɩaa 4:1

Wɩa nɛ fá la nenige a joŋ tɩntɩmɩŋ deeŋ pɩla dɩ la tɩtɩŋ, ŋɩɩ wɩaa la nandaasɩŋ bɩ yʋɔrɛ.

Ɛfɛsɩs Nɩaa 3:16

Ʋ sɩ kɛŋ yɩrɩŋ kɩŋkɛŋ ŋɩɩ, mɩɩ sʋlʋ dɩ ʋ leŋ dɩ ʋ Dɩŋ-zɔmʋŋ pɩma doluŋ ma tʋɔŋ lɛ.

Ɛfɛsɩs Nɩaa 4:23

Má leŋ dɩ Wɩa kɛŋ ma tʋɔbɩɩnaa kala bɩrɩmɛ dɩ ba ŋaa kʋfalɩa.

Koloosi Nɩaa 3:10

aŋ lɛɛlɛ tuto mɛl-falɩɩ-la sɩ zɔmɔ. Wɩa leŋe ma waa mɛl-falɩŋ deeŋ lɛ nɛ dɩ ma wuo jɩŋ ʋ wɩaa woruŋ a kʋ nagɛ ʋ tɩtɩa nagɩsɩŋ.

Taatɩs 3:5

a laala ta. Ʋ bɩ naga arɩ la sɩ ŋaa tʋɔpʋl tɩmma nɛ tɩɩ ʋ laala ta. Ama ʋ sɩɩ fá nɩaa nenige nɛ tɩɩ ʋ laala ta. Ʋ laala ta nɛ, bɛɛ wɩaa ba fola Wɩɩchʋɔlɛ lɩɩŋ nɛ Wɩa Dɩŋ-zɔmʋŋ doluŋ lɛ. Ŋɩɩ dagɛ arɩ Wɩa bɩra wasa lʋlla nɛ, la kɛŋ mɩɩ-falɩŋ ʋ teeŋ.

1 Pɩɩta 3:4

Ama má leŋ dɩ ma zɔmʋŋ lɩɩ ma tʋɔŋ nɛ. Má leŋ dɩ ma sɩaa fɩɛlɛ, a kɛŋ ma tɩtɩa muuri. Zɔmʋŋ deeŋ doho-na bɩ lɛl. Ʋ nɛ bɩra kɛŋ nyʋʋrʋŋ ma Wɩa teeŋ.

1 Pɩɩta 4:14

Dɩ ba nɩɩ tʋʋsɛma a tɩŋ Kirisito wɩaa, Wɩa jaŋ pɛ ma lɛ, bɛɛ wɩaa Wɩa Dɩŋ-zɔmʋŋ sɩ kɛŋ doluŋ hɛ ma lɛ nɛ.