2 Kɔrɩntɩ Nɩaa 4:15 - WƖA TENIŊ

¹⁵ Ma wɩaa nɛ tɩɩ wɩaa deemba kala ŋaa, dɩ nɩaa wuo yʋgɛ a jʋʋ Wɩa lahɔrɩmɔ-la lɛ. Ŋɩɩ jaŋ leŋ dɩ nɩaa yʋgɛ a dɛnnɛ Wɩa, dɩ ʋ yɩrɩŋ yɩrɛ.

2 Kɔrɩntɩ Nɩaa 4:15 ပူးပေါင်းရင်းမြစ်များ

WƖA YƖƖLAA 50:14

Mɩ nɛ Wɩa, mɩ nɛ kɩɩ kʋŋkala. Wɩɩsʋlɩɩ-la doho mɩ sɩɩ chɛ nɛ, dɩ ma lʋlɔllɛmɛ, aŋ lɩɩsɛ niiri-la ma sɩ hɛ pɩmɛ.

WƖA YƖƖLAA 50:23

Dɩ ŋ nɩɩ lɔllɛ mɩ-na Wɩa, Wɩɩsʋlɩɩ-la sɩɩ tɔrɛ mɩ tʋɔŋ nɛ ŋɩɩ. Nɩɩ-la wʋŋaalaa sɩ tʋʋla, mɩ-na ma Wɩa jaŋ leŋ dɩ ʋ jɩŋ arɩ mɩ kɛŋ doluŋ dɩ mɩ laaʋ ta.”

Rom Tɩŋŋaa 8:28

La jɩma wɩɩkala lɛ, Wɩa yie leŋ wɩaa zɔŋ nɛ a pɩ nɩalɩŋ sɩ chou, nɩalɩŋ ʋ sɩ lɩɩsa ʋ tʋɔtɔrʋŋ lɛ.

1 Kɔrɩntɩ Nɩaa 9:19

Mɩ nɛ tɩɩ mɩ tɩtɩa, mɩ tuo nʋʋkala yoŋ. Ama mɩ kɛŋ mɩ tɩtɩa bɩrɩmɛ nʋʋkala yoŋ nɛ dɩ mɩ na nɩaa yʋgɛ dɩ ba kʋ to Wɩa.

2 Kɔrɩntɩ Nɩaa 1:11

Má ma pɛ sʋl Wɩa pɩla. Nɩaa yʋga nɛ a sʋl Wɩa a pɩpɩla dɩ ʋ pɛ la lɛ. Dɩ Wɩa nɛ laa ba Wɩɩsʋlʋŋ, ba kala jaŋ wuo dɛnnʋ.

2 Kɔrɩntɩ Nɩaa 8:19

Ŋɩɩ ma dʋndʋŋa dee. Nɩalɩŋ sɩ laa Yesu wɩaa dii a hihilimi tasɩ-la kala lɛ nɛ lɩɩsʋ dɩ ʋ pɛ la lɛ dɩ la lɩlaa kɩalɩŋ a pɩpɛ Wɩa nɩaa lɛ. Ŋɩɩ daga arɩ la kɛŋ la tɩtɩa nɛ dɩ la pɛ ba lɛ, dɩ Wɩa yɩrɩŋ yɩrɛ.

Galiisia Nɩaa 1:24

Ba dɛnnɛ Wɩa woruŋ a tɩŋ mɩ wɩaa.

Koloosi Nɩaa 1:24

Lɛɛlɛ mɩ tʋɔŋ tɔrɔ hɛɛ-la mɩ sɩ na a pɩma lɛ. Hɛɛ-la mɩ sɩ na ma wɩaa nɛ leŋe Kirisito sɩ na hɛɛ-la nɩalɩŋ sɩ laa ʋ wɩaa dii aa hilimi dɛrɛ. Nɩalɩŋ nɛ ŋaa ʋ yaraa.

1 Timoti 1:14

Aŋ ka La Tɩɩna Wɩa ha pɛ mɩ lɛ kɩŋkɛŋ kɩŋkɛŋ a leŋ mɩ laa Kirisito Yesu dii, aŋ cho nɩaa ma.

2 Timoti 2:10

Mɩ nyalɩma nɛ wɩɩkala lɛ a tɩŋ nɩalɩŋ Wɩa sɩ lɩɩsa wɩaa, dɩ Yesu Kirisito wuo laaba ta dɩ ba na ʋ tʋla a kaa mʋ deeŋ deeŋ.

1 Pɩɩta 2:9

Ama Wɩa lɩɩsɛma nɛ dɩ ma ŋaa ʋ nɩaa, a laa nɩaa nyuŋ a tɩma pɩpɩ ma Kuoro. Ma ŋaa nɩa sɩ bɩ disiniŋ kɛnɛ nɛ. Wɩa tɩtɩa nɛ tɩɩma. Ʋ yɩrɛma dɩ ma wuo bʋl wʋkpuŋkperisi-la kala ʋ sɩ ŋaa a pɩ nɩaa arɩ ŋɩɩ ʋ sɩ lɩɩsɛma birimiŋ tʋɔŋ a kaa kʋ jʋʋ ʋ pʋlʋŋ-jalɩɩ-la tʋɔŋ.

1 Pɩɩta 4:11

Dɩ Wɩa nɛ pɩ nʋʋkala doluŋ dɩ ʋ wuo bʋbʋl Wɩa wɩaa, ʋ maga dɩ ʋ bʋl wɩalɩŋ Wɩa doluŋ lɛ nɛ. Dɩ nʋʋ nɛ tɩma pɩpɩ nɩaa, ʋ kɛŋ dol-la Wɩa sɩ joŋo pʋ a tɩma pɩpɩba. Má ŋaa ŋɩɩ dɩ nɩaa wuo to Yesu Kirisito lɛ a dɛnnɛ Wɩa, dɩ ʋ yɩrɩŋ yɩrɛ wɩɩ-na kala lɛ. Ʋ nɛ Nɩɩ-la sɩ kɛŋ doluŋ arɩ yɩrɩŋ a kaa mʋ wuu. Amɩɩ.