2 Kɔrɩntɩ Nɩaa 4:12 - WƖA TENIŊ

¹² Ŋɩɩ wɩaa Wɩa leŋe la sʋʋ nɛ dɩ ma-na kɛŋ mɩɩsɩŋ.

2 Kɔrɩntɩ Nɩaa 4:12 ပူးပေါင်းရင်းမြစ်များ

Tɩntɩŋŋaa 20:24

Ama mɩ sɩ yie beŋ mɩ mɩɩsɩŋ, ʋ bɩ kʋŋkala ŋaa mɩ teeŋ. Mɩ taa chɛ dɩ mɩ tɩŋ tɩntɩmɩɩ-la mɩ Tɩɩna Yesu sɩ sɩ mɩ tɩŋ nɛ a dɛrɛ. Tɩntɩmɩɩ-la nɛ dɩ mɩ bʋl Wɩa wʋzɔmɔ-la a pɩ nɩaa, a dagɛ ŋɩɩ Wɩa sɩ kɛŋ zile.

1 Kɔrɩntɩ Nɩaa 4:10

A tɩŋ Kirisito wɩaa, la ŋaa nɩyaara nɛ, ka ma-na kɛŋ wʋjɩmɩŋ Kirisito teeŋ. La-na ŋaa puwuolo nɛ, aŋ ka ma-na ŋaa nɩduori. Nɩaa mʋmɔŋ la lɛ aŋ zizilma.

2 Kɔrɩntɩ Nɩaa 12:15

A tɩŋ ma wɩaa mɩ paala faasa cho nɛ dɩ mɩ kɛŋ kʋŋkala mɩ sɩ kɛnɛ arɩ mɩ doluŋ a tɩma pɩma. Ŋɩɩ wɩaa, dɩ mɩ nɛ choma kɩŋkɛŋ, ʋ maga dɩ ma ma chomi nɛ.

2 Kɔrɩntɩ Nɩaa 13:9

Dɩ la nɛ bɩ doluŋ kɛnɛ ma, la yie jʋjʋɔsɛ nɛ a tɩŋ dol-la ma sɩ kɛnɛ wɩaa. Wɩɩ-la la sɩ sʋl Wɩa chɩchɛ nɛ, dɩ ŋɩɩ ma laa Kirisito wɩaa dii wasa dol.

2 Kɔrɩntɩ Nɩaa 4:11

A tɩŋ Yesu wɩaa, la sɩ hɛ mɩɩsɩŋ deeŋ lɛ, nɩaa yie kɛnla dɩ ba kpʋla nɛ. Ʋ ŋɩɩ ŋaa dɩ mɩɩsɩ-la Yesu sɩ kɛnɛ, dɩ la ma kɛnʋ nɛ.

2 Kɔrɩntɩ Nɩaa 4:13

Ba ŋmʋnsɛ Wɩa teniŋ tʋɔŋ a bʋl, “Mɩ laa Wɩa wɩaa dii nɛ, ŋɩɩ nɛ tɩɩ mɩɩ bʋlba.” La ma laa Wɩa dii ŋɩɩ tɩtɩa nɛ. Ŋɩɩ nɛ tɩɩ la ma laa ʋ wɩaa dii a ma bʋbʋlba.

Fɩlɩpa Nɩaa 2:17

Ama dɩ ba paala kpʋmɛ dɩ mɩ chalɩŋ jaasɛ a nagɛ kʋnyʋalaa Wɩɩsʋlʋŋ a tɩŋ ma sɩ laa Wɩa dii a ŋaa wʋzɔŋŋɔɔ ʋ sɩpaaŋ, mɩ tʋɔŋ jaŋ tɔrɛ dɩ mɩ dɩ ma kala jʋjʋɔsɛ.

Fɩlɩpa Nɩaa 2:30

A mʋ tɩgɛ Kirisito tɩntɩŋŋaa wɩaa, ʋ joŋ ʋ mɩɩsɩŋ bil nɛ, ʋ fa ka mʋa dɩ ʋ sʋba. Ʋ ŋaa ŋɩɩ dɩ ʋ wuo pɛ mɩ lɛ nɛ, bɛɛ wɩaa ma tɩtɩa faa chɛ dɩ ma pɛ mɩ lɛ nɛ aŋ bɩ wuo pɛ.

1 Jɔɔŋ 3:16

Kirisito joŋ ʋ mɩɩsɩŋ yɔɔ sʋʋŋ la wɩaa nɛ, a dagɛ ŋɩɩ ʋ sɩ faasa chola. La ma saa maga dɩ la cho la dɔnsʋŋ tɩŋŋaa ŋɩɩ nɛ a joŋ la mɩɩsɩŋ a yɔɔ sʋʋŋ ba wɩaa.