2 Kɔrɩntɩ Nɩaa 4:10 - WƖA TENIŊ

¹⁰ Kirisito sɩ sʋʋ ŋɩɩ, ŋɩɩ tɩtɩa nɛ la yie na la mɩɩsɩŋ lɛ arɩ la ma sʋba nɛ. Ʋ ŋɩɩ leŋe mɩɩsɩ-la Yesu sɩ kɛnɛ, dɩ la ma kɛŋ mɩɩsɩ-la tɩtɩa.

2 Kɔrɩntɩ Nɩaa 4:10 ပူးပေါင်းရင်းမြစ်များ

Jɔɔŋ 14:19

Ʋ ka mʋa dʋnɩa nɩaa bɩra bɩ jaŋ namɛ, ama ma-na jaŋ namɛ. Mɩ sɩ jaŋ kɛŋ mɩɩsɩŋ ŋɩɩ, ma ma jaŋ kɛŋ mɩɩsɩŋ.

Rom Tɩŋŋaa 6:5

La dɩ ʋ kala sɩ sʋba ŋɩɩ, la kala ma jaŋ bɩra sii sʋʋŋ lɛ.

Rom Tɩŋŋaa 6:8

La laa dii arɩ la dɩ Kirisito kala sɩ sʋba ŋɩɩ, la ma jaŋ sii sʋʋŋ lɛ a hɛ ʋ teeŋ.

Rom Tɩŋŋaa 8:36

Ba ŋmʋnsɛ Wɩa teniŋ tʋɔŋ a bʋl ŋ-la nɛ: “A tɩŋ ŋ wɩaa, laa gbɛrɛ sʋʋŋ nɛ tapʋlɩɩ-na kala. Ba yie benla arɩ la nagɛ piesee nɛ ba sɩ kaa lɩɩ dɩ ba kpʋ.”

2 Kɔrɩntɩ Nɩaa 1:5

Kirisito na hɛɛŋ nɛ woruŋ. Hɛɛ-la ʋ fa sɩ na, ʋ tɩtɩa nɛ la ma nɩna. Ŋɩɩ nɛ tɩɩ la ma kɛŋ tʋɔtɔrʋ-la ʋ sɩ kɛnɛ.

2 Kɔrɩntɩ Nɩaa 1:9

Wʋtɩtɩɩ, la fa bɩɩna arɩ la sʋba dɛrɛ nɛ. Ama ŋɩɩ pɛ la lɛ dɩ la sɩ́ la tɩtɩa doluŋ lɛ beŋ, ama dɩ la joŋ la yɩɛlaa kala a hɛ Wɩa lɛ, nɩɩ-la sɩɩ chɩsɛ nɩaa sʋʋŋ lɛ.

2 Kɔrɩntɩ Nɩaa 13:4

Ba kpaasʋ mɛrɛ daagɛsɛ nyuŋ a nagɛ arɩ ʋ fa bɩ doluŋ kɛnɛ. Ama Wɩa doluŋ lɛ ʋ sie nɛ a kɛŋ mɩɩsɩŋ. La hɛ Kirisito lɛ nɛ a bɩ doluŋ kɛnɛ la tɩtɩa lɛ. Kirisito sɩ weye ŋɩɩ a kɛŋ mɩɩsɩŋ Wɩa doluŋ lɛ, ŋɩɩ tɩtɩa nɛ la ma jaŋ kɛŋ mɩɩsɩŋ Wɩa doluŋ lɛ a tɩma pɩma.

2 Kɔrɩntɩ Nɩaa 4:11

A tɩŋ Yesu wɩaa, la sɩ hɛ mɩɩsɩŋ deeŋ lɛ, nɩaa yie kɛnla dɩ ba kpʋla nɛ. Ʋ ŋɩɩ ŋaa dɩ mɩɩsɩ-la Yesu sɩ kɛnɛ, dɩ la ma kɛnʋ nɛ.

Galiisia Nɩaa 6:17

A lɩɩ jɩnɩŋ a kaa mʋmʋ, nʋʋkala bɩra sɩ́ mɩ walɩmʋ. Fʋfʋʋnʋ-la mɩ sɩ kɛnɛ mɩ yaraa lɛ, ba nɩɩ dagʋ arɩ mɩ ŋaa Yesu nʋʋ nɛ.

Koloosi Nɩaa 1:24

Lɛɛlɛ mɩ tʋɔŋ tɔrɔ hɛɛ-la mɩ sɩ na a pɩma lɛ. Hɛɛ-la mɩ sɩ na ma wɩaa nɛ leŋe Kirisito sɩ na hɛɛ-la nɩalɩŋ sɩ laa ʋ wɩaa dii aa hilimi dɛrɛ. Nɩalɩŋ nɛ ŋaa ʋ yaraa.

2 Timoti 2:11

Wɩɩ-la mɩ sɩɩ chɛ dɩ mɩ bʋla pɩma ŋaa wʋtɩtɩɩ nɛ. Ʋ nɛ ŋ-la: Dɩ la dɩ Yesu kala nɛ sʋba, la dɩ ʋ kala nɛ jaŋ sii a kɛŋ mɩɩsɩŋ.

1 Pɩɩta 4:13

Hɛɛ-la Kirisito sɩ na, má ma na hɛɛ-la tɩtɩa nɛ. Ŋɩɩ wɩaa má jʋjʋɔsɛ. Tapʋlɩɩ-la Kirisito nɛ kɔ arɩ ʋ tʋla, ma jaŋ faasa jʋɔsɛ.

1 Pɩɩta 4:14

Dɩ ba nɩɩ tʋʋsɛma a tɩŋ Kirisito wɩaa, Wɩa jaŋ pɛ ma lɛ, bɛɛ wɩaa Wɩa Dɩŋ-zɔmʋŋ sɩ kɛŋ doluŋ hɛ ma lɛ nɛ.

Jɔɔŋ Wʋnaalaa 1:17

Mɩ sɩ naʋ ŋɩɩ, mɩ tuu tel ʋ sɩpaaŋ a pɩŋ nɩmɛ chɩm a nagɛ dɩ mɩ sʋba. Ŋɩɩ nɛ ʋ joŋ ʋ nadiiŋ nɩsɩŋ daŋ mɩ lɛ aŋ bʋla pɩmɛ, “Sɩ́ fawʋllʋŋ fá, mɩ nɛ ŋaa Nɩɩ-la fa sɩ hɛ nɩmɛ bumbuŋ arɩ Nɩɩ-la sɩ jaŋ hɛ nɩmɛ dʋnɩa dɩdɛrɩŋ.