2 Kɔrɩntɩ Nɩaa 3:9 - WƖA TENIŊ

⁹ Dɩ wɩalɩŋ Mosis sɩ ŋmʋnsa bil dɩ nɩaa tuto nɛ joŋ cheeriŋ pɩpɩ nɩaa aŋ ha kɛŋ tʋla, ŋɩɩ-na wɩalɩŋ sɩ leŋe nɩaa kɛŋ tʋɔpʋla Wɩa teeŋ jaŋ paala kɛŋ tʋla a kɩɩ ŋɩɩ.

2 Kɔrɩntɩ Nɩaa 3:9 ပူးပေါင်းရင်းမြစ်များ

AZAAYA 46:13

Mɩ kɛŋ mɩ tʋɔpʋla kʋ kpagɛma nɛ. Ʋ bɩra bɩ dɩ-bolii hɛ, mɩ bɩ jaŋ dieni aŋ laa nɩaa ta. Mɩ jaŋ laa Jerusalɛm nɩaa ta, a leŋ dɩ Iziral tɩŋŋaa kɛŋ yuŋuŋ.”

JƐRƖMAAYA 23:6

Ʋ kuoruŋ bʋa lɛ, ʋ jaŋ laa Juda nɩaa ta, dɩ Iziral nɩaa ma hɔŋ sɔm. Yɩrɩ-la ba sɩ jaŋ yɩyɩrʋ nɛ: La TƖƖNA nɛ ŋaa la kɛŋ tʋɔpʋla koo La TƖƖNA nɛ laala ta arɩ wʋtɩtɩɩ.”

Rom Tɩŋŋaa 4:11

Abɩraham sɩ keri ʋ peniŋ ŋɩɩ ŋaa magɩl nɛ, aa dagɛ arɩ ʋ sɩ laa Wɩa dii nɛ tɩɩ ʋ kɛŋ tʋɔpʋla ʋ sɩpaaŋ, bʋa-la lɛ ʋ ha sɩ bɩ ʋ peniŋ kere dee. Ŋɩɩ leŋ Abɩraham kʋ ŋaa nɩalɩŋ sɩ bɩ ba penee kere aŋ laa Wɩa dii naabalɩma. Wɩa jomba ba ŋaa tʋɔpʋl tɩmma ʋ sɩpaaŋ arɩ ba sɩ bɩ ba penee kere ma kala.

1 Kɔrɩntɩ Nɩaa 1:30

Ama Wɩa leŋe ma to Kirisito Yesu lɛ nɛ a kɛŋ mɩɩsɩŋ. Wɩa saa leŋe Kirisito nɛ ŋaa la wʋjɩmɩŋ. A tɩŋ ʋ wɩaa Wɩa laala ta nɛ, la kʋ ŋaa tʋɔpʋl tɩmma ʋ teeŋ, a ŋaa nɩalɩŋ sɩ bɩ disiniŋ kɛnɛ.

1 Kɔrɩntɩ Nɩaa 15:41

Wɩɩpɔsʋŋ kɛŋ ʋ pʋlʋmʋŋ nɛ, chɛnɛ ma kɛŋ ʋ pʋlʋmʋŋ, ka chɛnwʋlaa ma kɛŋ ba pʋlʋmʋŋ. Chɛnwʋlaa ma tʋɔŋ, dɔnsʋŋ ma pʋlla nɛ a kɩɩ dɔnsʋŋ.

2 Kɔrɩntɩ Nɩaa 3:8

ka Wɩa wʋzɔmɔ-la sɩ lɩɩ Wɩa Dɩŋ-zɔmʋŋ lɛ, ba tʋla kɩkɩɩ ŋɩɩ. Ba-na bɩ jaŋ lɛl.

2 Kɔrɩntɩ Nɩaa 5:21

Kirisito fa bɩ wʋbɔŋ kɛnɛ, ama a tɩŋ la wɩaa, Wɩa leŋe ʋ sʋʋ a nagɛ wʋbɔŋ ŋaarʋ. Wɩa ŋaa ŋɩɩ dɩ la wuo to Kirisito lɛ nɛ a kɛŋ tʋɔpʋla ʋ teeŋ.

Galiisia Nɩaa 3:10

Nɩalɩŋ sɩɩ chɛ dɩ ba to wɩalɩŋ Mosis sɩ bile lɛ a kɛŋ tʋɔpʋla, Wɩa ŋmɩɛsa hɛ ba lɛ nɛ, bɛɛ wɩaa Wɩa teniŋ tʋɔŋ ba bʋla arɩ nɩɩ-la kala sɩ bɩ wɩalɩŋ kala Mosis sɩ ŋmʋnsa bil ka to, Wɩa ŋmɩɛsa hɛ ʋ lɛ nɛ.

MOSIS BƖRA WULLI WƖA WOMBIIŊ 27:26

‘La TƖƖNA ŋmɩaŋ jaŋ dii nɩɩ-la kala sɩ vɩa dɩ ʋ to Wɩa niiriŋ deemba arɩ wɩalɩŋ ʋ sɩ daga.’ Nɩalɩŋ kala jaŋ laa bʋl, ‘Amɩɩ.’

Fɩlɩpa Nɩaa 3:9

dɩ mɩ dɩ Kirisito kala ŋaa kʋbala. Tʋɔpʋla-la mɩ sɩ kɛnɛ, ʋ bɩ mɩ tɩtɩa lɛ lɩa, ʋ saa bɩra bɩ Juu tɩŋŋaa naabalɩmaba wombiiŋ ma lɛ lɩa. Ama lɛɛlɛ mɩ sɩ laa Kirisito wɩaa dii, ŋɩɩ nɛ tɩɩ mɩ kɛŋ tʋɔpʋla ʋ teeŋ. Tʋɔpʋla deeŋ-na lɩɩ Wɩa teeŋ nɛ, ʋ joŋu pɩ nʋʋkala sɩ laa ʋ wɩaa dii nɛ.

2 Pɩɩta 1:1

Mɩ-na Saamɔŋ Pɩɩta nɛ ŋmʋnsɛ teniŋ deeŋ pɩpɩma. Mɩ ŋaa Yesu Kirisito tɩntɩnnʋ nɛ a ŋaa ʋ nanzɔɔ ma. Mɩ ŋmʋnsɛ teniŋ deeŋ pɩpɩ ma nɩalɩŋ ma sɩ laa Yesu Kirisito wɩaa dii arɩ la ma sɩ laa ʋ wɩaa dii ŋɩɩ. La dɩ ma kala ŋaa tʋɔpʋl tɩmma nɛ a tɩŋ Wɩa arɩ la Laataara Yesu Kirisito wɩaa.