2 Kɔrɩntɩ Nɩaa 3:7 - WƖA TENIŊ

⁷ Wɩalɩŋ Mosis sɩ ŋmʋnsa bil dɩ nɩaa tuto, ba ŋmʋnsa hɛ tabɩɩ-taala lɛ nɛ. Wɩalɩŋ fa bɩ nɩaa mɩɩsɩŋ wuo pa. Bʋa-la lɛ Wɩa sɩ jomba pɩpɩ Mosis, ʋ tʋla fa chaana hɛ ʋ lɛ nɛ. Ŋɩɩ nɛ Mosis sɩaa kala tʋtʋl, Iziral tɩŋŋaa bɩ ʋ sɩaa lɛ wuo beŋ. Ama tʋla-la fa jaŋ lɛl,

2 Kɔrɩntɩ Nɩaa 3:7 ပူးပေါင်းရင်းမြစ်များ

WƖAA DƖ-SUOMUŊ 3:21

La TƖƖNA Wɩa kɛŋ teniŋ yɛrɛ gɛnnɩŋ a pɩ Adam arɩ ʋ haala Hawa ba kaa tɔ ba hɩɩsɩŋ.

NƐHƖMAAYA 9:13

Ŋ lɩɩ ŋ jaŋ kʋ tuu Sɩnaɩ peel-la nyuŋ nɛ, a bʋl wɩaa pɩba. Ŋ dagɛba ŋ wombiee sɩ tʋʋla arɩ ŋ wʋdagaa sɩ zɔmɔ nɛ.

WƖA YƖƖLAA 119:174

La Tɩɩna, mɩɩ gbɛrɩŋ nɛ dɩ ŋ laamɛ ta, mɩ tʋɔŋ tɔrɛ wombii-la ŋ sɩ bile dɩ la tuto lɛ nɛ.

WƖA YƖƖLAA 119:97

Mɩ chaasa cho wombii-la ŋ sɩ bile dɩ la tuto nɛ woruŋ. Mɩ kɛnʋ chʋchɔgɩsɛ mɩ tʋɔŋ lɛ nɛ tapʋlɩɩ kala.

MOSIS KƐŊ IZIRAL TƖŊŊAA LƖƖ 24:12

Ŋɩɩ nɛ La TƖƖNA bʋla pɩ Mosis, “Kʋ jɩl mɩ teeŋ peel-la nyuŋ a gbɛrɛmɛ, mɩ jaŋ joŋ tabɩɩ-taalɩa-la lɛ mɩ sɩ ŋmʋnsɛ mɩ niiŋ wɩalɩŋ hɛ dɩ ma tuto arɩ wɩalɩŋ mɩ sɩ daga dɩ ma ŋɩŋaa a pɩŋ.”

MOSIS KƐŊ IZIRAL TƖŊŊAA LƖƖ 31:18

La TƖƖNA sɩ bʋl wɩaa pɩ Mosis Sɩnaɩ peel-la nyuŋ a dɛrɛ, ʋ joŋ tabɩɩ-taalɩa-la balɩa lɛ ʋ sɩ ŋmʋnsɛ ʋ niiŋ wɩaa hɛ a pɩ Mosis.

MOSIS KƐŊ IZIRAL TƖŊŊAA LƖƖ 32:19

Mosis sɩ kʋ kpagɛ ba dɩhɔnʋŋ, a na vene-la ba sɩ libe ʋ nagɛ nɛ-bie arɩ gʋala, ʋ baanɩŋ faasa sii. Ʋ joŋ tabɩɩ-taalɩa-la ʋ sɩ koro lo peel-la bʋbʋɔŋ ba kala yɛrɛ.

MOSIS KƐŊ IZIRAL TƖŊŊAA LƖƖ 34:1

Ŋɩɩ nɛ La TƖƖNA bʋla pɩ Mosis, “Yɛrɛ lɩɩsɛ tabɩɩ-taalaa balɩa dɩ ba nagɛ bumbuŋ kɩalɩŋ ŋ sɩ joŋo lo yɛrɛ, mɩ jaŋ tuuri wɩalɩŋ tɩtɩa fa sɩ hɛ bumbuŋ kɩalɩŋ lɛ a hɛ ba lɛ.

Tɩntɩŋŋaa 6:15

Nɩalɩŋ kala fa sɩ hilimi lee-la chaarɛ sɩaa a pɛ Sɩtɩɩvɩŋ lɛ. Ba na dɩ ʋ sɩaa nagɛ Wɩa tɩndaara sɩaa.

Rom Tɩŋŋaa 10:4

Kirisito nɛ ŋaa wɩalɩŋ kala Mosis fa sɩ ŋmʋnsa bil dɩ nɩaa tuto dɩdɛrɩŋ. Nɩɩ-la kala sɩ laa ʋ wɩaa dii jaŋ kɛŋ tʋɔpʋla Wɩa sɩpaaŋ.

Rom Tɩŋŋaa 4:15

Wɩalɩŋ Mosis fa sɩ bile dɩ nɩaa tuto nɛ yie leŋ Wɩa baanɩŋ sisii nɩaa nyuŋ. Dɩ wɩalɩŋ Mosis fa sɩ bile nɛ fa tuo, nɩaa fa bɩ wɩalɩŋ ka chei.

Rom Tɩŋŋaa 5:20

Wɩalɩŋ Mosis fa sɩ bile dɩ nɩaa tuto nɛ kʋ wasa leŋ wʋbɔŋŋɔɔ pʋrɩgɛ dʋnɩa lɛ. Ama wʋbɔmɔ-la sɩ kʋ wasa pʋrɩgɛ, ŋɩɩ nɛ Wɩa lahɔrɩmɔ ma faasa yʋgɛ woruŋ la lɛ.

Rom Tɩŋŋaa 7:10

Wɩalɩŋ Mosis fa sɩ bile fa maga dɩ ba leŋ dɩ mɩ kɛŋ mɩɩsɩŋ, ama ba mɩɩra ŋaa mɩ nagɛ nɩsʋʋ nɛ.

Rom Tɩŋŋaa 7:22

Mɩ cho wɩalɩŋ Wɩa sɩ daga nɛ mɩ tʋɔŋ lɛ, a cho dɩ mɩɩ ŋaaba.

Rom Tɩŋŋaa 7:5

Bʋa-la la sɩɩ to la tʋɔtɔrɛ wʋŋaalaa harɩŋ, wɩalɩŋ Mosis fa sɩ ŋmʋnsa bil dɩ nɩaa tuto nɛ fa ŋaa sɩma kɛnla la kɛŋ la yaraa ŋɩŋaa wʋbɔŋŋɔɔ, wɩalɩŋ sɩ jaŋ kɛnla mʋ hɛ sʋʋŋ bʋa lɛ.

1 Kɔrɩntɩ Nɩaa 13:10

Ama dɩ kʋ-la sɩ ŋaa kʋ-piliŋ nɛ kɔ, kʋ-la sɩ gbɔbɔ jaŋ lɛl.

2 Kɔrɩntɩ Nɩaa 3:3

Ma nɛ saa chaasa dagɛ arɩ ma ŋaa teŋ-la Kirisito sɩ leŋe la ŋmʋnsɛ. Teniŋ deeŋ, ʋ bɩ naga kʋ-la nɩaa sɩ kaa ŋmʋnsɛ tenniŋ nɛ. Wɩa sɩ weye joŋ ʋ Dɩŋ-zɔmʋŋ nɛ a kaa ŋmʋnsɛ wɩalɩŋ hɛ ma tʋɔŋ. Ba saa bɩra bɩ ŋmʋnsa hɛ tabɩɩ-taala lɛ, ama ba ŋmʋnsa hɛ nuhuobiinee tʋɔŋ lɛ nɛ.

2 Kɔrɩntɩ Nɩaa 3:6

Wɩa tɩtɩa nɛ pɩla doluŋ la ŋaa nii-faalɩɩ-la ʋ sɩ hɛ pɩ nuhuobiinee tɩntɩnnaa. Nii-la bɩ naga ʋ ŋaa wɩɩ ba sɩ ŋmʋnsa bil a tuto, ama nii-falɩɩ-la doluŋ lɩɩ Wɩa Dɩŋ-zɔmʋŋ wɩalɩŋ nɛ. Wɩalɩŋ Mosis sɩ ŋmʋnsa bil dɩ nɩaa tuto bɩ nɩaa mɩɩsɩŋ wuo pa, ama Wɩa wʋzɔmɔ-la sɩ lɩɩ ʋ Dɩŋ-zɔŋ-la teeŋ nɩɩ pa mɩɩsɩŋ.

2 Kɔrɩntɩ Nɩaa 3:8

ka Wɩa wʋzɔmɔ-la sɩ lɩɩ Wɩa Dɩŋ-zɔmʋŋ lɛ, ba tʋla kɩkɩɩ ŋɩɩ. Ba-na bɩ jaŋ lɛl.

Galiisia Nɩaa 3:10

Nɩalɩŋ sɩɩ chɛ dɩ ba to wɩalɩŋ Mosis sɩ bile lɛ a kɛŋ tʋɔpʋla, Wɩa ŋmɩɛsa hɛ ba lɛ nɛ, bɛɛ wɩaa Wɩa teniŋ tʋɔŋ ba bʋla arɩ nɩɩ-la kala sɩ bɩ wɩalɩŋ kala Mosis sɩ ŋmʋnsa bil ka to, Wɩa ŋmɩɛsa hɛ ʋ lɛ nɛ.

Galiisia Nɩaa 3:21

Wɩalɩŋ Mosis sɩ bile, ba saa kɛŋ wɩalɩŋ Wɩa sɩ sɩ ʋ jaŋ ŋaa pɩ Abɩraham chei nɛɛ? Aɩ, dɩ wɩalɩŋ Mosis sɩ bile nɛ faa pɩ nɩaa mɩɩsɩŋ, ŋɩɩ-na ʋ fa maga dɩ nɩalɩŋ sɩɩ toba kɛŋ tʋɔpʋla nɛ.

MOSIS BƖRA WULLI WƖA WOMBIIŊ 4:13

Ʋ bʋl nii-la sɩ hɛ ma dɩ ʋ pɛgɛ wɩaa nɛ, niiri-la fii ʋ sɩ dagɛma dɩ ma tuto, aŋ ŋmʋnsɛba hɛ tabɩɩ-taalaa balɩa lɛ.

MOSIS BƖRA WULLI WƖA WOMBIIŊ 4:8

Tintee bɛɛ nɛ hɛ nɩmɛ a kɛŋ yɩrɩ-balɩŋ wombiee arɩ wɩalɩŋ ba sɩɩ to a zɔmɔ nagɛ wɩaa deemba mɩ sɩ joŋo dɩdagɛma jɩnɩŋ?

MOSIS BƖRA WULLI WƖA WOMBIIŊ 5:22

La TƖƖNA niiri-la ʋ sɩ heele bʋl a dagɛma Sɩnaɩ peel-la nyuŋ nɛ ŋɩɩ. Bʋa-la lɛ ʋ sɩ hɛ nyiniŋ arɩ duoŋ-bɩlɩmbaaŋ-bine tʋɔŋ aŋ bʋl wɩalɩŋ aŋ bɩra bɩ wɩɩ bʋla pɛ. Ŋɩɩ nɛ ʋ ŋmʋnsɛ niiri-la a hɛ tabɩɩ-taalaa balɩa lɛ a joŋo pɩmɛ.

MOSIS BƖRA WULLI WƖA WOMBIIŊ 9:15

Ŋɩɩ nɛ mɩ lɩɩ peel-la nyuŋ a kʋʋ tuu a kori tabɩɩ-taalɩ-la balɩa lɛ Wɩa niiri-la sɩ hɛ, niiri-la sɩ hɛ ma dɩ ʋ pɛgɛ, ka peel-la kala tɔ arɩ nyiŋgeliŋ.

Hiburu TƖŊŊAA 12:18

Ma kɔ Wɩa teeŋ nɛ, ama ma bɩ peel-la ba sɩɩ yɩrɛ Sɩnaɩ leriŋ nɛ kɔ a nagɛ Iziral tɩŋŋaa fa sɩ kɔ ʋ teeŋ ŋɩɩ, peel-la ma sɩ jaŋ wuo na a pɛ digi, peel-la fa sɩɩ chol nyiŋgeliŋ, birimiŋ tɔ ʋ kala lim ka duoŋ-pel-balɩŋ lulu.

Hiburu TƖŊŊAA 3:3

La jɩma arɩ nɩɩ-la sɩ saa dɩɩ-zɔmʋŋ nɛ maga dɩ ʋ laa yɩrɩŋ a kɩɩ dɩa-la ʋ sɩ saa. Ŋɩɩ tɩtɩa nɛ yɩrɩ-la Yesu sɩ laa nɛ yʋga kɩɩ Mosis yɩrɩŋ.

Hiburu TƖŊŊAA 9:4

Sɛlɩmɛ koruŋ nɛ fa hɛ lee-la. Nɩmɛ nɛ ba yie nyɩgɛ tɩɩ-keliŋ sʋɔra sɩ sɩma a pɩpɩ Wɩa. Daga kʋbala ma nɛ fa chɩŋ nɩmɛ, sɛlɩmɛ tɔ ʋ kala. Sɛlɩmɛ pupoiŋ nɛ fa hɛ daga-la tʋɔŋ, ba joŋ kʋdiile-la sɩ lɩɩ Wɩa-jaŋ kʋ tuu baa yɩrɛ ‘mana’ hɛ ʋ tʋɔŋ. Arɔŋ daa-la sɩ tɔsɔ ma fa hɛ daga-la tʋɔŋ nɛ. Tabɩɩ-taalɩa-la lɛ Wɩa fa sɩ ŋmʋnsɛ ʋ niiŋ wɩalɩŋ hɛ, ba ma fa hɛ nɩmɛ nɛ.