2 Kɔrɩntɩ Nɩaa 3:6 - WƖA TENIŊ

⁶ Wɩa tɩtɩa nɛ pɩla doluŋ la ŋaa nii-faalɩɩ-la ʋ sɩ hɛ pɩ nuhuobiinee tɩntɩnnaa. Nii-la bɩ naga ʋ ŋaa wɩɩ ba sɩ ŋmʋnsa bil a tuto, ama nii-falɩɩ-la doluŋ lɩɩ Wɩa Dɩŋ-zɔmʋŋ wɩalɩŋ nɛ. Wɩalɩŋ Mosis sɩ ŋmʋnsa bil dɩ nɩaa tuto bɩ nɩaa mɩɩsɩŋ wuo pa, ama Wɩa wʋzɔmɔ-la sɩ lɩɩ ʋ Dɩŋ-zɔŋ-la teeŋ nɩɩ pa mɩɩsɩŋ.

2 Kɔrɩntɩ Nɩaa 3:6 ပူးပေါင်းရင်းမြစ်များ

JƐRƖMAAYA 31:31

La TƖƖNA bɩra bʋla, “Bʋa dɔŋ jaŋ kɔ, dɩ mɩ bil nii-falɩŋ mɩ dɩ Iziral tɩŋŋaa arɩ Juda doho nɩaa pɛgɛ.

Matiu 13:52

Ŋɩɩ nɛ Yesu bʋla pɩba, “Wɩɩŋ deeŋ daga arɩ nɩɩ-la kala sɩ gʋnnɛ Wɩa teniŋ woruŋ a kʋ ŋaa mɩ harɩ-tooru a ŋaa siri dɩ ʋ jʋʋ Wɩa kuorii-la tʋɔŋ, ʋ tɩɩna nagɛ dɩa tɩɩna sɩ yie chaarɛ mɩɩ-bɩnaa arɩ mɩɩ-falaa nɛ ʋ vire lɛ.”

Matiu 26:28

bɛɛ wɩaa mɩ chalɩŋ nɛ ŋɩɩ. Chalɩŋ deeŋ nɛ Wɩa joŋo hɛ niiŋ ma dɩ ʋ pɛgɛ. Mɩ chalɩŋ jaŋ jaasɛ nɩ-daŋ wɩaa, dɩ Wɩa joŋ ba wʋbɔŋŋɔɔ chɛba.

Maak 14:24

Ŋɩɩ nɛ Yesu bʋla pɩba, “Mɩ chalɩŋ nɛ ŋɩɩ. Chalɩŋ deeŋ nɛ Wɩa kaa hɛ niiŋ ma dɩ ʋ pɛgɛ. Mɩ chalɩŋ jaŋ jaasɛ nɩ-daŋ wɩaa, dɩ Wɩa joŋ ba wʋbɔŋŋɔɔ chɛba.

Luuk 22:20

Ba sɩ dii kɩalɩŋ dɛrɛ, ʋ bɩra joŋ nyʋnyʋala arɩ sɩŋ-la a pɩba aŋ bʋl, “Nyʋnyʋala arɩ sɩnɩŋ deeŋ ŋaa nii-falɩɩ nɛ Wɩa hɛ ʋ dɩ ma pɛgɛ. Mɩ chalɩŋ sɩ jaŋ jaasɛ ma wɩaa nɛ tɩɩ Wɩa ta nii-la.

Jɔɔŋ 5:21

Mɩ Nyɩmma sɩ chɩsɛ nɩalɩŋ sɩ sʋba ba bɩra kɛŋ mɩɩsɩŋ ŋɩɩ, ŋɩɩ tɩtɩa nɛ mɩ ma ʋ Bie joŋ mɩɩsɩŋ a pɩpɩ nɩalɩŋ mɩ sɩ cho.

Jɔɔŋ 6:63

Wɩa Dɩŋ-zɔmʋŋ nɩɩ pɩla mɩɩsɩŋ. Nuhuobiine yaraa doluŋ-na ŋaa pɛɩ nɛ, ʋ bɩ mɩɩsɩ-la sɩ bɩ dɛrɛ wuo pa. Wɩa Dɩŋ-zɔmʋŋ wɩaa nɛ mɩ bʋla pɩma. Ba jaŋ pɩma mɩɩsɩŋ.

Rom Tɩŋŋaa 1:5

Ʋ lahɔrɩmɔ lɛ Wɩa leŋe mɩ ŋaa ʋ nanzɔɔ nɛ a bʋl ʋ wʋzɔmɔ-la wɩaa a pɩ dʋnɩa nɩaa kala, dɩ ba laa dii a to Yesu niiŋ a wuo zil ʋ yɩrɩŋ.

Rom Tɩŋŋaa 3:20

Nʋʋkala bɩ jaŋ wuo to wɩalɩŋ Mosis sɩ bile lɛ a kɛŋ tʋɔpʋla Wɩa sɩpaaŋ. Ama wɩalɩŋ Mosis sɩ bile dɩ nɩaa tuto nɛ dagɛla la jɩŋ arɩ nʋʋkala ka ŋaa wʋbɔŋŋɔɔ nɛ.

Rom Tɩŋŋaa 4:15

Wɩalɩŋ Mosis fa sɩ bile dɩ nɩaa tuto nɛ yie leŋ Wɩa baanɩŋ sisii nɩaa nyuŋ. Dɩ wɩalɩŋ Mosis fa sɩ bile nɛ fa tuo, nɩaa fa bɩ wɩalɩŋ ka chei.

Rom Tɩŋŋaa 4:17

Ba fa ŋmʋnsɛ ŋɩɩ nɛ Wɩa teniŋ tʋɔŋ. Wɩa bʋla a tɩgɛ Abɩraham lɛ, “Mɩ leŋe ŋ ŋaa tintee daŋ nyɩmma nɛ.” Wɩa sɩpaaŋ Abɩraham nɛ ŋaa la nyɩmma. Wɩa-la sɩ wuo leŋ kɩalɩŋ kala sɩ sʋba, dɩ ba sii sʋʋŋ lɛ a kɛŋ mɩɩsɩŋ, aŋ bɩra wuo dagɛ wɩalɩŋ sɩ jaŋ ŋaa aŋ ha bɩ ŋaa, Wɩa deeŋ nɛ Abɩraham laa dii.

Rom Tɩŋŋaa 7:6

Ama lɛɛlɛ Wɩa lɩɩsɛla wɩalɩŋ Mosis fa sɩ bile lɛ dɩ nɩaa tuto lɛ nɛ. La tʋɔtɔrɛ wʋŋaalɩa-la fa kɛnla kaa ŋaa yosu nɛ. Ba lɛ nɛ la sʋʋ. Lɛɛlɛ la wuo tuto wombii dɔŋ nɛ, a tɩŋ tɩntɩŋŋaa aa pɩ Wɩa. Wɩa Dɩŋ-zɔŋ-la nɛ dagɛla ŋɩɩ, wɩalɩŋ Mosis fa sɩ ŋmʋnsa bil dɩ nɩaa tuto dee.

Rom Tɩŋŋaa 8:2

La dɩ Yesu Kirisito sɩ ŋaa kʋbala ŋɩɩ, ʋ Dɩŋ-zɔmʋŋ joŋ mɩɩsɩŋ pɩla nɛ. Ʋ laala ta nɛ wʋbɔŋŋɔɔ arɩ sʋʋŋ nɩsɩŋ lɛ.

1 Kɔrɩntɩ Nɩaa 11:25

Ŋɩɩ nɛ ba sɩ dii boroboro-la dɛrɛ, ʋ bɩra joŋ nyʋnyʋala arɩ sɩnɩŋ aŋ bʋl, “Nyʋnyʋala deeŋ nɛ Wɩa joŋo hɩhɛ nii-falɩɩ-la ʋ dɩ ma pɛgɛ. Mɩ jaŋ sʋʋ dɩ mɩ chalɩŋ jaasɛ. Bʋa na-kala lɛ dɩ ma nɩɩ nyʋaʋ, má nyʋa a liliisi mɩ wɩaa.”

1 Kɔrɩntɩ Nɩaa 12:28

Ŋɩɩ nɛ tɩɩ nɩalɩŋ sɩ laa Yesu wɩaa dii aa hilimi tʋɔŋ, Wɩa joŋ ma kala hɛ leree nɛ, nɩalɩŋ sɩ laa sɩpaaŋ nɛ Wɩa nanzɔɔba, nɩalɩŋ sɩ tɩgɛ ba lɛ nɛ ŋaa Wɩa wʋlaabʋllaa, nɩalɩŋ sɩɩ to nɛ ŋaa nɩalɩŋ sɩɩ dagɛ Wɩa wɩaa, arɩ nɩalɩŋ ma sɩɩ ŋaa wʋmagɩlaa arɩ nɩalɩŋ ma Wɩa Dɩŋ-zɔmʋŋ sɩ joŋ doluŋ pa ba vɩvaarɛ nɩaa, arɩ nɩalɩŋ sɩɩ pɛ nɩaa lɛ, arɩ nɩalɩŋ sɩɩ beŋ nɩaa, arɩ nɩalɩŋ sɩɩ bʋl wɩaa yikoro-la Wɩa Dɩŋ-zɔŋ-la sɩ pɛ ba lɛ ba bʋbʋl.

1 Kɔrɩntɩ Nɩaa 15:45

Wɩa teniŋ tʋɔŋ ba ŋmʋnsa, “Nuhuobiiŋ-la Wɩa sɩ bumo ŋaa yɩrɩŋ nɛ Adam. Ŋɩɩ nɛ Wɩa wiese hɛ ʋ lɛ ʋ kɛŋ mɩɩsɩŋ.” Adam-la sɩ to harɩŋ kɔ nɛ ŋaa Wɩa wiese-la sɩɩ pɩ nɩaa mɩɩsɩŋ.

1 Kɔrɩntɩ Nɩaa 3:10

Tɩntɩmɩɩ-la mɩ sɩɩ tɩŋ, Wɩa nɛ joŋ doluŋ pɩmɛ. Mɩ nagɛ dɩɩ-saara sɩ jɩŋ dɩa saanɩŋ woruŋ nɛ a bil Wɩa dɩa-la gentine. Nʋʋ ma dɔŋ nɛ saa dɩa-la ʋ jɩl. Nʋʋkala saa fɩɛlɛ ʋ sɩaa ŋɩɩ ʋ sɩɩ saa dɩa-la.

1 Kɔrɩntɩ Nɩaa 3:5

Kʋbɛɛ nɛ Apɔlɔs? Kʋbɛɛ nɛ Pɔɔl? La ŋaa Wɩa tɩntɩnnaa nɛ. La nɛ bʋl Wɩa wɩaa pɩma ma laa dii. La kʋŋkala tɩŋ tɩntɩmɩɩ-la La Tɩɩna Wɩa sɩ joŋo pɩla dɩ la tɩŋ nɛ.

2 Kɔrɩntɩ Nɩaa 11:23

Ba ŋaa Kirisito tɩntɩnna nɛɛ? Mɩɩ bʋl wɩaa arɩ mɩ nyuŋ tuo nɛ. Mɩ ma ŋaa dɔŋɔ nɛ, a paala kɩɩba. Mɩ nɛ paala fɩɛsɛ sɩɩŋ a tɩŋ kɩŋkɛŋ. Ba kɛmmɛ tɔ dɩa a yʋgɛ nɛ. Ba sɩ ŋmoomi kɩŋkɛŋ mɩ ka mʋa dɩ mɩ sʋba, mɩ bɩ ʋ ma niiŋ jɩŋ.

2 Kɔrɩntɩ Nɩaa 3:14

Ama Iziral tɩŋŋaa tʋɔbɩɩnaa fa tuo Wɩa wombiiŋ lɛ. Ŋɩɩ wɩaa arɩ jɩnɩŋ kala, dɩ ba nɛ karɩmɛ wɩalɩŋ Wɩa fa sɩ joŋo pɩ Mosis bumbuŋ-la dɩ nɩaa tuto, ba bɩ ba bʋbʋɔŋ jɩŋ. Ʋ naga arɩ kʋ-la Mosis fa sɩ joŋo tɔ ʋ sɩaa dɩ Iziral tɩŋŋaa sɩ́ ʋ sɩaa na, kʋ-la ha tɔ ba sɩaa nɛ dɩ ba sɩ́ Wɩa tʋla na. Ama Yesu Kirisito nɛ jaŋ wuo kɛŋ kʋ-la suri, dɩ ba wuo na Wɩa tʋla.

2 Kɔrɩntɩ Nɩaa 3:3

Ma nɛ saa chaasa dagɛ arɩ ma ŋaa teŋ-la Kirisito sɩ leŋe la ŋmʋnsɛ. Teniŋ deeŋ, ʋ bɩ naga kʋ-la nɩaa sɩ kaa ŋmʋnsɛ tenniŋ nɛ. Wɩa sɩ weye joŋ ʋ Dɩŋ-zɔmʋŋ nɛ a kaa ŋmʋnsɛ wɩalɩŋ hɛ ma tʋɔŋ. Ba saa bɩra bɩ ŋmʋnsa hɛ tabɩɩ-taala lɛ, ama ba ŋmʋnsa hɛ nuhuobiinee tʋɔŋ lɛ nɛ.

2 Kɔrɩntɩ Nɩaa 3:7

Wɩalɩŋ Mosis sɩ ŋmʋnsa bil dɩ nɩaa tuto, ba ŋmʋnsa hɛ tabɩɩ-taala lɛ nɛ. Wɩalɩŋ fa bɩ nɩaa mɩɩsɩŋ wuo pa. Bʋa-la lɛ Wɩa sɩ jomba pɩpɩ Mosis, ʋ tʋla fa chaana hɛ ʋ lɛ nɛ. Ŋɩɩ nɛ Mosis sɩaa kala tʋtʋl, Iziral tɩŋŋaa bɩ ʋ sɩaa lɛ wuo beŋ. Ama tʋla-la fa jaŋ lɛl,

2 Kɔrɩntɩ Nɩaa 3:9

Dɩ wɩalɩŋ Mosis sɩ ŋmʋnsa bil dɩ nɩaa tuto nɛ joŋ cheeriŋ pɩpɩ nɩaa aŋ ha kɛŋ tʋla, ŋɩɩ-na wɩalɩŋ sɩ leŋe nɩaa kɛŋ tʋɔpʋla Wɩa teeŋ jaŋ paala kɛŋ tʋla a kɩɩ ŋɩɩ.

Galiisia Nɩaa 3:21

Wɩalɩŋ Mosis sɩ bile, ba saa kɛŋ wɩalɩŋ Wɩa sɩ sɩ ʋ jaŋ ŋaa pɩ Abɩraham chei nɛɛ? Aɩ, dɩ wɩalɩŋ Mosis sɩ bile nɛ faa pɩ nɩaa mɩɩsɩŋ, ŋɩɩ-na ʋ fa maga dɩ nɩalɩŋ sɩɩ toba kɛŋ tʋɔpʋla nɛ.

Ɛfɛsɩs Nɩaa 2:1

Ma fa naga arɩ ma sʋba nɛ a tɩŋ ma wʋcheelee arɩ ma wʋbɔŋŋɔɔ wɩaa.

Ɛfɛsɩs Nɩaa 2:5

a leŋ la dɩ Kirisito kala kɛŋ mɩɩsɩŋ. La wʋbɔŋŋɔɔ fa leŋe la sʋʋ nɛ. Wɩa lahɔrɩmɔ lɛ nɛ ʋ laama ta.

Ɛfɛsɩs Nɩaa 3:7

Wɩa leŋe mɩ ŋaa ʋ tɩntɩnnʋ nɛ, dɩ mɩ bʋl Yesu wʋzɔmɔ-la a pɩ nɩaa. Ʋ lahɔrɩmɔ lɛ nɛ ʋ dii zile mɩ lɛ a joŋ ʋ doluŋ pɩmɛ mɩ kaa tɩtɩŋ.

MOSIS BƖRA WULLI WƖA WOMBIIŊ 27:26

‘La TƖƖNA ŋmɩaŋ jaŋ dii nɩɩ-la kala sɩ vɩa dɩ ʋ to Wɩa niiriŋ deemba arɩ wɩalɩŋ ʋ sɩ daga.’ Nɩalɩŋ kala jaŋ laa bʋl, ‘Amɩɩ.’

1 Timoti 4:6

Dɩ ŋ nɛ joŋ wɩaa deemba a dagɛ ŋ dɔnsʋŋ tɩŋŋaa sɩ laa Yesu wɩaa dii, ŋ jaŋ ŋaa Kirisito Yesu tɩntɩnnɩ-zɔŋ. Ŋɩɩ jaŋ dagɛ arɩ ŋ waa nɛ wʋtɩtɩɩ-la la sɩ laa dii lɛ, arɩ wʋzɔmɔ-la la sɩ dagɩŋ ŋ to lɛ.

2 Timoti 1:11

Yesu wʋzɔmɔ-la wɩaa nɛ tɩɩ Wɩa lɩɩsɛmɛ dɩ mɩ ŋaa ʋ nanzɔɔ, a leŋ mɩ bʋl wɩaa deemba a pɩpɩ nɩaa a dɩdagɛba.

Hiburu TƖŊŊAA 12:24

Ma kɔ Yesu ma teeŋ nɛ. Ʋ nɛ hɛ Wɩa arɩ nuhuobiine pɛgɛ. Wɩa to ʋ lɛ nɛ a bil nii-falɩŋ ʋ dɩ nuhuobiinee pɛgɛ. Ʋ chalɩŋ jaasɛ nʋʋkala wɩaa nɛ. Ʋ chal-la-na faasa tɩŋ nɛ a pɛ la lɛ. Ʋ bɩ Ebil chalɩŋ naga. Ebil chalɩŋ-na fa joŋ cheeriŋ pɩ nɩɩ-la sɩ kpʋʋ nɛ.

Hiburu TƖŊŊAA 13:20

A leŋ dɩ Wɩa sɩɩ pɩ nɩaa fɩɛlɩŋ pɛ ma lɛ. Ʋ nɛ chɩsɛ La Tɩɩna Yesu Kirisito sʋʋŋ lɛ. Yesu Kirisito nagɛ pie-daarɩ-duo nɛ aa beŋ ʋ nɩaa nyuŋ woruŋ. Ʋ chalɩŋ nɛ Wɩa kaa bil nii-la sɩ jaŋ hɛ nɩmɛ a kaa mʋ wuu ʋ dɩ ʋ nɩaa pɛgɛ.

Hiburu TƖŊŊAA 7:22

Wɩa sɩ lɩɩsɛ Yesu aŋ ŋmɩɛsa daŋ, ŋɩɩ daga arɩ ʋ nɛ kpɩa nii-la ʋ fa sɩ laa bil ʋ dɩ ʋ nɩaa pɛgɛ.

Hiburu TƖŊŊAA 8:13

Wɩa sɩ bʋl nii-falɩɩ-la wɩaa ŋɩɩ, ʋ sɩ dɩ bumbuŋ kʋ-la ŋaa kʋbɩnɩɩ nɛ. Kʋ-la kala saa sɩ diene ŋaa kʋbɩnɩɩ nɛ, ʋ jaŋ lɛl.

1 Pɩɩta 3:18

Yesu Kirisito sʋʋ la wʋbɔŋŋɔɔ wɩaa bala nɛ. Ʋ fa ŋaa tʋɔpʋl tɩɩna nɛ, a sʋʋ wʋbɔŋ ŋaaraa wɩaa, dɩ ʋ wuo kɛnla kaa mʋ Wɩa teeŋ. Nuhuobiinee nɛ kpʋ ʋ yaraa, ama Wɩa leŋ ʋ dɩma wei.

1 Jɔɔŋ 1:1

Mɩ-na Jɔɔŋ nɛ ŋmʋnsɛ teniŋ deeŋ pɩpɩma a tɩgɛ wɩɩ kʋbala lɛ. Wɩɩ-la fa hɛ nɩmɛ bumbuŋ kala nɛ a kɛŋ mɩɩsɩŋ. La nɩɩ ʋ yikoro a kɛŋ la sɩaa ma naʋ a chaasa benu, a kɛŋ la nɩsaa ma digu.