2 Kɔrɩntɩ Nɩaa 3:17 - WƖA TENIŊ

¹⁷ La Tɩɩna Kirisito arɩ Wɩa Dɩŋ-zɔmʋŋ kala ŋaa kʋbala nɛ. Lee-la kala saa La Tɩɩna Kirisito Dɩŋ-zɔmʋŋ sɩ hɛ, ʋ yie laa nɩalɩŋ ta nɛ.

2 Kɔrɩntɩ Nɩaa 3:17 ပူးပေါင်းရင်းမြစ်များ

WƖA YƖƖLAA 51:12

Ŋaa dɩ mɩ tʋɔŋ bɩra tɔrɛ a nagɛ bʋa-la lɛ ŋ sɩ laamɛ ta. Leŋ dɩ mɩ cho dɩ mɩ to ŋ niiŋ.

Jɔɔŋ 6:63

Wɩa Dɩŋ-zɔmʋŋ nɩɩ pɩla mɩɩsɩŋ. Nuhuobiine yaraa doluŋ-na ŋaa pɛɩ nɛ, ʋ bɩ mɩɩsɩ-la sɩ bɩ dɛrɛ wuo pa. Wɩa Dɩŋ-zɔmʋŋ wɩaa nɛ mɩ bʋla pɩma. Ba jaŋ pɩma mɩɩsɩŋ.

Jɔɔŋ 8:32

Ma jaŋ jɩŋ wʋtɩtɩɩ. Wʋtɩtɩɩ-la saa jaŋ laama ta dɩ ma tɩɩ ma tɩtɩa.”

Rom Tɩŋŋaa 8:2

La dɩ Yesu Kirisito sɩ ŋaa kʋbala ŋɩɩ, ʋ Dɩŋ-zɔmʋŋ joŋ mɩɩsɩŋ pɩla nɛ. Ʋ laala ta nɛ wʋbɔŋŋɔɔ arɩ sʋʋŋ nɩsɩŋ lɛ.

1 Kɔrɩntɩ Nɩaa 15:45

Wɩa teniŋ tʋɔŋ ba ŋmʋnsa, “Nuhuobiiŋ-la Wɩa sɩ bumo ŋaa yɩrɩŋ nɛ Adam. Ŋɩɩ nɛ Wɩa wiese hɛ ʋ lɛ ʋ kɛŋ mɩɩsɩŋ.” Adam-la sɩ to harɩŋ kɔ nɛ ŋaa Wɩa wiese-la sɩɩ pɩ nɩaa mɩɩsɩŋ.

2 Kɔrɩntɩ Nɩaa 3:18

La nɩalɩŋ kala sɩ laa Yesu wɩaa dii, kʋ-la fa sɩ tɔ la sɩaa, Wɩa kaa suri nɛ. Kirisito tʋla jʋʋ la sɩaa nɛ la tʋtʋl arɩ ʋ sɩɩ tʋl ŋɩɩ. Ʋ kɛnla kaa bɩbɩrɩmɛ nɛ dɩ la wasa tʋtʋl, a kʋ nagʋ. La Tɩɩna Dɩŋ-zɔmʋŋ nɛ ŋaa ŋɩɩ la lɛ.

2 Kɔrɩntɩ Nɩaa 3:6

Wɩa tɩtɩa nɛ pɩla doluŋ la ŋaa nii-faalɩɩ-la ʋ sɩ hɛ pɩ nuhuobiinee tɩntɩnnaa. Nii-la bɩ naga ʋ ŋaa wɩɩ ba sɩ ŋmʋnsa bil a tuto, ama nii-falɩɩ-la doluŋ lɩɩ Wɩa Dɩŋ-zɔmʋŋ wɩalɩŋ nɛ. Wɩalɩŋ Mosis sɩ ŋmʋnsa bil dɩ nɩaa tuto bɩ nɩaa mɩɩsɩŋ wuo pa, ama Wɩa wʋzɔmɔ-la sɩ lɩɩ ʋ Dɩŋ-zɔŋ-la teeŋ nɩɩ pa mɩɩsɩŋ.

Galiisia Nɩaa 4:6

A tɩŋ la sɩ ŋaa Wɩa biiriŋ nɛ tɩɩ ʋ joŋ ʋ Bie Dɩŋ-zɔmʋŋ hɛ la lɛ. Dɩŋ-zɔŋ-la sɩ hɛ la tʋɔŋ, ʋ yie ŋaa la kɛŋ Wɩa kaa yɩrɛ “La Nyɩmma.”

Galiisia Nɩaa 5:1

Kirisito laala ta nɛ dɩ la tɩɩ la tɩtɩa. Má saa chɩŋ kpaŋ kpaŋ, a pɔ dɩ nʋʋkala bɩra sɩ́ ma kaa ŋaa yosi.

Galiisia Nɩaa 5:13

Ka ma-na mɩ naambiiriŋ, Wɩa yɩrɛma nɛ dɩ ma tɩɩ ma tɩtɩa. Ma saa sɩ tɩɩ ma tɩtɩa ŋɩɩ, má sɩ́ ŋɩɩ joŋ a to ma tɩtɩa tʋɔtɔrɛ wʋŋaalaa lɛ. Ama má cho dɔŋɔ a tɩma pɩpa dɔŋɔ.

2 Timoti 1:7

Wɩa bɩ ʋ Dɩŋ-zɔmʋŋ joŋo hɛ la lɛ dɩ la fɩfá fawʋllʋŋ, ama dɩ ʋ pɛ la lɛ dɩ la wuo kɛŋ doluŋ la mɩɩsɩŋ lɛ, a cho nɩaa, a jɩŋ la tɩtɩa kɛnɩŋ woruŋ.