2 Kɔrɩntɩ Nɩaa 3:12 - WƖA TENIŊ

¹² Laa yɩɛlɛ Wɩa wʋzɔmɔ-la lɛ nɛ. Ŋɩɩ nɛ tɩɩ la chaasa kɛŋ nyuduoŋ aa tɩŋ.

2 Kɔrɩntɩ Nɩaa 3:12 ပူးပေါင်းရင်းမြစ်များ

Jɔɔŋ 10:24

Ŋɩɩ nɛ Juu tɩŋŋaa gbaarʋ a pɩɛsʋ, “Ɛɛ nɛ ŋ chɛ ŋ kɛnla diene magɛ aŋ-na dagɛ nɩɩ-la ŋ sɩ ŋaa pɩla? Dɩ ŋ nɛ ŋaa Kirisito, Nɩɩ-la Wɩa sɩ lɩɩsa, chaasa bʋla pɩla.”

Jɔɔŋ 16:25

Wɩaa deemba kala mɩ sɩɩ bʋl, namagaba nɛ mɩɩ magɛ. Ama bʋa kʋbala jaŋ yi, mɩ bɩra bɩ jaŋ magɛ namagaba, mɩ jaŋ chaasa bʋl wɩaa pɩma a mʋ tɩgɛ mɩ Nyɩmma lɛ, dɩ ma jɩŋ ba bʋbʋɔŋ woruŋ.

Jɔɔŋ 16:29

Ŋɩɩ nɛ ʋ harɩ-tooro-la bʋla pʋ, “Lɛɛlɛ ŋ chaasaa bʋl wɩaa nɛ. Ŋ bɩra bɩ namagaba ka magɛ.

Tɩntɩŋŋaa 14:3

Pɔɔl arɩ Banabas hɔŋ lee-la a dieni. Ba bʋl La Tɩɩna Yesu wɩaa arɩ nyuduoŋ. La Tɩɩna ma dagɛ arɩ wɩalɩŋ ba sɩɩ bʋl ŋaa wʋtɩtɩɩba nɛ, ʋ pɩba doluŋ ba ŋɩŋaa wʋmagɩlaa arɩ wʋkpuŋkperisiŋ.

Tɩntɩŋŋaa 4:13

Nɩalɩŋ sɩ hilime a na Pɩɩta arɩ Jɔɔŋ dɩ baa bʋl wɩaa arɩ nyuduoŋ ŋɩɩ, ʋ ŋaaba wʋkpuŋkpere, bɛɛ wɩaa ba jɩma ba bɩ nɩfɩɛma ŋaa ba taŋ lɛ a bɩ teniŋ ma jɩŋ. Ŋɩɩ nɛ ba wuo jɩŋ arɩ ba faa to Yesu harɩŋ nɛ a gʋnnɛ ʋ wɩaa.

Tɩntɩŋŋaa 9:27

Yesu nanzɔɔba-la dɔŋɔ ba sɩɩ yɩrɛ Banabas nɛ pɛ ʋ lɛ a kɛnʋ kaa mʋ Yesu nanzɔɔba-la teeŋ. Ʋ nɛ bʋla pɩba ŋɩɩ Sɔɔl sɩ na La Tɩɩna Yesu wombiiŋ lɛ, La Tɩɩna bʋl wɩaa pʋ. Banabas nɛ saa bɩra bʋla pɩba ŋɩɩ Sɔɔl sɩ kɛŋ nyuduoŋ a bʋl Yesu wɩaa pɩ nɩaa Damasɩkʋs lɛ.

Tɩntɩŋŋaa 9:29

a bʋbʋl Wɩa wɩaa arɩ nyuduoŋ La Tɩɩna Yesu yɩrɩŋ lɛ. Ʋ dɩ Juu tɩmma-la sɩɩ bʋl Giriik tɩŋŋaa wʋbʋlʋŋ, ba kɛŋ wɩaa lɩlɛrɛ. Ba wʋwalɩmɛ dɩ ba kpʋʋ.

1 Kɔrɩntɩ Nɩaa 14:19

Ama dɩ la nɛ kʋ hilimi a chʋchʋɔlɛ Wɩa, mɩ jaŋ cho dɩ mɩ kɛŋ mɩ tʋɔbɩɩnaa bʋl wɩaa baŋmɛnɛ dɩ nɩaa jɩŋ ba bʋbʋɔŋ, a kɩɩ mɩ sɩ jaŋ bʋl wɩaa yʋgɛ yikoro-la nɩaa sɩ bɩ nɩɩ lɛ.

2 Kɔrɩntɩ Nɩaa 10:1

Mɩ-na Pɔɔl tɩtɩa nɩɩ chɛ dɩ mɩ bʋl wɩɩ pɩma. Mɩɩ sʋlma a tɩŋ Kirisito wɩaa, nɩɩ-la sɩaa sɩ fɩɛla, ka ʋ kɛŋ kenyiri ma. Nɩaa dɔnsʋŋ sɩ, dɩ mɩ nɛ hɛ ma teeŋ, mɩ yie pʋɩ nɛ gbɛlɛ gbɛlɛ, ama dɩ mɩ tuo ma teeŋ, mɩ nyuŋ duori weŋgem.

2 Kɔrɩntɩ Nɩaa 3:11

Dɩ kʋ-la fa sɩ bɩ jaŋ dieni nɛ kɔ a tʋtʋl, ŋɩɩ-na kʋ-la sɩ jaŋ hɛ nɩmɛ deeŋ deeŋ nɛ jaŋ tʋla kɩkɩɩʋ.

2 Kɔrɩntɩ Nɩaa 4:13

Ba ŋmʋnsɛ Wɩa teniŋ tʋɔŋ a bʋl, “Mɩ laa Wɩa wɩaa dii nɛ, ŋɩɩ nɛ tɩɩ mɩɩ bʋlba.” La ma laa Wɩa dii ŋɩɩ tɩtɩa nɛ. Ŋɩɩ nɛ tɩɩ la ma laa ʋ wɩaa dii a ma bʋbʋlba.

2 Kɔrɩntɩ Nɩaa 7:4

Mɩ laama dii nɛ woruŋ. A tɩŋ ma wɩaa nɛ tɩɩ mɩ bibigisi mɩ tɩtɩa lɛ, mɩ nyuŋ kala nyaasɛ. Wɩaa jʋʋla nɛ, ama mɩ tʋɔŋ ha faasa tɔrɛ nɛ.

Fɩlɩpa Nɩaa 1:14

Mɩ sɩ hɛ dɩa-la lɛ pɛ la naambiiriŋ dɔnsʋŋ lɛ nɛ ba wasa chɩŋ La Tɩɩna Yesu wɩalɩŋ ba sɩ laa dii lɛ woruŋ, a kɛŋ nyuduoŋ a bʋbʋl Wɩa wɩaa, a bɩ fawʋllʋŋ ka fá.

Fɩlɩpa Nɩaa 1:20

Wɩɩ-la mɩ sɩɩ chɛ kɩŋkɛŋ arɩ wɩɩ-la mɩ sɩɩ yɩɛlɛ nɛ ŋ-la: Mɩ bɩ jaŋ kɔ dɩ mɩ ŋaa wɩɩ a mʋ tɩgɛ tɩntɩmɩɩ-la mɩ sɩɩ tɩŋ lɛ dɩ hɩɩsɩŋ diimi, ama a suomi jɩnɩŋ a kaa mʋ, bʋa na-kala lɛ, mɩ jaŋ kɛŋ nyuduoŋ a bʋl Wɩa wɩaa. Dɩ sʋʋŋ nɛ koo waaŋ nɛ, mɩ jaŋ tɩŋ Kirisito tɩntɩmɩɩ-la, dɩ ʋ yɩrɩŋ yɩrɛ.

Koloosi Nɩaa 4:4

Má chʋɔlɛ Wɩa pɩla dɩ mɩ wuo bʋl wɩalɩŋ ŋɩɩ sɩ maga mɩ bʋl dɩ ba pʋllɛ.

1 Tɛsalonaaka Nɩaa 2:2

Aŋ ka dɩ la-na kɔ ma teeŋ Tɛsalonaaka lɛ, la fa laa sɩpaaŋ na hɛɛŋ nɛ. Ba dɔgɩsɛla woruŋ Fɩlɩpa taŋ-la lɛ. La sɩɩ chɛ la bʋl Wɩa wʋzɔmɔ-la a pɩ ma ma, nɩaa yʋga a lɩɩ la harɩŋ. Ama Wɩa-la la sɩ tɩma pɩpa pɩla nyuduoŋ la wuo bʋl ʋ wʋzɔmɔ-la a pɩma ma.

1 Timoti 3:13

Dɩ nɩalɩŋ sɩɩ pɛ Wɩa nɩaa kʋhɩasɩŋ lɛ nɩɩ tɩŋ ba tɩntɩŋŋaa woruŋ, nɩaa jaŋ zizilba. Ba jaŋ wuo kɛŋ nyuduoŋ a bʋl wɩalɩŋ ba sɩ laa dii a tɩgɛ Kirisito Yesu lɛ.

Fɩlɩmɔŋ 1:8

Ŋɩɩ wɩaa, Kirisito wɩaa lɛ, mɩ fa jaŋ wuo dagɩŋ wɩɩ-la sɩ maga dɩ ŋ ŋaa.