2 Kɔrɩntɩ Nɩaa 2:3 - WƖA TENIŊ

³ Ŋɩɩ wɩaa nɛ tɩɩ mɩ ŋmʋnsɛ teŋ-la pɩma. Mɩ bɩ chɛ dɩ mɩ kɔ ma teeŋ dɩ ma leŋ dɩ mɩ tʋɔŋ chei, ma nɛ sɩ ŋaa nɩalɩŋ sɩ jaŋ ŋaa dɩ mɩ tʋɔŋ tɔrɛ. Mɩ laa dii arɩ mɩ tʋɔŋ nɛ tɔrɔ, ma ma kala tʋɔŋ jaŋ tɔrɛ.

2 Kɔrɩntɩ Nɩaa 2:3 ပူးပေါင်းရင်းမြစ်များ

1 Kɔrɩntɩ Nɩaa 4:21

Wʋbɛɛ nɛ ma cho? Mɩ kori chɩba kʋ vɩɩrɛma, koo mɩ kɛŋ chonuŋ arɩ sɩɩfɩɛlaa kɔ?

2 Kɔrɩntɩ Nɩaa 1:15

Mɩ sɩ chaasa jɩŋ ŋ-la wɩaa nɛ tɩɩ mɩ faa chɛ dɩ mɩ kɔ ma teeŋ, dɩ ma wuo nɩɩ sɩma bʋlɩa.

2 Kɔrɩntɩ Nɩaa 1:23

Arɩ Wɩa, wɩalɩŋ kala mɩ sɩ bʋla ŋaa wʋtɩtɩɩ nɛ. Mɩ bɩ ma teeŋ kɔ Kɔrɩntɩ lɛ, bɛɛ wɩaa mɩ fa bɩ chɛ dɩ mɩ walɩmɛma.

2 Kɔrɩntɩ Nɩaa 12:11

Mɩɩ ŋaa wɩaa a nagɛ mɩ ŋaa nɩyaarɩ nɛ. Ma nɛ saa yigimi hɛ ŋɩɩ lɛ. Ma nɛ fa maga dɩ ma bɩbɛsɛ mɩ lɛ. Mɩ jɩma arɩ mɩ bɩ nʋʋ ŋaa, ama nanzɔɔba-la sɩ joŋ ba tɩtɩa arɩ ba nɛ kɩɩ nʋʋkala, ba bɩ mɩ kpɩa.

2 Kɔrɩntɩ Nɩaa 12:21

Mɩ bɔyɛ ka joŋ nɛ dɩ mɩ nɛ bɩra kɔ ma teeŋ, Wɩa jaŋ leŋ dɩ hɩɩsɩŋ kɛmmɛ ma wɩaa, dɩ mɩ yel a tɩŋ ma wʋbɔŋŋɔɔ wɩaa. Nɩaa yʋga a hɛ ma tʋɔŋ a ŋaa wʋbɔŋŋɔɔ, a ŋaa disiniŋ, a ŋaa wʋlɩɩlɩŋ, a gɔllɔ chɛ nɩaa haalaa, aŋ bɩrɩma lɩɩ ba lɛ.

2 Kɔrɩntɩ Nɩaa 13:10

Lɛɛlɛ mɩ tuo ma teeŋ, ŋɩɩ nɛ tɩɩ mɩ ŋmʋnsɛ teniŋ pɩpɩma. Dɩ mɩ nɛ kɔ ma teeŋ, mɩɩ chɛ dɩ mɩ dagɛ dol-la La Tɩɩna Wɩa sɩ joŋo pɩmɛ ma teeŋ. Ʋ joŋ dol-la pɩmɛ dɩ mɩ kaa pɛ ma lɛ nɛ dɩ ma wasa dol. Ʋ bɩ sɩ dɩ mɩ kaa cheima.

2 Kɔrɩntɩ Nɩaa 2:9

Ŋ-la wɩaa nɛ tɩɩ mɩ ŋmʋnsɛ teniŋ pɩma, dɩ mɩ na dɩ ma jaŋ wuo to wɩɩkala mɩ sɩ bʋla pɩma.

2 Kɔrɩntɩ Nɩaa 7:12

Ŋɩɩ wɩaa teŋ-la mɩ sɩ ŋmʋnsa, ʋ bɩ naga arɩ nɩɩ-la sɩ ŋaa wɩaa chei nɛ tɩɩ mɩ ŋmʋnsɛ. Mɩ bɩra bɩ ŋmʋnsa pɩ nɩɩ-la sɩ na hɛɛŋ a tɩŋ ba sɩ ŋaa wɩɩ-la cheyu lɛ. Ama mɩ ŋmʋnsa nɛ dɩ ma dagɛ Wɩa sɩpaaŋ arɩ ma chola nɛ.

2 Kɔrɩntɩ Nɩaa 7:16

Mɩ tʋɔŋ tɔrɛ nɛ, mɩ sɩ jaŋ wuo laama dii woruŋ.

2 Kɔrɩntɩ Nɩaa 7:6

Ŋɩɩ nɛ la naambie kʋbala baa yɩrɛ Taatɩs kɔ la teeŋ. Ʋ sɩ kɔ ŋɩɩ, la tʋɔŋ tɔrɛ nɛ woruŋ. Wɩa nɛ pɩla tʋɔtɔrʋŋ deeŋ. Ʋ nɛ yie ŋaa nɩalɩŋ tʋɔŋ sɩ cheye na tʋɔtɔrʋŋ.

2 Kɔrɩntɩ Nɩaa 7:8

Teŋ-la mɩ sɩ ŋmʋnsa pɩma leŋe ma tʋɔŋ chei nɛ. Dɩ ma tʋɔŋ nɛ cheye ma, mɩ-na tʋɔŋ bɩ cheye. Mɩ tʋɔŋ fa chei mʋa nɛ teŋ-la wɩaa, ama mɩ jɩma arɩ ma tʋɔŋ bɩ jaŋ chei a dieni.

2 Kɔrɩntɩ Nɩaa 8:22

La naambii dɔŋ ma nɛ to ba harɩŋ kʋkɔ. Wɩɩkala lɛ la magɩsʋ nɛ a na arɩ ʋ kɛŋ wʋtɩtɩɩ. Lɛɛlɛ ʋ paala chaasa fɩɛsɛ sɩɩŋ nɛ woruŋ dɩ ʋ pɛ ma lɛ, bɛɛ wɩaa ʋ laama dii nɛ.

Galiisia Nɩaa 5:10

La dɩ ma kala sɩ ŋaa kʋbala ŋɩɩ Kirisito teeŋ, mɩ ha laa dii arɩ ma bɩ jaŋ to wombii-tanɩɩ. Mɩ saa laa dii arɩ Wɩa jaŋ dɔgɩsɛ nʋʋ na-kala sɩɩ walɩmɛma.

2 Tɛsalonaaka Nɩaa 3:4

La kɛŋ yɩɛlaa La Tɩɩna lɛ arɩ maa ŋaa wɩalɩŋ la sɩ daga nɛ, aŋ ha jaŋ ŋɩŋaaba a kaa mʋ.

Fɩlɩmɔŋ 1:21

Mɩ laa dii arɩ mɩ sɩ ŋmʋnsɛ wɩɩŋ deeŋ pɩŋ, ŋ jaŋ ŋaa wɩɩ-la mɩ sɩɩ chɛ. Mɩ jɩma arɩ ŋ jaŋ paala ŋaa kɩɩ ŋɩɩ.