2 Kɔrɩntɩ Nɩaa 2:14 - WƖA TENIŊ

¹⁴ Ama, mɩ haa lɔllɛ Wɩa nɛ. Bʋa na-kala, ʋ yie to Kirisito lɛ nɛ a pɛ la lɛ la wuo yuo dii Sɩtaanɩ. Ʋ yie pɛ la lɛ la wuo bʋl Kirisito wɩaa lee-na kala. Kirisito wʋzɔmɔ-la nagɛ tʋlaalɩɩ sɩɩ sʋɔrʋ nɛ, a sʋɔra laa leriŋ kala.

2 Kɔrɩntɩ Nɩaa 2:14 ပူးပေါင်းရင်းမြစ်များ

WƖA YƖƖLAA 106:47

Laala ta, La Tɩɩna Wɩa. Kɛnla lɩɩ tinteyee nɩaa tʋɔŋ a kʋ hɛ dɔŋɔ, dɩ la wuo lɔllʋŋ a dɛnnɛ ŋ yɩrɩ-balɩŋ sɩ bɩ disiniŋ kɛnɛ.

WƖA YƖƖLAA 148:14

Ʋ nɛ joŋ doluŋ a pɩ ʋ nɩaa Iziral tɩŋŋaa dɩ ba wuo dɛnnʋ. Ba nɛ nɩalɩŋ ʋ tʋɔŋ sɩ kɛnɛ woruŋ. Má dɛnnɛ La Tɩɩna.

SOLOMOŊ YƖƖL-SƖMƖŊ 1:3

Ŋ tʋlaalɩ sʋɔra sɩma nɛ woruŋ. Ŋ yɩrɩŋ sɩma a nagɛ ba sɩ bɩsɛ tʋlaalɩ ta ʋ sʋsʋɔrɛ nɛ, daŋkʋnɛ, hatoloo kala choŋ ŋɩɩ.

ƐZƖKƖƐL 20:41

Dɩ mɩ nɛ kɛmma mɩɩra lɩɩ lere-la ma sɩ pɩsa hɛ lɛɛlɛ a kʋ hɛ dɔŋɔ, mɩ tʋɔŋ jaŋ tɔrɛ ma nyuŋ, arɩ mɩ tʋɔŋ sɩ tɔrɛ pʋsʋ-la ma sɩ yie kpʋ nyɩga pɩmɛ ba sʋɔra sɩŋ mɩ teeŋ ŋɩɩ. Mɩ jaŋ dagɛ arɩ mɩ bɩ disiniŋ kɛnɛ ma tʋɔŋ dɩ tinteyee nɩaa kala na.

Jɔɔŋ 16:33

Mɩ bʋl wɩaa deemba pɩma dɩ ma wuo hɔŋ arɩ fɩɛlɩŋ nɛ. Dʋnɩa deeŋ tʋɔŋ ma jaŋ na hɛɛŋ. Ama má leŋ dɩ ma nyuŋ nyaasɛ. Mɩ yuo dii dʋnɩa nɛ.”

Rom Tɩŋŋaa 1:8

Wɩɩ-la mɩ sɩ kɛnɛ dɩ mɩ laa sɩpaaŋ bʋl nɛ ŋ-la: Mɩ to Yesu Kirisito lɛ aa lɔllɛ Wɩa ma kala wɩaa, bɛɛ wɩaa dʋnɩa nʋʋkala nɩɩ ŋɩɩ ma sɩ laa Wɩa dii nɛ.

Rom Tɩŋŋaa 15:19

wʋkpuŋkperisi-la arɩ wʋmagɩla-la mɩ sɩ ŋaa Wɩa Dɩŋ-zɔŋ-la doluŋ lɛ. Mɩ chaasa bʋl Kirisito wʋzɔmɔ-la, a suomi Jerusalɛm lɛ a gɔllɛ ŋɩɩ a mʋ yi Iliirikam.

Rom Tɩŋŋaa 6:17

Ama laa lɔllɛ Wɩa arɩ ma nɩalɩŋ fa sɩ ŋaa wʋbɔŋŋɔɔ yosuŋ, ma lɛɛlɛ joŋ ma tʋɔŋ kala aa to Wɩa wɩalɩŋ ba sɩ dagɛma dɩ maa to nɛ.

Rom Tɩŋŋaa 8:37

Arɩ ŋɩɩ kala, dɩ wɩaa deemba kʋŋkala nɛ kʋ jʋʋla, la yie wuo yuo dii nɛ a tɩŋ nɩɩ-la sɩ chola wɩaa.

1 Kɔrɩntɩ Nɩaa 12:8

Wɩa Dɩŋ-zɔmʋŋ yie joŋ wʋjɩmɩŋ a pɩ nʋʋ ʋ wuo bʋl Wɩa wɩaa pɩpɩ nɩaa. Ʋ yie joŋ wɩɩ pɩ nʋʋ dɔŋ ʋ wuo jɩŋ Wɩa wɩaa bʋbʋɔŋ a wuo dɩdagɛba woruŋ.

1 Kɔrɩntɩ Nɩaa 15:37

Dɩ ŋ nɛ joŋ kuorimiiŋ koo mɩɩ-biiŋ a duu, nyʋʋlɩɩ-la bɩ bii-la ŋ sɩ joŋo duu wuo nagɛ.

1 Kɔrɩntɩ Nɩaa 15:57

Ama má leŋ la lɔllɛ la Nyɩmma Wɩa, ʋ sɩ to La Tɩɩna Yesu Kirisito lɛ a pɩla doluŋ la wuo yuo dii sʋʋŋ.

2 Kɔrɩntɩ Nɩaa 1:11

Má ma pɛ sʋl Wɩa pɩla. Nɩaa yʋga nɛ a sʋl Wɩa a pɩpɩla dɩ ʋ pɛ la lɛ. Dɩ Wɩa nɛ laa ba Wɩɩsʋlʋŋ, ba kala jaŋ wuo dɛnnʋ.

2 Kɔrɩntɩ Nɩaa 8:16

Mɩɩ lɔllɛ Wɩa nɛ kɩŋkɛŋ, ʋ sɩ leŋe Taatɩs choma arɩ mɩ ma sɩ choma ŋɩɩ.

2 Kɔrɩntɩ Nɩaa 9:15

Laa lɔllɛ Wɩa a tɩŋ wʋbalbal-la ʋ sɩ joŋo pɩla pɛɩ.

Ɛfɛsɩs Nɩaa 5:2

Má cho dɔŋɔ arɩ Kirisito sɩ chola ŋɩɩ a sʋʋ la wɩaa. Ʋ joŋ ʋ tɩtɩa a pɩ Wɩa nɛ, ba kpʋʋ arɩ ba sɩ yie kpʋ pʋsʋŋ a nyɩga pɩ Wɩa ŋɩɩ, ʋ sʋɔra sɩŋ.

Ɛfɛsɩs Nɩaa 5:20

Bʋa na-kala lɛ arɩ wɩɩ-na kala lɛ, má lɔllɛ la Nyɩmma Wɩa, La Tɩɩna Yesu Kirisito yɩrɩŋ lɛ.

Fɩlɩpa Nɩaa 4:18

Ma sɩ tɩŋ Epafurodaatus ʋ kɛŋ kɩalɩŋ kʋ pɩmɛ, lɛɛlɛ mɩ kɛŋ kʋŋkala mɩ sɩɩ chɛ nɛ. Kɩalɩŋ paala yʋgɛ nɛ. Kɩalɩŋ ma sɩ joŋo pɩmɛ, ba nagɛ kɩaa ba sɩ yie kpʋ pɩ Wɩa, ʋ laaba, ʋ tʋɔŋ tɔrɛ ba nyuŋ nɛ.

Koloosi Nɩaa 1:23

Kirisito jaŋ ŋaa wɩalɩŋ pɩma, dɩ ma nɛ chɩŋ wɩalɩŋ ma sɩ laa dii lɛ kpaŋ kpaŋ, aa yɩɛlɛ wɩalɩŋ ba sɩ bʋla Wɩa wʋzɔmɔ-la tʋɔŋ. Ma nɩɩ Wɩa wʋzɔŋŋɔɔ deemba ba sɩ bʋla pɩ nɩaa dʋnɩa lee-kala nɛ. Mɩ-na Pɔɔl ma kʋ ŋaa Wɩa tɩntɩnnaa dɔŋɔ aa bʋl Wɩa wʋzɔŋŋɔɔ deemba.

Koloosi Nɩaa 1:6

Wɩa wʋzɔŋŋɔɔ deemba tɩŋ tɩntɩŋ-zɔŋŋɔɔ nɛ leree yʋgɛ dʋnɩa lɛ. Nɩaa yʋga a laaba dii, ba pʋŋ lere-la arɩ ba sɩ pʋŋ ŋɩɩ ma lɛ. Ba pʋŋ ŋɩɩ ma lɛ a suomi bʋa-la lɛ ma sɩ jegile nɩɩ wʋzɔmɔ-la a sɛnɛ jɩŋ ŋɩɩ Wɩa sɩ pɛ ma lɛ ʋ lahɔrɩmɔ lɛ.

Koloosi Nɩaa 2:15

Ʋ laa kɩalɩŋ kala la sɩ bɩ na ka ba kɛŋ doluŋ a bibeŋ leriŋ doluŋ nɛ. Ʋ sɩ sʋʋ daagɛsɛ nyuŋ ŋɩɩ, ʋ yuo diiba nɛ a hɩɩsɛba nʋʋkala na.

1 Tɛsalonaaka Nɩaa 1:8

La Tɩɩna Wɩa wɩalɩŋ ma sɩ nɩa to ma lɛ nɛ a teeli Masidoonia arɩ Akaaya tinteeŋ kala. Ʋ ŋɩɩ dʋndʋŋa ma saa dee, lee-kala baa bʋl wɩaa a mʋ tɩgɛ Wɩa wɩalɩŋ ma sɩ laa dii lɛ nɛ. Ŋɩɩ wɩaa ʋ bɩra bɩ maga dɩ la bʋl ma wɩaa pɩ nʋʋkala.

1 Tɛsalonaaka Nɩaa 3:9

La bɩ jaŋ wuo lɔllɛ Wɩa a mʋ dɛrɛ a tɩŋ ma wɩaa. La yie jʋjʋɔsɛ Wɩa sɩpaaŋ nɛ a tɩŋ ma wɩaa.

1 Timoti 2:8

Dɩ ma nɛ kʋ hilimi lee na-kala dɩ ma chʋɔlɛ Wɩa, mɩɩ chɛ dɩ baala-la sɩ joŋ ba tɩtɩa a pɩ Wɩa nɛ kɛŋ ba nɩsaa jee a chʋɔlɛ Wɩa. Dɩ ba nɩɩ chʋɔlɛ Wɩa, ʋ bɩ maga dɩ ba nɩna baanɩŋ koo a bɩbɩɩnɛ yuosuŋ wɩaa.

2 Timoti 2:2

Wɩalɩŋ ŋ sɩ nɩa dɩ mɩ bʋla pɩ nɩ-daŋ, ŋ ma bʋl ba tɩtɩa a pɩ nɩaa sɩ kɛŋ wʋtɩtɩɩ, di ba ma joŋo dagɛ ba dɔnsʋŋ tɩŋŋaa.

Jɔɔŋ Wʋnaalaa 7:12

a bʋl, “Amɩɩ. La jaŋ dɛnnɛ La Tɩɩna Wɩa a yɩrɛ ʋ yɩrɩŋ, aa lɔllʋ, bɛɛ wɩaa ʋ nɛ wʋjɩmɩŋ arɩ doluŋ a kaa mʋ wuu. Amɩɩ.”