2 Kɔrɩntɩ Nɩaa 13:9 - WƖA TENIŊ

⁹ Dɩ la nɛ bɩ doluŋ kɛnɛ ma, la yie jʋjʋɔsɛ nɛ a tɩŋ dol-la ma sɩ kɛnɛ wɩaa. Wɩɩ-la la sɩ sʋl Wɩa chɩchɛ nɛ, dɩ ŋɩɩ ma laa Kirisito wɩaa dii wasa dol.

2 Kɔrɩntɩ Nɩaa 13:9 ပူးပေါင်းရင်းမြစ်များ

Rom Tɩŋŋaa 15:2

Má leŋ dɩ la kʋŋkala ŋaa dɩ ʋ dɔŋɔ tɩɩna tʋɔŋ tɔrɛ, dɩ la pɛ ʋ lɛ ŋɩɩ dɩ ʋ kɛŋ doluŋ a chɩŋ ʋ wɩalɩŋ ʋ sɩ laa dii lɛ.

1 Kɔrɩntɩ Nɩaa 1:10

Mɩ naambiiriŋ, mɩɩ sʋl ma kala La Tɩɩna Yesu Kirisito yɩrɩŋ lɛ, dɩ ma kala kɛŋ nii-bala a sɩ́ dɔŋɔ lɛ pɔrʋ. Mɩɩ sʋlma dɩ ma kɛŋ tʋɔ-bala a chɩŋ wʋbala lɛ.

1 Kɔrɩntɩ Nɩaa 2:3

Ŋɩɩ wɩaa, mɩ sɩ hɛ ma teeŋ, mɩ fa nagɛ nɩpʋgʋ nɛ. Fawʋllʋŋ fa kɛmmɛ, mɩ chichel.

1 Kɔrɩntɩ Nɩaa 4:10

A tɩŋ Kirisito wɩaa, la ŋaa nɩyaara nɛ, ka ma-na kɛŋ wʋjɩmɩŋ Kirisito teeŋ. La-na ŋaa puwuolo nɛ, aŋ ka ma-na ŋaa nɩduori. Nɩaa mʋmɔŋ la lɛ aŋ zizilma.

2 Kɔrɩntɩ Nɩaa 11:30

Dɩ mɩ nɩɩ chɛ dɩ mɩ bigisi mɩ tɩtɩa lɛ ma, mɩ jaŋ bigisi mɩ tɩtɩa lɛ a tɩŋ kɩalɩŋ sɩ daga arɩ mɩ bɩ doluŋ kɛnɛ.

2 Kɔrɩntɩ Nɩaa 13:11

Mɩ naambiiriŋ, mɩ teniŋ dɩdɛrɩŋ nɛ ŋ-la. Maa ŋaa wɩalɩŋ sɩ jaŋ leŋ dɩ ma chaasa ŋaa nɩzɔmɔ. Má jegile nɩɩ wɩalɩŋ mɩ sɩɩ chɛ mɩ bʋla pɩma, má kɛŋ nii-bala a ŋaa sɩma. Dɩ ma nɛ ŋaa ŋɩɩ, Wɩa sɩ cho nɩaa jaŋ hɛ ma teeŋ a leŋ dɩ ma hɔŋ arɩ yarɩfɩɛlaa.

2 Kɔrɩntɩ Nɩaa 13:4

Ba kpaasʋ mɛrɛ daagɛsɛ nyuŋ a nagɛ arɩ ʋ fa bɩ doluŋ kɛnɛ. Ama Wɩa doluŋ lɛ ʋ sie nɛ a kɛŋ mɩɩsɩŋ. La hɛ Kirisito lɛ nɛ a bɩ doluŋ kɛnɛ la tɩtɩa lɛ. Kirisito sɩ weye ŋɩɩ a kɛŋ mɩɩsɩŋ Wɩa doluŋ lɛ, ŋɩɩ tɩtɩa nɛ la ma jaŋ kɛŋ mɩɩsɩŋ Wɩa doluŋ lɛ a tɩma pɩma.

2 Kɔrɩntɩ Nɩaa 4:12

Ŋɩɩ wɩaa Wɩa leŋe la sʋʋ nɛ dɩ ma-na kɛŋ mɩɩsɩŋ.

2 Kɔrɩntɩ Nɩaa 7:1

Mɩ naambii-kpɩanaba, Wɩa sɩ folo bʋl dɩ ʋ jaŋ ŋaa wɩaa deemba kala pɩla, má leŋ dɩ la lɩɩsɛ la tɩtɩa disiŋ-na kala lɛ. Dɩ la nɛ bɩ disiŋ kala ŋaa, ŋɩɩ jaŋ dagɛ arɩ wʋtɩtɩɩ, la sɛnɛ ka fá Wɩa nɛ.

Koloosi Nɩaa 1:28

Ʋ wɩaa nɛ la bʋla pɩpɩ nɩaa. Laa kpʋrɩsɛ nʋʋkala dɩgɩlaa, aa dagɛ nʋʋ na-kala arɩ wʋjɩmɩɩ-na kala, dɩ la wuo ŋaa ba waa dɛrɛ Kirisito wɩaa lɛ.

Koloosi Nɩaa 4:12

Ɛpafɩras ma sɩ lɩɩ ma jaŋ ka chʋɔlɛma. Ʋ ma ŋaa Yesu Kirisito tɩntɩnna-la dɔŋɔ nɛ aa tɩŋ ʋ tɩntɩŋŋaa. Ʋ yie chʋɔlɛ Wɩa pɩpɩma arɩ sɩɩfɩɛsɩŋ, dɩ ma waa dɛrɛ Wɩa wɩaa lɛ a jɩŋ woruŋ wɩalɩŋ kala Wɩa sɩɩ chɛ dɩ ma ŋaa.

1 Tɛsalonaaka Nɩaa 3:10

Laa sʋl Wɩa nɛ woruŋ tɩtaŋɩŋ arɩ wɩɩhɛyɛ kala dɩ la wuo kʋ nama, a wuo pɛ ma lɛ dɩ ma na kɩalɩŋ sɩ ka a tɩgɛ wɩalɩŋ ma sɩ laa dii lɛ.

2 Timoti 3:17

Ŋ-la nɛ jaŋ pɛ Wɩa tɩntɩnna lɛ, dɩ ʋ wɩaa kala chesi dɩ ʋ wuo tɩŋ tɩntɩŋ zɔŋ na-kala.

Hiburu TƖŊŊAA 12:23

lee-la nɛ nɩalɩŋ Wɩa sɩ laa sɩpaaŋ laa ta hɛ, nɩalɩŋ yɩraa ʋ sɩ ŋmʋnsa bil ʋ jaŋ lɛ. Ma kɔ Wɩa teeŋ nɛ, nɩɩ-la sɩ jaŋ dii nʋʋkala sarɩya. Ma kɔ Wɩa nɩalɩŋ sɩ sʋba teeŋ nɛ, nɩalɩŋ ʋ sɩ leŋe ba ŋaa tʋɔpʋl tɩŋŋaa ʋ sɩpaaŋ.

Hiburu TƖŊŊAA 13:21

Mɩɩ sʋlʋ dɩ ʋ to Yesu Kirisito lɛ a pɩma kʋzɔŋ-na kala dɩ ma wuo kaa ŋɩŋaa wɩalɩŋ kala sɩɩ tɔrɛ ʋ tʋɔŋ. Má leŋ dɩ Kirisito yɩrɩŋ yɩrɛ a kaa mʋ wuu. Amɩɩ.

Hiburu TƖŊŊAA 6:1

Ŋɩɩ wɩaa la sɩ wuo jɩŋ bumbuŋ wɩalɩŋ ba sɩ bʋla pɩla a tɩgɛ Kirisito lɛ ŋɩɩ, ʋ maga dɩ la mʋ sɩpaaŋ nɛ a wuo waa dɛrɛ Kirisito wɩaa lɛ. Má sɩ́ leŋe dɩ la bɩra suomo bʋbʋl wɩalɩŋ la sɩ jaŋ ŋaa a bɩrɩma lɩɩ la wʋbɔmɔ-la lɛ la fa sɩɩ ŋaa. La bɩra bɩ chɛ dɩ la suomo bʋl ŋɩɩ la sɩ jaŋ to a laa Wɩa wɩaa dii.

1 Pɩɩta 5:10

Hɛɛŋ deeŋ ma sɩɩ na bɩ jaŋ dieni. Ʋ ŋɩɩ harɩŋ lɛ, Wɩa sɩ kɛŋ zile kɩŋkɛŋ kɩŋkɛŋ a yɩrɛma dɩ ma ma na tʋla-la Kirisito sɩ kɛnɛ a kaa mʋ wuu. Ʋ nɛ jaŋ kɛmma wasa kɩɩ, a leŋ dɩ ma chaasa chɩŋ arɩ doluŋ.