2 Kɔrɩntɩ Nɩaa 13:5 - WƖA TENIŊ

⁵ Má beŋ ma tɩtɩa lɛ a pɛ mɩmagɩsɛ ma tɩtɩa, a na dɩ ma chɩŋ ma wɩalɩŋ ma sɩ laa dii naaŋ lɛ nɛ koo ma bɩ chɩna. Ma bɩ jɩŋ arɩ Yesu Kirisito hɛ ma lɛ nɛɛ? Dɩ ma nɛ bɩ jɩŋ dɩ ʋ hɛ ma lɛ, ŋɩɩ-na ma tele nɛ ŋɩɩ.

2 Kɔrɩntɩ Nɩaa 13:5 ပူးပေါင်းရင်းမြစ်များ

WƖA YƖƖLAA 119:59

Mɩ beŋ ŋɩɩ mɩ mɛlɛ sɩ naga nɛ, aŋ bɩrɩmɛ aa to wɩalɩŋ ŋ sɩ daga.

WƖA YƖƖLAA 17:3

Ŋ jɩŋ mɩ tʋɔŋ nɛ. Ŋ kɔ mɩ teeŋ nɛ tɩtaŋɩŋ a bemmi woruŋ a na dɩ mɩ bɩ wɩɩkala jɩŋ. Mɩ kɛŋ mɩ tʋɔŋ lɛ nɛ arɩ mɩ bɩ jaŋ bʋbʋl wʋbɔŋŋɔɔ.

WƖA YƖƖLAA 26:2

La Tɩɩna, magɩsɛmɛ a na, a jɩŋ mɩ tʋɔbɩɩnaa, a jɩŋ ŋɩɩ mɩ sɩ naga.

JƐRƖMAAYA 6:30

Ba kɛmba yɩyɩrɛ hɔpʋla ba sɩ vɩa ta nɛ, bɛɛ wɩaa mɩ-na ma Tɩɩna vɩaba ta nɛ.”

JEMBIEE 3:40

Má leŋ dɩ la beŋ la wʋŋaalaa aŋ kɛmba bɩɩna na, aŋ mɩɩra mʋ La TƖƖNA teeŋ.

ƐZƖKƖƐL 18:28

Dɩ ʋ nɛ bee na arɩ wɩalɩŋ ʋ sɩɩ ŋaa ba bʋa lɛ dee, a leŋ wʋbɔmɔ-la ŋaanɩŋ, ʋ bɩ jaŋ sʋʋ, ʋ jaŋ kɛŋ mɩɩsɩŋ.

HAGAƖ 1:5

Wɩɩ-la La TƖƖNA doluŋ kala Tɩɩna bɩra sɩ bʋla nɛ ŋ-la, “Má fɩɛlɛ ma sɩaa a kɛŋ ma wʋŋaalaa bɩɩna na.

HAGAƖ 1:7

Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Má fɩɛlɛ ma sɩaa a kɛŋ ma wʋŋaalaa bɩɩna na.

Jɔɔŋ 14:23

Ŋɩɩ nɛ Yesu bʋla pʋ, “Nɩɩ-la kala sɩ chomi, ʋ jaŋ tuto mɩ niiŋ wɩaa. Ʋ sɩ ŋaa ŋɩɩ, mɩ Nyɩmma ma jaŋ chou. Mɩ dɩ mɩ Nyɩmma kala jaŋ kʋ hɛ ʋ lɛ.

Jɔɔŋ 15:4

Má mɛrɛ mɩ lɛ dɩ mɩ ma mɛrɛ ma lɛ. Tɩa naakelee dʋndʋŋa bɩ jaŋ wuo nɛŋ, see dɩ ba mɛrɛ tɩa gentine lɛ. Ma ma bɩ jaŋ wuo ŋaa wɩɩkala, see dɩ ma mɛrɛ mɩ lɛ.”

Jɔɔŋ 17:23

Mɩ hɛ ba lɛ nɛ, ŋ ma hɛ mɩ lɛ. Leŋ dɩ ba ma ŋaa kʋbala, ŋɩɩ nɛ dʋnɩa nɩaa jaŋ jɩŋ arɩ ŋ nɛ tɩmmɛ, a choba arɩ ŋ sɩ chomi ŋɩɩ.

Jɔɔŋ 17:26

Mɩ saa ŋaa ba jɩmɩŋ nɛ, mɩ ha jaŋ leŋ dɩ ba jɩmɩŋ, dɩ ŋɩɩ ŋ sɩ chomi, dɩ ba ma cho dɔŋɔ, dɩ mɩ hɛ ba lɛ.”

Jɔɔŋ 6:56

Nɩɩ-la kala sɩ chaŋ mɩ yaraa nammɩa-la a nyʋa mɩ chal-la, ʋ jaŋ hɛ mɩ lɛ, dɩ mɩ ma hɛ ʋ lɛ.

Jɔɔŋ 6:6

Yesu tɩtɩa fa jɩŋ wɩɩ-la ʋ sɩ jaŋ ŋaa nɛ, ama ʋ ta bʋl ŋɩɩ dɩ ʋ magɩsɛ Fɩlɩp nɛ.

Rom Tɩŋŋaa 1:28

Nɩaa deemba bɩ chɛ dɩ ba jɩŋ Wɩa. Ŋɩɩ nɛ tɩɩ Wɩa lemba ta ba tuto ba tʋɔbɩɩŋ bɔmɔ-la harɩŋ a ŋɩŋaa wɩalɩŋ sɩ bɩ maga dɩ baa ŋaa.

Rom Tɩŋŋaa 8:10

Dɩ Kirisito nɛ hɛ ma lɛ, ma yaraa nammɩa ha jaŋ sʋʋ a tɩŋ ma wʋbɔŋŋɔɔ wɩaa. Ama Wɩa Dɩŋ-zɔŋ-la sɩ hɛ ma lɛ, ʋ nɛ pɩma mɩɩsɩŋ, bɛɛ wɩaa ma kɛŋ tʋɔpʋla nɛ Wɩa sɩpaaŋ.

1 Kɔrɩntɩ Nɩaa 11:28

Nʋʋkala maga dɩ ʋ laa sɩpaaŋ a beŋ ʋ tɩtɩa lɛ woruŋ aŋ-na dii boroboro-la, a nyʋa nyʋnyʋala-la tʋɔŋ ma.

1 Kɔrɩntɩ Nɩaa 11:31

Dɩ la nɛ laa sɩpaaŋ beŋ la tɩtɩa lɛ, la bɩ jaŋ kɛŋ la tɩtɩa baŋŋaa kaa hɛ ŋmɛnɩŋ lɛ Wɩa teeŋ.

1 Kɔrɩntɩ Nɩaa 3:16

Ma bɩ jɩŋ arɩ ma ŋaa Wɩa dɩa nɛ Wɩa Dɩŋ-zɔŋ-la jʋjʋʋ?

1 Kɔrɩntɩ Nɩaa 6:15

Ma bɩ jɩŋ arɩ ma yaraa ŋaa Kirisito yaraa sɛmɛ dɔŋɔ nɛɛ? Ma bɩɩna mɩ jaŋ wuo joŋ Kirisito yaraa sɛmɛ dɔŋɔ a mɛrɛ hachɔrʋmʋŋ yaraa lɛ? Aɩ, mɩ bɩ jaŋ ŋaa ŋɩɩ.

1 Kɔrɩntɩ Nɩaa 6:19

Ma bɩ jɩŋ arɩ ma yaraa ŋaa Wɩa Dɩŋ-zɔŋ-la ʋ sɩ joŋo pɩma dɩa nɛɛ? Ma dee bɩ ma tɩtɩa tɩɩ. Wɩa nɛ tɩɩma.

1 Kɔrɩntɩ Nɩaa 6:2

Ma bɩ jɩŋ arɩ Wɩa nɩaa nɛ jaŋ dii dʋnɩa nɩaa sarɩya? Dɩ ma nɛ jaŋ dii dʋnɩa nɩaa sarɩya, ma bɩ wʋbiisiŋ deemba wuo bʋla wʋwasɛɛ?

1 Kɔrɩntɩ Nɩaa 9:24

Ma kala jɩma arɩ nɩaa nɩɩ fá, fɩfaara-la kala yie fá nɛ. Ama ba tʋɔŋ nɩbala nɛ yie dii. Ŋɩɩ wɩaa, má faasa fá a wuo dii a laa kɩaa.

1 Kɔrɩntɩ Nɩaa 9:27

Mɩ kɛŋ mɩ tɩtɩa kala a ŋaa mɩ yaraa diri nɛ arɩ ŋmobuŋ lɛ. Mɩ ŋaa ŋɩɩ dɩ mɩ wuo kɛŋ mɩ tɩtɩa hɛ dɔŋɔ lɛ nɛ. Dɩ ŋɩɩ dee, dɩ mɩ nɛ bʋl Wɩa wʋzɔmɔ-la a dɛrɛ, ba jaŋ bʋla pɩmɛ arɩ mɩ bɩ toru kɛnɛ Wɩa kuorii-la tʋɔŋ.

2 Kɔrɩntɩ Nɩaa 6:16

La ŋaa Wɩa-la sɩ weye dɩa nɛ, ʋ hɛ la lɛ. Ŋ bɩ jaŋ wuo jʋʋ Wɩa dɩa a kpaarɛ vʋɩyaa nɩmɛ. Ŋ-la nɛ Wɩa tɩtɩa bʋl ʋ teniŋ tʋɔŋ. Ʋ sɩ, “Mɩ jaŋ hɛ mɩ nɩaa tʋɔŋ a gʋgɔllɛ. Mɩ nɛ jaŋ ŋaa ba Wɩa, dɩ ba ma ŋaa mɩ nɩaa.

Galiisia Nɩaa 2:20

Mɩ dɩ Kirisito kala nɛ ba kpaasa mɛrɛ daagɛsɛ nyuŋ. Mɩɩsɩ-la mɩ sɩ kɛnɛ, ʋ bɩ mɩ teeŋ lɩa, ʋ lɩɩ Kirisito teeŋ nɛ. Mɩ sɩ laa Wɩa Bie wɩaa dii nɛ tɩɩ mɩ wuo kɛŋ mɩɩsɩŋ deeŋ mɩ sɩ kɛnɛ dʋnɩa deeŋ lɛ. Wɩa Bie Yesu nɛ chomi, a joŋ ʋ mɩɩsɩŋ a yɔɔ sʋʋŋ mɩ wɩaa.

Galiisia Nɩaa 4:19

Mɩ bii chooloo, ma wɩaa ka wɩɩmɛ nɛ woruŋ, a nagɛ haala sɩɩ chɛ dɩ ʋ lʋl ʋ luoruŋ wʋwɩɩ ŋɩɩ. Ma wɩaa jaŋ wɩwɩɩmɛ ŋɩɩ halɩɩ, see dɩ ma bɩrɩma a nagɛ Kirisito sɩ nagɛ ŋɩɩ.

Galiisia Nɩaa 6:4

Nʋʋkala maga ʋ beŋ ʋ tɩtɩa wʋŋaalaa lɛ a na dɩ ba tʋʋla nɛ koo ba bɩ tʋʋla. Dɩ ba nɛ tʋʋla, ʋ jaŋ wuo bigisi ʋ tɩtɩa lɛ a tɩŋ ʋ wʋŋaalɩa-la wɩaa, aŋ sɩ́ ʋ tɩtɩa kaa magɩsɛ ʋ dɔnsʋŋ tɩŋŋaa,

Ɛfɛsɩs Nɩaa 3:17

Mɩ bɩra sʋlʋ dɩ ma wuo laa Kirisito wɩaa dii woruŋ, dɩ ʋ hɛ ma tʋɔŋ lɛ a leŋ dɩ ma chɩŋ kpaŋ kpaŋ a cho nɩaa.

Koloosi Nɩaa 1:23

Kirisito jaŋ ŋaa wɩalɩŋ pɩma, dɩ ma nɛ chɩŋ wɩalɩŋ ma sɩ laa dii lɛ kpaŋ kpaŋ, aa yɩɛlɛ wɩalɩŋ ba sɩ bʋla Wɩa wʋzɔmɔ-la tʋɔŋ. Ma nɩɩ Wɩa wʋzɔŋŋɔɔ deemba ba sɩ bʋla pɩ nɩaa dʋnɩa lee-kala nɛ. Mɩ-na Pɔɔl ma kʋ ŋaa Wɩa tɩntɩnnaa dɔŋɔ aa bʋl Wɩa wʋzɔŋŋɔɔ deemba.

Koloosi Nɩaa 1:27

Ba nɛ Wɩa lɩɩsɛ dɩ ba jɩŋ wɩalɩŋ sɩ zɔmɔ ŋɩɩ kɩŋkɛŋ, ka ʋ fa joŋo faa. Lɛɛlɛ ʋ dagɛ ba sɩ magɛ ŋɩɩ nɛ a pɩ nɩalɩŋ sɩ bɩ Juu tɩŋŋaa ŋaa. Wɩalɩŋ nɛ daga arɩ Kirisito hɛ ma tʋɔŋ lɛ nɛ. Ŋɩɩ wɩaa, má yɩyɩɛlɛ dɩ ma kpaa ʋ yɩrɩ-bal-la nɛ.

Koloosi Nɩaa 2:19

Ba bɩ Kirisito lɛ mɛrɛ, Nɩɩ-la sɩ ŋaa la nyuŋ. Ʋ nɛ ŋaa Wɩa nɩaa waa ʋ lɛ arɩ Wɩa sɩɩ chɛ ŋɩɩ. Ba waa ʋ lɛ arɩ nuhuobiine yaraa haŋgbel-susugusuŋ arɩ poloo sɩ mɛrɛ dɔŋɔ lɛ a waa ŋɩɩ, aŋ ka nyuŋ nɛ ŋaa ba doluŋ tɩɩna.

Koloosi Nɩaa 2:7

Má leŋ dɩ ma naapoloo sʋʋsa jʋʋ-ʋ woruŋ, dɩ ma wuo gʋnnɛ ʋ wɩaa a waa ba lɛ a chɩŋ wɩalɩŋ ma sɩ laa dii lɛ, arɩ ba sɩ dagɛ ma ŋɩɩ. Má faasa lʋlɔllɛ Wɩa woruŋ.

1 Timoti 2:15

Ama dɩ haala nɛ laa Wɩa dii, a cho nɩaa, a leŋ dɩ ʋ sɩaa fɩɛlɛ a bɩ disiniŋ kɛnɛ, Wɩa jaŋ laaʋ ta biiriŋ lʋlʋŋ lɛ.

2 Timoti 3:8

Baalaa balɩa nɛ fa hɛ nɩmɛ. Ba yɩraa nɛ Janɩs arɩ Jambɩrɛs. Ba fa bɩ Mosis harɩŋ chɩna, ŋɩɩ tɩtɩa nɛ baalaa deemba ma bɩ wʋtɩtɩɩ-la harɩŋ chɩna. Nɩaa deemba nyuŋ bɩ tɩŋ. Ba bɩ Yesu wɩaa laa dii.

Taatɩs 1:13

Wɩɩ-la ʋ sɩ bʋla ŋaa wʋtɩtɩɩ nɛ. Ŋɩɩ wɩaa, bʋl ba teeŋ woruŋ dɩ ba chɩŋ wʋtɩtɩɩ-la ba sɩ laa dii lɛ kpaŋ kpaŋ.

Taatɩs 1:16

Baa bʋl arɩ ba jɩŋ Wɩa nɛ, ama ba wʋŋaalaa daga arɩ ba bɩ Wɩa jɩŋ. Ba wʋŋaalaa lɔrɔ, ba bɩ Wɩa niiŋ ka to, ba bɩ wʋzɔŋ kala wuo ŋaa.

Taatɩs 2:2

Bʋla pɩ banɩhɩasɩ-la sɩ hɛ ma tʋɔŋ dɩ ba leŋ dɩ ba sɩaa fɩɛlɛ, a kɛŋ mɛl-zɔmʋŋ, a kɛŋ ba tɩtɩa woruŋ, a jɩŋ wɩalɩŋ ba sɩ laa dii woruŋ, a cho nɩaa, a kɛŋ kenyiri.

Hiburu TƖŊŊAA 12:15

Wɩa sɩ fá la kala nenige ŋɩɩ, má pɔ dɩ nʋʋkala sɩ́ harɩŋ joŋo yɩaʋ. Má pɔ ma tɩtɩa lɛ dɩ nɩbɔŋ kala sɩ́ ma tʋɔŋ hɛ a ŋaa wɩaa chei nɩ-daŋ.

Hiburu TƖŊŊAA 4:1

Wɩa fa sɩ bʋla arɩ la jaŋ wuo kɔ ʋ teeŋ a na wiese, ŋɩɩ ha chɩna nɛ. Ŋɩɩ wɩaa má kɛŋ ma tɩtɩa woruŋ dɩ wiese deeŋ sɩ́ ma kʋŋkala lɛ bal.

Hiburu TƖŊŊAA 6:8

Ama dɩ yaŋ arɩ sɔsʋŋ dʋndʋŋa nɩɩ nyʋ lee-la, ŋɩɩ-na tintee-la bɩ bʋbʋɔ kɛnɛ. Wɩa jaŋ wuo ŋmɩɛsa hɛ tintee-la lɛ. Ba jaŋ chaanɛ nyiniŋ hɛ dɩ ʋ dii buru.

Jeems 4:4

Ma nagɛ haala bɩra sɩ bɩ ʋ bala niiŋ ka to nɛ. Ma bɩ jɩŋ arɩ nɩɩ-la kala sɩ joŋ ʋ nyuŋ kala hɛ dʋnɩa kɩaa lɛ ŋaa Wɩa dʋndɔŋ nɛɛ? Wʋtɩtɩɩ, nɩɩ-la kala sɩ joŋ ʋ nyuŋ hɛ dʋnɩa kɩaa lɛ bɩrɩmɛ Wɩa dʋndɔŋ nɛ.

1 Pɩɩta 5:9

Má vɩa Sɩtaanɩ aŋ kɛŋ wɩalɩŋ ma sɩ laa dii kpaŋ kpaŋ. Ma jɩma arɩ nɩalɩŋ ma sɩ laa Wɩa wɩaa dii a ŋaa ma naambiiriŋ a hɛ dʋnɩa sɛmɛ-na kala, ba maa na hɛɛŋ nɛ.

Jɔɔŋ Wʋnaalaa 2:5

Má bɩɩna yi wɩalɩŋ lɛ a sɩ́ tele. Má bɩrɩma lɩɩ a ŋɩŋaa wɩalɩŋ ma fa sɩɩ ŋaa bumbuŋ-la. Dɩ ŋɩɩ dee, mɩ jaŋ kʋ joŋ ma chaaŋ daaŋ.