2 Kɔrɩntɩ Nɩaa 13:4 - WƖA TENIŊ

⁴ Ba kpaasʋ mɛrɛ daagɛsɛ nyuŋ a nagɛ arɩ ʋ fa bɩ doluŋ kɛnɛ. Ama Wɩa doluŋ lɛ ʋ sie nɛ a kɛŋ mɩɩsɩŋ. La hɛ Kirisito lɛ nɛ a bɩ doluŋ kɛnɛ la tɩtɩa lɛ. Kirisito sɩ weye ŋɩɩ a kɛŋ mɩɩsɩŋ Wɩa doluŋ lɛ, ŋɩɩ tɩtɩa nɛ la ma jaŋ kɛŋ mɩɩsɩŋ Wɩa doluŋ lɛ a tɩma pɩma.

2 Kɔrɩntɩ Nɩaa 13:4 ပူးပေါင်းရင်းမြစ်များ

Jɔɔŋ 10:18

Nʋʋkala dee bɩ leŋe mɩ joŋ mɩ mɩɩsɩŋ yɔɔ sʋʋŋ, mɩ tɩtɩa tʋɔtɔrʋŋ lɛ nɛ. Mɩ kɛŋ doluŋ dɩ mɩ joŋ mɩ mɩɩsɩŋ a yɔɔ sʋʋŋ, a bɩra kɛŋ doluŋ dɩ mɩ laa mɩ mɩɩsɩŋ ma. Wɩɩ-la mɩ Nyɩmma sɩ sɩ mɩ ŋaa nɛ ŋɩɩ.”

Tɩntɩŋŋaa 2:36

Ma Iziral tɩŋŋaa, ma jɩŋ ʋ sɛnɛ ŋaa wʋtɩtɩɩ arɩ Yesu deeŋ ma sɩ kaa kpaasɛ daagɛsɛ nyuŋ, ʋ nɛ Wɩa leŋ ʋ ŋaa La Tɩɩna. Ʋ nɛ bɩra Kirisito ma.”

Tɩntɩŋŋaa 3:16

Yesu yɩrɩŋ lɛ nɛ baala deeŋ ma sɩ na a jɩmʋ duori. La sɩ laa Yesu wɩaa dii nɛ wuo ŋaa baala deeŋ na yarɩfɩɛlaa woruŋ ma kala sɩɩŋ lɛ ŋɩɩ.

Rom Tɩŋŋaa 1:4

Ama Wɩa chɩsʋ sʋʋŋ lɛ nɛ, ŋɩɩ dagɛ arɩ ʋ ŋaa Wɩa Bii nɛ, a kɛŋ doluŋ a kɛŋ Wɩa Dɩŋ-zɔmʋŋ sɩ kɛŋ tʋɔpʋla ma.

Rom Tɩŋŋaa 14:9

bɛɛ wɩaa Kirisito sʋba aŋ bɩra sii sʋʋŋ lɛ dɩ ʋ tɩɩ nɩweyee arɩ nɩsʋʋnʋŋ kala nɛ, a ŋaa ba kala Kʋhɩaŋ.

Rom Tɩŋŋaa 6:4

Ba sɩ fola Wɩɩchʋɔlɛ lɩɩŋ ŋɩɩ, ʋ naga la dɩ ʋ kala sʋba nɛ ba joŋo hugi, dɩ ŋɩɩ wuo leŋ dɩ la kɛŋ mɩɩ-falɩɩ a nagɛ Wɩa doluŋ lɛ ʋ sɩ chɩsɛ Kirisito sʋʋŋ lɛ ŋɩɩ ʋ kɛŋ mɩɩsɩŋ.

1 Kɔrɩntɩ Nɩaa 1:25

Ʋ maga dɩ ma jɩŋ arɩ wɩɩ-la sɩ lɩɩ Wɩa teeŋ, ka nɩaa bʋl arɩ ʋ ŋaa nɩyaarɩ wɩɩ nɛ, ʋ nɛ paala kpɩa nuhuobiine wʋjɩmɩŋ. Wɩɩ-la ma sɩ lɩɩ Wɩa teeŋ, ka nuhuobiine sɩ ʋ ŋaa wʋpʋgʋ nɛ, ʋ kɛŋ doluŋ a kɩɩ nuhuobiine.

1 Kɔrɩntɩ Nɩaa 15:43

Yara-la ba sɩ jaŋ joŋo hugi lɔrɔ nɛ. Dɩ ʋ nɛ sii sʋʋŋ lɛ, ʋ jaŋ kɛŋ tʋla. Yara-la ba sɩ joŋo hugi pʋgʋma nɛ, dɩ ʋ nɛ sii sʋʋŋ lɛ, ʋ jaŋ kɛŋ doluŋ.

1 Kɔrɩntɩ Nɩaa 2:3

Ŋɩɩ wɩaa, mɩ sɩ hɛ ma teeŋ, mɩ fa nagɛ nɩpʋgʋ nɛ. Fawʋllʋŋ fa kɛmmɛ, mɩ chichel.

1 Kɔrɩntɩ Nɩaa 6:14

Wɩa doluŋ lɛ nɛ ʋ chɩsɛ La Tɩɩna Kirisito sʋʋŋ lɛ. Ʋ jaŋ chɩsɛ la ma sʋʋŋ lɛ.

2 Kɔrɩntɩ Nɩaa 10:10

Ma dɔnsʋŋ yie bʋl dɩ wɩalɩŋ mɩ sɩ yie ŋmʋnsɛ mɩ tenniŋ tʋɔŋ a pɩma, ba dolie nɛ aŋ pɛ hɛɩ, ka mɩ tɩtɩa bɩ sɩɩ ka su. Mɩ wʋbʋlaa ma bɩ sɩŋ.

2 Kɔrɩntɩ Nɩaa 12:10

Ŋɩɩ wɩaa a tɩŋ Kirisito wɩaa dɩ mɩ nɛ bɩ doluŋ kɛnɛ, dɩ ba nɩɩ tʋʋsɛmɛ, dɩ mɩ nɩɩ na hɛɛŋ, dɩ ba nɛ to naasɩŋ dʋdɔgɩsɛmɛ, koo dɩ wɩaa nɛ jʋʋmɛ ma, mɩ tʋɔŋ ha yie tɔrɛ nɛ. Dɩ mɩ nɛ bɩ doluŋ kɛnɛ, Wɩa yie pɩmɛ ʋ doluŋ nɛ.

2 Kɔrɩntɩ Nɩaa 13:9

Dɩ la nɛ bɩ doluŋ kɛnɛ ma, la yie jʋjʋɔsɛ nɛ a tɩŋ dol-la ma sɩ kɛnɛ wɩaa. Wɩɩ-la la sɩ sʋl Wɩa chɩchɛ nɛ, dɩ ŋɩɩ ma laa Kirisito wɩaa dii wasa dol.

Fɩlɩpa Nɩaa 3:10

Wɩɩ-la kala mɩ sɩɩ chɛ nɛ ŋ-la: dɩ mɩ jɩŋ Yesu Kirisito, a wuo jɩŋ dol-la sɩ chɩsʋ sʋʋŋ lɛ, a wuo na hɛɛ-la doho ʋ sɩ na, a sʋʋ ŋɩɩ ʋ sɩ sʋba.

Hiburu TƖŊŊAA 5:7

Yesu fa sɩ hɛ ʋ mɩɩsɩŋ lɛ dʋnɩa deeŋ lɛ, ʋ chʋɔlɛ Wɩa a faasa yel sɩlɩɩrɩŋ a sʋl Wɩa, ʋ-na nɩɩ-la sɩ jaŋ wuo laa ʋ mɩɩsɩŋ ta dɩ ʋ sɩ́ sʋʋ. Yesu kɛŋ ʋ tɩtɩa muuri nɛ a ŋaa wɩalɩŋ sɩɩ tɔrɛ Wɩa tʋɔŋ, ŋɩɩ nɛ tɩɩ Wɩa laa ʋ Wɩɩsʋlʋŋ.

1 Pɩɩta 3:18

Yesu Kirisito sʋʋ la wʋbɔŋŋɔɔ wɩaa bala nɛ. Ʋ fa ŋaa tʋɔpʋl tɩɩna nɛ, a sʋʋ wʋbɔŋ ŋaaraa wɩaa, dɩ ʋ wuo kɛnla kaa mʋ Wɩa teeŋ. Nuhuobiinee nɛ kpʋ ʋ yaraa, ama Wɩa leŋ ʋ dɩma wei.

1 Pɩɩta 3:22

Ʋ nɛ lɩɩ dʋnɩa lɛ a jɩl Wɩa-jaŋ a hɔŋ Wɩa nadiiŋ, nɩduoŋ dɩhɔnʋŋ. Ʋ nɛ kɛŋ doluŋ a bibeŋ Wɩa tɩndaaraa arɩ kʋŋkala sɩ kɛŋ doluŋ a hɛ Wɩa-jaŋ lɛ.