2 Kɔrɩntɩ Nɩaa 13:14 - WƖA TENIŊ

¹⁴ Laa sʋl La Tɩɩna Yesu Kirisito dɩ ʋ leŋ dɩ ma jʋʋ ʋ lahɔrɩmɔ, dɩ la Nyɩmma Wɩa ma choma, ka dɩ Wɩa Dɩŋ-zɔmʋŋ ma leŋ dɩ ma ŋaa kʋbala. Amɩɩ.

2 Kɔrɩntɩ Nɩaa 13:14 ပူးပေါင်းရင်းမြစ်များ

Matiu 6:13

Sɩ́ leŋe dɩ wɩɩkala kɛnla hɛ wʋbɔmʋŋ lɛ, ama lɩɩsɛla wʋbɔŋŋɔɔ lɛ [bɛɛ wɩaa kuorii-la arɩ doluŋ arɩ yɩrɩ-la ŋaa ŋ kɩaa nɛ, lɛɛlɛ a kaa mʋ deeŋ deeŋ. Amɩɩ].’

Jɔɔŋ 4:10

Ŋɩɩ nɛ Yesu bʋla pʋ, “Dɩ ŋ nɛ fa jɩŋ kʋ-la Wɩa sɩ joŋo pɩ nɩaa, a fa jɩŋ nɩɩ-la sɩ sʋlʋŋ dɩ ŋ ŋaa lɩɩŋ pʋ dɩ ʋ nyʋa, ŋ fa jaŋ sʋlʋ dɩ ʋ pɩŋ lɩɩ-la sɩɩ pɩ nɩaa mɩɩsɩŋ.”

Jɔɔŋ 4:14

Ama nɩɩ-la kala sɩ jaŋ nyʋa lɩɩ-la mɩ sɩ jaŋ pʋ, lɩɩnyʋasʋŋ bɩra bɩ jaŋ kɛnʋ da. Lɩɩ-la mɩ sɩ jaŋ pʋ jaŋ bɩrɩmɛ lɩɩ-bulo ʋ tʋɔŋ lɛ a bubul, a pʋ mɩɩsɩŋ sɩ bɩ dɛrɛ.”

Jɔɔŋ 7:38

Nɩɩ-la kala sɩ laa mɩ wɩaa dii, ʋ jaŋ nagɛ lɩɩ-bulo ʋ tʋɔŋ lɛ a bubul, arɩ ba sɩ ŋmʋnsɛ ŋɩɩ Wɩa teniŋ tʋɔŋ.”

Tɩntɩŋŋaa 15:11

La laa dii arɩ La Tɩɩna Yesu dʋndʋŋa lahɔrɩmɔ lɛ Wɩa jaŋ laa la kala ta arɩ ʋ sɩ laaba ta ŋɩɩ.”

Rom Tɩŋŋaa 1:7

Ŋɩɩ wɩaa mɩ ŋmʋnsɛ teniŋ deeŋ pɩpɩ ma nɩalɩŋ kala sɩ hɛ Rom tinteeŋ lɛ, ma nɩalɩŋ Wɩa sɩ cho a lɩɩsɛma dɩ ma ŋaa tʋɔpʋl tɩŋŋaa. La Nyɩmma Wɩa arɩ La Tɩɩna Yesu lahɔrɩmɔ lɛ, ba jaŋ pɛ ma lɛ dɩ ma hɔŋ arɩ fɩɛlɩŋ.

Rom Tɩŋŋaa 16:20

Dɩ ma nɩɩ ŋaa ŋɩɩ, Wɩa sɩ pɩ nɩaa fɩɛlɩŋ, bɩ jaŋ dieni, aŋ kɛŋ Sɩtaanɩ nyaga bil ma naasɩŋ bʋbʋɔŋ dɩ ma nʋɔsɛ. La Tɩɩna Yesu Kirisito jaŋ fá ma nenige a pɛ ma lɛ.

Rom Tɩŋŋaa 16:23

Gayas ŋaa mɩ dɩa tɩɩna nɛ, ʋ dɩa lɛ nɛ nɩalɩŋ kala sɩ laa Yesu wɩaa dii maa hilimi. Ʋ maa chʋɔlɛma. Ɩrasɩtas, nɩɩ-la sɩɩ beŋ moribiee taŋ-la lɛ arɩ la naambie Kɔɔtɔs, ba maa chʋɔlɛma. [

Rom Tɩŋŋaa 16:27

Má leŋ la to Yesu Kirisito lɛ a dɛnnɛ Wɩa wuu. Ʋ dʋndʋŋa nɛ kɛŋ wʋjɩmɩŋ. Amɩɩ.

Rom Tɩŋŋaa 5:5

La sɩ kɛŋ yɩɛlaa ŋɩɩ, la bɩ jaŋ kɔ dɩ la dii hɩɩsɩŋ, bɛɛ wɩaa Wɩa chola nɛ kɩŋkɛŋ. Ʋ joŋ chono-la a hɛ la tʋɔŋ lɛ nɛ. Ʋ ŋaa ŋɩɩ ʋ Dɩŋ-zɔmʋŋ ʋ sɩ joŋo pɩla doluŋ lɛ nɛ.

Rom Tɩŋŋaa 8:9

Ama Wɩa Dɩŋ-zɔŋ-la sɩ hɛ ma lɛ ŋɩɩ, ma-na bɩ ma yaraa wʋŋaalaa lɛ ka to, maa to wɩalɩŋ Wɩa Dɩŋ-zɔŋ-la sɩ daga nɛ. Dɩ Wɩa Dɩŋ-zɔŋ-la nɛ tuo nʋʋkala lɛ, tɩɩna bɩ Kirisito nʋʋ ŋaa.

1 Kɔrɩntɩ Nɩaa 12:13

La nɩalɩŋ sɩ laa Yesu wɩaa dii, la nagɛ ŋ-la nɛ. La yʋga nɛ, ama la ŋaa kʋbala nɛ. Wɩa Dɩŋ-zɔŋ-la doluŋ lɛ nɛ ba fola Wɩɩchʋɔlɛ lɩɩŋ, nɩalɩŋ sɩ ŋaa Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa, nɩalɩŋ sɩ ŋaa yosi arɩ nɩalɩŋ sɩ tɩɩ ba tɩtɩa. Wɩa leŋe la laa ʋ Dɩŋ-zɔmʋŋ a hɛ la tʋɔŋ nɛ.

1 Kɔrɩntɩ Nɩaa 14:16

Dɩ ma nɛ kʋ hilimi, aŋ ka dɩ nʋʋ kɛŋ yikoro-la Wɩa Dɩŋ-zɔmʋŋ sɩ pɛ nɩaa lɛ ba bʋbʋl a dɩdɛnnɛ Wɩa, nɩalɩŋ sɩ hɔŋ nɩmɛ sɩ bɩ wɩɩ-la ŋ sɩɩ bʋl nɩa, dɩ ŋ nɛ chʋɔla dɛrɛ, ɛɛ nɛ ba jaŋ ŋaa jɩŋ wɩɩ-la bʋbʋɔŋ a bʋl Amɩɩ?

1 Kɔrɩntɩ Nɩaa 16:23

La Tɩɩna Yesu Kirisito lahɔrɩmɔ lɛ Wɩa jaŋ pɛ ma lɛ.

1 Kɔrɩntɩ Nɩaa 3:16

Ma bɩ jɩŋ arɩ ma ŋaa Wɩa dɩa nɛ Wɩa Dɩŋ-zɔŋ-la jʋjʋʋ?

1 Kɔrɩntɩ Nɩaa 6:19

Ma bɩ jɩŋ arɩ ma yaraa ŋaa Wɩa Dɩŋ-zɔŋ-la ʋ sɩ joŋo pɩma dɩa nɛɛ? Ma dee bɩ ma tɩtɩa tɩɩ. Wɩa nɛ tɩɩma.

2 Kɔrɩntɩ Nɩaa 8:9

Ma jɩma, La Tɩɩna Yesu kɛŋ zile nɛ. Aŋ ka dɩ ʋ kʋ tuu dʋnɩa, ʋ fa kɛŋ kɩaa nɛ woruŋ Wɩa-jaŋ lɛ, ama a tɩŋ ma wɩaa ʋ kɛŋ ʋ tɩtɩa kaa ŋaa summu nɛ dʋnɩa lɛ. Ʋ ŋaa ŋɩɩ dɩ ma wuo to ʋ lɛ nɛ a kuori.

Galiisia Nɩaa 5:22

Ama dɩ Wɩa Dɩŋ-zɔmʋŋ nɛ hɛ nʋʋ lɛ, ʋ yie ŋaa ʋ cho nɩaa nɛ, a kɛŋ tʋɔtɔrʋŋ, a fɩɛla hɔŋ sɔm, a kɛŋ kenyiri, a kɛŋ zile, a ŋɩŋaa wʋzɔŋŋɔɔ, a kɛŋ wʋtɩtɩɩ,

Ɛfɛsɩs Nɩaa 2:18

Kirisito lɛ nɛ la nɩalɩŋ sɩ ŋaa Juu tɩŋŋaa arɩ la nɩalɩŋ sɩ bɩ Juu tɩŋŋaa ŋaa kala to a kɛŋ Wɩa Dɩŋ-zɔŋ-la, a jaŋ wuo mʋ la Nyɩmma Wɩa teeŋ.

Ɛfɛsɩs Nɩaa 2:22

Ma dɩ Kirisito sɩ ŋaa kʋbala ŋɩɩ, ma dɩ Wɩa nɩaa dɔnsʋŋ kala nɛ ʋ kaa saa Wɩa dɩa deeŋ, ʋ Dɩŋ-zɔmʋŋ jʋjʋʋ.

Ɛfɛsɩs Nɩaa 5:9

Pʋlʋmʋŋ tʋɔŋ nɛ nɩaa ŋɩŋaa wʋzɔŋŋɔɔ, tʋɔpʋl wɩaa arɩ wʋtɩtɩɩba.

Ɛfɛsɩs Nɩaa 6:23

La Nyɩmma Wɩa arɩ La Tɩɩna Yesu Kirisito jaŋ leŋ dɩ la naambiiri-la kala sɩ laa Yesu wɩaa dii hɔŋ arɩ fɩɛlɩŋ, a kɛŋ wʋtɩtɩɩ, a cho dɔŋɔ.

Fɩlɩpa Nɩaa 2:1

Ma sɩɩ to Kirisito, ŋɩɩ leŋe ma nyuŋ nyaasɛ nɛ, ʋ chonuŋ leŋe ma tʋɔŋ pɩŋ dɩ-bala nɛ, Wɩa Dɩŋ-zɔmʋŋ ma leŋ ma ŋaa kʋbala, a kɛŋ zile dɔŋɔ lɛ a fɩfá dɔŋɔba nenige.

1 Jɔɔŋ 1:3

Wɩalɩŋ la sɩ na aŋ nɩɩ ma, ba nɛ la bʋlaa pɩma, dɩ ma wuo jʋʋ la tʋɔŋ dɩ la kala kɛŋ nii-bala. La dɩ la Nyɩmma Wɩa arɩ ʋ Bie Yesu Kirisito kɛŋ nii-bala nɛ.

1 Jɔɔŋ 3:16

Kirisito joŋ ʋ mɩɩsɩŋ yɔɔ sʋʋŋ la wɩaa nɛ, a dagɛ ŋɩɩ ʋ sɩ faasa chola. La ma saa maga dɩ la cho la dɔnsʋŋ tɩŋŋaa ŋɩɩ nɛ a joŋ la mɩɩsɩŋ a yɔɔ sʋʋŋ ba wɩaa.

1 Jɔɔŋ 3:24

Nʋʋ na-kala sɩɩ to wɩalɩŋ Wɩa sɩ dagɛla, ʋ tɩɩna hɛ Wɩa teeŋ nɛ, Wɩa ma hɛ ʋ teeŋ. Ʋ sɩ joŋ ʋ Dɩŋ-zɔmʋŋ hɛ la lɛ nɛ leŋe la jɩŋ arɩ Wɩa hɛ la teeŋ nɛ.

Juud 1:21

Wɩa sɩ choma ŋɩɩ, má chɩŋ ŋɩɩ lɛ kpaŋ kpaŋ, a gbɛrɛ La Tɩɩna Yesu Kirisito dɩ ʋ kɔ, Nɩɩ-la sɩ jaŋ fá ma nenige a pɩma mɩɩsɩ-la sɩ bɩ dɛrɛ.