2 Kɔrɩntɩ Nɩaa 13:11 - WƖA TENIŊ

¹¹ Mɩ naambiiriŋ, mɩ teniŋ dɩdɛrɩŋ nɛ ŋ-la. Maa ŋaa wɩalɩŋ sɩ jaŋ leŋ dɩ ma chaasa ŋaa nɩzɔmɔ. Má jegile nɩɩ wɩalɩŋ mɩ sɩɩ chɛ mɩ bʋla pɩma, má kɛŋ nii-bala a ŋaa sɩma. Dɩ ma nɛ ŋaa ŋɩɩ, Wɩa sɩ cho nɩaa jaŋ hɛ ma teeŋ a leŋ dɩ ma hɔŋ arɩ yarɩfɩɛlaa.

2 Kɔrɩntɩ Nɩaa 13:11 ပူးပေါင်းရင်းမြစ်များ

WƖAA DƖ-SUOMUŊ 37:4

Josɛf naambiiriŋ sɩ na arɩ ba nyɩmma chou a kɩɩba, ba bɛrʋ a bɩ wʋzɔŋ kala bʋlaa pʋ.

WƖAA DƖ-SUOMUŊ 45:24

Ŋɩɩ nɛ ʋ kɛŋ ʋ naambiiriŋ lɩɩ hɛ wombiiŋ lɛ, aŋ bʋla pɩba, “Má pɔ dɩ ma sɩ́ dɔŋɔ yuo.”

Matiu 1:23

Wɩalɩŋ ʋ fa sɩ bʋla nɛ ŋ-la: “Hatolo kʋbala ha sɩ bɩ baal jɩŋ jaŋ kɛŋ luoruŋ a lʋl hambolibie. Ba jaŋ hɛ ʋ yɩrɩŋ Ɩmanʋɛl.” (Ʋ yɩrɩ-la bʋbʋɔŋ nɛ Wɩa hɛ la teeŋ.)

Matiu 5:48

Ʋ maga dɩ ma ŋaa tʋɔpʋl tɩmma nɛ a sɩ́ wʋcheeli kala kɛŋ, arɩ ma Nyɩmma sɩ hɛ Wɩa-jaŋ sɩ ŋaa tʋɔpʋl Tɩɩna ŋɩɩ.”

Maak 10:49

Ŋɩɩ nɛ Yesu chɩŋ aŋ bʋl, “Má yɩrʋ dɩ ʋ kɔ.” Ŋɩɩ nɛ ba yɩrɛ nyʋlʋŋ-la a bʋla pʋ, “Nyɩrɛ ŋ bɔyɛ aŋ sii kɔ. Ʋʋ yɩrɩŋ nɛ.”

Maak 9:50

Yɩsɩŋ sɩma, ama dɩ ʋ nɛ sɛbɩsɛ, ŋ bɩra bɩ jaŋ wuo ŋaa dɩ ʋ sɩŋ. Má leŋ dɩ ma tʋɔŋ sɩŋ, arɩ yɩsɩŋ sɩ sɩma ŋɩɩ, aŋ kala kɛŋ nii-bala.”

Luuk 9:61

Nʋʋ ma dɔŋ bɩra bʋla pʋ, “Mɩ Tɩɩna, mɩ jaŋ to ŋ harɩŋ, ama leŋ dɩ mɩ mʋ ta mɩ dɩa nɩaa aŋ kɔ.”

Jɔɔŋ 17:23

Mɩ hɛ ba lɛ nɛ, ŋ ma hɛ mɩ lɛ. Leŋ dɩ ba ma ŋaa kʋbala, ŋɩɩ nɛ dʋnɩa nɩaa jaŋ jɩŋ arɩ ŋ nɛ tɩmmɛ, a choba arɩ ŋ sɩ chomi ŋɩɩ.

Tɩntɩŋŋaa 15:29

Má sɩ́ vʋɩyaa nammɩa chaŋ, má sɩ́ kʋŋkala chalɩŋ dii, má sɩ́ pʋna-kala sɩ sʋʋ pimee chaŋ, a sɩ́ bachɔrʋŋ arɩ hachɔrʋŋ wɩaa ŋaa. Dɩ ma nɛ lɩɩsɛ ma tɩtɩa wɩaa deemba lɛ, ma ŋaa woruŋ nɛ. Ma jaŋ hɔŋ woruŋ.”

Tɩntɩŋŋaa 18:21

Ʋ sɩ sii nɩmɛ, ʋ bʋla pɩba, “Dɩ Wɩa nɛ pɩmɛ wombiiŋ, mɩ jaŋ mɩɩra kɔ ma teeŋ.” Ŋɩɩ nɛ ʋ sii mʋ jʋʋ lɩɩŋ daboro a lɩɩ Ɛfɛsɩs lɛ,

Tɩntɩŋŋaa 23:30

Ba sɩ bʋla pɩmɛ arɩ Juu tɩŋŋaa dɔnsʋŋ vʋʋra nɛ dɩ ba kpʋʋ, ŋɩɩ nɛ mɩ sɩ dɩ ba kɛnʋ kaa kʋ pɩŋ lɩma lɩma. Mɩ saa bʋla pɩ nɩalɩŋ sɩɩ bʋl ʋ teeŋ nɛ dɩ ba kɔ ŋ teeŋ, a ma dagɛ wɩɩ-la ʋ sɩ ŋaa chei a pɩŋ.”

Rom Tɩŋŋaa 12:16

Má chɩl dɔŋɔba wɩaa, má sɩ́ ma tɩtɩa kaa yʋgɛ. Má kɛŋ ma tɩtɩa mɛrɛ nɩalɩŋ sɩ bɩ nɩbala ŋaa lɛ. Má sɩ́ bɩɩna arɩ ma kɛŋ wʋjɩmɩŋ.

Rom Tɩŋŋaa 12:18

Dɩ ma nɛ wuolo, má leŋ dɩ ma dɩ nʋʋkala sɩŋ.

Rom Tɩŋŋaa 14:19

Má saa leŋ dɩ la bɩbɩɩnɛ wɩalɩŋ sɩ jaŋ leŋ dɩ la kɛŋ nii-bala, a wuo pɩpɛ dɔŋɔ lɛ a kɛŋ doluŋ.

Rom Tɩŋŋaa 15:13

Wɩa nɛ yie leŋ la kɛŋ yɩɛlaa. Mɩɩ sʋlʋ dɩ ʋ leŋ dɩ ma kɛŋ tʋɔtɔrʋŋ arɩ yarɩfɩɛlaa a tɩŋ ma sɩ laaʋ dii, dɩ ŋɩɩ leŋ dɩ ma yɩɛlaa wasa yʋgɛ Wɩa Dɩŋ-zɔmʋŋ doluŋ lɛ.

Rom Tɩŋŋaa 15:33

Wɩa sɩɩ pɩ nuhuobiine fɩɛlɩŋ, ʋ jaŋ hɛ ma teeŋ. Amɩɩ.

Rom Tɩŋŋaa 16:20

Dɩ ma nɩɩ ŋaa ŋɩɩ, Wɩa sɩ pɩ nɩaa fɩɛlɩŋ, bɩ jaŋ dieni, aŋ kɛŋ Sɩtaanɩ nyaga bil ma naasɩŋ bʋbʋɔŋ dɩ ma nʋɔsɛ. La Tɩɩna Yesu Kirisito jaŋ fá ma nenige a pɛ ma lɛ.

1 Kɔrɩntɩ Nɩaa 1:10

Mɩ naambiiriŋ, mɩɩ sʋl ma kala La Tɩɩna Yesu Kirisito yɩrɩŋ lɛ, dɩ ma kala kɛŋ nii-bala a sɩ́ dɔŋɔ lɛ pɔrʋ. Mɩɩ sʋlma dɩ ma kɛŋ tʋɔ-bala a chɩŋ wʋbala lɛ.

2 Kɔrɩntɩ Nɩaa 1:4

Dɩ wɩaa nɩɩ walɩmɛla, ʋ yie pɛ la lɛ nɛ a leŋ la tʋɔŋ tɔrɛ. Ʋ sɩ yie ŋaa la tʋɔŋ tɔrɛ ŋɩɩ, la ma yie ŋaa la naambiiriŋ ma wɩaa sɩɩ walɩmʋ tʋɔŋ tɔrɛ ŋɩɩ nɛ. Wɩa joŋ tʋɔtɔrʋŋ nɛ pɩla, ŋɩɩ nɛ tɩɩ la ma pɛ la naambiiriŋ lɛ dɩ ba ma na tʋɔtɔrʋ-la doho.

2 Kɔrɩntɩ Nɩaa 13:14

Laa sʋl La Tɩɩna Yesu Kirisito dɩ ʋ leŋ dɩ ma jʋʋ ʋ lahɔrɩmɔ, dɩ la Nyɩmma Wɩa ma choma, ka dɩ Wɩa Dɩŋ-zɔmʋŋ ma leŋ dɩ ma ŋaa kʋbala. Amɩɩ.

2 Kɔrɩntɩ Nɩaa 13:9

Dɩ la nɛ bɩ doluŋ kɛnɛ ma, la yie jʋjʋɔsɛ nɛ a tɩŋ dol-la ma sɩ kɛnɛ wɩaa. Wɩɩ-la la sɩ sʋl Wɩa chɩchɛ nɛ, dɩ ŋɩɩ ma laa Kirisito wɩaa dii wasa dol.

Ɛfɛsɩs Nɩaa 4:12

Ʋ pɩla doluŋ deeŋ dɩ Wɩa nɩaa wuo kaa tɩŋ Wɩa tɩntɩŋŋaa, a wuo pɛ nɩalɩŋ sɩ laa Yesu wɩaa dii aa hilimi lɛ dɩ ba waa wɩalɩŋ lɛ.

Ɛfɛsɩs Nɩaa 4:3

Má hɛ doluŋ aŋ kɛŋ nii-maga-la Wɩa Dɩŋ-zɔŋ-la sɩ pɩma. Má kɛŋ dɔŋɔ woruŋ a fɩɛla hɔŋ sɔm.

Ɛfɛsɩs Nɩaa 6:23

La Nyɩmma Wɩa arɩ La Tɩɩna Yesu Kirisito jaŋ leŋ dɩ la naambiiri-la kala sɩ laa Yesu wɩaa dii hɔŋ arɩ fɩɛlɩŋ, a kɛŋ wʋtɩtɩɩ, a cho dɔŋɔ.

Fɩlɩpa Nɩaa 1:27

Wɩɩ-la sɩ ŋaa sɩɩfɩɛsɩŋ nɛ, má leŋ dɩ ma wʋŋaalaa tuto Kirisito wʋzɔmɔ-la mɩ sɩ bʋla pɩma. Dɩ ma nɩɩ ŋaa ŋɩɩ, dɩ mɩ nɛ hɛ ma teeŋ koo dɩ mɩ tuo, mɩ jaŋ wuo nɩɩ arɩ ma faasa chɩŋ nɛ kpaŋ kpaŋ a kɛŋ nii-bala, a leŋ ma tʋɔbɩɩnaa ŋaa kʋbala, a faasa hɛ doluŋ a pɩpɛ dɔŋɔ lɛ a mʋ tɩgɛ Wɩa wʋzɔmɔ-la ma sɩ laa dii lɛ.

Fɩlɩpa Nɩaa 3:16

Wɩɩ-la sɩ maga dɩ la ŋaa nɛ ŋ-la: Má leŋ dɩ la mʋ sɩpaaŋ a tuto wɩalɩŋ tɩtɩa la fa sɩɩ to a kʋ yi lɛɛlɛ.

Fɩlɩpa Nɩaa 4:2

La dɩhaalaa Yuodia arɩ Sɩntɩkɩ, mɩɩ sʋlma jaaŋ jaaŋ dɩ ma sɩŋ a tɩŋ La Tɩɩna Yesu wɩaa.

Fɩlɩpa Nɩaa 4:4

Má jʋjʋɔsɛ Wɩa sɩpaaŋ bʋa na-kala. Mɩ jaŋ bɩra bʋla pɩma dɩ ma jʋjʋɔsɛ.

Fɩlɩpa Nɩaa 4:9

Wɩalɩŋ kala mɩ sɩ bʋla pɩma, arɩ wɩalɩŋ kala mɩ sɩ dagɛma, arɩ wɩalɩŋ kala ma sɩ nɩa dɩ mɩɩ bʋl, arɩ wɩalɩŋ kala ma sɩ gʋnna mɩ teeŋ, arɩ wɩalɩŋ kala ma sɩ na mɩɩ ŋaa, má kɛmba tɩntɩŋ. Dɩ ma nɛ ŋaa ŋɩɩ, Wɩa sɩɩ pɩ nɩaa fɩɛlɩŋ jaŋ hɛ ma teeŋ.

1 Tɛsalonaaka Nɩaa 3:10

Laa sʋl Wɩa nɛ woruŋ tɩtaŋɩŋ arɩ wɩɩhɛyɛ kala dɩ la wuo kʋ nama, a wuo pɛ ma lɛ dɩ ma na kɩalɩŋ sɩ ka a tɩgɛ wɩalɩŋ ma sɩ laa dii lɛ.

1 Tɛsalonaaka Nɩaa 4:1

La naambiiri, wɩalɩŋ mɩ sɩɩ chɛ dɩ mɩ bʋl wʋkaanɩŋ nɛ ŋ-la: La dagɛma wɩalɩŋ ma sɩ jaŋ ŋaa dɩ Wɩa tʋɔŋ tɔrɛ ma nyuŋ nɛ, ŋɩɩ tɩtɩa nɛ ma sɛnɛ ŋɩŋaa. Ama la haa sʋlma La Tɩɩna Yesu yɩrɩŋ lɛ dɩ ma wasa ŋɩŋaa wɩalɩŋ.

1 Tɛsalonaaka Nɩaa 4:18

Má bʋl wɩaa deemba a pɩ dɔŋɔ dɩ ma tʋɔŋ pɩŋ dɩ-bala.

1 Tɛsalonaaka Nɩaa 5:13

Má zizilba a choba woruŋ a tɩŋ tɩntɩmɩɩ-la ba sɩɩ tɩŋ wɩaa. Má hɔŋ sɔm a ŋaa sɩma dɔŋɔ lɛ.

1 Tɛsalonaaka Nɩaa 5:16

Má jʋjʋɔsɛ bʋa na-kala lɛ

1 Tɛsalonaaka Nɩaa 5:23

Mɩɩ sʋl Wɩa sɩɩ pɩ nɩaa fɩɛlɩŋ dɩ ʋ pɩɩsɛ ma disiniŋ kala. Ʋ jaŋ beŋ ma tʋɔbɩɩnaa arɩ ma yaraa kala a lɩɩsɛma wʋbɔŋ-na kala lɛ, dɩ ma wuo ŋaa nɩzɔmɔ a sɩ́ wʋcheeli kala kɛŋ, a mʋ yi tapʋlɩɩ-la La Tɩɩna Yesu Kirisito sɩ jaŋ mɩɩra kɔ.

2 Tɛsalonaaka Nɩaa 2:16

La Tɩɩna Yesu Kirisito arɩ la Nyɩmma Wɩa sɩ chola lahɔrɩmɔ lɛ, ʋ ŋaa la tʋɔŋ pɩŋ dɩ-bala nɛ a kaa mʋ wuu, dɩ la wuo yɩyɩɛlɛ wʋzɔŋŋɔɔ.

2 Tɛsalonaaka Nɩaa 3:1

Mɩ naambiiri, wɩalɩŋ mɩ sɩɩ chɛ dɩ mɩ bʋl ʋ dɩdɛrɩŋ nɛ ŋ-la: Má chʋɔlɛ Wɩa pɩla dɩ La Tɩɩna niiŋ wɩaa wuo teeli leriŋ lɩma lɩma a laa yɩrɩŋ, arɩ ʋ sɩ laa yɩrɩŋ ŋɩɩ ma teeŋ.

2 Tɛsalonaaka Nɩaa 3:16

Laa sʋl La Tɩɩna Kirisito, Nɩɩ-la sɩ kɛŋ fɩɛlɩŋ, dɩ ʋ pɩma fɩɛla-la bʋa na-kala lɛ. La Tɩɩna Kirisito jaŋ hɛ ma kala teeŋ.

2 Timoti 2:22

Lɩɩsɛ ŋ tɩtɩa wʋbɔmɔ-la bapʋɔsaa arɩ hatoloo sɩ yie cho dɩ baa ŋaa lɛ. Ama ŋ dɩ nɩalɩŋ sɩɩ chʋɔlɛ Wɩa arɩ tʋɔbala maga dɩ ma kɛŋ tʋɔpʋla nɛ a chɩŋ wɩalɩŋ ma sɩ laa dii lɛ woruŋ a cho dɔŋɔ a kɛŋ nii-bala.

Hiburu TƖŊŊAA 12:14

Má hɛ ma doluŋ kala aŋ loo chɩchɛ dɩ ma dɩ nʋʋkala kɛŋ nii-bala, a bɩra loo chɩchɛ dɩ ma sɩ́ disiniŋ kɛŋ. Dɩ ma nɛ bɩ disiniŋ kɛnɛ, ma jaŋ wuo na Wɩa.

Hiburu TƖŊŊAA 13:20

A leŋ dɩ Wɩa sɩɩ pɩ nɩaa fɩɛlɩŋ pɛ ma lɛ. Ʋ nɛ chɩsɛ La Tɩɩna Yesu Kirisito sʋʋŋ lɛ. Yesu Kirisito nagɛ pie-daarɩ-duo nɛ aa beŋ ʋ nɩaa nyuŋ woruŋ. Ʋ chalɩŋ nɛ Wɩa kaa bil nii-la sɩ jaŋ hɛ nɩmɛ a kaa mʋ wuu ʋ dɩ ʋ nɩaa pɛgɛ.

Jeems 1:4

Má kɛŋ nyalɩma wɩɩkala lɛ a mʋ dɛrɛ, ŋɩɩ nɛ ma jaŋ waa dɛrɛ Wɩa wɩaa lɛ a sɩ́ wʋzɔŋŋɔɔ lɛ nyaa.

1 Pɩɩta 3:11

Tɩɩna maga ʋ lɩɩsɛ ʋ tɩtɩa wʋbɔŋŋɔɔ ŋaanɩŋ lɛ, a ŋɩŋaa wɩalɩŋ sɩɩ to wʋtɩtɩɩ wombiiŋ, a fɩɛsɛ sɩɩŋ chɩchɛ dɩ nii-maga hɛ ʋ dɩ nɩaa pɛgɛ,

1 Pɩɩta 3:8

Wɩɩ-la mɩ sɩɩ chɛ dɩ mɩ bʋl wʋkaanɩŋ nɛ ŋ-la: Má kala kɛŋ tʋɔ-bala, má fɩfá dɔŋɔ nenige, má cho dɔŋɔ, bɛɛ wɩaa ma ŋaa naambiiri nɛ, a kɛŋ zile dɔŋɔ lɛ, a kɛŋ ma tɩtɩa muuri dɔŋɔ teeŋ.

1 Pɩɩta 5:10

Hɛɛŋ deeŋ ma sɩɩ na bɩ jaŋ dieni. Ʋ ŋɩɩ harɩŋ lɛ, Wɩa sɩ kɛŋ zile kɩŋkɛŋ kɩŋkɛŋ a yɩrɛma dɩ ma ma na tʋla-la Kirisito sɩ kɛnɛ a kaa mʋ wuu. Ʋ nɛ jaŋ kɛmma wasa kɩɩ, a leŋ dɩ ma chaasa chɩŋ arɩ doluŋ.

Jɔɔŋ Wʋnaalaa 22:21

La Tɩɩna Yesu lahɔrɩmɔ lɛ, Wɩa nɩaa kala jaŋ hɔŋ arɩ yarɩfɩɛlaa. Amɩɩ.