2 Kɔrɩntɩ Nɩaa 13:1 - WƖA TENIŊ

¹ Naansɩɩŋ butori nɛ ŋ-la mɩ sɩɩ kɔ ma teeŋ dɩ mɩ nama. Wɩa teniŋ sɩ, “Nɩaa balɩa koo nɩaa batori nɛ jaŋ pɛ na wɩɩ ka dɩ ʋ na chɩŋ.”

2 Kɔrɩntɩ Nɩaa 13:1 ပူးပေါင်းရင်းမြစ်များ

1 KUOROO 1:14

Bʋa-la lɛ ŋ sɩ jaŋ hɛ kuoro teeŋ a bʋbʋl wɩɩ-la, mɩ ma jaŋ kʋ jʋʋ a bʋl wɩɩ-la tɩtɩa a pʋ.”

1 KUOROO 21:10

aŋ lɩɩsɛ wʋnyɩɛraa balɩa sɩ jaŋ wuo chei nɩaa yɩrɩŋ woruŋ dɩ ba hɔŋ a chaasʋ, a nyɩɛ wɩaa pʋ arɩ ʋ tʋʋsɛ Wɩa arɩ kuoro joŋŋoo nɛ. Ka dɩ ma kɛnʋ kaa lɩɩ taŋ-la harɩŋ a yagʋ arɩ tabɩaa dɩ ʋ sʋʋ.”

1 KUOROO 21:13

Ŋɩɩ nɛ aŋ lɩɩsɛ wʋnyɩɛraa balɩa sɩ jaŋ wuo chei nɩaa yɩrɩŋ, ba hɔŋ a chaasɛ Nabɔf, a nyɩɛ wɩaa pʋ a bʋl, “Nabɔf tʋʋsɛ Wɩa arɩ kuoro joŋŋoo nɛ.” Ba kɛnʋ lɛrɛ lɩɩ taŋ-la tʋɔŋ a yagʋ kpʋ arɩ tabɩaa.

NAMBABA 35:30

Dɩ nʋʋ nɛ kpʋ ʋ dɔŋ, ʋ maga dɩ nɩaa yi balɩa nɛ a pɛ na arɩ wʋtɩtɩɩ nɛ, ka dɩ ba-na kpʋʋ. Nɩbala dʋndʋŋ bɩ jaŋ wuo na wɩɩ dɩ ba tɩŋ ŋɩɩ wɩaa a kpʋ nʋʋ.

Matiu 18:16

Ama dɩ ʋ nɛ bɩ jegile nɩɩ ŋ teeŋ, kɛŋ nʋʋ dɔŋ koo nɩaa balɩa pɛ ŋ tɩtɩa lɛ dɩ ma bɩra mʋ ʋ teeŋ a bʋl wɩɩ-la ʋ sɩ ŋaa chei a wasɛ. Nɩaa balɩa koo batori nɛ maga ba pɛ na wɩɩ ka dɩ ʋ-na chɩŋ.

2 Kɔrɩntɩ Nɩaa 12:14

Tori nɛ ŋ-la mɩ sɩɩ chɛ dɩ mɩ kʋ nama, dɩ mɩ nɛ kɔ, mɩ bɩ jaŋ walɩmɛma dɩ ma pɩmɛ kʋŋkala. Mɩ bɩ ma kʋŋkala ka chɛ. Ma tɩtɩa nɛ mɩ chɩchɛ, bɛɛ wɩaa hambiisiŋ bɩ jaŋ wuo chɛ kɩaa bil ba nyɩmmaba arɩ ba naamba lɛ. Ama hambiisiŋ nyɩmmaba arɩ ba naamba nɛ maga dɩ ba chɛ kɩaa a bil ba biiriŋ lɛ.

MOSIS BƖRA WULLI WƖA WOMBIIŊ 17:6

Dɩ nɩaa balɩa koo batori nɛ pɛ na wɩɩ arɩ ʋ ŋaa wʋtɩtɩɩ nɛ, ma jaŋ wuo kpʋ nɩa. Ama ma bɩ jaŋ wuo kpʋ nʋʋ dɩ nɩbala dʋndʋŋ nɛ pɛ na.

MOSIS BƖRA WULLI WƖA WOMBIIŊ 19:15

Dɩ nʋʋ nɛ ba bʋl arɩ ʋ ŋaa wɩɩ nɛ a chei, nɩbala dʋndʋŋ bɩ jaŋ wuo pɛ na arɩ wɩɩ-la ŋaa wʋtɩtɩɩ nɛ. Nɩaa balɩa koo nɩaa batori nɛ jaŋ wuo pɛ na ka dɩ wɩɩ-la na chɩŋ.