2 Kɔrɩntɩ Nɩaa 12:7 - WƖA TENIŊ

⁷ Wʋkpuŋkperisi-la kala Wɩa sɩ joŋo dagɛmɛ fa jaŋ wuo ŋaa dɩ mɩ bigisi mɩ tɩtɩa lɛ. Ama dɩ mɩ sɩ́ wuo na wombiiŋ a bigisi mɩ tɩtɩa lɛ, Wɩa joŋ hɛɛ kʋbala hɛ mɩ lɛ. Ʋ wʋwɩɩ a nagɛ sɔɔŋ sɩ tɔmɛ. Hɛɛ-la naga ʋ to Sɩtaanɩ lɛ nɛ a kʋ walɩmɛmɛ dɩ mɩ sɩ́ wuo na wombiiŋ a bigisi mɩ tɩtɩa lɛ.

2 Kɔrɩntɩ Nɩaa 12:7 ပူးပေါင်းရင်းမြစ်များ

WƖAA DƖ-SUOMUŊ 32:25

Baal-la sɩ na dɩ ʋ bɩ Jekɔb wuo, ʋ yi ʋ kɛrɛ lɛ, kɛrɩ-sɩɩŋ lɩɩ.

WƖAA DƖ-SUOMUŊ 32:31

Wɩa pɔsɔ jɩl nyuŋ dɩ Jekɔb lɩɩ Pɛnɩɛl lɛ a jujusi a tɩŋ ʋ kɛrɛ sɩ lɩa wɩaa.

2 IZIRAL TƖŊŊAA NAABARƖŊ 26:16

Uzia sɩ kɛŋ doluŋ ŋɩɩ, ʋ joŋ ŋɩɩ ŋaa babiibal wɩɩ, ŋɩɩ leŋ ʋ tel. Tapʋlɩɩ kʋbala ʋ vɩa ʋ TƖƖNA Wɩa niiŋ aŋ sii jʋʋ La TƖƖNA dɩɩ-balɩŋ dɩ ʋ nyɩgɛ kʋsʋɔrʋsʋŋ koru-la lɛ ba sɩɩ nyɩgɛ kʋsʋɔrʋsʋŋ.

2 IZIRAL TƖŊŊAA NAABARƖŊ 32:31

Ama Babɩlɔŋ kuoro sɩ tɩŋ nɩaa dɩ ba kʋ pɩɛsɛ Hezikaaya wɩaa a tɩgɛ wʋmagɩl-la Wɩa sɩ joŋo ŋaa tintee-la lɛ, Wɩa fa leŋu nɛ ka dɩ ʋ na wɩɩ-la sɩ hɛ ʋ tʋɔŋ lɛ.

JOB 2:6

Ŋɩɩ nɛ La TƖƖNA bʋla pɩ Sɩtaanɩ, “Ʋ zɔmɔ, mɩ joŋu hɛ ŋ nɩsɩŋ lɛ, ama sɩ́ ʋ mɩɩsɩŋ lɩɩsʋ.”

JOB 2:7

Sɩtaanɩ sii La TƖƖNA sɩpaaŋ, a mʋ joŋ naawɩɩlaa sɩɩ wɩɩ woruŋ a hɛ Job lɛ, a chɩŋ ʋ naachɛyɛɛ a kaa jɩl ʋ nyuŋ.

ƐZƖKƖƐL 28:24

Tinteye-la kala sɩ golli Iziral tɩŋŋaa a kɛmba ŋmuŋmoo gbɛɛŋ bɩra bɩ jaŋ nagɛ sɔsʋŋ a tʋtɔɔba. Ŋɩɩ nɛ ba jaŋ jɩŋ arɩ mɩ nɛ ba TƖƖNA Wɩɩjarɩbakɔ.

DANƖƐL 5:20

Ama Nebukadineza sɩ kʋ kɛŋ sɩɩ-duoŋ a bɩrɩmɛ babiibal, ʋ tʋɔŋ dol, Wɩa kɛŋ ʋ kuoruŋ laa nɛ, ʋ yɩrɩŋ dɩsɛ.

HOSIA 2:6

Ŋɩɩ wɩaa, mɩ jaŋ ta sɔsʋŋ a tɔ ʋ wombiiŋ, mɩ jaŋ saa jeeŋ a kɛrʋ dɩ ʋ sɩ́ wuo na wombiiŋ a lɩɩ.

NAMBABA 33:55

Dɩ ma nɛ bɩ nɩalɩŋ sɩ hɔŋ tintee-la lɛ kala kire, ba jaŋ walɩmɛma tintee-la lɛ a nagɛ kʋa sɩ jʋʋ ŋ sɩɩŋ koo sɔɔŋ sɩ hɛ ŋ nampɩlɩŋ lɛ.

Matiu 26:67

Ŋɩɩ nɛ ba tʋ nantʋɔrʋŋ hɛ ʋ sɩaa lɛ a ŋmobu. Nɩalɩŋ dɔnsʋŋ sɩɩ ŋmobu bʋl,

Matiu 4:10

Ŋɩɩ nɛ Yesu bʋla pʋ, “Sɩtaanɩ, mʋ nɩmɛ, Wɩa teniŋ tʋɔŋ ba ŋmʋnsa, ‘Má chʋchʋɔlɛ La Tɩɩna Wɩa dʋndʋŋa a tutou.’ ”

Luuk 13:16

Haala deeŋ ŋaa Abɩraham doho nʋʋ nɛ. Sɩtaanɩ kɛnʋ vɔɔ bil jɩsɩŋ fii arɩ chori. Ʋ saa bɩ maga dɩ la laaʋ ta chɛ-wiesii-la chɛɛŋ koo?”

1 Kɔrɩntɩ Nɩaa 4:11

Naabʋɔsʋŋ deemba lɛ losuŋ arɩ lɩɩnyʋasʋŋ kɛnla nɛ, la laalɛ gɛrɩ-kɔsʋmɔɔ, ba ŋmuŋmoola, la gɔllɔ bɩbaarɛ.

1 Kɔrɩntɩ Nɩaa 5:5

Má joŋ baala deeŋ hɛ Sɩtaanɩ nɩsɩŋ lɛ, dɩ ʋ to ʋ tʋɔtɔrɛ wʋŋaalaa lɛ a dɔgɩsɛ ʋ yaraa, ka dɩ Wɩa laa ʋ dɩma ta tapʋlɩɩ-la La Tɩɩna sɩ jaŋ mɩɩra kɔ.

2 Kɔrɩntɩ Nɩaa 10:10

Ma dɔnsʋŋ yie bʋl dɩ wɩalɩŋ mɩ sɩ yie ŋmʋnsɛ mɩ tenniŋ tʋɔŋ a pɩma, ba dolie nɛ aŋ pɛ hɛɩ, ka mɩ tɩtɩa bɩ sɩɩ ka su. Mɩ wʋbʋlaa ma bɩ sɩŋ.

2 Kɔrɩntɩ Nɩaa 10:5

Ba nɛ la kaa yuo dii nɩalɩŋ sɩ kɛŋ nii-doluŋ a kɛŋ wɩaa kaa lɛrɛ, a dɩdagɛ ba tɩtɩa a pɔ dɩ nɩaa sɩ́ kʋ jɩŋ Wɩa. Ba nɛ la yie bɩra wuo kaa kɛŋ nɩaa tʋɔbɩɩnaa kala bɩrɩmɛ baa to Kirisito niiŋ wɩaa.

2 Kɔrɩntɩ Nɩaa 11:20

Dɩ nʋʋ ma nɛ kɛmma bɩrɩmɛ ʋ yosuŋ, koo dɩ ʋ nɛ kɛŋ ma kɩaa kala lɩlaa, koo dɩ ʋ nɩɩ gʋrɛma, koo dɩ ʋ nɛ leŋe ma ŋɩŋaa wɩalɩŋ ʋ sɩɩ chɛ, koo ʋ nɛ fallɛma, ma yie tɔrɛ ma niiŋ nɛ.

2 Kɔrɩntɩ Nɩaa 12:1

Ʋ maga mɩ sɩ bigisi mɩ tɩtɩa lɛ, arɩ ŋɩɩ sɩ bɩ jaŋ pɛ mɩ lɛ ma, ama mɩ ha jaŋ bigisi mɩ tɩtɩa lɛ a bʋl wɩalɩŋ Wɩa sɩ leŋe mɩ na a nagɛ duosoo tʋɔŋ, arɩ wɩalɩŋ ʋ sɩ joŋo dagɛmɛ.

Galiisia Nɩaa 4:13

Ma jɩma, bumbuŋ-la mɩ sɩ bʋl Wɩa wʋzɔmɔ-la pɩpɩma, mɩ faa wɩɩlɛ nɛ.

MOSIS BƖRA WULLI WƖA WOMBIIŊ 17:20

Ŋɩɩ nɛ jaŋ leŋ dɩ ʋ sɩ́ Wɩa wombiiŋ lɛ bibegili, a bɩɩnɛ arɩ ʋ nɛ kpɩa ʋ naambiiriŋ Iziral tɩŋŋaa kala. Dɩ ʋ nɛ to woruŋ, ʋ dɩ ʋ doho nɩaa jaŋ dii kuoruŋ a dieni Iziral tinteeŋ lɛ.

MOSIS BƖRA WULLI WƖA WOMBIIŊ 8:14

ma pʋpɔ má sɩ́ ma tɩtɩa dagʋ a yʋ ma TƖƖNA Wɩa wɩaa. Ʋ nɛ kɛmma kaa kʋ lɩɩ Ijipiti tinteeŋ lɛ, lee-la ma fa sɩ hɛ, a ŋaa yosi.

1 Timoti 3:6

Dɩ nʋʋ nɛ laa Yesu wɩaa dii ʋ bɩ dieni, ʋ bɩ maga dɩ tɩɩna ŋaa Wɩa nɩaa nɩhɩaŋ. Dɩ tɩɩna nɛ ŋaa Wɩa nɩaa nɩhɩaŋ, ʋ jaŋ dagɛ ʋ tɩtɩa. Dɩ ʋ nɛ ŋaa ŋɩɩ, ʋ jaŋ tel arɩ Sɩtaanɩ sɩ tele ŋɩɩ.

SƖPAALAARAA 2:3

Lɛɛlɛ mɩ bʋlaa pɩma, mɩ bɩ jaŋ kiri nɩalɩŋ ta ma sɩpaaŋ. Ba jaŋ nagɛ sɔsʋŋ ma yaraa lɛ, dɩ ba vesiŋ ma nagɛ bɛrɛ a kɩkɛsɛma.”