2 Kɔrɩntɩ Nɩaa 12:2 - WƖA TENIŊ

² Mɩ jɩŋ baal kʋbala fa sɩ laa Kirisito wɩaa dii. Ʋ jɩsɩŋ fii arɩ banɛsɛ nɛ ŋ-la Wɩa sɩ guu joŋu kaa jɩl ʋ jaŋ dɩ-bolii-la, a dagʋ wɩaa yʋgɛ, aŋ mɩɩra kɛnʋ kaa kʋ tuu ta. Dɩ Wɩa joŋ ʋ dɩma nɛ koo ʋ yaraa kala nɛ, mɩ bɩ jɩŋ. Wɩa nɛ jɩma.

2 Kɔrɩntɩ Nɩaa 12:2 ပူးပေါင်းရင်းမြစ်များ

1 KUOROO 18:12

Ka dɩ mɩ nɛ leŋiŋ daha aŋ mʋ, dɩ La TƖƖNA Dɩma-la kʋ joŋuŋ kaa mʋ lee mɩ sɩ bɩ jɩŋ? Dɩ mɩ nɛ bʋla pɩ Ahab arɩ ŋ hɛ daha ka ʋ bɩŋ na, ʋ jaŋ kpʋmɛ. Ama mɩ-na ŋ tɩntɩnna to La TƖƖNA nɛ mɩ hambiriŋ kala lɛ.

1 KUOROO 8:27

Ama Wɩa, ŋ sɛnɛ jaŋ hɛ dʋnɩa deeŋ lɛɛ? Wɩa-nyuŋ arɩ wɩa-nyuŋ balegi balegi ma paala bɩ jalɩa magɛ ŋ jʋʋnʋŋ. Ɛɛ nɛ saa ŋ jaŋ wuo jʋʋ dɩɩ-balɩŋ deeŋ mɩ sɩ saa tinteeŋ lɛ?

2 KUOROO 2:16

Ba bɩra bʋl, “Bee na, la-na ŋ tɩntɩnnaa ŋaa nɩduoruŋ mahɩŋ balɩa arɩ fii nɛ a hɛ daha. Leŋ dɩ la mʋ gɔllɔ chɛ ŋ nɩhɩaŋ. Kapo La TƖƖNA Dɩma-la joŋu jɩla sagɛ peeliŋ nyuŋ nɛ, koo ʋ kɛnʋ kaa tuu ta fuonaaŋ lɛ nɛ.” Elaasa bʋl, “Aɩ, Má sɩ́ mʋ.”

WƖA YƖƖLAA 148:4

Wɩa-nyuŋ dɩ-bolii arɩ lɩɩ-la kala sɩ hɛ wɩa-nyuŋ, má dɛnnʋ.

AZAAYA 57:15

Mɩ nɛ kɩɩ kʋŋkala a ŋaa Wɩa sɩ bɩ disiniŋ kɛnɛ. Mɩ hɛ nɩmɛ nɛ a kaa mʋ wuu. Mɩ hɛ wɩa-nyuŋ dɩ-bolii sɩ bɩ disiniŋ kɛnɛ nɛ. Ama mɩ ha yie guoli nɩalɩŋ sɩ kɛŋ ba tɩtɩa muuri a bɩrɩma lɩɩ ba wʋbɔŋŋɔɔ lɛ tʋɔŋ nɛ, a leŋ ba kɛŋ yɩɛlaa.

ƐZƖKƖƐL 11:24

Wɩalɩŋ mɩ fa sɩ na arɩ duosoo tʋɔŋ, Wɩa Dɩma-la jommi kaa mʋ nɩalɩŋ sɩ hɛ yoŋ-baga lɛ Babɩlɔŋ tinteeŋ. Ŋɩɩ nɛ wɩalɩŋ mɩ fa sɩ na a nagɛ duosoo tʋɔŋ lɛl.

ƐZƖKƖƐL 43:5

Ŋɩɩ nɛ Wɩa Dɩma jommi a kaa kʋ jʋʋ tʋɔŋ kaala-la, ka La TƖƖNA tʋla su ʋ dɩɩ-bal-la kala.

Luuk 24:51

Ʋ ha sɩ chʋɔlɛ Wɩa pɩpɩba ŋɩɩ, ŋɩɩ nɛ ʋ sii ba teeŋ (ka Wɩa joŋu kaa jɩl Wɩa-jaŋ).

Jɔɔŋ 6:56

Nɩɩ-la kala sɩ chaŋ mɩ yaraa nammɩa-la a nyʋa mɩ chal-la, ʋ jaŋ hɛ mɩ lɛ, dɩ mɩ ma hɛ ʋ lɛ.

Tɩntɩŋŋaa 14:6

Ba kʋ jɩŋ a sii fá mʋ Lisita, a lɩɩ nɩmɛ a mʋ Dɛɛbɩ. Ba kala ŋaa tabalaa nɛ Likoonia tinteeŋ lɛ. Ba mʋ tabiisi-la ma sɩ golli Lakoonia tinteeŋ chu.

Tɩntɩŋŋaa 22:17

Ŋɩɩ nɛ mɩ mɩɩra mʋ Jerusalɛm a jʋʋ Wɩa dɩɩ-bal-la a chʋchʋɔlɛ Wɩa. Mɩ sɩɩ chʋɔlɛ Wɩa ŋɩɩ,

Rom Tɩŋŋaa 16:10

Má chʋɔlɛ Apɛlɛs ma, ʋ faasa chɩŋ Kirisito wɩaa lɛ nɛ woruŋ. Má chʋɔlɛ Arisitobulus dɩa nɩaa ma.

Rom Tɩŋŋaa 16:3

Má chʋɔlɛ Pɩrɩsɩla arɩ Akuila. Mɩ dɩ ba kala nɩɩ tɩŋ tɩntɩŋŋaa aa pɩ Yesu Kirisito.

Rom Tɩŋŋaa 16:7

Má chʋɔlɛ Andɩrɔnɩkas arɩ Junias ma. Ba ma ŋaa Juu tɩmma nɛ. Mɩ dɩ ba kala nɛ fa hɛ sarɩka lɛ. Yesu nanzɔɔba-la tʋɔŋ nɩaa fa jɩmba nɛ woruŋ. Ba nɛ laa sɩpaaŋ laa Kirisito wɩaa dii mɩ lɛ.

Rom Tɩŋŋaa 16:9

Má chʋɔlɛ Abaanɩs ma, ʋ ŋaa la tɩntɩnnɩ dɔŋ nɛ Kirisito tɩntɩŋŋaa lɛ. Má chʋɔlɛ mɩ nandɔŋ-chooluŋ Sɩtakɩs ma.

Rom Tɩŋŋaa 8:1

Dɩ la dɩ Kirisito kala nɛ ŋaa kʋbala, Wɩa bɩra bɩ jaŋ dii la sarɩya a joŋ cheeriŋ pɩla.

1 Kɔrɩntɩ Nɩaa 1:30

Ama Wɩa leŋe ma to Kirisito Yesu lɛ nɛ a kɛŋ mɩɩsɩŋ. Wɩa saa leŋe Kirisito nɛ ŋaa la wʋjɩmɩŋ. A tɩŋ ʋ wɩaa Wɩa laala ta nɛ, la kʋ ŋaa tʋɔpʋl tɩmma ʋ teeŋ, a ŋaa nɩalɩŋ sɩ bɩ disiniŋ kɛnɛ.

2 Kɔrɩntɩ Nɩaa 11:11

Bɛɛ nɛ tɩɩ mɩ bɩ mɩ tɩtɩa joŋo ŋaa chʋga ma lɛ? Ma bɩɩna mɩ bɩ ma cho nɛɛ? Aɩ, Wɩa tɩtɩa jɩma arɩ mɩ choma nɛ.

2 Kɔrɩntɩ Nɩaa 13:5

Má beŋ ma tɩtɩa lɛ a pɛ mɩmagɩsɛ ma tɩtɩa, a na dɩ ma chɩŋ ma wɩalɩŋ ma sɩ laa dii naaŋ lɛ nɛ koo ma bɩ chɩna. Ma bɩ jɩŋ arɩ Yesu Kirisito hɛ ma lɛ nɛɛ? Dɩ ma nɛ bɩ jɩŋ dɩ ʋ hɛ ma lɛ, ŋɩɩ-na ma tele nɛ ŋɩɩ.

2 Kɔrɩntɩ Nɩaa 5:17

Ŋɩɩ wɩaa dɩ nʋʋkala nɛ laa Kirisito wɩaa dii, Wɩa kɛnʋ bɩrɩmɛ nɩ-falɩɩ nɛ. Wʋbɩnɩa-la kala bálá nɛ. Wʋfalaa nɛ suomi ʋ mɩɩsɩŋ lɛ.

2 Kɔrɩntɩ Nɩaa 5:21

Kirisito fa bɩ wʋbɔŋ kɛnɛ, ama a tɩŋ la wɩaa, Wɩa leŋe ʋ sʋʋ a nagɛ wʋbɔŋ ŋaarʋ. Wɩa ŋaa ŋɩɩ dɩ la wuo to Kirisito lɛ nɛ a kɛŋ tʋɔpʋla ʋ teeŋ.

Galiisia Nɩaa 1:22

Bʋa deeŋ kala lɛ nɩalɩŋ sɩ laa Yesu wɩaa dii aa hilimi Judiya tinteeŋ lɛ, ba fa ha bɩ mɩ jɩŋ.

Galiisia Nɩaa 5:6

Dɩ la dɩ Kirisito nɛ ŋaa kʋbala, dɩ la keri la penee koo dɩ la bɩ kere, ʋ bɩ wɩɩ kɛnɛ. Wɩɩ-la sɩ ŋaa sɩɩfɩaŋ wɩɩ nɛ, dɩ la laa Wɩa wɩaa dii a cho dɔŋɔ.

Ɛfɛsɩs Nɩaa 4:10

Nɩɩ-la tɩtɩa sɩ kʋ tuu tinteeŋ, ʋ nɛ bɩra jɩl Wɩa-jaŋ ŋɩɩ a kieli lere-la kala sɩ hɛ wɩa-nyuŋ, dɩ ʋ wuo hɛ lee-kala.

MOSIS BƖRA WULLI WƖA WOMBIIŊ 10:14

Ma TƖƖNA Wɩa nɛ tɩɩ wɩa-nyuŋ, Wɩa-jaŋ arɩ tinteeŋ arɩ kɩalɩŋ kala sɩ hɛ ba lɛ.

1 Tɛsalonaaka Nɩaa 4:17

Ŋɩɩ harɩŋ, la nɩalɩŋ sɩ hɛ la mɩɩsɩŋ lɛ, ʋ jaŋ kɛsɛla kaa pɛ nɩalɩŋ ʋ chɩsa sʋʋŋ lɛ, dɩ la kala cheŋ La Tɩɩna Yesu duoŋ-bɩlɩmbaanaa tʋɔŋ wɩa-nyuŋ. La jaŋ hɛ La Tɩɩna teeŋ a kaa mʋ wuu.

Hiburu TƖŊŊAA 4:14

Yesu nɛ ŋaa Wɩa Bie a bɩra ŋaa nɩalɩŋ sɩ tɩma pɩpɩ Wɩa nɩaa nyuŋ kʋhɩaŋ. Ʋ sɩ tɩŋ ʋ tɩntɩŋŋaa dɛrɛ, ʋ jɩl wɩa-nyuŋ a mʋ Wɩa teeŋ, ŋɩɩ wɩaa, má leŋ dɩ la kɛŋ wɩalɩŋ la sɩ laa dii woruŋ.

Hiburu TƖŊŊAA 9:24

Ʋ bɩ naga Kirisito jʋʋ lɛbɩ-la nuhuobiinee sɩ ŋaa nɛ. Nɩalɩŋ fa sɩ ŋaa lɛbɩ-la, ka chesi Wɩa dɩ-zɔŋ-la nɛ. Ama Kirisito jʋʋ Wɩa-jaŋ tɩtɩa nɛ, dɩ ʋ chɩŋ la nyuŋ Wɩa sɩpaaŋ.

Jɔɔŋ Wʋnaalaa 1:10

La Tɩɩna Wɩa tapʋlɩɩ kʋbala nɛ Wɩa Dɩŋ-zɔmʋŋ doluŋ kʋ hɛ mɩ lɛ woruŋ. Ŋɩɩ nɛ mɩ nɩɩ nʋʋ yikori-bal mɩ harɩŋ a nagɛ ba sɩɩ ŋmʋʋ banyilliŋ ŋɩɩ.

Jɔɔŋ Wʋnaalaa 12:5

Ŋɩɩ nɛ haal-la lʋl hambolibie, nɩɩ-la sɩ jaŋ beŋ dʋnɩa nɩaa kala arɩ hɔɔŋ dantɩga. Ŋɩɩ nɛ Wɩa joŋ bile kaa mʋ ʋ teeŋ a leŋ ʋ hɔŋ ʋ kuoru kpasa nyuŋ,

Jɔɔŋ Wʋnaalaa 4:2

Bʋa-la lɛ Wɩa Dɩŋ-zɔmʋŋ guu kʋ jʋʋmɛ, ŋɩɩ nɛ mɩ beŋ a na kuoru kpasa dɩ ʋ chɩŋ Wɩa-jaŋ lɛ, ka nʋʋ hɔŋ ʋ nyuŋ.